လံာ်စကၤရယၤ 2:6 - Sgaw Karen Common Bible

⁶ ယွၤစံးဘၣ်အပှၤဂီၢ်မုၢ်, “ယမၤလီၤပြံလီၤပြါတ့ၢ်သုလၢမူ ပၤလွံၢ်ထံးန့ၣ်လီၤ.

လံာ်စကၤရယၤ 2:6 Iomraidhean Croise

လံာ်တၢ်ကဲထီၣ်အခီၣ်ထံး 19:17

အန့ၣ်ဝံၤဒီးကလူးအကျါတဂၤန့ၣ်စံးဘၣ်အီၤ, “ဃ့ၢ်လၢသုသးသမူအဂီၢ်တက့ၢ်. ကွၢ်ဆူလီၢ်ခံတဂ့ၤ. ဒီးအိၣ်ကတီၢ်လၢတၢ်တြီၤပူၤတဂ့ၤ. ဃ့ၢ်ဆူတၢ်လူၢ်တဖၣ်အလိၤဒ် သိးသုသုတဘၣ်တၢ်မၤသံအီၤတဂ့ၤအဂီၢ်န့ၣ်တက့ၢ်.”

စံးထီၣ်ပတြၢၤ 44:2

လၢနစုဒၣ်နဲနနီၣ်ဟးထီၣ်ကွံာ်ပှၤတဘူၣ် ထီၣ်ဘါထီၣ်နၤသ့ၣ်တဖၣ်, ဒီးပာ်လီၤနပှၤဂီၢ်မုၢ်လၢ အဝဲသ့ၣ်အကီၢ်ပူၤဒ်လဲၣ်, နစံၣ်ညီၣ်ဃၣ်ပှၤကလုာ်ဂၤတဖၣ် ဒီးဒုးဘီၣ်ထီၣ်ညီထီၣ်နပှၤဂီၢ်မုၢ်ဒၣ်နဲဒ်လဲၣ်န့ၣ်လီၤ.

လံာ်ယၡါယၤ 48:20

ဟးထီၣ်လၢဝ့ၢ်ဘၤဘူၤလိၣ်တက့ၢ်. ဟးထီၣ်လၢတၢ်သဘျ့ အပူၤတက့ၢ်. ကိးပသူထီၣ်တၢ်ကစီၣ်လၢတၢ်သးခုအပူၤဒီးဘိးဘၣ်သ့ၣ်ညါအီၤ လၢတၢ်လီၢ်ကိးပူၤဒဲးတက့ၢ်. “ယွၤအုၣ်က့ၤခီၣ်က့ၤတ့ၢ်အခ့အပှၤအံၣ်စရ့လးလံ.”

လံာ်ယၡါယၤ 55:1

ယွၤစံးဝဲ, “ဟဲ, ကယဲၢ်ပှၤလၢတၢ်သူအသးလၢထံသ့ၣ်ဧၢ, ထံအိၣ်ဖဲအံၤလီၤ. ဟဲ, သုဝဲလၢအကျိၣ်အစ့တအိၣ်တဖၣ်ဧၢ, ပှ့ၤဘုခ့ဒီးအီၣ်အီတက့ၢ်. ဟဲ, ပှ့ၤစပံးထံဒီးတၢ်နုၢ်ထံတက့ၢ်. လၢသုဂီၢ်န့ၣ်, တၢ်အပှ့ၤတအိၣ်ဝဲနီတမံၤဘၣ်.

လံာ်ယံးရမံယၤ 1:14

အဝဲစံးဘၣ်ယၤ, “တၢ်မၤဟးဂီၤကကလာ်ထီၣ် လၢကလံၤစိးတခီဒီးပုာ်ထီၣ်ယွၤလီၤဘၣ်ပှၤလၢအအိၣ်လၢ ထံကီၢ်တဘ့ၣ်အပူၤခဲလၢာ်လီၤ.

လံာ်ယံးရမံယၤ 15:4

ယကဒုးကဲထီၣ်အဝဲသ့ၣ်လၢတၢ်လီၤပျံၤလီၤဖုးအဒိအတဲာ် တမံၤလၢပှၤဂီၢ်မုၢ်လၢဟီၣ်ခိၣ်ချၢခဲလၢာ်အဂီၢ်, မ့ၢ်လၢ, တၢ်လၢ စီၤဃံးစကံယၤအဖိခွါစီၤမနၤၡ့ၤမၤတ့ၢ်ဝဲလၢဝ့ၢ်ယရူၤရှလ့ၣ်အပူၤ, ဖဲအဝဲကဲကီၢ်ယူဒၤအစီၤပၤအဆၢကတီၢ်, အဃိန့ၣ်လီၤ.”

လံာ်ယံးရမံယၤ 3:18

ကီၢ်အံၣ်စရ့လးကပာ်ဖှိၣ်ဃုာ်အသးဒီးကီၢ်ယူဒၤဒီးအဝဲသ့ၣ်ကဟဲဝဲ တပူၤဃီလၢတၢ်စိာ်မၢကဲကုၢ်အလီၢ်လၢကလံၤစိးတခီဒီးအဝဲသ့ၣ် ကဟဲက့ၤကဒါက့ၤဆူထံကီၢ်လၢယဟ့ၣ်န့ၢ်သါတ့ၢ်အမိၢ်ပၢ်ဖံဖု လၢပျၢၤတဖၣ်ဒ်အမ့ၢ်အတၢ်န့ၢ်သါအဂၢၢ်အကျၢၤအသိးန့ၣ်လီၤ.”

လံာ်ယံးရမံယၤ 31:10

ယွၤစံးဝဲဒၣ်, “ပှၤကလုာ်သ့ၣ်ဧၢ, ဒိကနၣ်ယၤဒီး တဲဖျါထီၣ် ယတၢ်ကတိၤ တဖၣ်လၢ ပီၣ်လဲၣ်နံၤလၢ ကီၢ်အယံၤတဖၣ်န့ၣ်တက့ၢ်. ယမၤလီၤပြံလီၤပြါတ့ၢ် ယပှၤဂီၢ်မုၢ်, ဘၣ်ဆၣ်ယကထၢဖှိၣ်က့ၤ အဝဲသ့ၣ်, ဒီးကဟုကယာ် အဝဲသ့ၣ်ဒ် ပှၤကွၢ်သိတဂၤ ဟုကယာ်အသိတဖုအသိးန့ၣ်လီၤ.

လံာ်ယံးရမံယၤ 31:38

ယွၤစံးဝဲဒၣ်, “တၢ်ဆၢကတီၢ်ဟဲလံဝဲဖဲ ဝ့ၢ်ယရူၤၡလ့ၣ် ဒီတဝ့ၢ်ညါ ကဘၣ်တၢ်သူၣ်ထီၣ်ကဒါက့ၤအီၤဒ် ယဝ့ၢ်အသိး, စးထီၣ်လၢ မုၢ်နုာ်တၢးထီဃနၤန့လးပၢၢ်တုၤလၢတၢ်သနၢၣ်အတြဲၤန့ၣ်လီၤ.

လံာ်ယံးရမံယၤ 31:8

ယကဟဲစိာ်အဝဲသ့ၣ်လၢ ကလံၤစိးတခီ, ဒီးထၢဖှိၣ်အဝဲသ့ၣ်လၢ ဟီၣ်ခိၣ်အကတၢၢ်တဖၣ်န့ၣ်လီၤ. ပှၤမဲာ်ဘျီၣ်ဒီး ပှၤခီၣ်ဟးဂီၤ ကဟဲဃုာ်ဒီးအဝဲသ့ၣ်, ဃုာ်ဒီး ပိာ်မုၣ်လၢ အဒၢတဖၣ်ဒီး ပိာ်မုၣ်လၢဘူး အကဆံးစၢ်တ့ၢ်တဖၣ်န့ၣ်လီၤ. အဝဲသ့ၣ်ကဟဲက့ၤကဒါက့ၤဝဲ ဒ်ပှၤကလုာ်ဖးဒိၣ် တကလုာ်အသိးန့ၣ်လီၤ.

လံာ်ယံးရမံယၤ 50:8

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ထွးထီၣ်ဃ့ၢ်ကွံာ်လၢ ကီၢ်ဘၤဘူၤလိၣ်တက့ၢ်. ပာ်တ့ၢ်ကွံာ်ကီၢ်န့ၣ်တက့ၢ်. မ်နကမ့ၢ်ဒၣ်ဝဲ ပှၤအဆိကတၢၢ်လၢ အကဟးထီၣ်န့ၣ်တက့ၢ်.

လံာ်ယံးရမံယၤ 51:45

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဃ့ၢ်ထွးထီၣ်ကွံာ်ဖဲန့ၣ်တက့ၢ်. ဃ့ၢ်ထီၣ်ကွံာ်လၢ သုသးသမူအဂီၢ်ဒီး လၢယတၢ်သးကဲၤထီၣ် အအိၣ်န့ၣ်တက့ၢ်.

လံာ်ယံးရမံယၤ 51:50

ယွၤစံးဘၣ်အပှၤဂီၢ်မုၢ်လၢ ကီၢ်ဘၤဘူၤလိၣ် အပူၤ, “သုထူၣ်ဖျဲးတ့ၢ်လၢတၢ်သံလံ. အခဲကနံၣ်အံၤ လဲၤတၢ်တက့ၢ်. တဘၣ်အိၣ်ခိးတၢ်တဂ့ၤ. သုမ့ၢ်အိၣ်ယံၤ ဒီးဟံၣ်ဒၣ်လဲာ်န့ၣ်, ဆိကမိၣ်တၢ်ဘၣ်ဃးဒီးယၤ, သုကစၢ်, ဒီးသ့ၣ်နီၣ်ထီၣ်က့ၤ ဝ့ၢ်ယရူၤရှလ့ၣ်န့ၣ်တက့ၢ်.

လံာ်ယံးရမံယၤ 51:6

ထွးထီၣ်ဃ့ၢ်ကွံာ်လၢကီၢ်ဘၤဘူၤလိၣ်တက့ၢ်. လၢကီၢ်ဘၤဘူၤလိၣ်အတၢ်ဒဲးဘးအဃိန့ၣ်, ခီၣ်သံသုသးတဂ့ၤ. ခဲကနံၣ်အံၤ, ယဟ့ၣ်ကၣ်တၢ်ဒီး စံၣ်ညီၣ်အီၤဒ်အကြၢးဘၣ်တၢ်စံၣ် ညီၣ်အီၤအသိးန့ၣ်လီၤ.

လံာ်ယဃ့းစက့လး 11:16

ခဲကနံၣ်အံၤ, တၢ်လၢယစံးယဲန့ၣ်, စံးဘၣ်တဲဘၣ်ပှၤတဖၣ်လၢအဘၣ် တၢ်စိာ်မၢကဲကုၢ်သကိးဒီးနၤတက့ၢ်. ယမ့ၢ်ပှၤတဂၤလၢအဆှၢလီၤအဝဲသ့ၣ်လၢကလဲၤအိၣ်လဲၤဆိးလၢပှၤ ကလုာ်လၢအယံၤတဖၣ်အကျါ, ဒီးမၤလီၤပြံလီၤပြါအဝဲသ့ၣ်လၢထံဂုၤကီၢ်ဂၤတဖၣ်အပူၤန့ၣ်လီၤ. သနာ်က့, လၢတၢ်ဆၢကတီၢ်ဒ်အံၤအပူၤန့ၣ်, ယကအိၣ်လၢအဝဲသ့ၣ် အသိးအကျါလၢထံကီၢ်တဖၣ်လၢအဝဲသ့ၣ်လဲၤတ့ၢ်လံဝဲအပူၤန့ၣ်လီၤ.

လံာ်ယဃ့းစက့လး 17:21

အဝဲအသုးဖိအဂ့ၤကတၢၢ်တဖၣ်ကဘၣ်တၢ်မၤသံကွံာ်အီၤလၢတၢ်ဒုးတၢ် ယၤအပူၤ, ဒီးပှၤလၢအအိၣ်လီၤတဲာ်တဖၣ်ကဘၣ်တၢ်မၤလီၤ ပြံလီၤပြါအီၤဆူတၢ်လီၢ်ကိးကပၤဒဲးန့ၣ်လီၤ. အန့ၣ်ဒီး, သုကသ့ၣ်ညါလၢယၤ, ယွၤအံၤ, ကတိၤလံတၢ်လံန့ၣ်လီၤ.”

လံာ်ယဃ့းစက့လး 5:10

မၤသးဒ်န့ၣ်ဒီး, မိၢ်ပၢ်တဖၣ်လၢဝ့ၢ်ယရူၤရှလ့ၣ်အပူၤကအီၣ်အဖိ တဖၣ်, ဒီးအဖိတဖၣ်ကအီၣ်အမိၢ်ပၢ်တဖၣ်န့ၣ်လီၤ. ယကစံၣ်ညီၣ်နၤဒီးပှၤလၢအအိၣ်မူလီၤတဲာ်တဖၣ်န့ၣ်, ယကမၤလီၤပြံလီၤပြါအီၤဆူကလံၤကျိၤကိးကျိၤဒဲးန့ၣ်လီၤ.

လံာ်ယဃ့းစက့လး 5:12

နပှၤဂီၢ်မုၢ်သၢပူတပူကသံဝဲလၢတၢ်ဆူးတၢ်ဆါဒီးတၢ်သၣ်ဝံၤ လီၤဒိအဃိလၢဝ့ၢ်ပူၤလီၤ. သၢပူတပူကဘၣ်တၢ်ကျီကွံာ်အီၤလၢနးတဖၣ်လၢဝ့ၢ်အချၢ, ဒီးလၢခံကတၢၢ်သၢပူတပူန့ၣ်, ယကမၤလီၤပြံပြါအီၤလၢကလံၤကျါဒီးလူၤထွဲအဝဲသ့ၣ်အခံလၢ နးတဘ့ၣ်န့ၣ်လီၤ.

လံာ်ဒၤနံးယ့လး 11:4

ဘၣ်ဆၣ်ဒီးဖဲအတုၤလၢအစိဒိၣ်ကမီၤထီအကတၢၢ်န့ၣ် အဘီအမုၢ်ကလီၤပှီၢ်ဝဲဒီးနီၤဖးအသးလွံၢ်ခီလီၤ. စီၤပၤတဖၣ်လၢတမ့ၢ် ဘၣ်အစၢၤအသွဲၣ်န့ၣ်ကပၢတၢ်လၢအလီၢ်လီၤ. ဘၣ်ဆၣ်ဒီးအဝဲသ့ၣ်တမ့ၢ်လၢကအိၣ်ဒီးတၢ်စိတၢ်ကမီၤဒ်သိး အီၤဘၣ်.

လံာ်ဧၤမိၣ် 9:9

ယကဟ့ၣ်လီၤတၢ်မၤလိာ်ဒီးဂံၤဂုၤကီၢ်အံၣ်စရ့လးအပှၤဂီၢ်မုၢ်ဒ် ဘုဧိၤဟုဧိၤဘၣ်တၢ်ဂုၤအီၤလၢကီၢ်လဲၢ်ပူၤအသိးန့ၣ်လီၤ. ယကဂံၤဂုၤအဝဲသ့ၣ်လၢပှၤကလုာ်တဖၣ်ဒီးတၢၤကွံာ်ပှၤ လၢတဂိာ်တသီၣ်တၢ်တဖၣ်လီၤ.

လံာ်စကၤရယၤ 1:16

လၢတၢ်န့ၣ်အဃိ, ယဟဲက့ၤကဒါက့ၤဆူဝ့ၢ်ယရူၤရှလ့ၣ်လၢယကဒုး နဲၣ်တၢ်သးကညီၤဘၣ်ဝ့ၢ်အံၤန့ၣ်လီၤ. ယတၢ်လုၢ်ဟံၣ်ကဘၣ်တၢ်ပာ်ကဒါက့ၤအီၤ, ဖဲအအိၣ်တ့ၢ်ဝဲ အလီၢ်ဒီးဝ့ၢ်ကဘၣ်တၢ်ဘှီထီၣ်ကဒါက့ၤအီၤလီၤ.”

လံာ်စကၤရယၤ 2:7

မ့မ့ၢ်ခဲအံၤ, သုဝဲပှၤလၢအဘၣ်တၢ်စိာ်မၢကဲကုၢ်သ့ၣ်ဧၢ, မၤပူၤမၤဖျဲးသုသးလၢကီၢ်ဘၤဘူၤလိၣ်ဒီးဟဲက့ၤက ဒါက့ၤဆူဝ့ၢ်ယရူၤၡလ့ၣ်တက့ၢ်.

လံာ်မးသဲ 24:31

အဝဲကမၢလီၤအကလူးတဖၣ်, လၢအကွဲၤအသီၣ်ဖးဒိၣ်, ဒီးအဝဲသ့ၣ်ကထၢဖှိၣ်က့ၤယွၤအပှၤဃုထၢဖိတဖၣ်လၢဟီၣ်ခိၣ် အသနၢၣ်လွံၢ်သနၢၣ်, လၢဟီၣ်ခိၣ်ဒီဘ့ၣ်ညါန့ၣ်လီၤ.

လံာ်မၢ်ကူး 13:27

အဝဲဒၣ်ကမၢလီၤမူခိၣ်ကလူးတဖၣ်လၢကလဲၤဒီးကိးဖှိၣ်က့ၤ ကစၢ်ယွၤအပှၤဃုထၢဖိတဖၣ်အိၣ်လၢကလံၤထံးဒီးကလံၤစိး, လၢမုၢ်ထီၣ်ဒီးလၢမုၢ်နုာ်, လၢဟီၣ်ခိၣ်အကတၢၢ်ပၢၢ်တုၤလၢမူခိၣ်အကတၢၢ်န့ၣ်လီၤ.

လံာ်သိၣ်လီၤသီလီၤတၢ် 28:64

ယွၤကမၤလီၤပြံလီၤပြါကွံာ်သုဆူကယဲၢ်ပှၤကလုာ်တဖၣ်အကျါ, လၢဟီၣ်ခိၣ်အကတၢၢ်အံၤတခီဆူအကတၢၢ်န့ၣ်တခီ, ဒီးဖဲန့ၣ်သုကမၤကစၢ်တဖၣ်လၢတၢ်ဘှီအီၤဒီးသ့ၣ်ဒီးလၢၢ်အတၢ်, ကစၢ်တဖၣ်လၢသုဝဲမ့ၢ်ဂ့ၤ, သုမိၢ်ပၢ်ဖံဖုလၢပျၢၤတဖၣ်မ့ၢ် ဂ့ၤတဘူၣ်ထီၣ်ဘါထီၣ်တ့ၢ်အီၤလၢအပူၤကွံာ်နီတဘျီဘၣ်န့ၣ်လီၤ.

လံာ်လီၣ်ဖျါ 18:4

တုၤနုၤတစုယနၢ်ဟူတၢ်ကလုၢ်အဂၤတထံၣ်လၢမူခိၣ်န့ၣ်စံးဝဲ, “ဟးထီၣ်ကွံာ်တက့ၢ်, ယပှၤဂီၢ်မုၢ်သ့ၣ်ဧၢ, ဟးထီၣ်ကွံာ်လၢအဝဲဒၣ်အပူၤတက့ၢ်. သုတဘၣ်မၤဘၣ်ထွဲဃုာ်သုသးလၢ အဝဲအတၢ်ဒဲးဘးတဖၣ်ဘၣ်. သုတဘၣ်တူၢ်သကိးအဝဲအတၢ်စံၣ်ညီၣ်ဘၣ်.

လံာ်နီၢ်ရူၤသး 4:1

စီၤဘိၤဧးလဲၤဆူတၢ်အိၣ်ဖှိၣ်ရိဖှိၣ်အလီၢ်ဖဲဝ့ၢ်အပဲတရီ, ဒီးဆ့ၣ်နီၤဝဲဖဲန့ၣ်လီၤ. တုၤနုၤတစု, တုၤစီၤအလံၤမ့လ့း အဘူးအတံၢ်နီၢ်နီၢ်, လၢစီၤဘိၤဧးစံးကတိၤတ့ၢ်ဝဲလၢအဂ့ၢ်တဂၤ, ဟဲဝဲန့ၣ်ဒီး, စီၤဘိၤဧးကိးအီၤဒီးစံးဘၣ်အီၤ, “ယတံၤသကိးဧၢ, ဟဲဆ့ၣ်နီၤဖဲအံၤတက့ၢ်.” ဒီးဟဲဆ့ၣ်နီၤဝဲဒၣ်န့ၣ်လီၤ.