လံာ်စကၤရယၤ 2:1 - Sgaw Karen Common Bible

¹ လၢတၢ်ထံၣ်လၢညါခီအဂၤတမံၤအပူၤန့ၣ်, ယထံၣ်ဘၣ်ပှၤတဂၤလၢအအိၣ်ဒီးနီၣ်ထိၣ်ပျံၤတဘိလၢအစုပူၤလီၤ.

လံာ်စကၤရယၤ 2:1 Iomraidhean Croise

လံာ်ယၡါယၤ 54:16

ယတ့လီၤပာ်လီၤပှၤပိာ်ထးလၢအမၤကဲၤထီၣ်မ့ၣ်အူဒီးပိာ်စု ကဝဲၤတဖၣ်လီၤ. ယတ့လီၤစ့ၢ်ကီးပှၤသုးဖိလၢအသူတၢ်စုကဝဲၤ တဖၣ်န့ၣ်လၢကမၤသံတၢ်အဂီၢ်လီၤ.

လံာ်ယံးရမံယၤ 31:39

ဒီးဝ့ၢ်အလီၢ်ကဝီၤအဆၢအတၢ်ထိၣ်န့ၣ် ကစးထီၣ်အသးဖဲန့ၣ် လၢမုၢ်နုာ်တခီလၢ ကၢ်ရ့းအတၢ်လူၢ်ဒီး ကလဲၤတရံးဆူကိၤ သးန့ၣ်လီၤ.

လံာ်ယံးရမံယၤ 48:25

ကီၢ်မိၤအးအစိဒိၣ် ကမီၤထီဘၣ်တၢ်ဆီၣ်သနံး အီၤလံ. အစိကမီၤဘၣ်တၢ်မၤဟးဂီၤကွံာ်အီၤလံ. ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 40:3

အဝဲစိာ်ဃီၤယၤဘူးထီၣ်, ဒီးယထံၣ်ဘၣ်ပှၤတဂၤလၢအကပီၤဝဲဒ်တိၢ်ဘီအသိးန့ၣ်လီၤ. အဝဲဖီၣ်ဃးနီၣ်ထိၣ်ပျံၤလုၣ်တဘိဒီးနီၣ်ထိၣ်ဘိတဘိဒီး ဆၢထၢၣ်ဝဲဖဲကျဲစၢၤတပူၤအကပၤန့ၣ်လီၤ.

လံာ်ယဃ့းစက့လး 40:5

တၢ်လၢယထံၣ်ဘၣ်အီၤန့ၣ်, မ့ၢ်ယွၤအတၢ်လုၢ်ဟံၣ်ဒီးတၢ်ခိၣ်ဒူ တခါလၢအအိၣ်ဝးတရံးအီၤန့ၣ်လီၤ. ပှၤကညီတဂၤန့ၣ်ဟံးထီၣ် အနီၣ်ထိၣ်ဘိလၢအထီဃုပျၢ်ဒီးထိၣ်ဝဲတၢ်ခိၣ်ဒူန့ၣ်လီၤ. အထီအိၣ်ဝဲဒၣ်ဃုပျၢ်ဒီးအအီၣ်ဃီၤမ့ၢ်ဝဲဃုပျၢ်န့ၣ်လီၤ.

လံာ်ယဃ့းစက့လး 47:3

ပှၤတဂၤန့ၣ်ထိၣ်ဃီၤထံယွၤလီၤအကျိၤဆူမုၢ်ထီၣ် တကပၤလၢနီၣ်ထိၣ်လၢအအိၣ်ဒီးအီၤ အပျၢ်တကထိဒီးတဲဘၣ်ယၤလၢယကလဲၤ ခီဂာ်ထံကျိဖိဖဲတၢ်လီၢ်န့ၣ်လီၤ. ထံန့ၣ်ယိာ်ဝဲတုၤဒၣ်ဖဲ ယခီၣ်ဒ့န့ၣ်လီၤ.

လံာ်ယဃ့းစက့လး 47:4

အန့ၣ်ဝံၤဒီးအဝဲထိၣ်ကဒီးဝဲဆူညါအပျၢ်တကထိဒီးထံဟဲထီၣ် တုၤလၢယခီၣ်လ့ၢ်ခိၣ်န့ၣ်လီၤ. လဲၤလီၤကဒီးဝဲဆူညါအပျၢ် တကထိဒီးထံန့ၣ်တုၤလၢယယီၢ်ဒ့န့ၣ်လီၤ.

လံာ်ဒၤနံးယ့လး 7:7

ဒ်ယအိၣ်ခိးကွၢ်တၢ်အသိးန့ၣ်, ဆၣ်ဖိကီၢ်ဖိအၢအၢသီသီ လွံၢ်ဒုတဒုအိၣ်ဖျါထီၣ်ဝဲဒၣ်န့ၣ်လီၤ. အဝဲအဂံၢ်အဘါဆူၣ်ဒိၣ် မး, အၢဝဲသီဝဲဒိၣ်ဒိၣ်ကလဲာ်ဒီးလီၤပျံၤလီၤဖုးဒိၣ်မးန့ၣ်လီၤ. လၢအမဲထးဖးဒိၣ်တဖၣ်န့ၣ်အ့ၣ်လီၤကလဲကွံာ်တၢ်ဒီးယီၢ်တံၢ် ဝဲတၢ်အိၣ်လီၤတဲာ်တဖၣ်န့ၣ်လီၤ. အဝဲဒၣ်လီၤဆီန့ၢ်ဆၣ်ဖိကီၢ် ဖိအဂၤတဖၣ်ဒီးအနၢၤအိၣ်အဘိတဆံန့ၣ်လီၤ.

လံာ်စကၤရယၤ 1:16

လၢတၢ်န့ၣ်အဃိ, ယဟဲက့ၤကဒါက့ၤဆူဝ့ၢ်ယရူၤရှလ့ၣ်လၢယကဒုး နဲၣ်တၢ်သးကညီၤဘၣ်ဝ့ၢ်အံၤန့ၣ်လီၤ. ယတၢ်လုၢ်ဟံၣ်ကဘၣ်တၢ်ပာ်ကဒါက့ၤအီၤ, ဖဲအအိၣ်တ့ၢ်ဝဲ အလီၢ်ဒီးဝ့ၢ်ကဘၣ်တၢ်ဘှီထီၣ်ကဒါက့ၤအီၤလီၤ.”

လံာ်စကၤရယၤ 1:18

လၢတၢ်ထံၣ်လၢညါခီအဂၤတမံၤအပူၤန့ၣ်, ယထံၣ်ကျီၢ်ဖါအနၢၤလွံၢ်ဘိလီၤ.

လံာ်လီၣ်ဖျါ 11:1

တုၤနုၤတစုတၢ်ဟ့ၣ်ယၤနီၣ်ထိးဘိတဘိလၢအလီၤဂာ်ဒီးနီၣ်ထိၣ်, ဒီးယဘၣ်တၢ်စံးဘၣ်ယၤ, “လဲၤဒီးထိၣ်ကွၢ်ကစၢ်ယွၤအတၢ်လုၢ်ဟံၣ်ဒီးတၢ်လုၢ်လီၢ်, ဒီးဂံၢ်ကွၢ်ပှၤတဖၣ်လၢအဘူၣ်ထီၣ်ဘါထီၣ်တၢ်ဖဲတၢ်လုၢ်ဟံၣ် အပူၤန့ၣ်တက့ၢ်.

လံာ်လီၣ်ဖျါ 21:15

ကလူးလၢအကတိၤတၢ်ဒီးယၤတဂၤန့ၣ်အိၣ်ဒီးနီၣ်ထိၣ်ထူ တဘိလၢအကထိၣ်ကွၢ်ဝ့ၢ်, ဝ့ၢ်အတြဲၤဖးဒိၣ်တဖၣ်, ဒီး အတၢ်ဒူၣ်တဖၣ်အဂီၢ်လီၤ.