လံာ်စကၤရယၤ 14:4 - Sgaw Karen Common Bible

⁴ ဖဲအဆၢကတီၢ်အဝဲန့ၣ်န့ၣ်, အဝဲကဆၢထၢၣ်လၢကစၢၢ်သ့ၣ်စၤယံးအ လိၤ, လၢအအိၣ်ဝဲဒၣ်လၢဝ့ၢ်ယရူၤၡလ့ၣ်အမုၢ်ထီၣ်န့ၣ်လီၤ. အန့ၣ်ဒီး, ကစၢၢ်သ့ၣ်စၤယံးကသ့ၣ်ဖးကွံာ်ဝဲဒၣ်ခံခီလၢမုၢ်ထီၣ်ဒီးမုၢ်နုာ်, တၢ်တြီၤဖးဒိၣ်တပူၤကအိၣ်ထီၣ်ဝဲဒၣ်လီၤ. ကစၢၢ်တဝာ်န့ၣ်ကသုးအသးဆူကလံၤစိးတကပၤ, ဒီးအတဝာ်န့ၣ်ဆူကလံၤထံးလီၤ.

လံာ်စကၤရယၤ 14:4 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:30

စီၤဒၤဝံးလဲၤထီၣ်ဝဲဆူညါဆူကစၢၢ်သ့ၣ်စၤယံးအလိၤဒီးဟီၣ်ဝဲယၢၤဝဲလီၤ. လဲၤတၢ်လၢအခီၣ်ညါသးဒီးကးဘၢအခိၣ်ဒ်တၢ်သးအုၣ်အပနီၣ်အသိး န့ၣ်လီၤ. ပှၤခဲလၢာ်လၢအပိာ်အခံစ့ၢ်ကီးကးဘၢအခိၣ်ဒီးဟီၣ်ဝဲဒၣ်န့ၣ် လီၤ.

လံာ်ယဃ့းစက့လး 11:23

ဝံၤဒီး, တၢ်ကပီၤဆဲးကပြုၢ်ဟးထီၣ်ကွံာ်လၢဝ့ၢ်အပူၤဒီးသုး အသးဆူကစၢၢ်လၢမုၢ်ထီၣ်တခီန့ၣ်လီၤ.

လံာ်ယဃ့းစက့လး 38:20

ကယဲၢ်ညၣ်ဒီးထိၣ်, ကယဲၢ်ဆၣ်ဖိကီၢ်ဖိဒိၣ်မ့ၢ်ဂ့ၤဆံးမ့ၢ်ဂ့ၤ, ဒီးကယဲၢ်ပှၤကညီလၢဟီၣ်ခိၣ်အမဲာ်ဖံးခိၣ်, ကကနိးကစုာ်လၢတၢ် ပျံၤယွၤအဃိန့ၣ်လီၤ. ကစၢၢ်ကလိတဖၣ်ကလီၤပှီၢ်ဝဲ, လ့ကဘျၣ်ဖးထီတဖၣ်ကလီၤကလဲကွံာ်ဝဲဒီးကယဲၢ်တၢ်ဒူၣ်ကိးခါဒဲး ကလီၤပှီၢ်ကွံာ်န့ၣ်လီၤ.

လံာ်ယဃ့းစက့လး 43:2

ဒီးဖဲန့ၣ်, ယထံၣ်ဘၣ်အံၣ်စရ့လးအကစၢ်ယွၤအတၢ်အိၣ်ဝဲဆိးဝဲ အတၢ်ကပီၤကပြုၢ်ကပြီၤဟဲဝဲလၢမုၢ်ထီၣ်တခီန့ၣ်လီၤ. ကစၢ်ယွၤ အကလုၢ်န့ၣ်သီၣ်ထီၣ်ဝဲလီၤဂာ်ဒ်ပီၣ်လဲၣ်သီၣ်ထီၣ်ရုၢ်ရုၢ်အသိးဒီး ဟီၣ်ခိၣ်ကပီၤထီၣ်ဝဲဒီးတၢ်ကပီၤကပြုၢ်ကပြီၤန့ၣ်လီၤ.

လံာ်ဃဘးကူာ် 3:6

တုၤအအိၣ်ကတီၢ်ဒီးဟီၣ်ခိၣ်ဟူးဝးဝဲ, ကွၢ်ဃီၤတၢ်ဒီးပှၤကလုာ်တဖၣ်ကနိးကစုာ်န့ၣ်လီၤ. ကစၢၢ်ကလိအထူအယိာ်တဖၣ်သ့ၣ်ဖးလီၤကလဲ, တၢ်စိခိၣ်အထူအယိာ်တဖၣ်, တၢ်စိခိၣ်လၢအယီၢ်လီၤတ့ၢ်ဝဲလၢပျၢၤလၢကစၢၤ သ့ၣ်တဖၣ်လီၤယၢၣ်ကွံာ်ဝဲလီၤ.

လံာ်စကၤရယၤ 14:10

လီၢ်ကဝီၤဒီတကဝီၤညါ, စးထီၣ်လၢဝ့ၢ်က့ဘၢ်လၢကလံၤစိး, ပၢၢ်လၢဝ့ၢ်ရံးမိၣ်လၢကလံၤထံးန့ၣ်ကဘၣ်တၢ်မၤပၢၤအီၤလီၤ. ဝ့ၢ်ယရူၤၡလ့ၣ်ကအိၣ်ထီၣ်ထီလၢတၢ်လီၢ်လၢအအိၣ်ဝးတရံးအီၤ တဖၣ်အဖီခိၣ်န့ၣ်လီၤ. ဝ့ၢ်န့ၣ်အိၣ်သူၣ်လီၤဒၣ်အသးဖဲအလီၢ်လီၢ်စးထီၣ်လၢဘံၣ် ယၤမံၣ်အတြဲၤဒီးတုၤဆူဝ့ၢ်သနၢၣ်အတြဲၤ, လၢအမ့ၢ်တြဲၤလၢအအိၣ်ပာ်တ့ၢ်လၢပျၢၤ, ဒီးစးထီၣ်လၢတၢးထီဃနၤန့လးဒီးတုၤဆူစီၤပၤအနီၣ်စံၣ် စပံးထံတဖၣ်အလီၢ်န့ၣ်လီၤ.

လံာ်စကၤရယၤ 14:7

ဖဲန့ၣ်တၢ်ကပီၤကအိၣ်ဝဲဒၣ်ထီဘိ, လၢမုၢ်နၤခီအဆၢကတီၢ်ဒၣ်လဲာ်န့ၣ်လီၤ. တၢ်အံၤကမၤအသးအခါဖဲလဲၣ်န့ၣ်ပှၤလၢအသ့ၣ်ညါမ့ၢ်ဒၣ်ထဲယွၤတဂၤ ဧိၤလီၤ.

လံာ်စကၤရယၤ 14:8

ဖဲမုၢ်နံၤအဝဲန့ၣ်တုၤဃီၤန့ၣ်, ထံမူကယွၤလီၤဝဲဒၣ်လၢဝ့ၢ်ယရူၤၡလ့ၣ်, တဝာ်န့ၣ်ကယွၤလီၤဆူပီၣ်လဲၣ်သံ, ဒီးအဂၤတဝာ်န့ၣ်ကယွၤလီၤဝဲဒၣ်ဆူပီၣ်လဲၣ်ဖးဒိၣ်မဲးထံးထၢၣ် ရ့နယၢၣ်န့ၣ်လီၤ. ထံမူအံၤကယွၤလီၤဝဲဒၣ်လၢဒီတနံၣ်ညါအတီၢ်ပူၤ, လၢတၢ်ယီၤအကတီၢ်ဒီးတၢ်စူၤအကတီၢ်စ့ၢ်ကီးန့ၣ်လီၤ.

လံာ်စကၤရယၤ 4:7

တၢ်မၤတံာ်တၢ်တဖၣ်မ့ၢ်ဒိၣ်ထဲသိးကစၢၢ်တဖၣ်ဘၣ်ဆၣ် ကဟါမၢ်ကွံာ်လၢနမဲာ်ညါလီၤ. နကဘှီထီၣ်ကဒါက့ၤတၢ်လုၢ်ဟံၣ်, ဒီးဖဲနပာ်လီၤလၢၢ်လၢခံကတၢၢ်တဖျၢၣ်လၢအလီၢ်န့ၣ်, ပှၤဂီၢ်မုၢ်ကကိးထီၣ်ဝဲ, ဃံလၤမးလဲၣ်, ဃံလၤမးလဲၣ်န့ၣ် လီၤ.”

လံာ်မၢ်ကူး 11:23

ယစံးဘၣ်သုသပှၢ်ကတၢၢ်လီၤ. ပှၤတဂၤဂၤမ့ၢ်စံးဘၣ်ကစၢၢ်တဖျၢၣ်အံၤလၢအကထုးထီၣ်ကွံာ် အသးဖဲအလီၢ်အံၤဒီးကွံာ်လီၤအသးဆူပီၣ်လဲၣ်ပူၤဒီး တၢ်သးဒ့ဒီမ့တအိၣ်လၢအသးပူၤဘၣ်, မ့မ့ၢ်နာ်ဝဲလၢတၢ်ကမၤဒၣ်အသးဒ်အစံးဘၣ်ဝဲ အသိးန့ၣ်ဒီး, တၢ်န့ၣ်ကမၤဒၣ်အသးလၢအဂီၢ်လီၤ.