လံာ်စကၤရယၤ 14:2 - Sgaw Karen Common Bible

² ယွၤကဒုးဟဲဖှိၣ်ပှၤကလုာ်ခဲလၢာ်လၢကဒုး တၢ်ထီဒါဝ့ၢ်ယရူၤၡလ့ၣ်န့ၣ်လီၤ. ဝ့ၢ်န့ၣ်ကဘၣ်တၢ်မၤန့ၢ်အီၤ, ဟံၣ်တဖၣ်ကဘၣ်တၢ်ဂုာ်ဆူၣ်ပျီဆူၣ်အီၤ, ဒီးပိာ်မုၣ်တဖၣ်ကဘၣ်တၢ်မၤဆူၣ်မၤစိးအီၤန့ၣ်လီၤ. ဒီးပှၤဂီၢ်မုၢ်တဝာ်န့ၣ်ကလဲၤလီၤဆူတၢ်စိာ်မၢကဲကုၢ်အလီၢ်, မ့မ့ၢ်ပှၤဂီၢ်မုၢ်လၢအအိၣ်လီၤတဲာ်န့ၣ်ကအိၣ်တ့ၢ်ဝဲဒၣ်ဖဲဝ့ၢ်ပူၤလီၤ.

လံာ်စကၤရယၤ 14:2 Iomraidhean Croise

လံာ်ယၡါယၤ 13:16

ဖဲအဝဲသ့ၣ်ကွၢ်တၢ်လၢတၢ်မၤစၢၤတအိၣ်ဘၣ်အပူၤန့ၣ်, အဖိဆံးဖိတဖၣ်ကဘၣ်တၢ်တီၢ်သံကွံာ်အီၤ, အဟံၣ်တဖၣ် ကဘၣ်တၢ်ဂုာ်ဆူၣ်ပျီဆူၣ်အီၤ, ဒီးအမါတဖၣ်ကဘၣ်တၢ်မၤ ဆူၣ်မၤစိးအီၤန့ၣ်လီၤ.”

လံာ်ယၡါယၤ 4:3

ပှၤကိးဂၤဒဲးလၢအအိၣ်လီၤတဲာ်တ့ၢ် လၢဝ့ၢ်ယရူၤၡလ့ၣ်အပူၤပှၤလၢယွၤ ဃုထၢတ့ၢ်အီၤလၢကမူဒံးတဖၣ်ကဘၣ် တၢ်ကိးအီၤလၢပှၤစီဆှံလီၤ.

လံာ်ယၡါယၤ 5:26

ယွၤဟ့ၣ်တၢ်ပနီၣ်လၢတၢ်ကကိး ပှၤကလုာ်လၢထံယံၤကီၢ်ယံၤအဂီၢ်လီၤ. အဝဲညိၣ်ကလံၤလၢအဝဲသ့ၣ် အဂီၢ်ဒ်သိးအကဟဲလၢဟီၣ်ခိၣ်အကတၢၢ်ဒီး ကွၢ်ကွၢ်အဝဲသ့ၣ်ဟဲဝဲပ့ၢ်ပ့ၢ်ဆှါဆှါဒီးချ့ချ့လီၤ.

လံာ်ယၡါယၤ 65:18

သူၣ်ခုသးခုဒီးသူၣ်ဖှံသးညီလီၤစိၤလီၤထီလၢတၢ်လၢယတ့လီၤ ပာ်လီၤအပူၤန့ၣ်တက့ၢ်. ဝ့ၢ်ယရူၤၡလ့ၣ်အသီလၢယတ့လီၤ အီၤအံၤကပှဲၤဒီးတၢ်သးခုဒီးအပှၤဂီၢ်မုၢ်ကသူၣ်ဖှံသးညီဝဲလီၤ.

လံာ်ယံးရမံယၤ 21:4

ကက့ၤတဲဘၣ်စီၤစံးဒကံယၤလၢယွၤ, အံၣ်စရ့လးအကစၢ်ယွၤ စံးတ့ၢ်ဝဲဒ်အံၤ, “စီၤစံးဒကံယၤဧၢ, နသုးမုၢ်လၢအဒုးတၢ်ထီဒါ ကီၢ်ဘၤဘူၤလိၣ်အစီၤပၤဒီးအသုးမုၢ်န့ၣ်ယကဒုးတၢ်ဒီးအီၤ ဒီးမၤနၢၤကွံာ်အီၤလီၤ. ယကပူၣ်ထီၣ်နသုးမုၢ်သံၣ်ဘိအစုက ဝဲၤတဖၣ်လၢဝ့ၢ်အခၢၣ်သးန့ၣ်လီၤ.

လံာ်ယံးရမံယၤ 34:1

ယွၤကတိၤတ့ၢ်တၢ်ဒီးယၤ, ဖဲကီၢ်ဘၤဘူၤလိၣ် အစီၤပၤနဘူၤကးန့စၢ်ဒီး အသုးမုၢ်, လၢအဘၣ် တၢ်မၤစၢၤအီၤလၢ ထံကီၢ်တဖၣ်ဒီး ပှၤကလုာ်ခဲ လၢာ်လၢ အဝဲပၢဘၣ်ဝဲ အသုးဖိတဖၣ်, လဲၤထီၣ် ဒုးဝ့ၢ်ယရူၤၡလ့ၣ်ဒီး အဝ့ၢ်အိၣ်ဘူးအိၣ်တံၢ်တဖၣ် အခါန့ၣ်လီၤ.

လံာ်သးသယုၢ်တၢ် 1:10

အဒုၣ်အဒါတဖၣ်ဂုာ်န့ၢ်အတၢ်လုၢ်ဒိၣ်ပှ့ၤဒိၣ်လၢအအိၣ်ဒီးအီၤ တဖၣ်ခဲလၢာ်လီၤ. ထံၣ်ဘၣ်တ့ၢ်ဝဲအဒုၣ်အဒါတဖၣ်နုာ်လီၤဆူ တၢ်လုၢ်ဟံၣ်အပူၤ, တၢ်လီၢ်ဖဲယွၤတြီပှၤကလုာ်ဂၤတဖၣ်လၢ အသုတလဲၤနုာ်တဂ့ၤန့ၣ်လီၤ.

လံာ်ယဃ့းစက့လး 5:8

လၢတၢ်န့ၣ်အဃိ, ယၤ, ယွၤပၢဘၣ်တၢ်ခဲလၢာ်ကစၢ်, စံးဘၣ်နၤလၢယမ့ၢ်နဒုၣ်နဒါလီၤ. ယကစံၣ်ညီၣ်နၤဖဲပှၤကလုာ်ခဲ လၢာ်ထံၣ်ဘၣ်ဝဲကသ့န့ၣ်လီၤ.

လံာ်ယိၤအ့လး 3:2

ယကပာ်ဖှိၣ်ပှၤကလုာ်ခဲလၢာ်, ဒီးဟဲစိာ်အီၤဆူတၢ်စံၣ်ညီၣ်အတြီၤပူၤန့ၣ်လီၤ. ဖဲန့ၣ်ယကစံၣ်ညီၣ်အဝဲသ့ၣ် မ့ၢ်လၢအမၤလီၤပြံလီၤပြါယပှၤဂီၢ်မုၢ်အဃိန့ၣ်လီၤ. အဝဲသ့ၣ်မၤလီၤပြံလီၤပြါပှၤအံၣ်စရ့လးဖိလၢတခီထံတခီ ကီၢ်တဖၣ်အပူၤ, ဒီးနီၤဖးကွံာ်ယထံယကီၢ်, ကီၢ်အံၣ်စရ့လးန့ၣ်လီၤ.

လံာ်ယိၤအ့လး 3:9

ဘိးဘၣ်သ့ၣ်ညါတၢ်အံၤဆူပှၤကလုာ်တဖၣ်အကျါ, ကတဲာ်ကတီၤတၢ်လၢတၢ်ဒုးတၢ်ယၤအဂီၢ်, ကိးထီၣ်သုပှၤသုးဖိအဆူၣ်တဖၣ်, ကရၢကရိထီၣ်သုသုးဖိသံၣ်ဖိခဲလၢာ်ဒီးလဲၤထီၣ်ဒုးတၢ်တက့ၢ်.

လံာ်ဧၤမိၣ် 7:17

မၤသးဒ်န့ၣ်ဒီးစီၤအမၤစယါဧၢ, ယွၤစံးဘၣ်နၤ, နမါကကဲထီၣ်ဃဲသဲမုၣ်လၢဝ့ၢ်ပူၤ, နဖိတဖၣ် ကသံလၢတၢ်ဒုးအပူၤလီၤ. နထံနကီၢ်ကဘၣ်တၢ်နီၤဖးကွံာ်အီၤဒီး ကဘၣ်တၢ်ဟ့ၣ်လီၤကွံာ်အီၤဆူပှၤဂၤန့ၣ်လီၤ. ဒီးနဲဒၣ်, နကစၢ်ဒၣ်နဲနကသံလၢကီၢ်တကဆှီဘၣ်တဘ့ၣ်အပူၤန့ၣ်လီၤ. ဒီးကီၢ်အံၣ်စရ့လးအပှၤဂီၢ်မုၢ်ကဘၣ်တၢ်စိာ်ထီၣ်ကွံာ်အီၤလၢ အကီၢ်ဒၣ်ဝဲအပူၤဆူတၢ်စိာ်မၢကဲကုၢ်အပူၤသပှၢ်တၢၢ်န့ၣ်လီၤ.

လံာ်စကၤရယၤ 12:2

“ယကမၤဝ့ၢ်ယရူၤၡလ့ၣ်ဒ်စပံးထံတခွးအသိး, ဒီးပှၤကလုာ်တဖၣ်လၢအအိၣ်ဝးတရံးအီၤန့ၣ်ကအီအီၤဒီး ကလဲၤကနုၤကပၤဒ်ပှၤအီမူၤသံးတဖၣ်အသိးန့ၣ်လီၤ. ဒီးဖဲအဝဲသ့ၣ်ကဝီၤဃာ်ဝ့ၢ်ယရူၤၡလ့ၣ်အခါန့ၣ်ကီၢ်ယူဒၤအ ဝ့ၢ်လၢအအိၣ်တ့ၢ်တဖၣ်ကဘၣ်တၢ်ကဝီၤဃာ်အီၤစ့ၢ်ကီးန့ၣ်လီၤ.

လံာ်စကၤရယၤ 12:3

ဘၣ်ဆၣ်ဒီးဖဲအဆၢကတီၢ်အဝဲန့ၣ်တုၤဃီၤဒီး, ယကဒုးကဲထီၣ်ဝ့ၢ်ယရူၤၡလ့ၣ်ဒ်လၢၢ်အဃၢတဖျၢၣ်အသိး, ဒီးကယဲၢ်ပှၤတကလုာ်ဂ့ၤတကလုာ်ဂ့ၤလၢအကျဲးစၢးစိာ်ထီၣ်အီၤန့ၣ် ကဘၣ်ဒိဘၣ်ထံးဝဲဒၣ်လီၤ. ပှၤကလုာ်ခဲလၢာ်လၢဟီၣ်ခိၣ်ချၢကပာ်ဖှိၣ်ထီၣ်အသုးမုၢ်သံၣ်ဘိ တဖၣ်ဒီးကဒုးတၢ်ထီဒါအီၤလီၤ.

လံာ်စကၤရယၤ 12:9

ဖဲအဆၢကတီၢ်အဝဲန့ၣ်, ယကမၤဟးဂီၤပှၤကလုာ်ခဲလၢာ်လၢအကျဲးစၢးဟဲဒုးထီ ဒါဝ့ၢ်ယရူၤၡလ့ၣ်န့ၣ်လီၤ.

လံာ်မးသဲ 22:7

စီၤပၤန့ၣ်အသးဒိၣ်ထီၣ်ဒိၣ်ဒိၣ်ကလဲာ်, ဒီးဆှၢလီၤအသုးဖိတဖၣ်လၢအကမၤသံကွံာ် ပှၤမၤသံတၢ်ဖိတဖၣ်, ဒီးဒွဲၣ်ကွံာ်အဝဲသ့ၣ်အဝ့ၢ်န့ၣ်လီၤ.

လံာ်မၢ်ကူး 13:14

သုဝဲသ့ၣ်သုကထံၣ်ဘၣ်တၢ်မၤလီၤပျံၤလီၤဖုးတၢ်လၢအလီၤ သးဘၣ်အၢဒိၣ်ဒိၣ်ကလဲာ်န့ၣ်အိၣ်ဝဲလၢတၢ်လီၢ်လၢအတကြၢး အိၣ်ဝဲဘၣ်န့ၣ်လီၤ. (ပှၤဖးတၢ်ဖိတဂၤကဘၣ်နၢ်ပၢၢ်တၢ်တမံၤအံၤ အခီပညီသပှၢ်ကတၢၢ်လီၤ.) အန့ၣ်တစုပှၤအိၣ်လၢကီၢ်ယူဒၤပူၤ တဖၣ်ကဘၣ်ဃ့ၢ်ပူၤဖျဲးအသးဆူကစၢၢ်ကလိတဖၣ်အကျါလီၤ.

လံာ်မၢ်ကူး 13:19

အဂ့ၢ်ဒ်လဲၣ်န့ၣ်, တၢ်နးတၢ်ဖှီၣ်တကလုာ်လၢမုၢ်နံၤမုၢ်သီတဖၣ်န့ၣ်ကမ့ၢ်တၢ်လၢ အနးဒိၣ်မးတကလုာ်လၢအတမၤဒံးဘၣ်အသးနီတစုလၢ ယွၤတ့လီၤပာ်လီၤတၢ်လၢထံးလၢသီတုၤလီၤလၢအခါခဲအံၤ န့ၣ်လီၤ. ဒီးတမ့ၢ်လၢတၢ်ကမၤအသးဒ်သိးအံၤနီတစုလၢၤဘၣ်.

လံာ်လူၤကၣ် 2:1

ဖဲအဆၢကတီၢ်အဝဲန့ၣ်, စီၤပၤဖးဒိၣ်အီၤကူစတူးဟ့ၣ်လီၤ အကလုၢ်လၢတၢ်ကဂံၢ်ထံဖိကီၢ်ဖိလၢအအိၣ်ဝဲဆိးဝဲ သကုၤရိမ့ၤအဘီအမုၢ်အပူၤတဖၣ်ခဲလၢာ်ခီဖျိတၢ်ဆဲးလီၤ အမံၤန့ၣ်လီၤ.