လံာ်စကၤရယၤ 14:12 - Sgaw Karen Common Bible

¹² ယွၤကဒုးလီၤဘၣ်တၢ်ဆါလီၤပျံၤလီၤဖုးတမံၤဆူပှၤကလုာ်ခဲ လၢာ်လၢအဟဲဒုးတၢ်ဒီးဝ့ၢ်ယရူၤၡလ့ၣ်လီၤ. ဖဲအအိၣ်မူဒံးအဖၢမုၢ်ဒၣ်လဲာ်, အဝဲသ့ၣ်အဖံးအညၣ်ကအုၣ်သံကျၣ်သံ, ဒီးအမဲာ်ချံတဖၣ်ဒီးအပျ့ၤတဖၣ်ကအုၣ်ကကျၣ်ကွံာ်ဝဲဒၣ် န့ၣ်လီၤ.

လံာ်စကၤရယၤ 14:12 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 21:15

နကစၢ်ဒၣ်နဲနကတူၢ်ဘၣ်ပှံာ်အတၢ်ဆါလၢအဆါနးမးတမံၤ, လၢကအၢထီၣ်နးထီၣ်ဝဲတနံၤဘၣ်တနံၤန့ၣ်လီၤ.”

လံာ်စီၤယိၤဘး 18:13

တၢ်ဆါသံသတြိာ်ကရၤလီၤအသးလၢအနီၢ်ခိအလိၤ ဒီးကမၤကျၣ်ကွံာ်အစုဒုၣ်ဒီးအခီၣ်တဖၣ်န့ၣ်လီၤ.

စံးထီၣ်ပတြၢၤ 90:11

မ့ၢ်မတၤဆိကမိၣ်ထီၣ်နတၢ်သးထီၣ်အစိအကမီၤ ဒီးသ့ၣ်ညါတၢ်ပျံၤလၢနတၢ်သးကဲၤထီၣ် ဟဲစိာ်ဝဲသ့န့ၣ်တဂၤလဲၣ်.

လံာ်တၢ်ဘူၣ်ထီၣ်ဘါထီၣ် 26:16

ယကစံၣ်ညီၣ်သုလီၤ. ယကဟဲစိာ်တၢ်နးတၢ်ဖှီၣ်လၢသုလိၤဒ်တၢ်ဆါလၢအဘျါတသ့, တၢ်လိၤကိၢ်လၢအကမၤဘျီၣ်သုမဲာ်, ဒီးဟံးထီၣ်ကွံာ်သုသးသမူန့ၣ်လီၤ. သုကသူၣ်လီၤဖျးလီၤဘုဧိၤဟုဧိၤဘၣ်ဆၣ်ကကဲထီၣ်တၢ်ကလီကလီလီၤ. အဂ့ၢ်ဒ်အံၤ, သုဒုၣ်သုဒါကမၤနၢၤသုဒီးအီၣ်ကွံာ်တၢ်လၢသုသူၣ်လီၤတဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:18

ဒီးတၢ်စံၣ်ညီၣ်လၢထးတဖၣ်အံၤဘၣ်သုဒၣ်လဲာ်န့ၣ်သုမ့ၢ်တဒိ ကနၣ်ဘၣ်ယၤဒီး, ယကမၤအါထီၣ်တၢ်စံၣ်ညီၣ်နွံဘျီလၢသုဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 26:21

သုမ့ၢ်ထီဒါဒံးယၤဒီးတဒိကနၣ်ဘၣ်ယၤန့ၣ်, ယကမၤအါထီၣ်ကဒီးတၢ်စံၣ်ညီၣ်နွံဘျီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:24

ယကဃၣ်ဒူချၢယသး လၢသုဒီးစံၣ်ညီၣ်သုနးန့ၢ်ဒံးတၢ်စံၣ်ညီၣ်လၢညါနွံဘျီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:28

ယကဃၣ်ယသးဆူသုအိၣ်လၢတၢ်သးထီၣ်အပူၤဒီးစံၣ်ညီၣ်သုအၢန့ၢ်ဒံးအလီၢ်နွံဘျီန့ၣ်လီၤ.

လံာ်စကၤရယၤ 1:15

ဒီးယသးထီၣ်ဘၣ်ပှၤကလုာ်တဖၣ်လၢအမုာ်လၤသးခု ဘၣ်လၢတၢ်အိၣ်ဘှ့ၣ်အိၣ်ဘှီၣ်ဒီးတၢ်ဃူတၢ်ဖိးအပူၤဒိၣ်မး လီၤ. အဂ့ၢ်ဒ်အံၤ, ဖဲယဟံးဃာ်ဒံးယတၢ်သးဒိၣ်ထီၣ်ထီဒါယပှၤဂီၢ်မုၢ် အခါ, ပှၤကလုာ်တဖၣ်ဒုးတူၢ်ဘၣ်ခီၣ်ဘၣ်အၢထီၣ်ယပှၤဂီၢ်မုၢ်အတၢ်လီၤ.

လံာ်စကၤရယၤ 12:9

ဖဲအဆၢကတီၢ်အဝဲန့ၣ်, ယကမၤဟးဂီၤပှၤကလုာ်ခဲလၢာ်လၢအကျဲးစၢးဟဲဒုးထီ ဒါဝ့ၢ်ယရူၤၡလ့ၣ်န့ၣ်လီၤ.

လံာ်စကၤရယၤ 14:15

တၢ်ဆါလီၤပျံၤလီၤဖုးတမံၤကလီၤဘၣ်စ့ၢ်ကီးလၢကသ့ၣ်တဖၣ်, ကသ့ၣ်လၤတဖၣ်, ကီၤလၤအူးတဖၣ်ဒီးကသ့ၣ်ယီၤတဖၣ်, ဃုာ်ဒီးကယဲၢ်ဆၣ်ဖိကီၢ်ဖိခဲလၢာ်အလိၤ, လၢအအိၣ်ဝဲဒၣ်လၢဒုၣ်ဒါအသူၣ်ဒဲအလီၢ်တဖၣ်အပူၤန့ၣ်လီၤ.

လံာ်စကၤရယၤ 14:18

ပှၤအဲၤကူပတူးဖိတဖၣ်မ့ၢ်ဂ့ၢ်လိာ်သ့ၣ်နီၣ်မၤလၤကပီၤဘူၣ်ဒဲန့ၣ်, ယွၤကဒုးလီၤဘၣ်တၢ်ဆါတမံၤဃီလၢအဝဲသ့ၣ်အလိၤ, ဒ်အဒုးလီၤဘၣ်ဝဲလၢပှၤကလုာ်ဂၤတဖၣ်လၢအဂ့ၢ်လိာ်လဲၤဘူၣ်ထီၣ် ဘါထီၣ်တၢ်အလိၤအသိးန့ၣ်လီၤ.

လံာ်စကၤရယၤ 14:3

ဒီးယွၤကဟးထီၣ်ဒီးဒုးတၢ်ထီဒါပှၤကလုာ်တဖၣ်န့ၣ်, ဒ်အဝဲဒုးတ့ၢ်ဝဲလၢခါပူၤကွံာ်တဖၣ်အသိးန့ၣ်လီၤ.

လံာ်စကၤရယၤ 2:4

ကလူးအခီၣ်ထံးတဂၤတဲဘၣ်အဂၤတဂၤ, “ဃ့ၢ်ဒီးလဲၤတဲဘၣ်ပှၤသးစၢ်လၢအအိၣ်ဒီးနီၣ်ထိၣ်ပျံၤန့ၣ် လၢပှၤဂီၢ်မုၢ်ဒီးဆၣ်ဖိကီၢ်ဖိကအိၣ်ဝဲဒၣ်လၢဝ့ၢ်ယရူၤၡလ့ၣ် အပူၤဂီၢ်မုၢ်ဂီၢ်ပၤတုၤဒၣ်လဲာ်ဝ့ၢ်န့ၣ်ကဒိၣ်ကဲာ်ဆိးလၢ ကအိၣ်ဒီးအခိၣ်ဒူတဖၣ်လီၤ.

မၤတၢ် 12:23

သတူၢ်ကလာ်, ကစၢ်အကလူးတဂၤတီၢ်စီၤဟ့ၤရိာ်, အဂ့ၢ်မ့ၢ်လၢအဝဲတဟ့ၣ်တၢ်လၤကပီၤဆူကစၢ်ယွၤအအိၣ်အဃိန့ၣ်လီၤ. ဒီးထိးကလဲာ်လၢအပူၤအီၣ်ကွံာ်အီၤဒီးအဝဲဒၣ်သံဝဲန့ၣ်လီၤ.

လံာ်သိၣ်လီၤသီလီၤတၢ် 28:21

အဝဲကဆှၢဃီၤတၢ်ဆူးတၢ်ဆါတမံၤဝံၤတမံၤလၢသုလိၤတုၤလီၤလၢ သုကျါပှၤတအိၣ်လီၤတဲာ်တ့ၢ်ဘၣ်နီတဂၤလၢ ကီၢ်လၢသုကဘၣ်မၤန့ၢ်အီၤအပူၤဘၣ်န့ၣ်လီၤ.

လံာ်သိၣ်လီၤသီလီၤတၢ် 28:22

ယွၤကတီၢ်သုဒီးတၢ်ဆူးတၢ်ဆါတဖၣ်လၢအဘၣ်ကူဘၣ်ဂာ်တၢ်သ့, အိၣ်ဒီးတၢ်ညိးထီၣ်ဒီးတၢ်လိၤကိၢ်, အဝဲကဆှၢလီၤတၢ်ယီၤဃ့ဒီးကလံၤကိၢ်တဖၣ်လၢကမၤဟးဂီၤကွံာ် သုတၢ်မုၢ်တၢ်ဘိတဖၣ်န့ၣ်လီၤ. တၢ်တတၢးတနါတဖၣ်အံၤကအိၣ်ဒီးသုတုၤလီၤလၢသုသံတစုန့ၣ်လီၤ.

လံာ်သိၣ်လီၤသီလီၤတၢ် 28:59

အဝဲကဆှၢလီၤတၢ်ဆူးတၢ်ဆါတဖၣ်လၢတၢ်မၤဘျါအီၤတန့ၢ်ဒီးတၢ် ဆါသံသတြိာ်လၢအလီၤပျံၤလီၤဖုးလၢတၢ်ဆိကတီၢ်အီၤတသ့တဖၣ် ဆူသုလိၤဒီးသုစၢၤသုသွဲၣ်တဖၣ်အလိၤန့ၣ်လီၤ.

လံာ်လီၣ်ဖျါ 17:16

နၢၤအဘိတဆံလၢနထံၣ်တ့ၢ်နဲဒီးတၢ်ဒူတၢ်ဃိၤတဒုန့ၣ်, ကသးဟ့ဃဲသဲမုၣ်တဂၤန့ၣ်လီၤ. အဝဲသ့ၣ်ကဟံးထီၣ်ကွံာ်တၢ်ခဲလၢာ်ခဲဆ့လၢအအိၣ်ဒီးပိာ်မုၣ် အဝဲန့ၣ်, ဒီးပာ်တ့ၢ်အိၣ်ဘ့ၣ်ဆ့အီၤလီၤ. အဝဲသ့ၣ်ကအီၣ်ကွံာ်ဃဲသဲမုၣ်အဝဲန့ၣ်အညၣ်ဒီးဒွဲၣ်ကွံာ်အီၤ လၢမ့ၣ်အူန့ၣ်လီၤ.