လံာ်စကၤရယၤ 14:10 - Sgaw Karen Common Bible

¹⁰ လီၢ်ကဝီၤဒီတကဝီၤညါ, စးထီၣ်လၢဝ့ၢ်က့ဘၢ်လၢကလံၤစိး, ပၢၢ်လၢဝ့ၢ်ရံးမိၣ်လၢကလံၤထံးန့ၣ်ကဘၣ်တၢ်မၤပၢၤအီၤလီၤ. ဝ့ၢ်ယရူၤၡလ့ၣ်ကအိၣ်ထီၣ်ထီလၢတၢ်လီၢ်လၢအအိၣ်ဝးတရံးအီၤ တဖၣ်အဖီခိၣ်န့ၣ်လီၤ. ဝ့ၢ်န့ၣ်အိၣ်သူၣ်လီၤဒၣ်အသးဖဲအလီၢ်လီၢ်စးထီၣ်လၢဘံၣ် ယၤမံၣ်အတြဲၤဒီးတုၤဆူဝ့ၢ်သနၢၣ်အတြဲၤ, လၢအမ့ၢ်တြဲၤလၢအအိၣ်ပာ်တ့ၢ်လၢပျၢၤ, ဒီးစးထီၣ်လၢတၢးထီဃနၤန့လးဒီးတုၤဆူစီၤပၤအနီၣ်စံၣ် စပံးထံတဖၣ်အလီၢ်န့ၣ်လီၤ.

လံာ်စကၤရယၤ 14:10 Iomraidhean Croise

လံာ်စီၤပၤအခီၣ်ထံးတဘ့ၣ် 15:22

အန့ၣ်ဝံၤဒီး, စီၤပၤအၤစါဟ့ၣ်လီၤတၢ်ကလုၢ်တမံၤဆူ ကီၢ်ယူဒၤဒီဘ့ၣ်ညါ, ဃ့ဝဲပှၤခဲလၢာ်, ပှၤသုတအိၣ်လီၤတဲာ်နီ တဂၤတဂ့ၤ, လၢကမၤစၢၤတၢ်စိာ်ထီၣ်ကွံာ်လၢၢ်တဖၣ်ဒီးသ့ၣ်တဖၣ်လၢဝ့ၢ်ရၤမါ အပူၤလီၤ. တၢ်ပီးတၢ်လီတဖၣ်အံၤစီၤဘါၡၤသူတ့ၢ်အီၤလၢကမၤကျၢၤထီၣ် ဝ့ၢ်ရၤမါအတိာ်ဧိၤတာ်ဧိၤန့ၣ်လီၤ. စီၤအၤစါသူတၢ်ပီးတၢ်လီတဖၣ်လၢကမၤကျၢၤထီၣ်ဝ့ၢ်မံးစပၤ အတိာ်ဧိၤတာ်ဧိၤဒီးဝ့ၢ်က့ဘၤ, ဝ့ၢ်တဖျၢၣ်လၢအအိၣ်လၢကီၢ်ဘံၣ်ယၤမံၣ်အလီၢ်ကဝီၤ, အတိာ်ဧိၤတာ်ဧိၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 14:13

စီၤယိၤအၣ်ဖီၣ်န့ၢ်စီၤအမၤစယါ, ဒီးလဲၤထီၣ်ဆူဝ့ၢ်ယရူၤ ၡလ့ၣ်ဒီးမၤလီၤပှီၢ်ကွံာ်ဝ့ၢ်အခိၣ်ဒူစးထီၣ်လၢတြဲၤအ့ဖရဲၣ် တုၤလၢတၢ်အသနၢၣ်အတြဲၤလၢအဒ့ၣ်စၢၤယံၤဝဲအပျၢ်လွံၢ်ကယၤန့ၣ် လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 4:32

အဝဲသ့ၣ်အိၣ်ဆိးစ့ၢ်ကီးဝဲလၢတၢ်လီၢ်အဂၤယဲၢ်တီၤလၢအမ့ၢ်ဝဲ, ဧ့ၤတၣ်, ဧ့ၣ်, ရံးမိၣ်, တိက့ၣ်, ဒီးဧၤၡၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 6:77

ဟံၣ်ဒူၣ်ဃီထၢတဖၣ်လၢအအိၣ်လီၤတဲာ်လၢပှၤမရၤရံၤဖိ အဒူၣ်ထၢပူၤန့ၣ်ဘၣ်တၢ်ဟ့ၣ်လီၤအီၤလၢဝ့ၢ်လၢလာ်တဖၣ်အံၤဃုာ် ဒီးတၢ်အီၣ်ဆၣ်အလီၢ်လါဟ့အိၣ်ဝးတရံးအီၤတဖၣ်န့ၣ်လီၤ. လၢပှၤစဘူလိၣ်ဖိအိၣ်ဆိးလီၢ်အပူၤန့ၣ်ဝ့ၢ်ရံးမိၣ်ဒီးဝ့ၢ်တၤ ဘိၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 25:23

စီၤယိၤအၣ်ဖီၣ်န့ၢ်စီၤအမၤစယါဒီးက့ၤကိးအီၤဆူဝ့ၢ်ယရူၤ ၡလ့ၣ်န့ၣ်လီၤ. ဖဲန့ၣ်အဝဲမၤလီၤပှီၢ်ကွံာ်ဝ့ၢ်အခိၣ်ဒူစးထီၣ်လၢအ့ဖရဲၣ် အတြဲၤဖးဒိၣ်တုၤဆူတၢ်အသနၢၣ်အတြဲၤဖးဒိၣ်, စီၤစုၤယံၤဝဲအပျၢ်လွံၢ်ကယၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:9

စီၤဧူးစံယါမၤဂၢၢ်ထီၣ်ကျၢၤထီၣ်ဝ့ၢ်ယရူၤၡလ့ၣ်အတိာ်ဧိၤတာ် ဧိၤတဖၣ်ခီဖျိသူၣ်ထီၣ်ဘှီထီၣ်ပှၤပၢၤတၢ်အလီၢ်တဖၣ်ဖဲတၢ်အနၢၣ် အတြဲၤ, ဖဲကစၢၢ်ကဆူးအတြဲၤဖးဒိၣ်, ဒီးဖဲတၢ်အခိၣ်ဒူ အသနၢၣ်န့ၣ်လီၤ.

လံာ်စီၤနဃ့မယၤ 12:39

ဒီးဖဲန့ၣ်ပလဲၤခီဂာ်တြဲၤအ့ဖရဲၣ်, တြဲၤယၡၤနၤ, တြဲၤညၣ်တၢးထီဃနၤန့လးဒီးတၢးထီတကယၤဆူတြဲၤသိန့ၣ်လီၤ. ပတၢ်လဲၤန့ၣ်ကတၢၢ်ဝဲဖဲတြဲၤလၢအလဲၤဆူယွၤအတၢ်လုၢ်ဟံၣ် အကပၤန့ၣ်လီၤ.

လံာ်စီၤနဃ့မယၤ 3:1

ဒီးအအံၤမ့ၢ်ဝဲဝ့ၢ်အခိၣ်ဒူဘၣ်တၢ်ဘှီထီၣ်က့ၤအီၤဒ်လဲၣ်အဂ့ၢ် န့ၣ်လီၤ. ပှၤလုၢ်တၢ်အခိၣ်အဒိၣ်ကတၢၢ်စီၤအ့လယၤၡံာ်ဒီးပှၤမၤသကိးတၢ် ဒီးအီၤပှၤလုၢ်တၢ်အခိၣ်တဖၣ်ဘှီထီၣ်ကဒါက့ၤပဲတရီသိဒီးပာ် စီဆှံဝဲ, ဒီးပာ်ဝဲပဲတရီလၢအလီၢ်ဒၣ်ဝဲန့ၣ်လီၤ. အဝဲသ့ၣ်ပာ်စီဆှံတ့ၢ်တၢ်ဒူၣ်စးထီၣ်ဆူတၢးထီမ့ၤအၤဒီးတုၤ လၢတၢးထီဃနၤန့လးန့ၣ်လီၤ.

လံာ်ယၡါယၤ 10:29

အဝဲသ့ၣ်လဲၤခီဖျိတ့ၢ်လံတၢ်ကဆူးဒီးမံဝဲဖဲဝ့ၢ်က့ဘၤလီၤ. ပှၤတဖၣ်လၢဝ့ၢ်ရၤမါအပူၤပျံၤတၢ်ဖုးတၢ်ဒီးပှၤလၢစီၤပၤစီၤ စီလူးအဝ့ၢ်ကံးဘဧၤအပူၤတဖၣ်ထွးထီၣ်ဃ့ၢ်တ့ၢ်လံဝဲလီၤ.

လံာ်ယၡါယၤ 2:2

လၢမုၢ်နံၤလၢအကဟဲတဖၣ်အပူၤန့ၣ်, ကစၢၢ်လၢယွၤအတၢ်လုၢ်ဟံၣ်အိၣ်ဆၢထၢၣ်န့ၣ် ကမ့ၢ်ကစၢၢ်အထီကတၢၢ်လၢအကစီၤ ထီၣ်ဒိၣ်ဘၢကစၢၢ်ခဲလၢာ်န့ၣ်လီၤ. ပှၤကလုာ်တဖၣ်ကဟဲယွၤနုာ်လီၤဝဲဆူအအိၣ်,

လံာ်ယံးရမံယၤ 20:2

အဝဲဟ့ၣ်လီၤအကလုၢ်လၢပှၤကဒိယၤတီၢ်ယၤဒီးစၢဃာ်ယၤလၢ ထးသွဲတဖၣ်ဘူးဒီးဘံၣ်ယၤမံၣ်အတြဲၤထီတတီၤလၢယွၤ အတၢ်လုၢ်ဟံၣ်အပူၤန့ၣ်လီၤ.

လံာ်ယံးရမံယၤ 30:18

ယွၤစံးဝဲဒၣ်, “ယကပာ်ကဒါက့ၤ ယပှၤဂီၢ်မုၢ်လၢ အကီၢ်ဒၣ်ဝဲ, ဒီးအိၣ်ဒီး တၢ်သးကညီၤလၢ ဒူၣ်ဖိထၢဖိကိးဒူၣ်ဒဲးအဖီခိၣ်န့ၣ်လီၤ. ဝ့ၢ်ယရူၤၡလ့ၣ် ကဘၣ်တၢ်ဘှီထီၣ်က့ၤအီၤ, ဒီးအနူၢ်အစီၤကဘၣ် တၢ်ပာ်ထီၣ်ကဒါက့ၤအီၤန့ၣ်လီၤ.

လံာ်ယံးရမံယၤ 37:13

ဘၣ်ဆၣ်ဒီး, ဖဲယလဲၤတုၤဆူ ဘံၣ်ယၤမံၣ်အတြဲၤန့ၣ်, သုးခိၣ်လၢအပၢသုးဖိတဖၣ်လၢ အခိးတၢ်ဖဲန့ၣ်, လၢ အမံၤမ့ၢ်စီၤယရံယၤ, လၢအမ့ၢ်စီၤၡလ့မယၤအဖိခွါဒီး စီၤဃနၤနယၤအလံၤခွါန့ၣ်, ဒုးအိၣ်ကတီၢ်ယၤဒီၤစံးဝဲဒၣ်, “နမ့ၢ်ပှၤလၢအဟးသဒၣ်ဒီး ပာ်တ့ၢ်ကွံာ်ပှၤဒီးနခီဃီၤဆူ ပှၤဘၤဘူၤလိၣ်ဖိတဖၣ်အအိၣ်လီၤ.”

လံာ်ယံးရမံယၤ 38:7

မ့ၢ်နာ်သက့ဒ်န့ၣ်ဒီး, ပှၤဒ့ဒံၣ်ဖိလၢ အမၤတၢ်လၢစီၤပၤအနူၢ်ပူၤ ပှၤကီၢ်ကူၤၡးဖိ စီၤဧ့ၤဘ့းမ့လ့းနၢ်ဟူဝဲလၢ အဝဲသ့ၣ်ဒၢနုာ်ယၤလၢ ထံပူၤန့ၣ်လီၤ. အခါဖဲန့ၣ်, စီၤပၤဆ့ၣ်နီၤစံၣ်ညီၣ်ဝဲ ကွီၢ်ဖဲဘံၣ်ယၤမံၣ်အတြဲၤန့ၣ်လီၤ.

လံာ်ဧၤမိၣ် 9:11

ယွၤစံးဝဲဒၣ်, မုၢ်တနံၤဟဲဝဲ, ဖဲယကမၤအိၣ်ထီၣ်က့ၤစီၤဒၤဝံးအဘီအမုၢ်လၢအလီၤဂာ်ဝဲဒ်ဟံၣ် တဖျၢၣ်လၢအလီၤပှီၢ်ကွံာ်ဆူတၢ်ဟးဂီၤတဖၣ်အပူၤအသိးန့ၣ်လီၤ. ယကဘှီက့ၤအဒူၣ်တဖၣ်ဒီးမၤကျၢၤထီၣ်အီၤလီၤ. ယကသူၣ်ထီၣ်ကဒါက့ၤအီၤဒီးပာ်က့ၤဒ်လၢပျၢၤအသိးန့ၣ်လီၤ.

လံာ်မံကၤ 4:1

လၢမုၢ်နံၤလၢအကဟဲတဖၣ်အပူၤန့ၣ်, ကစၢၢ်ဖဲတၢ်လုၢ်ဟံၣ်အိၣ်သူၣ်လီၤအသးန့ၣ်ကမ့ၢ်ကစၢၢ်အထီကတၢၢ် လၢကစၢၢ်ခဲလၢာ်အကျါဒီးအိၣ်ထီၣ်ထီလၢတၢ်လူၢ်ခဲလၢာ်အဖီခိၣ် လီၤ. ပှၤအါကလုာ်ကဟဲဖှိၣ်ဆူအအိၣ်လီၤ.

လံာ်စကၤရယၤ 12:6

ဖဲအဆၢကတီၢ်အဝဲန့ၣ်, ယကဒုးကဲထီၣ်ကီၢ်ယူဒၤ အဒူၣ်ထၢတဖၣ်ဒ်မ့ၣ်အူလၢပှၢ်တပှၢ်အပူၤအသိး, မ့တမ့ၢ်ဒ်, ဘုလၢအမံထီၣ်အစံာ်ပျီပူၤတပူၤအသိး, ဒီးအဝဲသ့ၣ်ကမၤဟးဂီၤကွံာ်ပှၤကလုာ်အိၣ်ဝးတရံးအီၤခဲလၢာ်လီၤ. ဝ့ၢ်ယရူၤၡလ့ၣ်အပှၤဂီၢ်မုၢ်ကအိၣ်တ့ၢ်ပူၤဖျဲးဝဲလၢဝ့ၢ်အပူၤန့ၣ်လီၤ.

လံာ်စကၤရယၤ 2:4

ကလူးအခီၣ်ထံးတဂၤတဲဘၣ်အဂၤတဂၤ, “ဃ့ၢ်ဒီးလဲၤတဲဘၣ်ပှၤသးစၢ်လၢအအိၣ်ဒီးနီၣ်ထိၣ်ပျံၤန့ၣ် လၢပှၤဂီၢ်မုၢ်ဒီးဆၣ်ဖိကီၢ်ဖိကအိၣ်ဝဲဒၣ်လၢဝ့ၢ်ယရူၤၡလ့ၣ် အပူၤဂီၢ်မုၢ်ဂီၢ်ပၤတုၤဒၣ်လဲာ်ဝ့ၢ်န့ၣ်ကဒိၣ်ကဲာ်ဆိးလၢ ကအိၣ်ဒီးအခိၣ်ဒူတဖၣ်လီၤ.

လံာ်စကၤရယၤ 8:3

ယကဟဲက့ၤကဒါက့ၤဆူဝ့ၢ်ယရူၤၡလ့ၣ်, ယဝ့ၢ်စီဆှံ, ဒီးအိၣ်ဆိးဖဲန့ၣ်လီၤ. ကဘၣ်တၢ်သ့ၣ်ညါအီၤဒ်ဝ့ၢ်လၢအသူၣ်တီ သးရၤ, ဒီးသ့တၢ်လၢာ်ယွၤအကစၢၢ်ကဘၣ်တၢ်ကိးအီၤလၢကစၢၢ်စီဆှံန့ၣ် လီၤ.

လံာ်စီၤယိၤၡူ 15:32

လဘၤအိသး, ၡံလဃံၣ်, ဧ့ၣ်, ဒီးရံးမိၣ်န့ၣ်လီၤ. ခဲလၢာ်မ့ၢ်ဝဲခံဆံခွံဝ့ၢ်ဃုာ်ဒီးဝ့ၢ်ဖိ လၢအအိၣ်ဝးတရံးအီၤတဖၣ်န့ၣ်လီၤ.

လံာ်စီၤယိၤၡူ 21:17

ဒီးလၢဘံၣ်ယၤမံၣ်အဒူၣ်အကျါ, အဝဲသ့ၣ်ဘၣ်တၢ်ဟ့ၣ်လီၤအီၤဝ့ၢ်လွံၢ်ဖျၢၣ်လၢအမ့ၢ်ဝဲကံးဘိၣ်, က့ဘၤ,

လံာ်ပှၤစံၣ်ညီၣ်ကွီၢ် 20:45

သုးဖိအဂၤတဖၣ်ဃၣ်တရံးအသးဒီးဃ့ၢ်ဆူတၢ်ပျီပူၤဖဲလ့ရံးမိၣ် အလီၢ်န့ၣ်လီၤ. ဒီးလၢအကျါပှၤအဂၤယဲၢ်ကထိ ဘၣ်တၢ်မၤသံကွံာ်အီၤလၢကျဲမုၢ်ဖီခိၣ်လီၤ. ပှၤအံၣ်စရ့လးဖိတဖၣ်လူၤ အဝဲသ့ၣ်ဆူညါတုၤလၢဝ့ၢ်ကံဒိၣ်ဒီးမၤသံပှၤအဂၤခံကထိလီၤ.

လံာ်ပှၤစံၣ်ညီၣ်ကွီၢ် 20:47

ဘၣ်ဆၣ်ဒီးပှၤအဂၤဃုကယၤဂၤဃ့ၢ်ပူၤဖျဲးကွံာ်ဆူတၢ်ပျီပူၤ ဖဲလ့ရံးမိၣ်အလီၢ်လီၤ. ဒီးအိၣ်ဝဲဖဲန့ၣ်လွံၢ်လါလီၤ.

လံာ်ပှၤစံၣ်ညီၣ်ကွီၢ် 21:13

တုၤနုၤတစု, ပှၤဂီၢ်မုၢ်အတၢ်အိၣ်ဖှိၣ်ဒီဖုန့ၣ်ဆှၢလီၤတၢ်ကစီၣ်ဆူ ပှၤဘံၣ်ယၤမံၣ်ဖိအိၣ်လၢလ့ရံးမိၣ်လၢတၢ်ဆိကတီၢ်ကွံာ်တၢ်ဒုးတၢ်ယၤအဂီၢ်လီၤ.