လံာ်စကၤရယၤ 12:12 - Sgaw Karen Common Bible

¹² ဒီးပှၤတဒူၣ်ဘၣ်တဒူၣ်လၢကီၢ်ပူၤကဟီၣ်ယၢၤဒၣ်အတၢ်ဒၣ်ဝဲ စုာ်စုာ်န့ၣ်လီၤ. စီၤဒၤဝံးအဟံၣ်ဒူၣ်ဃီထၢလၢအလီၢ်တပူၤဒီး စီၤနၤသၣ်အဟံၣ်ဒူၣ်ဃီထၢဖိလၢတၢ်လီၢ်တပူၤဒၣ်လီၤ.

လံာ်စကၤရယၤ 12:12 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:1

ယွၤဆှၢလီၤဝံစီၤနၤသၣ်ဆူစီၤဒၤဝံးအအိၣ်လီၤ. စီၤနၤသၣ်လဲၤဆူအအိၣ်ဒီးစံးဘၣ်အီၤ, “ပှၤအိၣ်ဝဲခံဂၤလၢအအိၣ်ဆိးလၢဝ့ၢ်တဝ့ၢ်ဃီအပူၤလီၤ. တဂၤန့ၣ်ထူးတီၤဒီးတဂၤန့ၣ်ဖှီၣ်ဝဲယာ်ဝဲလီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:14

ဖိလၢလာ်တဖၣ်အံၤမ့ၢ်ပှၤတဖၣ်လၢအအိၣ်ဖျဲၣ်ထီၣ်လၢအဂီၢ် လၢဝ့ၢ်ယရူၤၡလ့ၣ်အပူၤန့ၣ်လီၤ. စီၤၡးမူၤ, စီၤၡိၤဘာ်, စီၤနၤသၣ်, စီၤၡလိၤမိၤ,

လံာ်တၢ်ဟးထီၣ်ကွံာ် 12:30

လၢမုၢ်နၤအဝဲန့ၣ်, စီၤပၤ, အဝဲအခ့အပှၤတဖၣ်ဒီးကယဲၢ်ပှၤအဲၤကူပတူးဖိခဲလၢာ်ဖုးပၢၢ်ထီၣ်ဝဲဒၣ်လီၤ. ဒီးတၢ်ဟီၣ်ကိးပသူဖးဒိၣ်အိၣ်ထီၣ်ဝဲဒၣ်လၢကီၢ်အဲၤကူပတူး ဒီဘ့ၣ်ညါအပူၤမ့ၢ်လၢဖိဝဲၢ်ကိတဖၣ်သံဝဲဒၣ်လၢဟံၣ်ကိးဖျၢၣ် ဒဲးအပူၤအဃိန့ၣ်လီၤ.

လံာ်ယံးရမံယၤ 13:18

ယွၤစံးဘၣ်ယၤ, “တဲဘၣ်စီၤပၤဒီးအမိၢ်လၢအကစံၣ်လီၤလၢ အလီၢ်ပစိာ်တဖၣ်အဖီခိၣ်တက့ၢ်. အဂ့ၢ်ဒ်အံၤအတၢ်လၤကပီၤ အခိၣ်သလုးဃံလၤတဖၣ်လီၤတဲာ်ကွံာ်လၢအဝဲသ့ၣ်အခိၣ်တဖၣ် အလိၤလံန့ၣ်လီၤ.

လံာ်ယံးရမံယၤ 3:21

တၢ်ကလုၢ်တမံၤဘၣ်တၢ်နၢ်ဟူတ့ၢ်အီၤ လၢတၢ်လူၢ်တဖၣ်အဒီခိၣ်လီၤ. မ့ၢ်ကီၢ်အံၣ်စရ့လးအပှၤဂီၢ်မုၢ်အတၢ်ဟီၣ်တၢ်ယၢၤဒီးအတၢ်ဃ့သ ကွံၢ်ကညးတၢ်, မ့ၢ်လၢအဝဲသ့ၣ်အိၣ်မူတ့ၢ်လၢတၢ်ဒဲးဘးအပူၤ, ဒီးသးပ့ၤနီၣ်တ့ၢ်ယွၤ, အဝဲသ့ၣ်အကစၢ်ယွၤ အဃိန့ၣ်လီၤ.

လံာ်ယံးရမံယၤ 31:18

ယနၢ်ဟူ ကီၢ်အံၣ်စရ့လး အပှၤဂီၢ်မုၢ် စံးကတိၤတၢ်လၢ တၢ်သူၣ်အုးသးအုးအပူၤ စံးဝဲ, ‘ယွၤဧၢ, ပလီၤဂာ်ဒီး ဆၣ်ဖိကီၢ်ဖိတဒုလၢတၢ်တမၤဘှါအီၤဘၣ်, ဘၣ်ဆၣ်ဒီး နသိၣ်လိတ့ၢ်ပှၤလၢ ပကစူၢ်တၢ်န့ၣ်လီၤ. ဟဲက့ၤစိာ်ကဒါက့ၤ ပှၤတက့ၢ်. ပအိၣ်ကတဲာ် ကတီၤလံပသးလၢ ပကဟဲက့ၤကဒါက့ၤဆူ နအိၣ်လံ, ယွၤပကစၢ်ယွၤဧၢ.

လံာ်ယံးရမံယၤ 4:28

ဟီၣ်ခိၣ်ကသူၣ်အုးသးအုး, မူခိၣ်ကခံးလီၤဝဲလီၤ. ယွၤကတိၤလံတၢ်လံ, ဒီးတလဲလိာ်ကွံာ်အတၢ်ပာ်သူၣ်ပာ်သးဘၣ်. အဝဲစံၣ်ညီၣ်နီၤဖးပဲာ်ဖးတ့ၢ်လံတၢ်လံ, ဒီးတဃၣ်ကဒါက့ၤဝဲဘၣ်.

လံာ်ယိၤအ့လး 2:16

ကိးဖှိၣ်ပှၤဂီၢ်မုၢ်တပူၤဃီ ဒီးကတဲာ်ကတီၤအဝဲသ့ၣ်လၢတၢ်အိၣ်ဖှိၣ်စီဆှံ တဘျီအဂီၢ်တက့ၢ်. ကိးဖှိၣ်ပှၤဂီၢ်မုၢ်သးပှၢ်, ပှၤဖိသၣ်ဒီး ဖိသၣ်အီနူၢ်ထံတဖၣ်တက့ၢ်. ပှၤဒိးတ့ဒိးဖျီအသးဝံၤသီသီတဖၣ်ဒၣ်လဲာ် ကဘၣ်ပာ်တ့ၢ်အဟံၣ်အဃီဒီးဟဲဝဲလီၤ.

လံာ်စကၤရယၤ 12:11

ဖဲအဆၢကတီၢ်အဝဲန့ၣ်တၢ်ဟီၣ်တၢ်ယၢၤလၢယရူၤၡလ့ၣ် အပူၤန့ၣ်ကအိၣ်ဝဲဒိၣ်ထဲသိးဒီးတၢ်ဟီၣ်တၢ်ယၢၤလၢဟၤ ဒးရံးမိၢ်အဃိလၢအအိၣ်ဝဲဒၣ်လၢတၢ်ပၢၤခိၣ်မကံးဒိၤအသိးန့ၣ်လီၤ.

လံာ်စကၤရယၤ 12:13

စီၤလ့ၤဝံအဟံၣ်ဒူၣ်ဃီထၢဖိလၢအလီၢ်တပူၤဒီးစီၤၡံမံၤ အဟံၣ်ဒူၣ်ဃီထၢဖိလၢတၢ်လီၢ်တပူၤဒၣ်လီၤ.

လံာ်စကၤရယၤ 7:3

ဒီးကသံကွၢ်ပှၤလုၢ်တၢ်အခိၣ်တဖၣ်ဒီးဝံတဖၣ်လၢတၢ်သံကွၢ်အံၤ, “မ့ၢ်လၢတၢ်လုၢ်ဟံၣ်ဘၣ်တၢ်ဟးဂီၤကွံာ်အီၤလံ အဃိဒီးမ့ၢ်ပကဘၣ်ဟီၣ်ယၢၤဒံးတၢ်ခီဖျိတၢ်ဒုၣ် တၢ်အီၣ်တၢ်အီလၢလါယဲၢ်လါတလါဒ်ပမၤတ့ၢ်လံလၢအါနံၣ်အါလါ အတီၢ်ပူၤအသိးန့ၣ်ဒံးဧါ.”

လံာ်မးသဲ 24:30

တုၤနုၤတစု, ပှၤကညီဖိခွါအတၢ်ပနီၣ်ကဟဲအိၣ်ဖျါထီၣ်လၢမူ ခိၣ်, ဒီးပှၤကလုာ်ခဲလၢာ်လၢဟီၣ်ခိၣ်ချၢအံၤကဟီၣ်ကယၢၤတၢ်, ဖဲအထံၣ်ဘၣ်ပှၤကညီဖိခွါဟဲဝဲလၢတၢ်အၢၣ်လၢမူကပိာ်လိၤ အိၣ်ဒီးအစိအကမီၤဒီးအလၤအကပီၤဒိၣ်ဒိၣ်မုၢ်မုၢ်လီၤ.

လံာ်လူၤကၣ် 3:31

စီၤမ့းလ့းအပၢ်မ့ၢ်ဝဲစီၤမအံနၣ်, စီၤမအံနၣ်အပၢ်မ့ၢ်ဝဲစီၤမးတၤသါ, စီၤမးတၤသါအပၢ်မ့ၢ်ဝဲစီၤနၤသၣ်, စီၤနၤသၣ်အပၢ်မ့ၢ်ဝဲစီၤဒၤဝံး,

1 ကရံၣ်သူး 7:5

မ့တမ့ၢ်လၢသုအိၣ်ဒီးတၢ်အၢၣ်လီၤဆိပာ်သုသး, လၢသုကအိၣ်လီၤဖးတစိၢ်တလီၢ်ဒ်သိးသုကအိၣ်ဒီးတၢ်ဆၢ ကတီၢ်လၢတၢ်ထုကဖၣ်အဂီၢ်န့ၣ်, တဘၣ်အိၣ်လီၤဖးလိာ်သုသးတဂၤဒီးတဂၤတဂ့ၤ. ဘၣ်ဆၣ်ဒီးတၢ်န့ၣ်ဝံၤအလီၢ်ခံအိၣ်က့ၤဒီး တၢ်ဘၣ်ထွဲလိာ်သုသးဒ်နီၢ်ဒီမိဝၤအသိးတက့ၢ်. လၢကျဲဒ်အံၤအပူၤန့ၣ်, သုကပူၤဖျဲးဒီးတၢ်ဟ့ၣ်လီၤသုသးဆူမုၣ်ကီၤလံၢ်အတၢ်လ့ပစီ အပူၤလၢသုတၢ်ပၢၤသူၣ်ပၢၤသးတအိၣ်ဘၣ်အဃိန့ၣ်လီၤ.

လံာ်လီၣ်ဖျါ 1:7

ကွၢ်ကွၢ်အဝဲဒၣ်ဟဲဝဲလၢတၢ်အၢၣ်တဖၣ်အဖီခိၣ်လီၤ. ပှၤကိးဂၤဒဲးဃုာ်ဒီးပှၤလၢအဆဲးဖျိဒီးမၤသံအီၤ တဖၣ်ကထံၣ်ဘၣ်အီၤလီၤ. ပှၤလၢဟီၣ်ခိၣ်ချၢကိးကလုာ်ဒဲး ကဟီၣ်ကယၢၤလၢအဝဲဒၣ်အဃိန့ၣ်လီၤ. မ်တၢ်ကမၤဒၣ်ဝဲအသးဒ်န့ၣ်အသိးတက့ၢ်.