လံာ်စကၤရယၤ 12:1 - Sgaw Karen Common Bible

¹ အအံၤမ့ၢ်တၢ်ကစီၣ်တမံၤဘၣ်ဃးဒီးကီၢ်အံၣ်စရ့လး, လၢအဟဲလၢယွၤအအိၣ်, ယွၤလၢအသလၣ်ထီၣ်မူကပိာ်လိၤ, တ့လီၤပာ်လီၤဟီၣ်ခိၣ်, ဒီးဟ့ၣ်တၢ်မူဆူပှၤကညီန့ၣ်လီၤ. အဝဲစံးဝဲဒၣ်,

လံာ်စကၤရယၤ 12:1 Iomraidhean Croise

လံာ်တၢ်ကဲထီၣ်အခီၣ်ထံး 1:8

ကစၢ်ယွၤယုၢ်ဝဲမူကပိာ်လိၤအမံၤလၢ “မူခိၣ်” လီၤ. မုၢ်ဟါပူၤကွံာ်ဝဲဒီးမုၢ်ဂီၤဟဲဝဲဒီး တၢ်န့ၣ်မ့ၢ်မုၢ်ခံနံၤတနံၤန့ၣ်လီၤ.

လံာ်တၢ်ကဲထီၣ်အခီၣ်ထံး 2:7

ဒီးယွၤ, ကစၢ်ယွၤဟံးန့ၢ်ဟီၣ်ခိၣ်ကပံာ်တနီၤဒီး တ့လီၤပာ်လီၤပှၤကညီ လၢဟီၣ်ခိၣ်ကပံာ်အံၤန့ၣ်လီၤ. အဝဲအူသဖှိနုာ်တၢ်မူအသါဆူအနါဒ့တဖၣ်အပူၤဒီးပှၤကညီစးထီၣ်အိၣ်မူဝဲဒၣ်န့ၣ်လီၤ.

လံာ်စီၤယိၤဘး 26:7

ကစၢ်ယွၤထုးထီထီၣ်မူခိၣ်လၢကလံၤစိးတကပၤဒီးထိၣ်လီၤ စဲၤဟီၣ်ခိၣ်လၢမူပျီပူၤန့ၣ်လီၤ.

လံာ်စီၤယိၤဘး 37:18

မ့ၢ်နမၤစၢၤကစၢ်ယွၤအတၢ်သလၣ်ထီၣ်မူခိၣ်ဒီးဒုးကျၢၤ အီၤဒ်မဲာ်ထံကလၤတဘ့ၣ်သိအသးအသိးဘၣ်ကသ့ဧါ.

စံးထီၣ်ပတြၢၤ 104:2

နမၤဘၢနသးလၢတၢ်ကပီၤဒ်ယၣ်အသိး, နသလၣ်ထီၣ်မူခိၣ်ဒ် ဒဲတဖျၢၣ်အသိး,

စံးထီၣ်ပတြၢၤ 134:3

ယွၤလၢအတ့လီၤမူခိၣ်, ဒီးဟီၣ်ခိၣ်တဂၤန့ၣ် မ်အဆိၣ်ဂ့ၤနၤလၢစံယိၣ်တက့ၢ်.

လံာ်ပှၤစံၣ်တဲၤတဲလီၤတၢ် 12:7

ပနီၢ်ခိတဖၣ်ကက့ၤဆူဟီၣ်ခိၣ်အကမူၣ်, ဒီးပတၢ်မူအသါက့ၤကဒါ က့ၤဆူကစၢ်ယွၤလၢအဟ့ၣ်လီၤတ့ၢ်ပှၤအအိၣ်န့ၣ်လီၤ.

လံာ်ယၡါယၤ 40:12

မ့ၢ်ပှၤထိၣ်ပီၣ်လဲၣ်လၢအစုညါသးတဖၣ်အပူၤ သ့တဂၤဂၤဧါ, မ့တမ့ၢ်ဘၣ်ဒီးထိၣ်မူခိၣ်လၢအစုတဖၣ်သ့တဂၤဂၤဧါ. မ့ၢ်ပှၤစိာ်ဟီၣ်ခိၣ်ဒီဘ့ၣ်အကမူၣ်လၢလီခီတဖျၢၣ်အပူၤ မ့ၢ်ဂ့ၤ, စီၤဝဲကစၢၢ်တဖၣ်ဒီးတၢ်လူၢ်တဖၣ်လၢစီၤပီၢ်ပူၤမ့ၢ်ဂ့ၤ သ့တဂၤဂၤဧါ.

လံာ်ယၡါယၤ 40:22

တၢ်န့ၣ်ဘၣ်တၢ်ဒုးကဲထီၣ်အီၤလၢပှၤတဂၤလၢအဆ့ၣ်နီၤလၢအလီၢ် ပစိာ်အဖီခိၣ်, လၢဟီၣ်ခိၣ်အဖီခိၣ်ဒီးပျံကွံာ်မူခိၣ်န့ၣ်လီၤ. ပှၤလၢလာ်တဖၣ်ဖျါဆံးဒ်တၢၢ်ဧိၤတြၤဧိၤအသိးန့ၣ်လီၤ. အဝဲသလၣ်လီၤမူခိၣ်ဒ်ယၣ်ဘျးသဒၢအသိးလီၤဂာ်ဒ်ဒဲလၢတၢ်ကအိၣ် လၢအပူၤအဂီၢ်အသိးန့ၣ်လီၤ.

လံာ်ယၡါယၤ 42:5

ကစၢ်ယွၤတ့လီၤပာ်လီၤမူခိၣ်မူကပိာ်လိၤဒီးသလၣ်ထီၣ်အဝဲ သ့ၣ်လီၤ. အဝဲဒုးကဲထီၣ်ဟီၣ်ခိၣ်ဒီးကယဲၢ်တၢ်အိၣ်ဖဲန့ၣ်ခဲလၢာ်အက့ၢ် အဂီၤလီၤ. အဝဲဟ့ၣ်တၢ်မူဒီးတၢ်သါဆူအပှၤဂီၢ်မုၢ်ခဲလၢာ်လီၤ. ဒီးခဲအံၤ, ယွၤ, ကစၢ်ယွၤစံးဘၣ်အခ့အပှၤ,

လံာ်ယၡါယၤ 44:24

ယမ့ၢ်ယွၤ, သုပှၤအုၣ်က့ၤခီၣ်က့ၤတၢ်လီၤ. ယမ့ၢ်ပှၤတဂၤလၢအတ့လီၤပာ်လီၤတ့ၢ်သုလီၤ. ယမ့ၢ်ယွၤ, ပှၤလၢအတ့လီၤပာ်လီၤတၢ်ခဲလၢာ်လီၤ. ထဲယၤတဂၤဧိၤ, ယသလၣ်လီၤမူခိၣ်တဖၣ်လီၤ. ဖဲယတ့လီၤဟီၣ်ခိၣ်န့ၣ်, ပှၤတမၤစၢၤတ့ၢ်ယၤနီတဂၤဘၣ်.

လံာ်ယၡါယၤ 45:12

ယမ့ၢ်ပှၤတဂၤလၢအတ့လီၤပာ်လီၤဟီၣ်ခိၣ်ဒီး ပှၤဟီၣ်ခိၣ်ဖိလၢအကအိၣ်ဝဲဖဲန့ၣ်အဂီၢ်လီၤ. လၢယစိယကမီၤဒၣ်ယဲန့ၣ်, ယသလၣ်ထီၣ်မူခိၣ် မူကပိာ်လိၤတဖၣ်လီၤ. ယပၢဆှၢမုၢ်, လါ, ဒီးဆၣ်တဖၣ်လီၤ.

လံာ်ယၡါယၤ 45:18

ယွၤတ့လီၤပာ်လီၤမူခိၣ်မူကပိာ်လိၤ ဒီးအဝဲမ့ၢ်ပှၤတဂၤလၢအမ့ၢ်ကစၢ်ယွၤန့ၣ်လီၤ. အဝဲဒၣ်မၤအိၣ်ထီၣ်ဟီၣ်ခိၣ်အက့ၢ်အဂီၤ ဒီးတ့လီၤပာ်လီၤဝဲဒီးမၤအီၤခၢၣ်သနၢၣ် လီၤထူလီၤယိာ်လီၤ. တတ့လီၤဝဲလၢဟီၣ်ခိၣ်ကအိၣ်သယုၢ် အိၣ်ကလီအဂီၢ်ဘၣ်. မ့မ့ၢ်ဒ်သိးကကဲထီၣ်တၢ်လီၢ်လၢပှၤကအိၣ်လၢအပူၤအဂီၢ်လီၤ. အဝဲမ့ၢ်ပှၤလၢအစံးဝဲ, “ယဲဒၣ်အံၤယမ့ၢ်ယွၤဒီးကစၢ်အ ဂၤတအိၣ်ဘၣ်,” န့ၣ်လီၤ.

လံာ်ယၡါယၤ 48:13

ယစုတ့ဟီၣ်ခိၣ်အခီၣ်ထံးတဖၣ်ဒီးသလၣ်ထီၣ်မူခိၣ်မူကပိာ်လိၤ လီၤ. ဖဲယကိးဖှိၣ်မူခိၣ်ဒီးဟီၣ်ခိၣ်န့ၣ်, အဝဲသ့ၣ်ဟဲတဘျီဃီဒီးဒုးနဲၣ်ဖျါထီၣ်အသးလီၤ.

လံာ်ယၡါယၤ 51:13

သုသးပ့ၤနီၣ်ကွံာ်ယွၤတဂၤန့ၣ်လၢအတ့လီၤပာ်လီၤသု, ဒီးသလၣ်ထီၣ်မူခိၣ်မူကပိာ်လိၤ, ဒီးပာ်လီၤဟီၣ်ခိၣ်အခီၣ်ထံးတဖၣ်လံဧါ. ဘၣ်မနုၤသုအိၣ်မူတထံၣ်ဃီလၢတၢ်ပျံၤဘၣ်ဖုးဘၣ်လၢပှၤလၢ အမၤအၢမၤနးသုအတၢ်သးကဲၤထီၣ်, ဒီးပှၤလၢအိၣ်ကတဲာ်ကတီၤအသးလၢကမၤဟးဂီၤသုန့ၣ်လဲၣ်. အဝဲသ့ၣ်အတၢ်သးကဲၤထီၣ်မၤဘၣ်ဒိဘၣ်ထံးသု တသ့လၢၤဘၣ်.

လံာ်ယၡါယၤ 57:16

ယဟ့ၣ်တ့ၢ်ယပှၤဂီၢ်မုၢ်လၢတၢ်မူ, ဒီးယတပာ်တၢ်ကမၣ် လၢအဝဲသ့ၣ်အလိၤဒီးသူၣ်ဒိၣ်သးဖျိးအဝဲသ့ၣ်လီၤစိၤလီၤ ထီလၢၤဘၣ်.

လံာ်ယံးရမံယၤ 10:12

ယွၤတ့လီၤဟီၣ်ခိၣ်လၢအစိကမီၤဒၣ်ဝဲ, ဒီးလၢအတၢ်ကူၣ်သ့န့ၣ် တ့လီၤပာ်လီၤဟီၣ်ခိၣ်ဒီးသလၣ်လီၤမူခိၣ်အလီၢ်တဖၣ်လီၤ.

လံာ်ယံးရမံယၤ 30:10

ယပှၤဂီၢ်မုၢ်သ့ၣ်ဧၢ, ပျံၤတၢ်ဖုးတၢ်တဂ့ၤ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, အိၣ်ဒီး တၢ်ပျံၤတၢ်ဖုးတဂ့ၤ. ယကအုၣ်က့ၤခီၣ်က့ၤသုလၢ ထံကီၢ်လၢအယံၤဝဲန့ၣ်, ထံကီၢ်ဖဲသုမ့ၢ်ပှၤဘၣ်တၢ်စိာ်မၢကဲကုၢ်တဖၣ်န့ၣ်လီၤ. သုကဟဲက့ၤကဒါက့ၤဆူ ဟံၣ်ဒီး အိၣ်မုာ်အိၣ်ခုၣ် ဘၣ်န့ၣ်လီၤ. တၢ်အၢတဘၣ်သုဘၣ်ဒီး ပှၤတမၤပျံၤမၤဖုးသု နီတဂၤဘၣ်.

လံာ်ယံးရမံယၤ 30:16

ဘၣ်ဆၣ်ဒီး ခဲအံၤ, ပှၤလၢအအ့ၣ်အီၣ် သုခဲလၢာ် ကဘၣ်တၢ်အ့ၣ်အီၣ်ကွံာ်အီၤ, ဒီးသုဒုၣ်သုဒါခဲလၢာ်, ကဘၣ်တၢ်စိာ်ကွံာ်အီၤ ဒ်ပှၤဘၣ်တၢ်စိာ်မၢကဲကုၢ်အီၤတဖၣ် အသိးန့ၣ်လီၤ. ပှၤလၢ အမၤနးမၤဖှီၣ်သုခဲလၢာ် ကဘၣ် တၢ်မၤနးမၤဖှီၣ်အီၤ, ဒီးပှၤလၢ အဂုာ်ဆူၣ်ပျီဆူၣ်သုတၢ်ခဲလၢာ် ကဘၣ်တၢ်ဂုာ်ဆူၣ်ပျီဆူၣ်အီၤ န့ၣ်လီၤ.

လံာ်ယံးရမံယၤ 38:16

လၢတၢ်န့ၣ်အဃိ, စီၤပၤစံးဒကံယၤအၢၣ်လီၤယၤလၢ တၢ်ခူသူၣ်အပူၤစံးဝဲ, “ယဆိၣ်တၢ်လၢ ကစၢ်ယွၤလၢ အမူဝဲ, ကစၢ်ယွၤလၢ အဟ့ၣ်ပှၤတၢ်မူအမံၤအပူၤ, လၢယတမၤသံနၤမ့ၢ်ဂ့ၤ, ဟ့ၣ်လီၤကွံာ်နၤဆူ ပှၤလၢအသးအိၣ် မၤသံနၤတဖၣ်အစုပူၤမ့ၢ်ဂ့ၤ န့ၣ်ဘၣ်.”

လံာ်ယံးရမံယၤ 50:34

ဘၣ်ဆၣ်ဒီး ပှၤတဂၤလၢကမၤပူၤဖျဲးအဝဲသ့ၣ်န့ၣ်အဂံၢ်ဆူၣ်အဘါ ဆူၣ်ဝဲဒီးအမံၤမ့ၢ်ဝဲ ယွၤသ့တၢ်လၢာ်န့ၣ်လီၤ. အဝဲအကစၢ်ဒၣ်ဝဲ ကဟံးထီၣ်အဝဲသ့ၣ်အကွီၢ်ဒီးကဟဲစိာ်တၢ်ဃူတၢ်ဖိးဆူ ဟီၣ်ခိၣ်, ဒီးတၢ်ကီတၢ်ခဲဆူဘၤဘူၤလိၣ်အပှၤဂီၢ်မုၢ်အအိၣ်န့ၣ်လီၤ.”

လံာ်ယံးရမံယၤ 51:15

ယွၤတ့လီၤ ဟီၣ်ခိၣ်လၢအစိကမီၤဒၣ်ဝဲလီၤ. လၢအတၢ်ကူၣ်သ့ဒၣ်ဝဲန့ၣ်, အဝဲတ့လီၤပာ်လီၤဟီၣ်ခိၣ်ဒီး သလၣ်ထီၣ်မူခိၣ်အလီၢ်တဖၣ်လီၤ.

လံာ်သးသယုၢ်တၢ် 2:14

နဝံတဖၣ်န့ၣ်ကတဲနၤတၢ်တအိၣ်ဘၣ်နီတမံၤဘၣ်. မ့မ့ၢ်အိၣ်ထဲတၢ်ကဘျံးကဘျၣ်လီၤ. လၢတၢ်တမၤဖျါထီၣ်နတၢ်ဒဲးဘးအဃိအတၢ်စံၣ်တဲၤတဲ လီၤတဖၣ်လီန့ၢ်နၤလီၤ. အဝဲသ့ၣ်မၤဝဲဒ်သိးနကဆိကမိၣ်လၢတလိၣ်လၢနကဘၣ်ပီၢ်ယၢ်လီၤက့ၤ နသးန့ၣ်ဘၣ်.

လံာ်ယဃ့းစက့လး 18:4

ပှၤကိးဂၤဒဲးအတၢ်အိၣ်မူန့ၣ်ဘၣ်ဃးဒီးယၤ, မိၢ်ပၢ်တဖၣ်အတၢ်အိၣ်မူ ဒီးဒ်န့ၣ်အသိးဖိတဖၣ်အတၢ်အိၣ်မူစ့ၢ်ကီးန့ၣ်လီၤ. ပှၤတဂၤလၢအမၤတၢ်ဒဲးဘးန့ၣ်မ့ၢ်ပှၤတဂၤလၢကဘၣ်သံဝဲန့ၣ်လီၤ.

လံာ်ယိၤအ့လး 3:19

ကီၢ်အဲၤကူပတူးကကဲထီၣ်တၢ်ဃ့ထီအလီၢ်တတီၤ, ဒီးကီၢ်အဒိၣ်ကကဲထီၣ်တၢ်ဟးဂီၤအလီၢ်တပူၤန့ၣ်လီၤ. အဂ့ၢ်ဒ်အံၤ, အဝဲသ့ၣ်ထီဒါကီၢ်ယူဒၤဒီးမၤသံ အပှၤဂီၢ်မုၢ်လၢအတၢ်ဒဲးဘးတအိၣ်ဘၣ်န့ၣ်လီၤ.

လံာ်ယိၤအ့လး 3:21

မ့မ့ၢ်ကီၢ်ယူဒၤဒီးဝ့ၢ်ယရူၤၡလ့ၣ်န့ၣ်ကမ့ၢ်တၢ်အိၣ် တၢ်ဆိးအလီၢ်အစိၤစိၤအဃၣ်ဃၣ်, ဒီးယၤ, ယွၤကအိၣ်ဝဲဆိးဝဲလၢကစၢၢ်စံယိၣ်အလိၤန့ၣ်လီၤ.

လံာ်စကၤရယၤ 9:1

အအံၤမ့ၢ်ယွၤအတၢ်ကစီၣ်လီၤ. အဝဲခါလီၤအကလုၢ်လၢတၢ်စံၣ်ညီၣ်ကီၢ်ဃၤဒြး, ဒီးဝ့ၢ်ဒၤမ့းစ့းအဂီၢ်လီၤ. တမ့ၢ်ထဲလၢကီၢ်အံၣ်စရ့လးအဒူၣ်တဖၣ်ဧိၤဘၣ် ဃးဒီးယွၤဘၣ်. မ့မ့ၢ်စူၤရံအဝ့ၢ်ခိၣ်ဘၣ်ဃးစ့ၢ်ကီးဒီးယွၤလီၤ.

လံာ်မၤလကံ 1:1

အအံၤမ့ၢ်တၢ်ကစီၣ်လၢယွၤဟ့ၣ်လီၤဝံမၤလကံဒ်သိးကတဲ ဘၣ်ပှၤအံၣ်စရ့လးဖိန့ၣ်လီၤ.

လံာ်တၢ်ဂံၢ် 16:22

ဘၣ်ဆၣ်ဒီးစီၤမိၤၡ့ဒီးစီၤအၤဟရိၣ်တီၤလီၤအိၣ်ဒီးအမဲာ်သၣ် ဆူဟီၣ်ခိၣ်လိၤဒီးစံး, “အိ, ကစၢ်ယွၤဧၢ, နမ့ၢ်သးသမူခဲလၢာ်အဂံၢ်ခီၣ်ထံးလီၤ. ဖဲပှၤတဂၤမၤတၢ်ဒဲးဘးန့ၣ်မ့ၢ်နသးဒိၣ်ထီၣ်ကမျၢၢ်ဒီဒူၣ်ဒီထၢဧါ.”

ဧ့ၤဘြံၤ 12:9

လၢတၢ်န့ၣ်အမဲာ်ညါ, ပအိၣ်ဒီးပပၢ်တဖၣ်လၢဟီၣ်ခိၣ်ချၢအံၤလၢ အသိၣ်ဃီၣ်ပှၤဒီးပယူးယီၣ်ပာ်ကဲအဝဲသ့ၣ်လီၤ. ပဂ့ၤဆီၣ်လီၤပသးလၢပပၢ်အိၣ်လၢမူခိၣ်အဖီလာ်အါန့ၢ် အန့ၣ်တက့ၢ်ဒီးမူပဝဲန့ၣ်လီၤ.