လံာ်စကၤရယၤ 11:5 - Sgaw Karen Common Bible

⁵ အဝဲသ့ၣ်အကစၢ်တဖၣ်မၤသံအဝဲသ့ၣ်, ဒီးတဘၣ်တၢ်စံၣ်ညီၣ်အီၤဘၣ်. အဝဲသ့ၣ်ဆါကွံာ်တၢ်ညၣ်ဒီးစံးဝဲ, စံးထီၣ်ပတြၢၤယွၤတက့ၢ်. ပထူးထီၣ်တီၤထီၣ်လံ. အပှၤကွၢ်သိတဖၣ်ဒၣ်လဲာ်တသးကညီၤဘၣ်အဝဲသ့ၣ်ဘၣ်.”

လံာ်စကၤရယၤ 11:5 Iomraidhean Croise

လံာ်စီၤပၤခံဘ့ၣ်တဘ့ၣ် 4:1

ကရၢဖိတဂၤလၢဝံတဖၣ်အကရူၢ်တကရူၢ်အကျါ, အမါမုၣ်ကမဲတဂၤလဲၤဝဲဆူစီၤအလံၤၡါအအိၣ်ဒီးစံးဝဲဒၣ်, “တၢ်ဒိၣ်ဧၢ, ယဝၤသံလံဝဲလံ. ဒ်နသ့ၣ်ညါနဲအသိးအဝဲမ့ၢ်ပှၤ တဂၤလၢအပျံၤကစၢ်ယွၤန့ၣ်လီၤ. ဘၣ်ဆၣ်ခဲကနံၣ်အံၤပှၤတဂၤလၢအလဲၤဟံးန့ၢ်လိၢ်ဝဲအစ့န့ၣ်, ဟဲဝဲဒ်သိးကဟံးထီၣ်ကွံာ်ယဖိခွါခံဂၤ, ဒ်ကုၢ်တဖၣ်အသိးလၢတၢ် လိးက့ၤယဝၤအဒ့ၣ်ကမၢ်အဂီၢ်န့ၣ်လီၤ.”

လံာ်စီၤနဃ့မယၤ 5:8

ဒီးယစံးဘၣ်အဝဲသ့ၣ် “ဖဲပမၤသ့ဝဲအသိးန့ၣ်ပပှ့ၤက့ၤလံ ပဒီပုၢ်ဝဲၢ်သ့ၣ်တဖၣ်လၢအဆါလီၤအသးဆူပှၤကလုာ်ဂၤန့ၣ်လီၤ. ဒီးခဲကနံၣ်အံၤသုမၤဆူၣ်သုဒီပုၢ်ဝဲၢ်သ့ၣ်တဖၣ်လၢကဆါလီၤ အသးလၢသုပှၤယူဒၤဖိကဒဲကဒဲန့ၣ်လီၤ.” ဒီးပှၤခိၣ်ပှၤနၢ်တဖၣ်အိၣ်ဘှီၣ်ဝဲဒီးစံးတၢ်တသ့နီတမံၤဘၣ်န့ၣ်လီၤ.

လံာ်ယံးရမံယၤ 2:3

ကီၢ်အံၣ်စရ့လးဧၢ, နဘၣ်ဃးတ့ၢ်ဒၣ်ထဲယၤတဂၤဧိၤလီၤ. နမ့ၢ်တ့ၢ်ယတၢ်န့ၢ်သါစီဆှံလီၤ. ယဒုးလီၤဘၣ်တၢ်နးတၢ်ဖှီၣ်ဒီးတၢ်တတၢးတနါ လၢပှၤလၢအမၤဘၣ်ဒိဘၣ်ထံးနၤ ကိးဂၤဒဲးအဖီခိၣ်န့ၣ်လီၤ. ယၤ, ယွၤအံၤ, ယကတိၤလံတၢ်လံ.”

လံာ်ယံးရမံယၤ 50:7

အဝဲသ့ၣ်ဘၣ်တၢ်ဒုးအီၤလၢပှၤလၢအထံၣ်န့ၢ်အီၤခဲလၢာ်လီၤ. အဝဲသ့ၣ်အဒုၣ်အဒါတဖၣ် စံးဝဲလၢ, အဝဲသ့ၣ်မၤတ့ၢ်တၢ်ဒဲးဘး ထီဒါယွၤအဃိ, တၢ်လၢပမၤတ့ၢ်န့ၣ်တကမၣ်ဘၣ်. အဝဲသ့ၣ်အမိၢ်ပၢ်ဖံဖုလၢပျၢၤတဖၣ် နာ်ယွၤဒီးအဝဲသ့ၣ် အကစၢ်ဒၣ်ဝဲစ့ၢ်ကီး ကြၢးသးတီတ့ၢ်ဒံးဒီးအီၤန့ၣ်လီၤ.

လံာ်ယဃ့းစက့လး 34:10

ယၤ, ယွၤပၢဘၣ်တၢ်ခဲလၢာ်ကစၢ်ဘိးဘၣ်သ့ၣ်ညါကျၤမနၤ လၢယမ့ၢ်သုဒုၣ်သုဒါန့ၣ်လီၤ. ယကဟံးထီၣ်ကွံာ်ယသိလၢ သုအိၣ်ဒီးယတပျဲကဒီးလၢသုကမ့ၢ်အဝဲသ့ၣ်အပှၤကွၢ်သိတဖၣ် နီတစုလၢၤဘၣ်. ယတပျဲသုကွၢ်ထွဲလီၤက့ၤထဲဒၣ်သုသးနီတစု လၢၤဘၣ်. ယကမၤပူၤမၤဖျဲးက့ၤယသိလၢသုစုပူၤဒီးတပျဲ သုအီၣ်အဝဲသ့ၣ်လၢၤဘၣ်.

လံာ်ယဃ့းစက့လး 34:21

သုဆီၣ်ကပၤကွံာ်သိလၢအဆူးအဆါတဖၣ်ဒီးဘျၢၣ်ဖျိးကွံာ် အဝဲသ့ၣ်လၢသိတဖုအအိၣ်န့ၣ်လီၤ.

လံာ်ယဃ့းစက့လး 34:6

လၢတၢ်န့ၣ်အဃိ, ယသိတဖၣ်ဟးဝ့ၤဝီၤလၢတၢ်လူၢ်လၢအထီ တဖၣ်ဒီးကစၢၢ်ကလိတဖၣ်အလိၤန့ၣ်လီၤ. အဝဲသ့ၣ်လီၤပြံလီၤပြါ လၢဟီၣ်ခိၣ်အမဲာ်ဖံးခိၣ်ဒီးပှၤလၢကကွၢ်ဃုအဝဲသ့ၣ် မ့ၢ်ဂ့ၤဂုာ်ကျဲးစၢးလၢကဃုထံၣ်က့ၤအဝဲသ့ၣ်မ့ၢ်ဂ့ၤတအိၣ်နီ တဂၤဘၣ်.

လံာ်ဟိၤၡ့ 12:8

အဝဲသ့ၣ်စံးဝဲဒၣ်, ပထူးပတီၤ, ပမၤအါထီၣ်ပတၢ်စုလီၢ်ခီၣ်ခိၣ် လီၤ. ဒီးပှၤပာ်ဒ့ၣ်ပာ်ကမၣ်ပှၤလၢပထူးထီၣ်တီၤထီၣ်လၢတၢ် တတီတလိၤအပူၤတသ့နီတဂၤဘၣ်.

လံာ်ဟိၤၡ့ 12:9

ဘၣ်ဆၣ်ယၤ, ယွၤ, သုကစၢ်ယွၤလၢအဒုးဟးထီၣ်တ့ၢ်သုလၢကီၢ်အဲၤ ကူပတူးအပူၤ, ယကဒုးအိၣ်ကဒီးသုလၢဒဲတဖၣ်အပူၤ, ဒ်သုမၤတ့ၢ်အီၤဖဲယဟဲဆူသုအိၣ်လၢပှၢ်မုၢ်ကနၢအပူၤအခါန့ၣ်လီၤ.

လံာ်ဧၤမိၣ် 2:6

ဒီးယွၤစံးဝဲဒၣ်, “ပှၤကီၢ်အံၣ်စရ့လးဖိတဖၣ်မၤတ့ၢ်လံတၢ်ဒဲးဘးတဘျီဝံၤ တဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်ဆါလီၤကွံာ်ပှၤတီပှၤလိၤလၢအလိးက့ၤအကမၣ်တန့ၢ်တဖၣ် ဆူကုၢ်အလီၢ်, ဒီးပှၤဖှီၣ်ဖိယာ်ဖိလၢအလိးက့ၤအကမၣ်တန့ၢ်တ ဖၣ်န့ၣ်လၢခီၣ်ဖံးတဆိအပှ့ၤဒၣ်လဲာ်လီၤ.

လံာ်မးသဲ 23:13

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ, ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုကးတံာ်ဃာ်မူခိၣ်အဘီအမုၢ်အတြဲၤဒ်သိးပှၤဂၤ အသုတလဲၤနုာ်ဘၣ်တဂ့ၤအဂီၢ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်ဒီး, သုတပျဲနုာ်စ့ၢ်ကီးပှၤလၢအကျဲးစၢးလဲၤနုာ်ဝဲတဖၣ်ဘၣ်.

လံာ်ယိၤဟၣ် 10:1

ယ့ၣ်ၡူးစံးဝဲဒၣ်, “ယစံးဘၣ်တဲဘၣ်သုတီတီလိၤလိၤ, ပှၤတဂၤလၢအတဟဲနုာ်ဘၣ်ဆူသိကရၢၢ်ပူၤခီဖျိကျဲစၢၤ, မ့မ့ၢ်ဟဲခီနုာ်ဝဲလၢကျဲအဂၤတပူၤဒၣ်န့ၣ်, မ့ၢ်တၢ်ဟုၣ်တၢ်ဘျၣ်ဒီးတမျိးတမျာ်န့ၣ်လီၤ.

လံာ်ယိၤဟၣ် 16:2

သုကဘၣ်တၢ်ဟီထီၣ်ကွံာ်သုလၢဘူၣ်ဘျီၣ်လၢအမ့ၢ် တၢ်ဘါလီၢ်တဖၣ်အပူၤ, ဒီးတၢ်ဆၢကတီၢ်ကတုၤဝဲဖဲ ပှၤတဂၤလၢ်လၢ်လၢအမၤသံသုန့ၣ်, ကဆိကမိၣ်ဝဲလၢအမၤတၢ်ဒ်အံၤအဃိဒီး မ့ၢ်အမၤကစၢ်ယွၤအတၢ်မၤန့ၣ်လီၤ.

၂ ပ့းတရူး 2:3

ဒီးလၢအတၢ်သူၣ်လီသးကွံဒိၣ်အပူၤ, သရၣ်အဘျၣ် တဖၣ်အံၤကဃုအဘျုးလၢသုဖီခိၣ်ခီဖျိအစံးဘၣ်တဲဘၣ် သုပူလၢပှၤကညီဒုးကဲထီၣ်အီၤတဖၣ်လီၤ. အဝဲသ့ၣ်အပှၤစံၣ်ညီၣ်ကွီၢ်အိၣ်ကတဲာ်ကတီၤအသးယံာ် တ့ၢ်လံ, ဒီးပှၤလၢအကမၤဟးဂီၤအီၤတဂၤန့ၣ်တမံသပ့ၤ ဝဲဘၣ်.

လံာ်လီၣ်ဖျါ 18:13

ဒီးသ့ၣ်ကဒါရၤအဖံး, တၢ်နၢမူမၤဝံၣ်မၤဘဲကသူ, တၢ်နၢမူနၢဆှီ, မူရၣ်ဒီးလီၢ်ဘၣ်, စပံးထံဒီးသိ, ကိၣ်ကမူၣ်ဒီးဘုကၠူၣ်, ကျီၢ်, ဒီးသိတဖၣ်, ကသ့ၣ်တဖၣ်ဒီးလ့ၣ်ကဟၣ်တဖၣ်, ကုၢ်တဖၣ်, ဒီးပှၤကညီအသးသမူတဖၣ်ဒၣ်လဲာ်န့ၣ်လီၤ.

လံာ်လီၣ်ဖျါ 3:17

နစံးနဲ, ‘ယထူးယတီၤဒီးယတၢ်စုလီၢ်ခီၣ်ခိၣ်တဖၣ် အါထီၣ်ဂီၢ်ထီၣ်ဝဲဒၣ်ဒိၣ်ဒိၣ်အါအါလီၤ. ယအိၣ်ဒီးတၢ်လၢယလိၣ်ဘၣ်အီၤခဲလၢာ်လံ.’ ဘၣ်ဆၣ်ဒီး, နဘၣ်ဖှီၣ်ဘၣ်ယာ်, ဒီးနလီၤသးကညီၤနဲဆံးအါန့ၣ်နတသ့ၣ်ညါ နဲဘၣ်. နဖှီၣ်နယာ်, နအိၣ်ဘ့ၣ်ဆ့ဒီးနမဲာ်ဘျီၣ်လီၤ.