လံာ်စကၤရယၤ 11:3 - Sgaw Karen Common Bible

³ ပှၤပၢတၢ်တဖၣ်ဟီၣ်ပသူထီၣ်လၢတၢ်သးအုးအပူၤလီၤ. အဂ့ၢ်ဒ်အံၤ, အဝဲသ့ၣ်အလၤကပီၤလီၤမၢ်ကွံာ်လံ. ဒိကနၣ်ခ့ယုၢ်တဖၣ်အတၢ်ကညီၤထီၣ်န့ၣ်တက့ၢ်. အဂ့ၢ်ဒ်အံၤ, အဝဲသ့ၣ်အိၣ်ဆိးအလီၢ်လၢအအိၣ်ဝဲဖဲထံကျိ ယၣ်ဒ့ၣ်အသရ့ၤန့ၣ်ဘၣ်တၢ်မၤဟးဂီၤအီၤလံ.

လံာ်စကၤရယၤ 11:3 Iomraidhean Croise

စံးထီၣ်ပတြၢၤ 22:21

မၤပူၤဖျဲးယၤလၢခ့ယုၢ်သ့ၣ်တဖၣ်အံၤ, လၢဂီၤဖံးဖါအအၢသ့ၣ်တဖၣ်အံၤအမဲာ်ညါန့ၣ်, ပှၤလၢအမၤစၢၤယၤတအိၣ်ဘၣ်.

လံာ်ယၡါယၤ 5:29

သုးဖိတဖၣ်ကညီၤထီၣ်ဝဲဒ်ခ့ယုၢ်တဖၣ်အသိး, လၢအမၤသံ ဆၣ်ဖိကီၢ်ဖိဒီးစိာ်ကွံာ်အီၤဆူတၢ်လီၢ်လၢပှၤဟံးန့ၢ်က့ၤအီၤ လၢအအိၣ်တသ့နီတဂၤဘၣ်န့ၣ်လီၤ.

လံာ်ယၡါယၤ 65:15

ပှၤဂီၢ်မုၢ်လၢယဃုထၢအီၤကသူသုမံၤဒ်တၢ်ဘၣ်ဆိၣ်အၢတမံၤ အသိးလီၤ. ယၤ, ယွၤပၢဘၣ်တၢ်ခဲလၢာ်ကစၢ်ကမၤသံသုလီၤ. ဘၣ်ဆၣ်ဒီးယကဟ့ၣ်မံၤအသီတဖျၢၣ်လၢပှၤလၢအစူၢ်ယၤ တဖၣ်အဂီၢ်န့ၣ်လီၤ.

လံာ်ယံးရမံယၤ 2:15

အဝဲသ့ၣ်ကညီၤတ့ၢ်လၢအလိၤဒ်ခ့ယုၢ်တဖၣ်အသိးလီၤ. အဝဲသ့ၣ်ဒုးကဲထီၣ်အကီၢ်လၢမဲးမုၢ်ခိၣ်တတီၤ, ဒီးအဝ့ၢ်တဖၣ်ဟးဂီၤကွံာ်ဒီးဘၣ်တၢ်ပာ်လီၤတဲာ်ကွံာ်အီၤ လၢာ်လၢာ်ဆ့ဆ့န့ၣ်လီၤ.

လံာ်ယံးရမံယၤ 2:30

ယစံၣ်ညီၣ်နၤ, ဘၣ်ဆၣ်တမၤဂ့ၤနၤနီတမံၤဘၣ်. နတပျဲယၤလၢ ယကဘှီဘၣ်က့ၤနၤဘၣ်. ဒ်ခ့ယုၢ်တဒုသးဒိၣ်တပျုာ်တပျီၤအသိးန့ၣ်, နမၤသံတ့ၢ်နဝံတဖၣ်န့ၣ်လီၤ.

လံာ်ယံးရမံယၤ 26:6

သုမ့ၢ်တစူၢ်ဒံးဒၣ်တၢ်ဆူညါန့ၣ်, ယကမၤယွၤအတၢ်လုၢ်ဟံၣ် အံၤ ဒ်ယမၤတ့ၢ်ဝ့ၢ်ၡံလိၣ်အသိး, ဒီးပှၤကလုာ်လၢဟီၣ်ခိၣ်ချၢခဲလၢာ် ကသူဝ့ၢ်အံၤ အမံၤဒ်တၢ်ဆိၣ်အၢတမံၤအသိးန့ၣ်လီၤ.”

လံာ်ယံးရမံယၤ 49:19

ဒ်ခ့ယုၢ်တဒုဟဲဟးထီၣ်လၢ သ့ၣ်ပှၢ်လၢ အတီၣ် လၢအအိၣ်လၢထံကျိယၢ်ဒ့ၣ်အသရ့ၤဆူ တၢ်အီၣ်ဆၣ်လီၢ် လါဟ့အပူၤအသိးန့ၣ်, ယကဟဲဒီး ဒုးဃ့ၢ်ကွံာ်ပှၤအဒိၣ်ဖိ တဖၣ်သတူၢ်ကလာ်လၢ အထံကီၢ်ဒၣ်ဝဲန့ၣ်လီၤ. အန့ၣ်ဝံၤဒီး ခိၣ်နၢ်လၢယဃုထၢအီၤန့ၣ်ကပၢပှၤကလုာ်န့ၣ်လီၤ. မ့ၢ်မတၤထိၣ်သတြီၤအသးဒီးယၤကသ့လဲၣ်. မ့ၢ်မတၤ, တၤယၤကဘူၣ်တဂၤလဲၣ်. မ့ၢ်မတၤလၢအပၢတၢ်ဒီး ထီဒါယၤကသ့တဂၤလဲၣ်.

လံာ်ယံးရမံယၤ 50:44

ဒ်ခ့ယုၢ်တဒုဟဲထီၣ်လၢ သ့ၣ်ပှၢ်အတီၣ်လၢထံကျိယၢ်ဒ့ၣ်အသရ့ၤဆူ တၢ်အီၣ်ဆၣ်လီၢ်လါဟ့အသိးန့ၣ်, ယၤ, ယွၤအံၤ, ကဟဲဒီး ဒုးဃ့ၢ်ထီၣ်ကွံာ်ပှၤဘၤဘူၤလိၣ်ဖိတဖၣ် သတူၢ်ကလာ်လၢ အဝဲသ့ၣ်အဝ့ၢ်န့ၣ်လီၤ. အန့ၣ်ဝံၤဒီး, ခိၣ်နၢ်တဂၤလၢ ယဃုထၢအီၤကပၢပှၤတကလုာ်န့ၣ်လီၤ. မတၤထိၣ်သတြီၤအသးဒီး ယၤကသ့တဂၤလဲၣ်. မတၤ, တၤယၤကဘူၣ်တဂၤလဲၣ်. ပှၤပၢတၢ်မတၤတဂၤထီဒါယၤကသ့န့ၣ်လဲၣ်.

လံာ်ယံးရမံယၤ 7:4

ဆိကတီၢ်သုတၢ်နာ်တၢ်လီတၢ်ဝ့ၤအတၢ်ကတိၤလီၤတၢ်တဖၣ်လၢ အစံးဝဲ, ပပူၤဖျဲးပဝဲလီၤ. အဝဲအံၤမ့ၢ်ယွၤအတၢ်လုၢ်ဟံၣ်, အဝဲအံၤမ့ၢ်ယွၤအတၢ်လုၢ်ဟံၣ်, အဝဲအံၤမ့ၢ်ယွၤအတၢ်လုၢ်ဟံၣ် လီၤ,’ န့ၣ်တက့ၢ်.

လံာ်ယဃ့းစက့လး 19:2

သုမိၢ်မ့ၢ်မးခ့ယုၢ်မိၢ်တဒုန့ၣ်လီၤ. အဝဲလုၢ်ဒုးဒိၣ်ထီၣ် အခ့ယုၢ်ဖိတဖၣ်လၢခ့ယုၢ်ဖါအဒူအဃိၤတဖၣ်အကျါန့ၣ်လီၤ.

လံာ်ဟိၤၡ့ 10:5

ပှၤဂီၢ်မုၢ်လၢအအိၣ်လၢဝ့ၢ်ၡၤမရံကပျံၤတၢ်ဖုးတၢ်ဒီး ကသူၣ်အုးသးအုးလၢဂီၤဖံးထူအတၢ်လီၤမၢ်ကွံာ်လၢဝ့ၢ် ဘ့ၤသ့လးအဃိန့ၣ်လီၤ. အဝဲသ့ၣ်ဒီးပှၤလုၢ်တၢ်အခိၣ်တဖၣ်လၢအမၤတၢ်လၢတၢ်ဂီၤတၢ်ဖီၣ် အဂီၢ်ကဟီၣ်တၢ်ယၢၤတၢ်လၢအဃိန့ၣ်လီၤ. အဝဲသ့ၣ်ကဟီၣ်တၢ်ယၢၤတၢ်ဖဲထူကပြုၢ်ကပြီၤတဖၣ်ဘၣ်တၢ်အိးကွံာ် အီၤအခါန့ၣ်လီၤ.

လံာ်ယိၤအ့လး 1:13

ပှၤလုၢ်တၢ်အခိၣ်လၢအမၤတၢ်လၢတၢ်လုၢ်လီၢ်သ့ၣ်ဧၢ, ကူထီၣ်သိးထီၣ်တၢ်သူၣ်အုးသးအုးအဆ့ကၤဒီးဟီၣ်တက့ၢ်. လဲၤနုာ်ဆူယွၤအတၢ်လုၢ်ဟံၣ်ပူၤဒီးသူၣ်အုးသးအုးသီတနၤ ကျၢၤတက့ၢ်. ဘုဧိၤဟုဧိၤမ့ၢ်ဂ့ၤ, စပံးထံမ့ၢ်ဂ့ၤတအိၣ်ဝဲဒၣ်လၢတၢ်ကလုၢ်ထီၣ်အီၤ ဆူသုကစၢ်ယွၤအအိၣ်န့ၣ်ဘၣ်.

လံာ်ဧၤမိၣ် 8:8

ဒီးဟီၣ်ခိၣ်ကဟူးဝးဆှဲးဆှိးဝဲလၢတၢ်န့ၣ်အဃိဒီးပှၤအိၣ်ဝဲလၢ ကီၢ်ပူၤခဲလၢာ်ကအိၣ်လၢတၢ်မိၣ်တၢ်မးအပူၤလီၤ. ထံကီၢ်ဒီတဘ့ၣ်ကဂံၤဂုၤအသးဒီးကစံၣ်စုးဒီးကလီၤသွီဝဲဒ်ထံကျိ နံၤလါလၢကီၢ်အဲၤကူပတူးအသိးန့ၣ်လီၤ.

လံာ်စဖါနယၤ 1:10

ဒီးယွၤစံးဝဲဒၣ်, “လၢမုၢ်နံၤအဝဲန့ၣ်တၢ်ကမၤအသးလၢတၢ်ကိးပသူထီၣ်ကသီၣ်ထီၣ် ဝဲလၢဝ့ၢ်ယရူၤၡလ့ၣ်အတြဲၤညၣ်န့ၣ်လီၤ. ဒီးသုကနၢ်ဟူတၢ်ဟီၣ်တၢ်ယၢၤလၢတၢ်လီၢ်အသီတတီၤလၢဝ့ၢ်အပူၤ ဒီးတၢ်လီၤပှီၢ်အသီၣ်ဖးဒိၣ်တမံၤလၢတၢ်လူၢ်ခိၣ်တဖၣ်အဒီခိၣ်န့ၣ်လီၤ.

လံာ်စဖါနယၤ 3:11

ဒီးလၢအကတီၢ်အဝဲန့ၣ်, သုဝဲယပှၤဂီၢ်မုၢ်အံၤ သုမဲာ်ဆှးလၢသုပူထီၣ်ထီဒါတ့ၢ်ယၤအဃိအလီၢ်တအိၣ်လၢၤဘၣ်. ယကသုးကွံာ်ပှၤကိးဂၤဒဲးလၢအသးထီၣ်ထီဒီးအပာ် ကဖိအသးတဖၣ်ဒီးသုတပူထီၣ် ထီဒါကဒီးယၤလၢယကစၢၢ်စီဆှံအလိၤနီတစုလၢၤဘၣ်န့ၣ်လီၤ.

လံာ်စဖါနယၤ 3:3

အပဒိၣ်ဖးဒိၣ်တဖၣ်လီၤဂာ်ဒ်ခ့ယုၢ် တဖၣ်လၢအကညီၤတၢ်အသိး, အပှၤစံၣ်ညီၣ်ကွီၢ်တဖၣ်လီၤ ဂာ်ဒ်ထွံၣ်မံၤတဖၣ်လၢအသူၣ်ဝံၤသၣ်စ့ၤဒီးသူၣ်လီသးကွံတၢ် အါတုၤအတပာ်တ့ၢ်တၢ်ဃံတဘိဒၣ်လဲာ်တုၤလၢမုၢ်ဂီၤ အကတီၢ်ဘၣ်အသိးန့ၣ်လီၤ.

လံာ်စကၤရယၤ 11:2

သ့ၣ်ဆှိသ့ၣ်ဧၢ, ဟီၣ်တၢ်ယၢၤတၢ်ဒီးဟီၣ်ပသူဟီၣ်ပသီတက့ၢ်. အဂ့ၢ်ဒ်အံၤ, သ့ၣ်ဆှိအ့ရ့းတဖၣ်လီၤဃံၤလံ ဒီးသ့ၣ်လၢအအိၣ်ဒီးအလၤကပီၤတဖၣ်န့ၣ် ဘၣ်တၢ်မၤဟးဂီၤကွံာ်အီၤလံ. ကီၢ်ဘၤၡၣ်အသ့ထိးဖၣ်သ့ၣ်ဧၢ, ဟီၣ်တၢ်ယၢၤတၢ်ဒီးဟီၣ်ပသူ ဟီၣ်ပသီတက့ၢ်. အဂ့ၢ်ဒ်အံၤ, သ့ၣ်ပှၢ်လၢအတီၣ်ဘၣ်တၢ်ကူာ်လီၤကွံာ်အီၤလံ.

လံာ်စကၤရယၤ 11:8

ပှၤကွၢ်သိအဂၤသၢဂၤလၢအသးဟ့ယၤန့ၣ်, ယဝံသးစူၤအီၤတကဲဘၣ်ဒီးလၢတလါဃီဧိၤအတီၢ်ပူၤ ယဒီၣ်တဲာ်ကွံာ်အဝဲသ့ၣ်လီၤ.

လံာ်မးသဲ 15:14

ပျဲအဝဲသ့ၣ်အိၣ်ဒၣ်အတၢ်တက့ၢ်. အဝဲသ့ၣ်မ့ၢ်ပှၤဆှၢတၢ်လၢအမဲာ်ဘျီၣ်တဖၣ်လီၤ. ဒီးဖဲပှၤမဲာ်ဘျီၣ်ဆှၢပှၤမဲာ်ဘျီၣ်န့ၣ်, အဝဲသ့ၣ်ကလီၤတဲာ်နုာ်ဆူတၢ်ပူၤခံဂၤလၢာ်န့ၣ်လီၤ.”

မၤတၢ် 7:52

ဝံလၢသုမိၢ်ပၢ်ဖံဖုလၢပျၢၤတဖၣ်တမၤအၢမၤနးအီၤဘၣ်န့ၣ်, မ့ၢ်အအိၣ်တဂၤဂၤဧါ. အဝဲသ့ၣ်မၤသံတ့ၢ်ကစၢ်ယွၤအပှၤစိာ်တၢ်ကစီၣ်တဖၣ်လၢအကတိၤ ဆိပာ်စၢၤဘၣ်ဃးကစၢ်ယွၤအခ့အပှၤလၢအတီအလိၤတဂၤ အတၢ်ဟဲအဂ့ၢ်, ဒီးခဲကနံၣ်အံၤသုဝဲသ့ၣ်သုဆါလီၤကွံာ်ဒီးမၤသံကွံာ် အဝဲဒၣ်န့ၣ်လီၤ.