လံာ်စကၤရယၤ 11:12 - Sgaw Karen Common Bible

¹² ယစံးဘၣ်အဝဲသ့ၣ်, “သုသးမ့ၢ်အိၣ်ဒီးဟ့ၣ်ယၤယဘူးယလဲတက့ၢ်. ဘၣ်ဆၣ်သုသးမ့ၢ်တအိၣ်န့ၣ်, တဘၣ်ဟ့ၣ်ယၤတဂ့ၤ.” လၢတၢ်န့ၣ်အဃိအဝဲသ့ၣ်ဟ့ၣ်ယၤလၢစ့အဘ့ၣ်သၢဆံဒ်ယဘူးယလဲအသိး န့ၣ်လီၤ.

လံာ်စကၤရယၤ 11:12 Iomraidhean Croise

လံာ်တၢ်ကဲထီၣ်အခီၣ်ထံး 23:16

စီၤအၤဘြၤဟၣ်ဘၣ်သူၣ်ဘၣ်သးဒီးစီၤဝဲစ့ညၣ်အတယၢၢ်လၢစီၤဧ့ၤဖရိၣ် ယၢၤထီၣ်တ့ၢ်ဝဲဒ်ပှၤဂီၢ်မုၢ်နၢ်ဟူတ့ၢ်, စ့ညၣ်နီၢ်နီၢ်လွံၢ်ကယၤဒ်ပှၤကူၣ်တၢ်ကၤတၢ်တဖၣ်ပာ်ဝဲနီၣ်ထိၣ် နီၣ်တယၢၢ်အတီၤလၢအဝဲသ့ၣ်သူဝဲဒၣ်အသိးန့ၣ်လီၤ.

လံာ်တၢ်ကဲထီၣ်အခီၣ်ထံး 37:28

ဒီးဖဲပှၤမံးဒယၣ်ဖိအပှၤကူၣ်တၢ်ကၤတၢ်တနီၤဟဲဘၣ်ကျဲန့ၣ်, စီၤယိၤသးအဒီပုၢ်ဝဲၢ်ခွါတဖၣ်ထုးထီၣ်အီၤလၢထံပူၤဒီးဆါ ကွံာ်အီၤလၢစ့ညၣ်အဘ့ၣ်ခံဆံ, ဆူပှၤယံးၡမၤဧ့လးဖိတဖၣ်အစုပူၤလၢအက့ၤစိာ်ကွံာ်အီၤဆူ ကီၢ်အဲၤကူပတူးအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 21:2

ဘၣ်မုၢ်တနံၤစီၤအၤဃာ်စံးဘၣ်စီၤနၤဘိး, “ပျဲယဟံးန့ၢ် နစပံးလီၢ်န့ၣ်တက့ၢ်. အဂ့ၢ်ဒ်အံၤ, အိၣ်ဘူးဒီးယနီ, ဒီးယအဲၣ်ဒိးသူတၢ်လီၢ်န့ၣ်လၢတၢ်ဒိးတၢ်လၣ်အကရၢၢ်တခါန့ၣ် လီၤ. လၢတၢ်န့ၣ်အဂီၢ်, ယကဟ့ၣ်နၤစပံးလီၢ်အဂ့ၤဒိၣ်တက့ၢ်မ့တမ့ၢ်, နမ့ၢ်ဘၣ်နသးဒီးယကဟ့ၣ်နၤတၢ်အပှ့ၤတမံၤလၢအကြၢးဝဲ ဘၣ်ဝဲန့ၣ်လီၤ.”

လံာ်စီၤပၤအခီၣ်ထံးတဘ့ၣ် 5:6

လၢတၢ်န့ၣ်အဃိမၢလီၤနပှၤတဖၣ်ဆူကီၢ်လဘၤနိၣ်လၢကကူာ်လီၤသ့ၣ် ဆှိအ့ရ့းတဖၣ်လၢယဂီၢ်န့ၣ်တက့ၢ်. ယပှၤတဖၣ်ကမၤသကိးတၢ်ဒီးအဝဲသ့ၣ်, ဒီးယကဟ့ၣ်ဘူးဟ့ၣ်လဲနပှၤတဖၣ်ဒ်နစံၣ်ညီၣ်နဲအသိးန့ၣ်လီၤ. ဒ်နသ့ၣ်ညါဂ့ၤဂ့ၤအသိးန့ၣ်, ယပှၤတဖၣ်ကူာ်လီၤသ့ၣ်တသ့ဒ်နပှၤတဖၣ် အသိးန့ၣ်ဘၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 30:4

စီၤပၤဒီးပှၤဂီၢ်မုၢ်ဘၣ်သူၣ်ဘၣ်သးလၢအဝဲသ့ၣ်အတၢ်ကူၣ်ကျဲၤ အံၤ,

လံာ်တၢ်ဟးထီၣ်ကွံာ် 21:32

ကျီၢ်ဖါတဒုန့ၣ်မ့ၢ်မၤသံဘၣ်ကုၢ်ပိာ်ခွါမ့ၢ်ဂ့ၤကုၢ်ပိာ်မုၣ် မ့ၢ်ဂ့ၤန့ၣ်ဒီးအကစၢ်ကဘၣ်ဟ့ၣ်ကုၢ်အကစၢ်လၢစ့အဘ့ၣ်သၢဆံ, ဒီးကျီၢ်န့ၣ်ကဘၣ်တၢ်ကွံာ်သံအီၤလၢလၢၢ်န့ၣ်လီၤ.

လံာ်ယံးရမံယၤ 32:9

ယပှ့ၤစံာ်ပျီန့ၣ်လၢ စီၤဃနၤန့လးအအိၣ်ဒီးယစီၤန့ၢ်အီၤ စ့လၢအဂီၢ်, အပှ့ၤလီၤတဲာ်ဝဲစ့ ၡကလးတဆံနွံဘ့ၣ်န့ၣ်လီၤ.

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

လံာ်မးသဲ 26:15

ဒီးသံကွၢ်ဝဲ, “ယမ့ၢ်ဟ့ၣ်လီၤကွံာ်ယ့ၣ်ၡူးဆူသုစုပူၤန့ၣ်, သုကဟ့ၣ်ယၤတၢ်မနုၤလဲၣ်.” ဒီးအဝဲသ့ၣ်ဂံၢ်န့ၢ်စ့ညၣ်အဘ့ၣ်သၢဆံဝံၤဟ့ၣ်လီၤအီၤန့ၣ်လီၤ.

လံာ်မးသဲ 27:10

ဒီးသူစ့န့ၣ်လၢအကပှ့ၤန့ၢ်ပှၤတ့သပၢၤအပျီတဘ့ၣ်, ဒ်ကစၢ်မၤလိာ်တ့ၢ်ယၤအသိးန့ၣ်လီၤ.” (ကၤ ၁၁:၁၃)

လံာ်မးသဲ 27:9

တုၤနုၤတစု, တၢ်လၢဝံယံးရမံယၤစံးတ့ၢ်ဝဲန့ၣ်လၢထီၣ်ပှဲၤထီၣ်ဝဲလီၤ. “အဝဲသ့ၣ်ဟံးန့ၢ်စ့အဘ့ၣ်သၢဆံ, လၢအမ့ၢ်တၢ်အပှ့ၤလၢပှၤအံၣ်စရ့လးဖိတဖၣ် ပာ်ဝဲဒ်အဝဲဒၣ်အပှ့ၤအသိးန့ၣ်,

လံာ်ယိၤဟၣ် 13:2

ယ့ၣ်ၡူးဒီးအပျဲၢ်အဘီၣ်တဖၣ်အီၣ်ဟါတၢ်အီၣ်အခါ, မုၣ်ကီၤလံၢ်ဒၢနုာ်တ့ၢ်လံဝဲတၢ်ကူၣ်လၢအကဟ့ၣ်လီၤကွံာ် ယ့ၣ်ၡူးလၢစီၤၡံမိၣ်အဖိခွါစီၤယူဒၤအံၣ်စကၤရံၤအိာ် အသးပူၤန့ၣ်လီၤ.