လံာ်စကၤရယၤ 11:11 - Sgaw Karen Common Bible

¹¹ လၢတၢ်န့ၣ်အဃိတၢ်အၢၣ်လီၤအီလီၤဘၣ်တၢ်တြူာ်ကွံာ်အီၤဖဲမုၢ် တနံၤန့ၣ်လီၤ. ဒီးပှၤလၢအပှ့ၤဒီးဆါသိတဖၣ်န့ၣ်ကွၢ်ယၤ, ဒီးအဝဲသ့ၣ်သ့ၣ်ညါဝဲလၢယွၤကတိၤတၢ်ခီဖျိတၢ်လၢယမၤတ့ၢ်န့ၣ်လီၤ.

လံာ်စကၤရယၤ 11:11 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 9:14

လၢတၢ်ခိတၢ်သွဲတဖၣ်လၢအဘၣ်တၢ်ဟ့ၣ်အီၤလၢပှၤကူၣ်တၢ်ကၤတၢ်ဖိ တဖၣ်ဒီးပှၤဆါတၢ်ပှ့ၤတၢ်တဖၣ်အမဲာ်ညါန့ၣ်လီၤ. ကီၢ်ဧ့ရ့းအစီၤပၤတဖၣ်, ဒီးပဒိၣ်ဖးဒိၣ်တဖၣ်လၢကီၢ်အံၣ်စရ့ လးအကီၢ်ဆၣ်တဖၣ်, ဟဲစိာ်န့ၢ်စ့ၢ်ကီးအီၤလၢစ့ဒီးထူန့ၣ်လီၤ.

စံးထီၣ်ပတြၢၤ 69:33

အဂ့ၢ်ဒ်အံၤ, ယွၤနၢ်ဟူပှၤဖှီၣ်ဖိယာ်ဖိအကလုၢ် ဒီးအပှၤလၢအဘၣ်တၢ်စၢဃာ်တဖၣ်န့ၣ် တသးပ့ၤနီၣ်ဝဲဒၣ်ဘၣ်.

လံာ်ယၡါယၤ 14:32

မ့ၢ်ပကစံးဆၢပှၤစိာ်တၢ်ကစီၣ်တဖၣ်လၢအဟဲဆူပအိၣ်လၢကီၢ် ဖလ့ၡသးတခီန့ၣ်ဒ်လဲၣ်. ပကတဲဘၣ်အဝဲသ့ၣ်လၢယွၤဒုးအိၣ်ထီၣ် ဒီးပာ်ဂၢၢ်ပာ်ကျၢၤလံဝ့ၢ်စံယိၣ်လီၤ. ဒီးအပှၤဂီၢ်မုၢ်လၢ အတူၢ်ဘၣ်တၢ်နးတၢ်ဖှီၣ်တဖၣ်ကထံၣ်န့ၢ်တၢ်ပူၤဖျဲးဖဲန့ၣ်န့ၣ်လီၤ.

လံာ်ယၡါယၤ 40:31

မ့မ့ၢ်ပှၤလၢအနာ်ယွၤ, လၢတၢ်မၤစၢၤအဂီၢ်တဖၣ်န့ၣ်ကထံၣ်ဝဲလၢ အတၢ်ဂံၢ်တၢ်ဘါဘၣ်တၢ်မၤသီထီၣ်က့ၤအီၤန့ၣ်လီၤ. ကယူာ်ထီၣ်အဒံးဆ့တဖၣ်ဒ်လံာ်ဧိၤတြၤဧိၤအသိးလီၤ. ကဃ့ၢ်ဝဲဒီးအသးတလီၤစၢ်လီၤဘှါဘၣ်. အဝဲသ့ၣ်ကလဲၤတၢ်ဒီးအဂံၢ်အဘါတလီၤစၢ်ဝဲဘၣ်.

လံာ်ယၡါယၤ 8:17

ယွၤပာ်ခူသူၣ်ကွံာ်အသးလၢအပှၤဂီၢ်မုၢ်လီၤ. ဘၣ်ဆၣ်ဒီးယနာ်အီၤဒီးပာ်ယတၢ်မုၢ်လၢ်လၢအဝဲအပူၤလီၤ.

လံာ်ယံးရမံယၤ 32:8

အန့ၣ်ဝံၤဒီး, ဒ်ယွၤစံးတ့ၢ်ဝဲအသိး, စီၤဃနၤန့လးဟဲဆူ ယအိၣ်ဖဲ ဃိာ်အဂၢၤပူၤဒီး မၢယပှ့ၤစံာ်ပျီန့ၣ်လီၤ. သတးဒီးယသ့ၣ်ညါ ယဲလၢယွၤကတိၤတ့ၢ်လံ တၢ်ဒီးယၤနီၢ်နီၢ်လံန့ၣ်လီၤ.

လံာ်မံကၤ 7:7

မ့မ့ၢ်ယဲဒၣ်အံၤယကအိၣ်ခိးကွၢ်လၢ်ယွၤ, ယကအိၣ်ခိးကစၢ်ယွၤလၢ အကအုၣ်က့ၤခီၣ်က့ၤယၤလၢတၢ်သူၣ်ဂၢၢ်သးကျၢၤအပူၤလီၤ. ယကစၢ်ယွၤကနၢ်ဟူယကလုၢ်လီၤ.

လံာ်စဖါနယၤ 3:12

ဒီးဖဲန့ၣ်ယကပာ်တီၢ်တ့ၢ်ပှၤလၢအသးစူၤဒီးဆီၣ်လီၤအသးလၢ အကဟဲဆူယအိၣ်လၢတၢ်မၤစၢၤအဂီၢ်န့ၣ်လီၤ.

လံာ်လူၤကၣ် 19:48

ဘၣ်ဆၣ်ဒီးအဝဲသ့ၣ်ကဘၣ်မၤဝဲလၢကျဲဒ်လဲၣ်န့ၣ်တသ့ၣ်ညါဝဲဘၣ်. အဂ့ၢ်မ့ၢ်လၢပှၤဂီၢ်မုၢ်ဒိကနၣ်ဒံးအတၢ်စံးတၢ်ကတိၤ, ဒီးတအဲၣ်ဒိးလၢအတၢ်ကတိၤလဲၤပူၤကွံာ်အဝဲသ့ၣ်နီ တထံၣ်ဘၣ်အဃိလီၤ.

လံာ်လူၤကၣ် 2:25

ဖဲဆၢကတီၢ်အဝဲန့ၣ်, ပှၤအိၣ်ဝဲဒၣ်တဂၤလၢအမံၤမ့ၢ်စီၤစူၤမ့းအိၣ်, လၢအအိၣ်ဆိးဝဲဒၣ်ဖဲဝ့ၢ်ယရူၤရှလ့ၣ်န့ၣ်လီၤ. အဝဲဒၣ်မ့ၢ်ပှၤဂ့ၤပှၤဝါ, ပှၤပျံၤကစၢ်ယွၤအဲၣ်ကစၢ်ယွၤတဂၤ, ဒီးအိၣ်ခိးကွၢ်လၢ်အံၣ်စရ့လးကဘၣ်တၢ်အုၣ်က့ၤခီၣ်က့ၤအီၤလီၤ. သးစီဆှံအိၣ်ဒီးအီၤ,

လံာ်လူၤကၣ် 2:38

ဖဲအနၣ်ရံၣ်တကတီၢ်ဃီအဝဲန့ၣ်, အဝဲဒၣ်ဟဲတုၤဒီးစံးထီၣ်ပတြၢၤယွၤ, ဒီးကတိၤတၢ်ဘၣ်ဃးဖိသၣ်တဂၤန့ၣ်အဂ့ၢ် လၢပှၤကိးဂၤဒဲးလၢအအိၣ်ခိးကစၢ်ယွၤ အကဒုးထူၣ်ဖျဲးထီၣ်ကွံာ်ဝ့ၢ်ယရူၤၡလ့ၣ်န့ၣ်လီၤ.

လံာ်လူၤကၣ် 7:22

အဝဲဒၣ်စံးဆၢက့ၤစီၤယိၤဟၣ်အပှၤဆှၢတၢ်ကစီၣ်တဖၣ်, “က့ၤဒီးတဲဘၣ်စီၤယိၤဟၣ်တၢ်လၢသုထံၣ်ဘၣ်ဒီးနၢ် ဟူဘၣ်တ့ၢ်သုဝဲန့ၣ်တက့ၢ်. ပှၤမဲာ်ဘျီၣ်တဖၣ်ထံၣ်ထီၣ်က့ၤတၢ်, ပှၤခီၣ်ဟးဂီၤတဖၣ်ဟးထီၣ်က့ၤဝဲသ့, ပှၤလိၤတဂ့ၤတဖၣ်ဘၣ်တၢ်မၤကဆှီထီၣ်က့ၤအီၤ, ပှၤနၢ်တအၢတဖၣ်နၢ်ဟူထီၣ်က့ၤတၢ်, ပှၤသံတဖၣ်ဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ, ဒီးတၢ်သးခုကစီၣ်ဘၣ်တၢ်စံၣ်တဲၤတဲလီၤန့ၢ်ပှၤဖှီၣ်ဖိယာ်ဖိတဖၣ်လီၤ.

လံာ်သိၣ်လီၤသီလီၤတၢ် 31:21

ဒီးတၢ်တတၢးတနါတဖၣ်လၢအလီၤပျံၤလီၤဖုးအါမံၤကလီၤဘၣ်လၢ အဝဲသ့ၣ်အလိၤန့ၣ်လီၤ. မ့မ့ၢ်တၢ်သးဝံၣ်အံၤကဘၣ်တၢ်သးဝံၣ်ဒံးအီၤ, ဒီးကအိၣ်ဂၢၢ်ကျၢၤဒံးဝဲဒ်တၢ်အုၣ်အသးထီဒါအဝဲသ့ၣ်အသိးန့ၣ် လီၤ. ခဲအံၤဒၣ်လဲာ်, တချုးဒံးဘၣ်လၢယဆှၢနုာ်အဝဲသ့ၣ်ဆူ ကီၢ်န့ၣ်အပူၤ, လၢယအၢၣ်လီၤတ့ၢ်လၢယကဟ့ၣ်အဝဲသ့ၣ်ဘၣ်န့ၣ်, ယသ့ၣ်ညါတၢ်လၢအဝဲသ့ၣ်ဆိကမိၣ်ဝဲန့ၣ်လီၤ.”

လံာ်သိၣ်လီၤသီလီၤတၢ် 31:29

ယသ့ၣ်ညါလၢဖဲယသံဝံၤအလီၢ်ခံန့ၣ်, ပှၤဂီၢ်မုၢ်ကကဲထီၣ်ပှၤတ တီတလိၤဒီးညိကွံာ်တၢ်လၢယသိၣ်လိတ့ၢ်အဝဲသ့ၣ်န့ၣ်လီၤ. ဒီးလၢတၢ်ဆၢကတီၢ်လၢအကဟဲအပူၤန့ၣ်, အဝဲသ့ၣ်ကဘၣ်သဂၢၢ်ဒီးတၢ်တတၢးတနါ, မ့ၢ်လၢအဝဲသ့ၣ်ကမၤသးထီၣ် ယွၤခီဖျိတၢ်လၢအဝဲတြီတ့ၢ်ဝဲတဖၣ်အဃိန့ၣ်လီၤ.”