လံာ်စကၤရယၤ 11:1 - Sgaw Karen Common Bible

¹ ကီၢ်လဘၤနိၣ်ဧၢ, အိးထီၣ်နတြဲၤတဖၣ်ဒ်သိးမ့ၣ်အူကအီၣ်ကွံာ်နသ့ၣ်ဆှိအ့ရ့း တဖၣ်တက့ၢ်.

လံာ်စကၤရယၤ 11:1 Iomraidhean Croise

လံာ်ယံးရမံယၤ 22:23

နအိၣ်ဂၢၢ်ဆိးကျၢၤလၢသ့ၣ်ဆှိအ့ရ့းတဖၣ်လၢအဘၣ်တၢ်ဟဲက့ၤ စိာ်လၢကီၢ်လဘၤနိၣ်အကျါန့ၣ်လီၤ. ဘၣ်ဆၣ်ဒီး, တၢ်မၤဆူးမၤဆါလၢ အလီၤဂာ်ဒ်ပိာ်မုၣ်တဂၤအဟုးဆါထီၣ်အသိး, မ့ၢ်ဟဲ မၤဘၣ်ဒိဘၣ်ထံးနၤဒီး, နကလီၤသးကညီၤဆံးအါလဲၣ်.

လံာ်ယဃ့းစက့လး 31:3

နလီၤဂာ်ဒီးသ့ၣ်ဆှိအ့းရ့းတထံးလၢကီၢ်လဘၤနိၣ်, လၢအအိၣ်ဒီး အဒ့ဃံလၤကဒုဂ့ၤမးတဖၣ်, သ့ၣ်တထူၣ်လၢအထီဝဲတုၤထီၣ်ဘး လၢတၢ်အၢၣ်တဖၣ်န့ၣ်လီၤ.

လံာ်ဃဘးကူာ် 2:17

သုကူာ်လီၤကွံာ်လဘၤနိၣ်အသ့ၣ်ပှၢ်တဖၣ်, ဒီးခဲအံၤသုကဘၣ်တၢ်ဒီၣ်တဲာ်ကွံာ်သုလီၤ. သုမၤသံမၤဝီတ့ၢ်အဆၣ်ဖိကီၢ်ဖိတဖၣ်, ဒီးခဲအံၤဆၣ်ဖိကီၢ်ဖိတဖၣ်ကမၤပျံၤမၤဖုးသုလီၤ. တၢ်အံၤကမၤအသးလၢသုတၢ်မၤသံမၤဝီဒီးတၢ်ဂုာ် ဆူၣ်ပျီဆူၣ်ထီဒါပှၤဂီၢ်မုၢ်လၢဟီၣ်ခိၣ်ချၢဒီးအဝ့ၢ်တဖၣ်အဃိလီၤ.

လံာ်ဃဘးကူာ် 2:8

မ့ၢ်သုဂုာ်ဆူၣ်ပျီဆူၣ်တ့ၢ်ပှၤဂီၢ်မုၢ်လၢပှၤအါကလုာ်အကျါ အဃိ, ခဲကနံၣ်အံၤပှၤလၢအအိၣ်လီၤတဲာ်တဖၣ်ကဂုာ် ဆူၣ်ပျီဆူၣ်က့ၤသုလၢတၢ်လၢသုမၤသံသ့ၣ်တဖၣ်ဒီးသုတၢ် အၢတၢ်သီထီဒါပှၤဂီၢ်မုၢ်လၢဟီၣ်ခိၣ်ချၢဒီးအဝ့ၢ်တဖၣ်အဃိလီၤ.

လံာ်ဃးကဲ 1:8

ခဲကနံၣ်အံၤ, လဲၤထီၣ်ဆူတၢ်လူၢ်တဖၣ်, မၤန့ၢ်သ့ၣ်တၢၢ်သ့ၣ်ဘၣ်, ဒီးဘှီထီၣ်ကဒါက့ၤတၢ်လုၢ်ဟံၣ်တက့ၢ်. ဒီးယကသူၣ်ခုသးခု ဒီးဒိးဘၣ်တၢ်ဘူၣ်ထီၣ်ဘါထီၣ်ယၤဒ်ယကြၢးအသိးန့ၣ်လီၤ.

လံာ်စကၤရယၤ 10:10

ယကဟဲက့ၤစိာ်က့ၤအဝဲသ့ၣ်ဆူဟံၣ်လၢ ကီၢ်အဲၤကူပတူးဒီးကီၢ်အၤၡူၢ်, ဒီးဒုးအိၣ်ဒုးဆိးအဝဲသ့ၣ်လၢအထံအကီၢ် ဒၣ်ဝဲအပူၤန့ၣ်လီၤ. ယကဒုးအိၣ်ဒုးဆိးအဝဲသ့ၣ်လၢကီၢ်ကံးလဧး, ဒီးလၢကီၢ်လဘၤနိၣ်စ့ၢ်ကီး, ဒီးကီၢ်ဒီတဘ့ၣ်ညါကပှဲၤဝဲဒီးပှၤဂီၢ်မုၢ်န့ၣ်လီၤ.

လံာ်စကၤရယၤ 11:2

သ့ၣ်ဆှိသ့ၣ်ဧၢ, ဟီၣ်တၢ်ယၢၤတၢ်ဒီးဟီၣ်ပသူဟီၣ်ပသီတက့ၢ်. အဂ့ၢ်ဒ်အံၤ, သ့ၣ်ဆှိအ့ရ့းတဖၣ်လီၤဃံၤလံ ဒီးသ့ၣ်လၢအအိၣ်ဒီးအလၤကပီၤတဖၣ်န့ၣ် ဘၣ်တၢ်မၤဟးဂီၤကွံာ်အီၤလံ. ကီၢ်ဘၤၡၣ်အသ့ထိးဖၣ်သ့ၣ်ဧၢ, ဟီၣ်တၢ်ယၢၤတၢ်ဒီးဟီၣ်ပသူ ဟီၣ်ပသီတက့ၢ်. အဂ့ၢ်ဒ်အံၤ, သ့ၣ်ပှၢ်လၢအတီၣ်ဘၣ်တၢ်ကူာ်လီၤကွံာ်အီၤလံ.

လံာ်စကၤရယၤ 12:6

ဖဲအဆၢကတီၢ်အဝဲန့ၣ်, ယကဒုးကဲထီၣ်ကီၢ်ယူဒၤ အဒူၣ်ထၢတဖၣ်ဒ်မ့ၣ်အူလၢပှၢ်တပှၢ်အပူၤအသိး, မ့တမ့ၢ်ဒ်, ဘုလၢအမံထီၣ်အစံာ်ပျီပူၤတပူၤအသိး, ဒီးအဝဲသ့ၣ်ကမၤဟးဂီၤကွံာ်ပှၤကလုာ်အိၣ်ဝးတရံးအီၤခဲလၢာ်လီၤ. ဝ့ၢ်ယရူၤၡလ့ၣ်အပှၤဂီၢ်မုၢ်ကအိၣ်တ့ၢ်ပူၤဖျဲးဝဲလၢဝ့ၢ်အပူၤန့ၣ်လီၤ.

လံာ်သိၣ်လီၤသီလီၤတၢ် 32:22

ယတၢ်သးဒိၣ်ကမၤသးဒ်မ့ၣ်အူကဲၤထီၣ် ဒီးအီၣ်ကွံာ်ကယဲၢ်တၢ်ခဲလၢာ်လၢဟီၣ်ခိၣ်အသိးန့ၣ်လီၤ. တၢ်န့ၣ်ကတုၤဃီၤဆူဟီၣ်ခိၣ်လာ်ဒီးအီၣ်လၢာ်ဂီၤကွံာ် ကစၢၢ်ကလိတဖၣ်အခီၣ်ထံးတဖၣ်န့ၣ်လီၤ.