လံာ်စကၤရယၤ 10:10 - Sgaw Karen Common Bible

¹⁰ ယကဟဲက့ၤစိာ်က့ၤအဝဲသ့ၣ်ဆူဟံၣ်လၢ ကီၢ်အဲၤကူပတူးဒီးကီၢ်အၤၡူၢ်, ဒီးဒုးအိၣ်ဒုးဆိးအဝဲသ့ၣ်လၢအထံအကီၢ် ဒၣ်ဝဲအပူၤန့ၣ်လီၤ. ယကဒုးအိၣ်ဒုးဆိးအဝဲသ့ၣ်လၢကီၢ်ကံးလဧး, ဒီးလၢကီၢ်လဘၤနိၣ်စ့ၢ်ကီး, ဒီးကီၢ်ဒီတဘ့ၣ်ညါကပှဲၤဝဲဒီးပှၤဂီၢ်မုၢ်န့ၣ်လီၤ.

လံာ်စကၤရယၤ 10:10 Iomraidhean Croise

လံာ်ယၡါယၤ 60:22

နဒူၣ်ဖိထၢဖိအဆံးကတၢၢ်ဒီး အဆီၣ်လီၤသးကတၢၢ်ဒၣ်လဲာ် ကကဲထီၣ်တၢ်အဒိၣ်ထဲသိးပှၤကလုာ်လၢ အဒိၣ်စိဒိၣ်ကမီၤတကလုာ်လီၤ. တုၤတၢ်ဆၢဂ့ၤကတီၢ်ဘၣ်ဟဲတုၤဝဲဒီး, ယကဒုးဟဲထီၣ်တၢ်အံၤချ့ချ့လီၤ. ယမ့ၢ်ယွၤလီၤ.”

လံာ်ယံးရမံယၤ 22:6

လၢယဂီၢ်န့ၣ်, ကီၢ်ယူဒၤအစီၤပၤအနူၢ်ဧိၤစီၤဧိၤအံၤ ဃံဝဲလၤဝဲဒ်ကီၢ်ကံးလဧးဒီးဒ်လဘၤနိၣ်အကစၢၢ်ကလိတဖၣ် အသိးန့ၣ်လီၤ. ဘၣ်ဆၣ်ဒီးယကဒုးကဲထီၣ်အီၤလၢတၢ်လီၢ် အိၣ်သယုၢ်သညိတတီၤဖဲပှၤတအိၣ်တဆိးဝဲနီတဂၤဘၣ်န့ၣ်လီၤ.

လံာ်ယံးရမံယၤ 50:19

ကဒုးအိၣ်ကဒါက့ၤ ကီၢ်အံၣ်စရ့လးအပှၤဂီၢ်မုၢ်လၢအထံလီၢ်ကီၢ်ပူၤလီၤ. အဝဲသ့ၣ်ကအီၣ်တၢ်အီၣ်လၢအမဲထီၣ်သၣ်ထီၣ်ဝဲ လၢကစၢၢ်ကၢ်မ့ၤလးအလိၤဒီးလၢအလီၢ်ကဝီၤတဖၣ်အပူၤဒီး အဝဲသ့ၣ်ကအီၣ်တၢ်ခဲလၢာ်လၢ အသးအိၣ်အီၣ်ဝဲ, လၢအမဲထီၣ်သၣ်ထီၣ်ဝဲလၢအ့ဖရဲၣ်ဒီးကံးလဧးအလီၢ်ကဝီၤတဖၣ် အပူၤန့ၣ်လီၤ.

လံာ်ဟိၤၡ့ 11:10

ယပှၤဂီၢ်မုၢ်ကပိာ်ထွဲယခံဖဲယကညီၤအဝဲသ့ၣ် အဒုၣ်အဒါတဖၣ်ဒ်ခ့ယုၢ်တဒုအသိးအခါန့ၣ်လီၤ. အဝဲသ့ၣ်ကဟဲဆူယအိၣ်ချ့ချ့လၢမုၢ်နုာ်တကပၤ.

လံာ်ဟိၤၡ့ 11:11

အဝဲသ့ၣ်ကဟဲလၢကီၢ်အဲၤကူပတူးတခီချ့ချ့ဒ်ထိၣ်တဖၣ် ယူၤဝဲအသိးဒီးလၢကီၢ်အၤၡူၢ်တခီဒ်ထိၣ်လွံၢ်တဖၣ်အသိးန့ၣ်လီၤ. ယကစိာ်က့ၤကဒီးအဝဲသ့ၣ်ဆူအဟံၣ်တဖၣ်လီၤ. ယၤ, ယွၤအံၤကတိၤလံတၢ်လံ.

လံာ်ဧိၤဘါဒယၤ 1:20

ပှၤအံၣ်စရ့လးဖိလၢကလံၤစိးလၢအဘၣ်တၢ်စိာ်မၢကဲကုၢ်အီၤတဖၣ် အသုးမုၢ်ကဟဲက့ၤဒီးကမၤန့ၢ်က့ၤကီၢ်ဖံၤနံက့ၤတုၤလၢဝ့ၢ်စၤရဖးသးလီၤ. ပှၤယရူၤၡလ့ၣ်ဖိလၢအဘၣ်တၢ်စိာ်မၢကဲကုၢ်အီၤဆူဝ့ၢ်စဖၤရးတဖၣ် ကမၤန့ၢ်က့ၤဝ့ၢ်တဖၣ်လၢကီၢ်ယူဒၤကလံၤထံးတခီလီၤ.

လံာ်မံကၤ 7:14

ယွၤဧၢ, မ့ၢ်နဲပှၤကွၢ်သိတဂၤလၢနပှၤဂီၢ်မုၢ်, ပှၤဂီၢ်မုၢ်လၢနဃုထၢအီၤအဂီၢ်တက့ၢ်. မ့ၢ်အိၣ်ဒၣ်ဝဲလၢပှၢ်မုၢ်ကနၢသနာ်က့ဟီၣ်ခိၣ်ညၣ်ထ့ၣ်ဂ့ၤ အကီၢ်တဖၣ်အိၣ်ဝးတရံးအီၤလီၤ. မ်အလဲၤဒီးအီၣ်တၢ်လၢကီၢ်ဘၤၡၣ်ဒီးကီၢ်ကံးလဧးအအီၣ်ဆၣ်လီၢ် လါဟ့တဖၣ်အပူၤဒ်အဝဲသ့ၣ်မၤတ့ၢ်လၢပျၢၤအသိးန့ၣ်တက့ၢ်.

လံာ်စကၤရယၤ 8:7

ယကမၤပူၤမၤဖျဲးယပှၤဂီၢ်မုၢ်လၢကီၢ်တဖၣ်လၢ အဝဲသ့ၣ်ဘၣ်တၢ်လဲၤစိာ်ကွံာ်အီၤ,

လံာ်စကၤရယၤ 8:8

ဒီးဟဲစိာ်ကဒါက့ၤအဝဲသ့ၣ်လၢမုၢ်ထီၣ် ဒီးလၢမုၢ်နုာ်ဒ်သိးကအိၣ်ကဆိးဝဲလၢဝ့ၢ်ယရူၤၡလ့ၣ်အပူၤလီၤ. ဒီးအဝဲသ့ၣ်ကကဲထီၣ်ယပှၤဂီၢ်မုၢ်, ဒီးယကကဲထီၣ်အဝဲသ့ၣ်အကစၢ်ယွၤဒီးပၢအဝဲသ့ၣ်လၢတၢ်သူၣ်တီသး ရၤဒီးတၢ်စံၣ်ညီၣ်တီအပူၤန့ၣ်လီၤ.