လံာ်စကၤရယၤ 10:1 - Sgaw Karen Common Bible

¹ ဃ့တၢ်စူၤထံလၢယွၤ, တၢ်စူၤထံလၢနံၣ်တနံၣ်န့ၣ်အတၢ်မဲထီၣ်အကတီၢ်အဂီၢ်တက့ၢ်. အဂ့ၢ်ဒ်အံၤ, ယွၤမ့ၢ်ပှၤလၢအဟ့ၣ်လီၤတၢ်စူၤအတၢ်အၢၣ်တဖၣ်ဒီးတၢ် စူၤအထံတဖၣ်လၢကဒုးလါဟ့ထီၣ်စံာ်ပျီတဖၣ်လၢပှၤကိးဂၤဒဲး အဂီၢ်န့ၣ်လီၤ.

လံာ်စကၤရယၤ 10:1 Iomraidhean Croise

လံာ်စီၤပၤအခီၣ်ထံးတဘ့ၣ် 17:1

ဝံတဂၤလၢအမံၤမ့ၢ်စီၤအ့ၤလံယၤ, လၢဝ့ၢ်တံးၡဘး, ကီၢ်ကံးလဧးအပူၤန့ၣ်စံးဘၣ်စီၤပၤအၤဃာ်, “လၢယွၤ, ကီၢ်အံၣ်စရ့လးအကစၢ်ယွၤလၢအမူဝဲလၢယမၤအတၢ်တဂၤ အမံၤအပူၤန့ၣ်, ယတဲဘၣ်နၤလၢမ့တမ့ၢ်လၢယစံးတၢ်တမံၤမံၤဒံးဘၣ်န့ၣ်, ပစီၤထံမ့ၢ်ဂ့ၤတၢ်စူၤထံမ့ၢ်ဂ့ၤတအိၣ်ဘၣ်နီတစဲးလၢဆူညါ ခံနံၣ်မ့တမ့ၢ်သၢနံၣ်အတီၢ်ပူၤဘၣ်လီၤ.”

လံာ်စီၤယိၤဘး 29:23

ပှၤကိးဂၤဒဲးတူၢ်လိာ်ယတၢ်ဟ့ၣ်ကူၣ်ဒ်ပှၤထူစံာ်ဖိတူၢ်လိာ် တၢ်စူၤထံလၢတၢ်စူၤလီၤသီအကတီၢ်အသိးန့ၣ်လီၤ.

စံးထီၣ်ပတြၢၤ 104:13

နဒုးစူၤလီၤတၢ်လၢမူခိၣ်ဆူ တၢ်လူၢ်တဖၣ်အလိၤ ဒီးဟီၣ်ခိၣ်ပှဲၤဝဲဒီးနတၢ်ဆိၣ်ဂ့ၤတဖၣ်လီၤ.

စံးထီၣ်ပတြၢၤ 135:7

အဝဲဒၣ်န့ၣ်ဒုးဟဲထီၣ်တၢ်စူၤအတၢ်အၢၣ်လၢဟီၣ်ခိၣ်အကတၢၢ်, ဒီးတ့လီၤလီဝၢ်အဒံးလၢ ကလံၤမုၢ်အဂီၢ်, ဒီးဒုးဟဲထီၣ်ကလံၤလၢ အတၢ်ပာ်ဖှိၣ်အလီၢ်န့ၣ်လီၤ.

စံးထီၣ်ပတြၢၤ 65:9

နဒုးနဲၣ်ဖျါထီၣ်နတၢ်အံးထွဲကွၢ်ထွဲဟီၣ်ခိၣ်ခီဖျိ နဒုးဟဲစူၤလီၤမူခိၣ်, နမၤအါထီၣ်ဟီၣ်ခိၣ်ညၣ်ထ့ၣ်န့ၣ်လီၤ. နမၤပှဲၤထံကျိဖိတဖၣ်လၢထံ, နကတဲာ်ကတီၤဟီၣ်ခိၣ်လၢ တၢ်မုၢ်တၢ်ဘိတဖၣ်လီၤ. တၢ်အံၤမ့ၢ်တၢ်လၢနမၤဝဲန့ၣ်လီၤ.

စံးထီၣ်ပတြၢၤ 72:6

မ်စီၤပၤကလီၤဂာ်ဒ်တၢ်စူၤလၢအဟဲလီၤလၢ စံာ်ပျီလၢတၢ်ကူးအီၤဝံၤ ဒ်တၢ်သဖှံၣ်လီၤလၢအမၤဘၣ်စီၣ် ဟီၣ်ခိၣ်အသိးန့ၣ်တက့ၢ်.

တၢ်ကတိၤဒိ. 16:15

စီၤပၤအကွၢ်မဲာ်တၢ်န့ၣ်မၤသးဒ်တၢ်အၢၣ်တဖၣ်လၢအဟဲစိာ်မူခိၣ် ထံလၢတၢ်စူၤလီၤသီအကတီၢ်န့ၣ်လီၤ. တၢ်မူအိၣ်ဖဲန့ၣ်, န့ၣ်လီၤ.

လံာ်ယၡါယၤ 30:23

ဖဲသုဖှံလီၤသုတၢ်ချံတဖၣ်တဘျီလၢ်လၢ်န့ၣ်, ယွၤကဆှၢလီၤ တၢ်စူၤထံလၢသုတၢ်မုၢ်တၢ်ဘိကဒိၣ်ထီၣ်အဂီၢ်ဒီးကဟ့ၣ်ထီၣ် သုတၤသူတၤသၣ်ထူးထူးတီၤတီၤ, ဒီးသုဆၣ်ဖိကီၢ်ဖိတဖၣ်ကအိၣ် ဒီးအီၣ်ဆၣ်အလီၢ်ဖးလဲၢ်န့ၣ်လီၤ.

လံာ်ယၡါယၤ 44:3

ယကဟ့ၣ်လီၤထံဆူကီၢ်လၢအသးသူထံ, ဒီးဒုးယွၤလီၤထံကျိတဖၣ်လၢဟီၣ်ခိၣ်လၢအဃ့ထီအလိၤန့ၣ် လီၤ. ယကလူလီၤဂၢ်လီၤယသးလၢသုဖိတဖၣ်အဖီခိၣ်, ဒီးယတၢ်ဆိၣ်ဂ့ၤလၢသုစၢၤသုသွဲၣ်တဖၣ်အလိၤလီၤ.

လံာ်ယၡါယၤ 5:6

ယကပျဲနီၣ်ဧိၤမံၤဧိၤခဲဘၢအီၤလီၤ. ယတပဲာ်ဟိကဆှီစပံးမုၢ် တဖၣ်ဒီးဖျးကဖီထီၣ်ဟီၣ်ခိၣ်ဘၣ်. အခိၣ်တလိာ်ယကပျဲတၤဆှုၣ်တၤမဲကးဘၢအီၤလီၤ. ယကတြီဒၣ်လဲာ်တၢ်အၢၣ်တဖၣ် ဒ်သိးအသုတပျဲတၢ်စူၤလီၤလၢအဖီခိၣ်တဂ့ၤအဂီၢ်လီၤ.”

လံာ်ယံးရမံယၤ 10:13

တုၤအဝဲဟ့ၣ်လီၤအကလုၢ်ဒီးထံတဖၣ်လၢမူကပိာ်လိၤအဖီခိၣ် သီၣ်ထီၣ်ရုၢ်ရုၢ်န့ၣ်လီၤ. အဝဲဟဲစိာ်တၢ်အၢၣ်တဖၣ်လၢဟီၣ်ခိၣ်အကတၢၢ်လီၤ. အဝဲတ့လီဝၢ်ဒံးဃုာ်ဒီးတၢ်စူၤဒီးဆှၢထီၣ်ကလံၤ လၢအတၢ်ပာ်ဖှိၣ်အလီၢ်လီၤ.

လံာ်ယံးရမံယၤ 14:22

ပှၤကလုာ်တဖၣ်အတၢ်ဂီၤတၢ်ဖီၣ်တဖၣ်လၢအဒုးစူၤလီၤတၢ်သ့န့ၣ်, တအိၣ်ဘၣ်. မူကပိာ်လိၤအကစၢ်ဒၣ်ဝဲဒုးလီၤသဖှံၣ်မူခိၣ်ထံ တသ့စ့ၢ်ကီးဘၣ်. အိ, ယွၤပကစၢ်ယွၤဧၢ, ပပာ်ပတၢ်မုၢ်လၢ်လၢနပူၤလီၤ. အဂ့ၢ်ဒ်အံၤ, နမ့ၢ်ပှၤတဂၤလၢအမၤတၢ်သ့ၣ်တဖၣ်အံၤန့ၣ်လီၤ.

လံာ်ယံးရမံယၤ 5:24

ယဆှၢလီၤန့ၢ်သုတၢ်စူၤထံလၢတၢ်သူၣ် လီၤတၢ်ဒီးတၢ်မဲထီၣ်သၣ်ထီၣ်အကတီၢ်အဂီၢ်, ဒီးဟ့ၣ်သုတၢ်ကူး က့ၤတၢ်အကတီၢ်တနံၣ်ဘၣ်တနံၣ်ဒၣ်လဲာ်န့ၣ်, သုတဆိကမိၣ်လၢသုကယူးယီၣ်ယၤန့ၣ်ဘၣ်.

လံာ်ယံးရမံယၤ 51:16

ဖဲအဝဲထုထီၣ်အကလုၢ်န့ၣ်, ထံတဖၣ်လၢ မူကပိာ်လိၤ အဖီခိၣ်သီၣ်ထီၣ်ဝဲရုၢ်ရုၢ်လီၤ. အဝဲဟဲစိာ်တၢ်အၢၣ်တဖၣ်လၢ ဟီၣ်ခိၣ်အကတၢၢ်လီၤ. အဝဲဒုးအိၣ်ထီၣ်လီၤဝၢ်ဒံးလၢ တၢ်စူၤအပူၤ ဒီးဆှၢထီၣ်ကလံၤလၢ အတၢ်ပာ်ဖှိၣ်အလီၢ်န့ၣ်လီၤ.

လံာ်ယဃ့းစက့လး 34:26

ယကဆိၣ်ဂ့ၤအဝဲသ့ၣ်ဒီးဒုးအိၣ်ဆိးအဝဲသ့ၣ်ဝးတရံးယတၢ်လူၢ်စီဆှံ န့ၣ်လီၤ. ဖဲန့ၣ်ယကဆိၣ်ဂ့ၤအဝဲသ့ၣ်ဒီးမူခိၣ်အတၢ်စူၤထံဖဲအဝဲသ့ၣ် လိၣ်ဘၣ်ဝဲအခါန့ၣ်လီၤ.

လံာ်ယဃ့းစက့လး 36:37

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “ယကပျဲပှၤအံၣ်စရ့လးဖိ တဖၣ်ဃ့ကဒီးတၢ်မၤစၢၤလၢယၤ, ဒီးယကဒုးအါထီၣ်အဝဲသ့ၣ် အနီၣ်ဂံၢ်ဒ်သိတဖုအသိးန့ၣ်လီၤ.

လံာ်ဟိၤၡ့ 10:12

ယစံးယဲ, ထဲၣ်ဟီၣ်ခိၣ်အသီလၢနကစၢ်ဒၣ်နဲအဂီၢ်, သူၣ်လီၤတၢ်မ့ၢ်တၢ်တီ, ဒီးကူးက့ၤတၢ်ဆိၣ်ဂ့ၤတဖၣ်လၢနတၢ်ဟ့ၣ်လီၤနသးဆူယၤ, ကဟ့ၣ်ထီၣ်ဝဲန့ၣ်တက့ၢ်. အအံၤမ့ၢ်တၢ်ဆၢကတီၢ်လၢနဂီၢ်လၢနဘၣ်ဃၣ်ကဒါက့ၤနသးဆူယၤ, နယွၤအအိၣ်ဒီးယကဟဲဒီးလူလီၤဂၢ်လီၤတၢ်ဆိၣ်ဂ့ၤတဖၣ်လၢနလိၤ န့ၣ်လီၤ.

လံာ်ဟိၤၡ့ 6:3

မ်ပကဂုာ်ကျဲးစၢးသ့ၣ်ညါသကိးယွၤန့ၣ်တက့ၢ်. အဝဲကဟဲဆူပအိၣ်သပှၢ်ကတၢၢ်ဒ်မုၢ်ဟဲထီၣ်သီတဖၣ်အသိး, သပှၢ်ကတၢၢ်ဒ်တၢ်ယီၤထီၣ်သီအမူခိၣ်ထံမၤဘၣ်စီၣ်ဟီၣ်ခိၣ် အသိးန့ၣ်လီၤ.

လံာ်ဧၤမိၣ် 4:7

ယတြီဃာ်တၢ်ဟဲစူၤဖဲသုတၢ်မုၢ်တၢ်ဘိတဖၣ်လိၣ်ဘၣ်အီၤ အဒိၣ်ကတၢၢ်အကတီၢ်န့ၣ်လီၤ. ယဒုးဟဲစူၤလီၤတၢ်လၢဝ့ၢ်တ ဖျၢၣ်အဖီခိၣ်ဘၣ်ဆၣ်တြီဃာ်တၢ်စူၤလၢဝ့ၢ်အဂၤတဖျၢၣ်အဖီခိၣ် လီၤ. တၢ်ဟဲစူၤလီၤလၢဟီၣ်ခိၣ်တကဝီၤအဖီခိၣ်ဘၣ်ဆၣ်ဟီၣ်ခိၣ်အဂၤ တကဝီၤလၢတၢ်တဟဲစူၤဘၣ်န့ၣ်ဃ့ထီကွံာ်ဝဲလီၤ.

လံာ်မံကၤ 5:7

ဒီးလၢပှၤအါကလုာ်အဂီၢ်န့ၣ်အံၣ်စရ့လးအပှၤဂီၢ်မုၢ်လၢအအိၣ် လီၤတဲာ်တဖၣ်ကမၤအသးဒ်ဘှ့ၣ်ဒီးတၢ်စူၤထံ လၢယွၤဆှၢလီၤအီၤ လၢကမၤသံကစဲာ်ထီၣ်တၢ်မုၢ်တၢ်ဘိလၢအမဲထီၣ်တဖၣ်အသိးန့ၣ်လီၤ. အဝဲသ့ၣ်ကသန့ၤထီၣ်အသးလၢကစၢ်ယွၤ, ဒီးတမ့ၢ်ဘၣ်ပှၤကညီဘၣ်.

လံာ်ယိၤဟၣ် 16:23

တုၤမုၢ်နံၤအဝဲန့ၣ်ဟဲတုၤဒီး, သုတသံကွၢ်ယၤလၢတၢ်နီတမံၤ လၢၤဘၣ်. ယစံးဘၣ်တဲဘၣ်သုတၢ်မ့ၢ်တၢ်တီ, ပၢ်ကဟ့ၣ်လီၤသုတၢ်တမံၤဂ့ၤတမံၤဂ့ၤလၢသုဃ့အီၤလၢ ယမံၤန့ၣ်လီၤ.

1 ကရံၣ်သူး 3:6

ယဲဒၣ်ယဖှံလီၤတၢ်ချံ, မ့မ့ၢ်စီၤအပီးလိၤလူတၢ်မုၢ်တၢ်ဘိလၢ အမဲထီၣ်န့ၣ်လၢထံ, ဘၣ်ဆၣ်ဒီး ပှၤလၢအဒုးဒိၣ်ထီၣ်တၢ်မုၢ်တၢ်ဘိန့ၣ် မ့ၢ်ကစၢ်ယွၤလီၤ.

လံာ်သိၣ်လီၤသီလီၤတၢ် 28:23

တၢ်တဟဲစူၤလီၤဘၣ်နီတစဲးဘၣ်, ဒီးသုဟီၣ်ခိၣ်တဖၣ်ကကိၤထီၣ် ဝဲဒ်ထးအသိးန့ၣ်လီၤ.

ယၤကိာ် 5:7

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, အိၣ်ဒီးတၢ်သးစူၤတုၤကစၢ်ဟဲတစုန့ၣ်တက့ၢ်. ကွၢ်ပှၤထူစံာ်ဖိတဂၤအိၣ်ခိးစူၤသးဝဲအဟီၣ်ခိၣ်ကဟ့ၣ်ထီၣ် တၤသၣ်လုၢ်ဒိၣ်ပှ့ၤဒိၣ်တဖၣ်လၢကျဲဒ်လဲၣ်န့ၣ်တက့ၢ်. အဝဲအိၣ်ခိးဝဲလၢတၢ်ဝံသးစူၤဖးဒိၣ်အပူၤ, ဖဲတၢ်စူၤလီၤသီဒီးတၢ်စူၤလၢခံအကတီၢ်တဖၣ်န့ၣ်လီၤ.