လံာ်စကၤရယၤ 1:8 - Sgaw Karen Common Bible

⁸ ယထံၣ်ယွၤအကလူးတဂၤဒိးကသ့ၣ်အဂီၤတဒုလီၤ. အဝဲအိၣ်ကတီၢ်ဝဲလၢသမ့ၤဟဒးအထူၣ်တနီၤ အကျါလၢအအိၣ်လၢတၢ်တြီၤပူၤ, ဒီးလၢအလီၢ်ခံန့ၣ်ကသ့ၣ် ဂီၤ, ကသ့ၣ်ဂီၤဃ့, ဒီးကသ့ၣ်ဝါအဂၤတဖၣ်အိၣ်ဝဲဒၣ်လီၤ.

လံာ်စကၤရယၤ 1:8 Iomraidhean Croise

လံာ်တၢ်ကဲထီၣ်အခီၣ်ထံး 20:3

ဘၣ်မုၢ်တနၤကစၢ်ယွၤလီၣ်ဖျါထီၣ်အသးလၢအီၤလၢတၢ်မံမီၢ်အပူၤ ဒီးစံးဝဲ, “မ့ၢ်လၢနဟံးန့ၢ်ပိာ်မုၣ်လၢအဒိးတ့ဒိးဖျီ အသးအဃိနကသံလီၤ.”

လံာ်တၢ်ကဲထီၣ်အခီၣ်ထံး 46:2

ကစၢ်ယွၤကတိၤတ့ၢ်တၢ်ဒီးအီၤလၢတၢ်ထံၣ်လၢညါခီအပူၤဖဲမုၢ် နၤအကတီၢ်ဒီးကိးထီၣ်အီၤ, “စီၤယၤကိာ်ဧၢ, စီၤယၤကိာ်ဧၢ.” ဒီးအဝဲစံးဆၢဝဲ, “မ့ၢ်, ယအိၣ်ဖဲအံၤလီၤ.”

လံာ်စီၤပၤအခီၣ်ထံးတဘ့ၣ် 3:5

မုၢ်တနၤဃီန့ၣ်, ယွၤလီၣ်ဖျါထီၣ်အသးလၢအီၤလၢတၢ်မံမီၢ်တခါ အပူၤဒီးသံကွၢ်အီၤ, “နအဲၣ်ဒိးလၢယကဟ့ၣ်နၤတၢ်မနုၤလဲၣ်.”

လံာ်စီၤနဃ့မယၤ 8:15

လၢတၢ်န့ၣ်အဃိအဝဲသ့ၣ်ဟ့ၣ်လီၤတၢ်သိၣ်လိနဲၣ်ယုၤလၢလာ်တဖၣ် အံၤဒီးဆှၢလီၤဝဲဆူဝ့ၢ်ယရူၤၡလ့ၣ်ဒီဝ့ၢ်ဒီးဆူဝ့ၢ်အဂုၤအဂၤတဖၣ်န့ၣ်လီၤ. “လဲၤဆူကစၢၢ်ကလိဒီးဟဲက့ၤစိာ်သ့ၣ်စၤယံး, သ့ၣ်စၤယံးအမံၤ, သ့ၣ်သမ့ၤဟးဒး, သ့ၣ်စူၣ်ပလိၣ်, ဒီးသ့ၣ်အဂၤအဒ့တဖၣ်လၢတၢ်ကမၤဒဲဒ်တၢ်သိၣ်လိ နဲၣ်ယုၤအိၣ်ကွဲးအသးလၢလံာ်ယူဒၤအတၢ်သိၣ်တၢ်သီ အပူၤအသိးတက့ၢ်.”

လံာ်စီၤယိၤဘး 4:13

ဒီးဒ်တၢ်မံမီၢ်ပျီၢ်သီအၢအသိးမၤတံာ်တာ်ယတၢ်မံန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 2:16

ပှၤလၢယအဲၣ်အီၤတဂၤမ့ၢ်ယတၢ်ဒီးယမ့ၢ်အတၢ်လီၤ. အဝဲဒုးအီၣ်အသိမဲာ်တဲးလဲးအဖုအဂီၢ်အဆၣ်လၢဖီဒ့ၣ်ညါတဖၣ်အ ကျါ,

လံာ်တၢ်သးဝံၣ်တဖၣ်အတၢ်သးဝံၣ် 6:2

ပှၤလၢယအဲၣ်အီၤတဂၤလဲၤဆူအတၤသၣ်လီၢ်, ဖဲကသံၣ်ဖှူအသ့ၣ်တဖၣ်မဲထီၣ်ဝဲန့ၣ်လီၤ. အဝဲဒုးအီၣ်အဆၣ်ဖိကီၢ်ဖိတဖုအဆၣ်လၢတၤသၣ်လီၢ်ပူၤ, ဒီးထၢဖှိၣ်ဖီဒ့ၣ်ညါတဖၣ်လီၤ.

လံာ်ယၡါယၤ 41:19

ယကဒုးမဲထီၣ်သ့ၣ်ဆှိးအ့ရ့းတဖၣ်လၢမဲးမုၢ်ခိၣ်, ဃုာ်ဒီးသ့ၣ်ဖှ့ၡံးတၤ, သမ့ၤဟဒး, ဒီးသ့ၣ်စၤယံးအမံၤတဖၣ်လီၤ. သ့ၣ်ပှၢ်တဖၣ်ကမဲထီၣ်ဝဲလၢဟီၣ်ခိၣ်ဃ့ထီလီၤဖျိအပူၤ, သ့ၣ်ဒိၣ်ပှၢ်တီၢ်လၢအမ့ၢ်ဝဲသ့ၣ်ဆှိ, သ့ထိးအီၣ်, ဒီးသ့ၣ်ဆှိတအၤၡူၢ်တဖၣ်လီၤ.

လံာ်ယၡါယၤ 55:13

ဖဲတၤဆှုၣ်တၤမဲအိၣ်ဝဲအလီၢ်ခဲအံၤ, သ့ၣ်ဆှိတဖၣ်ကမဲထီၣ်ဝဲ, ဒီးလၢတၤဆှုၣ်အလီၢ်န့ၣ်သမ့ၤဟဒးကဟဲမဲထီၣ်ဝဲလီၤ. အဝဲအံၤကမ့ၢ်တၢ်ပနီၣ်တမံၤလၢကအိၣ်လီၤထူလီၤယိာ် ဒီးတၢ်ဒုးသ့ၣ်နီၣ်ထီၣ်တမံၤလၢယၤ, ယွၤ, မၤတ့ၢ်ဝဲန့ၣ်လီၤ.”

လံာ်ယၡါယၤ 57:15

ယဲဒၣ်အံၤ, ယမ့ၢ်ကစၢ်ယွၤလၢအအိၣ်ထီၣ်ထီဒီးစီဆှံဝဲ, ယွၤလၢအအိၣ်မူအစိၤစိၤအဃၣ်ဃၣ်လီၤ. ယအိၣ်လၢတၢ်လီၢ်ထီၣ်ထီဒီးစီဆှံတတီၤ, ဘၣ်ဆၣ်ဒီးယအိၣ်စ့ၢ် ကီးလၢပှၤဂီၢ်မုၢ်လၢအဆီၣ်လီၤအသးဒီးပီၢ်ယၢ်လီၤက့ၤအသး အကျါ, ဒ်သိးယဟ့ၣ်က့ၤအဝဲသ့ၣ်အတၢ်နာ် န့ၢ်ဒီးတၢ်မုၢ်လၢ်ကသ့ဝဲအဂီၢ်လီၤ.

လံာ်ဒၤနံးယ့လး 2:19

ဒီးလၢမုၢ်တနၤဃီအပူၤန့ၣ်တၢ်ခူသူၣ်အဒိၣ်အယိာ်ဘၣ်တၢ်လီၣ် ဖျါထီၣ်တ့ၢ်အီၤဆူစီၤဒၤနံးယ့လးအအိၣ်လၢတၢ်ထံၣ်လၢညါ ခီအပူၤန့ၣ်လီၤ. ဒီးစီၤဒၤနံးယ့လးစံးထီၣ်ပတြၢၤတ့ၢ်ကစၢ် ယွၤလၢမူခိၣ်န့ၣ်လီၤ.

လံာ်ဒၤနံးယ့လး 7:13

အကတီၢ်လၢတၢ်ထံၣ်လၢညါခီအံၤလၢမုၢ်နၤန့ၣ်ယထံၣ်ဘၣ်တ့ၢ် တၢ်လီၤဂာ်ဒီးပှၤကညီဖိခွါတဂၤလီၤ. ဘၣ်တၢ်ကဝီၤဃးအီၤ လၢတၢ်အၢၣ်ဒီးသုးဘူးအသးဆူယအိၣ်ဒီးလဲၤဝဲဒၣ်ဆူပှၤ တဂၤလၢအအိၣ်မူတ့ၢ်ဝဲဒၣ်အထူအယိာ်အအိၣ်ဒီးဘၣ် တၢ်ဆှၢထီၣ်အီၤဆူအမဲာ်ညါန့ၣ်လီၤ.

လံာ်ဒၤနံးယ့လး 7:2

စီၤဒၤနံးယ့လးစံးတ့ၢ်ဝဲ, လၢယတၢ်ထံၣ်လၢညါခီလၢမုၢ်နၤန့ၣ်, ကလံၤတဖၣ်အူတၢ်လၢကိးကပၤဒဲးဒီးထိၣ်ဂဲၤပီၣ်လဲၣ်ဖးဒိၣ် အထံဖံးခိၣ်န့ၣ်လီၤ.

လံာ်စကၤရယၤ 1:10

ယွၤမၢလီၤအဝဲသ့ၣ်လၢကလဲၤဒီးကွၢ်ဟုၣ်ကွၢ်စုးတၢ်လၢဟီၣ်ခိၣ် ချၢလီၤ.”

လံာ်စကၤရယၤ 1:11

အဝဲသ့ၣ်ဒုးသ့ၣ်ညါက့ၤကလူးဒီးစံးဝဲ, “ပလဲၤဝ့ၤဝီၤလံလၢဟီၣ်ခိၣ်ချၢလံ, ဒီးပထံၣ်လၢဟီၣ်ခိၣ်ဒီဘ့ၣ်ညါအိၣ်ဃူအိၣ်ဖိးဒီးအိၣ်မုာ်အိၣ်ခုၣ်ဝဲလီၤ.”

လံာ်စကၤရယၤ 1:7

ဖဲစီၤပၤဖးဒိၣ်ဒၤရယါဝ့ၣ်ပၢတၢ်ခံနံၣ်တနံၣ်, လါတဆံ တလါလၢအမ့ၢ်လါၡဘး, လါထီၣ်ခံဆံလွံၢ်နံၤတနံၤန့ၣ်, ယွၤဟ့ၣ်လီၤယၤတၢ်ကစီၣ်တမံၤလၢတၢ်ထံၣ်လၢညါခီ တမံၤအပူၤလၢမုၢ်နၤန့ၣ်လီၤ.

လံာ်စကၤရယၤ 13:7

သ့တၢ်လၢာ်အယွၤစံးဝဲဒၣ်, “ဖုးသံနီၣ်ထီၣ်နးဧၢ, ဒီးဒုးတၢ်ထီဒါပှၤကွၢ်သိလၢအမၤတၢ်လၢယဂီၢ်တက့ၢ်. မၤသံအီၤတက့ၢ်. ဒီးသိတဖၣ်ကလီၤပြံလီၤပြါကွံာ်လီၤ.

လံာ်တၢ်ဂံၢ် 12:6

ဒီးယွၤစံးဝဲဒၣ်, “ခဲအံၤဒိကနၣ်တၢ်လၢယကစံးယဲန့ၣ်တက့ၢ်. ဖဲဝံတဖၣ်အိၣ်လၢသုကျါန့ၣ်ယလီၣ်ဖျါယသးဆူအဝဲသ့ၣ်အအိၣ်လၢ တၢ်ထံၣ်လၢညါခီတဖၣ်အပူၤဒီးကတိၤတၢ်ဆူအဝဲသ့ၣ်အအိၣ်လၢတၢ် မံမီၢ်တဖၣ်အပူၤန့ၣ်လီၤ.

လံာ်စီၤယိၤၡူ 5:13

ဖဲစီၤယိၤၡူလဲၤဘူးဒီးဝ့ၢ်ယရံၤဃိန့ၣ်, သတူၢ်ကလာ်အဝဲထံၣ်ပှၤတဂၤဆၢထၢၣ်လၢအမဲာ်ညါ, ဟံးဃာ်ဒီးနးတဘ့ၣ်န့ၣ်လီၤ. စီၤယိၤၡူလဲၤဆူအအိၣ်ဒီးသံကွၢ်အီၤ, “နမ့ၢ်ပပှၤဧါ, မ့တမ့ၢ်ဘၣ်ဒီးပဒုၣ်ပဒါအပှၤဧါ.”

လံာ်လီၣ်ဖျါ 2:1

ဆူအ့းဖ့းစူးတၢ်အိၣ်ဖှိၣ်အကလူးအအိၣ်န့ၣ်ကွဲးနဲဒ်အံၤ, “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအဟံးဃာ်ဆၣ်နွံ ဖျၢၣ်လၢအစုထွဲပူၤ, ဒီးဟးဝဲလၢမ့ၣ်အူဒၢထူနွံဖျၢၣ်အသိး အကျါတဂၤအအိၣ်န့ၣ်လီၤ.

လံာ်လီၣ်ဖျါ 6:2

ယကွၢ်ဒီးကသ့ၣ်ဝါအိၣ်ဝဲတဒုလီၤ. ပှၤလၢအဒိးအီၤတဂၤစိာ်ဃာ်ချံၣ် တဆိဒီးအဝဲဘၣ်တၢ်ဟ့ၣ်အီၤလၢခိၣ်သလုးတဖျၢၣ်လီၤ. အဝဲဒၣ်ဒိးထီၣ်ကသ့ၣ်ဒ်ပှၤဒုးန့ၢ်ထံဧိၤကီၢ်ဧိၤတဂၤလၢ အသါကလဲၤဒုးန့ၢ်ထံဧိၤကီၢ်ဧိၤအသိးန့ၣ်လီၤ.

လံာ်လီၣ်ဖျါ 6:4

ဒီးကသ့ၣ်အဂၤတဒု, လၢအလွဲၢ်ဂီၤန့ၣ်ဟဲထီၣ်ဝဲဒၣ်လီၤ. ပှၤလၢအဒိးအီၤတဂၤဘၣ်တၢ်ဟ့ၣ်အီၤတၢ်စိတၢ်ကမီၤလၢ အကဟဲစိာ်တၢ်ဒုးတၢ်ယၤဆူဟီၣ်ခိၣ်ချၢဒ်သိးပှၤကညီ တဖၣ်ကမၤသံလိာ်အသးတဂၤဒီးတဂၤန့ၣ်လီၤ. အဝဲဒၣ်ဘၣ်တၢ်ဟ့ၣ်အီၤနးဖးဒိၣ်တဘ့ၣ်လီၤ.