လံာ်စကၤရယၤ 1:6 - Sgaw Karen Common Bible

⁶ ယဟ့ၣ်လီၤတ့ၢ်သုမိၢ်ပၢ်ဖံဖုတဖၣ်လၢယတၢ်မၤလိာ် တဖၣ်ဒီးတၢ်ဟ့ၣ်ပလီၢ်တဖၣ်ခီဖျိယခ့ယပှၤဝံသ့ၣ်တဖၣ် ဘၣ်ဆၣ်ဒီးအဝဲသ့ၣ်တကနၣ်ဃုာ်ဝဲတၢ်သ့ၣ်တဖၣ်န့ၣ်အဃိတူၢ်ဘၣ် က့ၤတၢ်လၢတၢ်သ့ၣ်တဖၣ်န့ၣ်အဂီၢ်လီၤ. အဝဲသ့ၣ်ပီၢ်ယၢ်လီၤက့ၤအသးဒီးအၢၣ်လီၤအီလီၤဝဲဒီးသ့ၣ်ညါ ဝဲလၢယၤ, သ့တၢ်လၢာ်ယွၤစံၣ်ညီၣ်တ့ၢ်အဝဲသ့ၣ်ဒ်အဝဲသ့ၣ်ကြၢးတူၢ်ဘၣ်တၢ် အသိးဒီးဒ်ယပာ်လီၤတ့ၢ်ယသးလၢယကမၤတၢ်အသိးန့ၣ်လီၤ.”

လံာ်စကၤရယၤ 1:6 Iomraidhean Croise

လံာ်စီၤပၤခံဘ့ၣ်တဘ့ၣ် 15:12

လၢတၢ်န့ၣ်အဃိ, တၢ်အၢၣ်လီၤအီလီၤလၢယွၤမၤတ့ၢ်ဝဲဒီးစီၤ ပၤယ့ၤဟူန့ၣ်, လၢထီၣ်ပှဲၤထီၣ်ဝဲဒၣ်လီၤ. စံးဝဲဒၣ်, “နစၢၤနသွဲၣ်တဖၣ်တုၤလီၤလၢပှၤလွံၢ်စိၤတစိၤန့ၣ် ကကဲထီၣ်ကီၢ်အံၣ်စရ့လးအစီၤပၤတဖၣ်န့ၣ်လီၤ.”

လံာ်စီၤယိၤဘး 6:29

သုလဲၤတလၢကွံာ်အခၢးလံ. ဆိကတီၢ်သုတၢ်စံၣ်ညီၣ်တတီ န့ၣ်တက့ၢ်. စံးအၢစံးသီယၤတဂ့ၤ. ယအိၣ်လၢတၢ်အဘၣ် တကပၤလီၤ.

လံာ်ယၡါယၤ 21:17

ပှၤခးချံၣ်တဖၣ်မ့ၢ်ပှၤအဒူကတၢၢ်လၢပှၤက့ဒၢ်ဖိအကျါလီၤ. ဘၣ်ဆၣ်, အဝဲသ့ၣ်ကအိၣ်တီၢ်ဒၣ်စှၤဂၤလီၤ. ယၤ, အံၣ်စရ့လးအကစၢ်ယွၤကတိၤတ့ၢ်လံတၢ်လီၤ.”

လံာ်ယၡါယၤ 44:26

ဘၣ်ဆၣ်, ဖဲယခ့ယပှၤကတိၤဆိပာ်တၢ်, ဒီးဖဲယဆှၢလီၤပှၤစိာ်တၢ်ကစီၣ်တဂၤလၢကလီၣ်ဖျါထီၣ်ယတၢ်ကူၣ် ကျဲၤတဖၣ်န့ၣ်, ယဒုးလၢထီၣ်ပှဲၤထီၣ်တၢ်ကူၣ်ကျဲၤဒီးတၢ်ကတိၤဆိပာ်တဖၣ်အံၤ န့ၣ်လီၤ. ယစံးဘၣ်တဲဘၣ်ဝ့ၢ်ယရူၤၡလ့ၣ်လၢပှၤဂီၢ်မုၢ်ကအိၣ်က့ၤကဒီးဖဲ န့ၣ်, ဒီးကီၢ်ယူဒၤအဝ့ၢ်တဖၣ်လၢကဘၣ်တၢ်သူၣ်ထီၣ်ဘှီထီၣ်က့ၤအီၤ လီၤ. ဝ့ၢ်တဖၣ်န့ၣ်ကဟဲဖျါထီၣ်လၢတၢ်ဟးဂူာ်ဟးဂီၤတဖၣ်အပူၤလီၤ.

လံာ်ယၡါယၤ 55:1

ယွၤစံးဝဲ, “ဟဲ, ကယဲၢ်ပှၤလၢတၢ်သူအသးလၢထံသ့ၣ်ဧၢ, ထံအိၣ်ဖဲအံၤလီၤ. ဟဲ, သုဝဲလၢအကျိၣ်အစ့တအိၣ်တဖၣ်ဧၢ, ပှ့ၤဘုခ့ဒီးအီၣ်အီတက့ၢ်. ဟဲ, ပှ့ၤစပံးထံဒီးတၢ်နုၢ်ထံတက့ၢ်. လၢသုဂီၢ်န့ၣ်, တၢ်အပှ့ၤတအိၣ်ဝဲနီတမံၤဘၣ်.

လံာ်ယၡါယၤ 55:11

ယကလုၢ်ကထါလၢယကတိၤအီၤအံၤကမ့ၢ်တၢ်ဒ်န့ၣ် အသိးစ့ၢ်ကီးလီၤ. တလီၤတူာ်လီၤကာ်လၢကမၤ တၢ်ဒ်ယကူၣ်ကျဲၤပာ်အီၤအဂီၢ်န့ၣ်ဘၣ်. ဒီးကမၤတၢ်တမံၤလၢ်လၢ်လၢယမၢအမၤအီၤန့ၣ်လီၤ.

လံာ်ယံးရမံယၤ 23:20

ဒီးတဆိကတီၢ်ဘၣ်အသးတုၤလီၤလၢတၢ်လၢအဝဲတိာ်လၢကမၤဝဲ တဖၣ်မၤဝံၤဘၣ်က့ၤဝဲခဲလၢာ်တစုန့ၣ်ဘၣ်. လၢမုၢ်နံၤလၢအကဟဲ တဖၣ်အပူၤန့ၣ်, အပှၤဂီၢ်မုၢ်ကနၢ်ပၢၢ်တၢ်အံၤဆှံဆှံန့ၣ်လီၤ.”

လံာ်ယံးရမံယၤ 26:15

ဘၣ်ဆၣ်ဒီး, သ့ၣ်ညါတၢ်အံၤ သပှၢ်ကတၢၢ်တက့ၢ်. သုမ့ၢ် မၤသံယၤဒီး, သုဝဲဒီးဝ့ၢ်အံၤ အပှၤဂီၢ်မုၢ်ခဲလၢာ်အတၢ်ကမၣ် ကအိၣ်လၢ အမၤသံပှၤတဂၤလၢ အတၢ်ကမၣ်တအိၣ်ဘၣ် အဃိန့ၣ်လီၤ. အဂ့ၢ်ဒ်အံၤ, ပှၤလၢအမၢလီၤယၤလၢယကဟ့ၣ်ဒုး ပလီၢ်သုလၢ တၢ်ဂ့ၢ်အံၤန့ၣ် မ့ၢ်ယွၤလီၤ.”

လံာ်ယံးရမံယၤ 28:17

ဒီးစီၤဃနၤနယၤသံဝဲဖဲနံၣ်တနံၣ်ဃီန့ၣ်, လၢလါနွံလါ တလါ အပူၤန့ၣ်လီၤ.

လံာ်ယံးရမံယၤ 32:24

ပှၤဘၤဘူၤလိၣ်ဖိတဖၣ် မၤထီၣ်တ့ၢ်ဟီၣ်ခိၣ်ထီၣ် စိကဝီၤဃာ်တၢ်တဖၣ်, ဝးတရံးဝ့ၢ်လၢ ကဒုးန့ၢ်ဝဲအဂီၢ်, ဒီးအဝဲသ့ၣ်လဲၤထီၣ် ဒုးဝဲန့ၣ်လီၤ. တၢ်ဒုးတၢ်ယၤ, တၢ်သၣ်ဝံၤလီၤဒိဒီး တၢ်ဆူးတၢ်ဆါ ကဒုးလီၤဝ့ၢ်အံၤဆူ အဝဲသ့ၣ်တဖၣ် အစုပူၤန့ၣ်လီၤ. နကထံၣ်ဘၣ်လၢ တၢ်လၢ နစံးတ့ၢ်အီၤ ခဲလၢာ်န့ၣ်, မၤအသးလံန့ၣ်လီၤ.

လံာ်ယံးရမံယၤ 36:28

ယကဟံးန့ၢ်လံာ်ထူအဂၤတထူဒီးကွဲးလီၤတၢ်ခဲလၢာ်လၢ အအိၣ်ကွဲးတ့ၢ်အသးလၢလံာ်ထူအခီၣ်ထံးတထူအပူၤန့ၣ်လီၤ.

လံာ်ယံးရမံယၤ 39:16

ယကတဲဘၣ်စီၤဧ့ၤဘ့းမ့လ့းလၢ, ယွၤသ့တၢ်လၢာ်, အံၣ်စရ့လးအကစၢ်ယွၤ စံးတ့ၢ်ဝဲဒ်အံၤ, ဒ်ယစံးတ့ၢ်လၢ ယကမၤအသိးန့ၣ်, ယကဒုးဘၣ် တၢ်ဟးဂီၤလၢ ဝ့ၢ်အံၤအလိၤဒီး တမ့ၢ်တၢ်ဘီၣ်တၢ်ညီဘၣ်လီၤ. ဖဲတၢ်အံၤမၤအသးန့ၣ်, နကအိၣ်ဖဲန့ၣ်လၢနကထံၣ်ဘၣ်အီၤ အဂီၢ်န့ၣ်လီၤ.

လံာ်ယံးရမံယၤ 4:4

သုဝဲကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, တိၢ်န့ၢ်ဖံးဃာ် သုတၢ်အၢၣ်လီၤအီလီၤဒီးယၤ, သုယွၤ, ဒီးပာ်စီဆှံသုသးလၢ ယဂီၢ်တက့ၢ်, သုမ့ၢ်တမၤဒ်န့ၣ်ဘၣ်ဒီးလၢတၢ်အၢတၢ်သီတဖၣ် လၢသုမၤတ့ၢ်အဃိန့ၣ်, ယတၢ်သးဒိၣ်ကကဲၤထီၣ်ဒ်မ့ၣ်အူအသိးန့ၣ်လီၤ. ကအီၣ်တၢ်ဒီးပှၤကမၤလီၤပံာ်ကွံာ်အီၤတအိၣ်နီတဂၤဘၣ်.”

လံာ်ယံးရမံယၤ 44:2

ယွၤသ့တၢ်လၢာ်, အံၣ်စရ့လးအကစၢ်ယွၤစံးဝဲဒၣ်, “သုကစၢ်ဒၣ် သုဝဲသုထံၣ်တ့ၢ်တၢ်ဟးဂီၤလၢ ယဒုး ဘၣ်ဝ့ၢ်ယရူၤၡလ့ၣ်, ဒီးလၢဝ့ၢ်အဂၤတဖၣ်လၢ ကီၢ်ယူ ဒၤအပူၤလီၤ. တုၤလၢအခဲအံၤဒၣ်လဲာ် အိၣ်ဒံးဒၣ်လၢ တၢ်ဟးဂီၤအပူၤဒီး ပှၤတအိၣ်လၢ အပူၤနီတဂၤဘၣ်.

လံာ်ယံးရမံယၤ 44:28

ဘၣ်ဆၣ်ဒီး သုဝဲစှၤဂၤကပူၤဖျဲးဒီး တၢ်သံဒီးဟဲက့ၤကဒါက့ၤ လၢ ကီၢ်အဲၤကူပတူးဆူ ကီၢ်ယူဒၤန့ၣ်လီၤ. အန့ၣ်တစု, ပှၤလၢအအိၣ်မူလီၤတဲာ်တဖၣ် ကသ့ၣ်ညါဝဲလၢ မတၤအတၢ်ကတိၤတဖၣ် လၢထီၣ်ပှဲၤထီၣ်လဲၣ်. ယၤဧါ, မ့တမ့ၢ်, အဝဲသ့ၣ်တဖၣ်ဧါ.

လံာ်ယံးရမံယၤ 44:29

ယၤ, ယွၤအံၤ, ယကဟ့ၣ်သုတၢ်အုၣ်သးလၢ ယကစံၣ်ညီၣ်သုလၢ တၢ်လီၢ်အံၤအပူၤ, ဒီးလၢယတၢ်အၢၣ်လီၤလၢ ယကဟဲစိာ်တၢ်ဟးဂူာ်ဟးဂီၤလၢ သုဖီခိၣ်န့ၣ် ကလၢထီၣ်ပှဲၤထီၣ်ဝဲန့ၣ်လီၤ.

လံာ်ယံးရမံယၤ 44:6

သတးဒီး, ယလူလီၤဂၢ်လီၤတ့ၢ် ယတၢ်သးဒိၣ်ဒီးသးကဲၤထီၣ်လၢ ကီၢ်ယူဒၤအဝ့ၢ်တဖၣ်အဖီခိၣ်ဒီးလၢဝ့ၢ်ယရူၤရှလ့ၣ်အကျဲမုၢ် ကျဲဘိတဖၣ် အဖီခိၣ်ဒီးယဒွဲၣ်အူထီၣ်ကွံာ် အဝဲသ့ၣ်လၢ မ့ၣ်အူန့ၣ်လီၤ. အဝဲသ့ၣ်အိၣ်လီၤပှီၢ်တ့ၢ်ဝဲလၢ တၢ်ဟးဂူာ်ဟးဂီၤ အပူၤဒီး ကဲထီၣ်တၢ်ထံၣ်ဘၣ်အလီၢ်တပူၤလၢ အလီၤ ပျံၤလီၤဖုးဒ် အအိၣ်ဝဲခဲအံၤအသိးန့ၣ်လီၤ.

လံာ်ယံးရမံယၤ 5:14

ယွၤ, သ့တၢ်လၢာ်ကစၢ်ယွၤစံးဘၣ်တ့ၢ်ယၤ, “စီၤယံးရမံယၤဧၢ, မ့ၢ်လၢပှၤသ့ၣ်တဖၣ်အံၤစံးတ့ၢ်တၢ်ဒ်သိးအံၤအဃိ, ယတၢ်ကတိၤတဖၣ်လၢနကိာ်ပူၤန့ၣ်, ယကဒုးကဲထီၣ်အီၤဒ်မ့ၣ်အူအသိးန့ၣ်လီၤ. ပှၤဂီၢ်မုၢ်အံၤကမၤအသးဒ်သ့ၣ်မုၣ်အသိးဒီးမ့ၣ်အူကအီၣ်ကွံာ် အဝဲသ့ၣ်န့ၣ်လီၤ.”

လံာ်သးသယုၢ်တၢ် 1:18

ဘၣ်ဆၣ်ဒီးယွၤန့ၣ်မၤတၢ်တီလီၤ. အဂ့ၢ်ဒ်အံၤ, ယတဒိကနၣ်တ့ၢ်ဘၣ်အီၤဘၣ်. ဒိကနၣ်ယၤ, ပှၤဂီၢ်မုၢ်လၢတၢ်အလီၢ်ကိးပူၤဒဲးသ့ၣ်ဧၢ, ကွၢ်ဃီၤယၤလၢယတၢ်ဘၣ်ဒိဆါအံၤတက့ၢ်. ယပှၤပိာ်ခွါသးစၢ်ဒီးပိာ်မုၣ်သးစၢ်တဖၣ်ဘၣ်တၢ်စိာ်မၢကဲကုၢ် ကွံာ်လံအီၤလံ.

လံာ်သးသယုၢ်တၢ် 2:17

လၢခံကတၢၢ်န့ၣ်, ယွၤမၤဝံၤတၢ်ဒ်အကတိၤပျံၤကတိၤဖုးဆိပာ်ဝဲ လၢအကမၤတၢ်န့ၣ်လီၤ. အဝဲမၤဟးဂီၤတ့ၢ်ပှၤဒ်အဟ့ၣ်ပလီၢ်တ့ၢ်ပှၤလၢပျၢၤလံၤလံၤအသိး ဒီးတသးကညီၤဘၣ်တၢ်ဘၣ်. ဟ့ၣ်လီၤတၢ်မၤနၢၤလၢပဒုၣ်ပဒါတဖၣ်, ဟ့ၣ်လီၤအီၤလၢတၢ်သးခု လၢပတၢ်လီၤပှီၢ်အဖီခိၣ်န့ၣ်လီၤ.

လံာ်သးသယုၢ်တၢ် 3:42

“ပမၤတ့ၢ်တၢ်ဒဲးဘးဒီးပူထီၣ်တ့ၢ်တၢ်, ဒီးနဲဒၣ်ယွၤဧၢ, နတပျၢ်ဘၣ်ပတၢ်ကမၣ်ဘၣ်.

လံာ်ယဃ့းစက့လး 20:43

တုၤနုၤတစု, သုကသ့ၣ်နီၣ်ထီၣ်ကယဲၢ်တၢ်လီၤမဲာ်ဆှးတဖၣ်လၢသု မၤတ့ၢ်အီၤဒီးသုမၤဘၣ်အၢလီၤသုသးဒ်လဲၣ်ဒ်လဲၣ်န့ၣ်လီၤ. သုကသးဘၣ်အၢလီၤက့ၤသုသး, မ့ၢ်လၢတၢ်အၢတၢ် သီခဲလၢာ်လၢသုမၤတ့ၢ်အီၤအဃိန့ၣ်လီၤ.

လံာ်ယဃ့းစက့လး 37:11

ကစၢ်ယွၤစံးဘၣ်ယၤ, “ပှၤကညီလၢအသံသ့ဧၢ, ကီၢ်အံၣ်စရ့လးအပှၤဂီၢ်မုၢ်လီၤဂာ် ဒီးတၢ်ဃံတၢ်ကွဲတဖၣ်အံၤလီၤ. အဝဲသ့ၣ်စံးဝဲလၢအဝဲသ့ၣ်ဃ့ထီကွံာ်လံ, တအိၣ်ဒီးတၢ်မုၢ်လၢ်နီတမံၤဒီးခါဆူညါလၢအဂီၢ်တအိၣ်ဘၣ်.

လံာ်ဒၤနံးယ့လး 4:28

ဒီးတၢ်စံးပာ်ခဲလၢာ်န့ၣ်လီၤဘၣ်လၢစီၤပၤနဘူၤကးန့စၢ်အလိၤန့ၣ်လီၤ.

လံာ်ဟိၤၡ့ 5:9

တၢ်စံၣ်ညီၣ်အမုၢ်တနံၤန့ၣ်ဟဲဝဲလံ, ဒီးကီၢ်အံၣ်စရ့လးကဘၣ်တၢ် မၤဟးဂီၤအီၤလီၤ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, တၢ်အံၤကမၤအသးသပှၢ်တၢၢ်လီၤ.

လံာ်ဟိၤၡ့ 9:15

ယွၤစံးဝဲဒၣ်, အဝဲသ့ၣ်အတၢ်အၢတၢ်သီခဲလၢာ်န့ၣ်စးထီၣ်အသးလၢဝ့ၢ်ကံး လကၤလးလီၤ. တၢ်န့ၣ်မ့ၢ်တၢ်လီၢ်ဖဲယစးထီၣ်သးဟ့ အဝဲသ့ၣ်လီၤ. ဒီးမ့ၢ်လၢတၢ်အၢလၢအဝဲသ့ၣ်မၤဝဲအဃိန့ၣ် ယကဒုးဟးထီၣ်ကွံာ်အီၤလၢယကီၢ်ပူၤန့ၣ်လီၤ. ယတအဲၣ်လၢၤအဝဲသ့ၣ်နီတစုဘၣ်. အဝဲသ့ၣ်အပှၤခိၣ်ပှၤနၢ်တဖၣ်ခဲလၢာ်ပူထီၣ်ထီဒါယၤန့ၣ်လီၤ.

လံာ်ဧၤမိၣ် 9:10

ပှၤတၢ်ဒဲးဘးဖိတဖၣ်လၢယပှၤဂီၢ်မုၢ်အကျါလၢအစံး, “ကစၢ်ယွၤတပျဲတၢ်အၢတၢ်သီဟဲဘူးဒီးပှၤဘၣ်” တဖၣ်န့ၣ်, ကဘၣ်တၢ်မၤသံကွံာ်အီၤလၢတၢ်ဒုးတၢ်ယၤအပူၤလီၤ.

လံာ်စကၤရယၤ 1:7

ဖဲစီၤပၤဖးဒိၣ်ဒၤရယါဝ့ၣ်ပၢတၢ်ခံနံၣ်တနံၣ်, လါတဆံ တလါလၢအမ့ၢ်လါၡဘး, လါထီၣ်ခံဆံလွံၢ်နံၤတနံၤန့ၣ်, ယွၤဟ့ၣ်လီၤယၤတၢ်ကစီၣ်တမံၤလၢတၢ်ထံၣ်လၢညါခီ တမံၤအပူၤလၢမုၢ်နၤန့ၣ်လီၤ.

လံာ်မၤလကံ 3:18

တုၤနုၤတစု, ယပှၤဂီၢ်မုၢ်ကထံၣ်ဘၣ်တၢ်လီၤဆီလၢအမၤအ သးလၢပှၤတီပှၤလိၤဒီးပှၤတတီတလိၤ, ပှၤလၢအမၤယတၢ်ဒီးပှၤလၢ အတမၤယတၢ်အဘၢၣ်စၢၤန့ၣ်လီၤ.”

လံာ်တၢ်ဂံၢ် 23:19

ကစၢ်ယွၤန့ၣ်တလီၤဂာ်ဒီးပှၤကညီတဖၣ်လၢအလီတၢ်ဘၣ်. အဝဲတမ့ၢ်ပှၤကညီတဂၤလၢအလဲလိာ်ကွံာ်အတၢ်ပာ်သးန့ၣ်ဘၣ်. ကယဲၢ်တၢ်လၢအအၢၣ်လီၤအီလီၤတ့ၢ်ဝဲန့ၣ်အဝဲမၤဝဲလီၤ. အဝဲကတိၤတၢ်ဒီးတၢ်မၤအသးန့ၣ်လီၤ.

လံာ်တၢ်ဂံၢ် 32:23

ဘၣ်ဆၣ်ဒီးသုမ့ၢ်တတိၢ်န့ၢ်ဖံးဃာ်သုတၢ်အၢၣ်လီၤအီလီၤန့ၣ်, ယဟ့ၣ်ပလီၢ်သုသးလၢသုကမၤဘၣ်တၢ်ဒဲးဘးထီဒါကစၢ်ယွၤန့ၣ် လီၤ. ဘၣ်ဃးဒီးတၢ်အံၤန့ၣ်မၤကမၣ်တၢ်နီတမံၤတဂ့ၤ. သုကဘၣ်တၢ်စံၣ်ညီၣ်လၢသုတၢ်ဒဲးဘးအဃိလီၤ.

လံာ်တၢ်ဂံၢ် 33:56

သုမ့ၢ်တနီၣ်ထီၣ်ကွံာ်ဘၣ်အဝဲသ့ၣ်ဒီး, ယကမၤဟးဂီၤကွံာ်သု, ဒ်ယတိာ်ပာ်လၢယကမၤဟးဂီၤကွံာ်အဝဲသ့ၣ်အသိးန့ၣ်လီၤ.”

လံာ်မးသဲ 24:35

မူခိၣ်ဒီးဟီၣ်ခိၣ်ကလဲၤပူၤကွံာ်ဝဲ, မ့မ့ၢ်ယကလုၢ်ယကထါတဖၣ်တလဲၤပူၤကွံာ်နီတဘျီဘၣ်.

လံာ်သိၣ်လီၤသီလီၤတၢ် 28:15

မ့မ့ၢ်, သုမ့ၢ်တစူၢ်ဘၣ်ယွၤ, သုကစၢ်ယွၤဒီးတတိၢ်န့ၢ်ဖံးဃာ် ဘၣ်ကယဲၢ်အဝဲအတၢ်မၤလိာ်တဖၣ်ဒီးတၢ်ဘူၣ်တၢ်ဘါအတၢ်သိၣ်တၢ်သီ တဖၣ်လၢယဟ့ၣ်လီၤသုတနံၤအံၤလၢတၢ်သးတီန့ၣ်, ကယဲၢ်တၢ်အၢတၢ် သီတဖၣ်အံၤကလီၤဘၣ်လၢသုလိၤန့ၣ်လီၤ.

လံာ်သိၣ်လီၤသီလီၤတၢ် 28:2

စူၢ်ယွၤ, သုကစၢ်ယွၤ, ဒီးကယဲၢ်တၢ်ဆိၣ်ဂ့ၤတဖၣ်အံၤကကဲ ထီၣ်သုတၢ်န့ၣ်လီၤ.

လံာ်သိၣ်လီၤသီလီၤတၢ် 28:20

သုမ့ၢ်မၤတၢ်အၢဒီးစူးကွံာ်ညိကွံာ်ယွၤန့ၣ်, အဝဲကဒုးလီၤဘၣ်တၢ်တတၢးတနါ, တၢ်သဘံၣ်ဘုၣ်လၢသုလိၤဒီးတၢ် ကိၢ်တၢ်ဂီၤလၢတၢ်တမံၤလၢ်လၢ်လၢသုမၤအီၤအပူၤလီၤ.

လံာ်သိၣ်လီၤသီလီၤတၢ် 28:45

ကယဲၢ်တၢ်တတၢးတနါတဖၣ်အံၤခဲလၢာ်ကဟဲလီၤဘၣ်လၢသုလိၤ, ဒီးကအိၣ်ဒီးသုတုၤလီၤလၢသုဘၣ်တၢ်မၤဟးဂီၤကွံာ်သု, မ့ၢ်လၢသုတစူၢ်ဘၣ်ယွၤ, သုကစၢ်ယွၤဒီးတိၢ်န့ၢ်ဖံးဃာ်ကယဲၢ်တၢ် ဘူၣ်တၢ်ဘါအတၢ်သိၣ်တၢ်သီတဖၣ်လၢအဝဲသ့ၣ်ဟ့ၣ်လီၤတ့ၢ်သုအဃိ န့ၣ်လီၤ.

၁ သ့းစၤလနံ 5:4

မ့မ့ၢ်သုဝဲဒီပုၢ်ဝဲၢ်သ့ၣ်ဧၢ, သုတအိၣ်လၢတၢ်ခံးတၢ်နၤအပူၤဘၣ် သတးဒီး, ကစၢ်အမုၢ်တနံၤတတုၤအိၣ်ဘၣ်သုသတူၢ်ကလာ်ဒ်တၢ်ဘျၣ်ဟဲဝဲ အသိးန့ၣ်ဘၣ်လီၤ.