လံာ်စကၤရယၤ 1:5 - Sgaw Karen Common Bible

⁵ သုမိၢ်ပၢ်ဖံဖုလၢပျၢၤတဖၣ်န့ၣ်တအိၣ်မူလၢၤဘၣ်.

လံာ်စကၤရယၤ 1:5 Iomraidhean Croise

လံာ်စီၤပၤခံဘ့ၣ်တဘ့ၣ် 13:14

ဝံအလံၤၡါဆါဝဲလၢတၢ်ဆါလၢအသံန့ၢ်ပှၢ်န့ၢ်ပှၤဒီးဖဲ အဝဲမံလီၤဘူးလၢအကသံအခါန့ၣ်ကီၢ်အံၣ်စရ့လးအစီၤပၤစီၤ ယိၤအၣ်လဲၤအိၣ်သကိးအီၤန့ၣ်လီၤ. လၢတၢ်ဟီၣ်တၢ်ယၢၤအပူၤန့ၣ်အဝဲတဲထီၣ်ဖျဲးဝဲဒၣ်, “ယပၢ်ဧၢ, ယပၢ်ဧၢ, နမ့ၢ်တ့ၢ်နဲပှၤဂံၢ်ဆူၣ်ဘါဆူၣ်လၢအအိၣ်ပှိၤ ဒီဒၣ်ကီၢ်အံၣ်စရ့လးန့ၣ်လီၤ.”

လံာ်စီၤပၤခံဘ့ၣ်တဘ့ၣ် 13:20

စီၤအလံၤၡါသံဝဲ, ဒီးဘၣ်တၢ်ခူၣ်လီၤကွံာ်အီၤန့ၣ်လီၤ. လၢတၢ်မဲထီၣ်သီအကတီၢ်ကိးနံၣ်ဒဲးန့ၣ်, မိၤအးအပှၤဒုးတၢ်ဖိ အဖုအဂီၢ်တဖၣ်ညီနုၢ်ဟဲနုာ်လီၤဒုးကီၢ်အံၣ်စရ့လးန့ၣ်လီၤ.

စံးထီၣ်ပတြၢၤ 90:10

ပနံၣ်တဖၣ်အမုၢ်နံၤန့ၣ်မ့ၢ်အနံၣ်နွံဆံလီၤ. ဒီးလၢတၢ်ဂံၢ်တၢ်ဘါအဃိန့ၣ် မ့ၢ်အိၣ်ဝဲဃိးဆံဘၣ်ဆၣ်ဒီး, ဟဲစိာ်န့ၢ်ဒၣ်ပှၤတၢ်ကိၢ်တၢ်ဂီၤ ဒီးတၢ်သူၣ်အုးသးအုးန့ၣ်လီၤ. တၢ်အိၣ်မူအံၤတစိၢ်ဖိဒီးလဲၤပူၤကွံာ်ဝဲ, ဒီးပယူၤထီၣ်ကွံာ်လီၤ.

လံာ်ပှၤစံၣ်တဲၤတဲလီၤတၢ် 1:4

ပှၤအစိၤတဖၣ်ဟဲဝဲဒီးပှၤအစိၤတဖၣ်လဲၤဝဲလီၤ. ဘၣ်ဆၣ်, ဟီၣ်ခိၣ်အိၣ်ဒၣ်ဒ်အလီၢ်လီၢ်လီၤ.

လံာ်ပှၤစံၣ်တဲၤတဲလီၤတၢ် 12:5

နကပျံၤတၢ်လီၢ်ထီၣ်ထီတဖၣ်ဒီးတၢ်ဟးလိာ်ကွဲကမ့ၢ်တၢ်လီၤဘၣ်ယိၣ်, နခိၣ်သူကဝါထီၣ်, နတွံၢ်ထီၣ်တွံၢ်လီၤနသးဒၣ်လဲာ်ကကီလၢနဂီၢ်, ဒီးနတၢ်သူၣ်လီသးကွံကလီၤမၢ်ကွံာ်ခဲလၢာ်လီၤ. ပလဲၤတၢ်ပတၢ်အိၣ်ဘှံးအလီၢ်လၢခံကတၢၢ်ဒီး, အန့ၣ်ဝံၤတၢ်ဟီၣ်တၢ်ယၢၤကအိၣ်လၢကျဲတဖၣ်အပူၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 12:7

ပနီၢ်ခိတဖၣ်ကက့ၤဆူဟီၣ်ခိၣ်အကမူၣ်, ဒီးပတၢ်မူအသါက့ၤကဒါ က့ၤဆူကစၢ်ယွၤလၢအဟ့ၣ်လီၤတ့ၢ်ပှၤအအိၣ်န့ၣ်လီၤ.

လံာ်ယံးရမံယၤ 36:28

ယကဟံးန့ၢ်လံာ်ထူအဂၤတထူဒီးကွဲးလီၤတၢ်ခဲလၢာ်လၢ အအိၣ်ကွဲးတ့ၢ်အသးလၢလံာ်ထူအခီၣ်ထံးတထူအပူၤန့ၣ်လီၤ.

လံာ်သးသယုၢ်တၢ် 5:7

ပမိၢ်ပပၢ်လၢပျၢၤတဖၣ်မၤတ့ၢ်တၢ်ဒဲးဘးဘၣ်ဆၣ်ခဲအံၤအဝဲသ့ၣ် သံလၢာ်လံ. ဒီးပတူၢ်ဘၣ်တၢ်လၢအဝဲသ့ၣ်အတၢ်ဒဲးဘးတဖၣ်အဃိလီၤ.

လံာ်ယိၤဟၣ် 8:52

အဝဲသ့ၣ်စံးဘၣ်အီၤ, “ခဲအံၤပသ့ၣ်ညါလီၤတံၢ်လၢတၢ်နါ အိၣ်လၢနပူၤလီၤ. စီၤအၤဘြၤဟၣ်သံလံ, ဒီးဝံတဖၣ်သံလံ. အန့ၣ်ဒၣ်လဲာ် နစံးလၢ ‘ပှၤလၢအတိၢ်န့ၢ်ယကလုၢ်ကထါန့ၣ် တသံနီတဘျီဘၣ်.’

မၤတၢ် 13:36

အဂ့ၢ်ဒ်အံၤ, စီၤဒၤဝံးမၤတၢ်လၢကစၢ်ယွၤတိာ်ပာ်တ့ၢ်လၢအဂီၢ်လၢ အစိၤအဆၢကတီၢ်ဒၣ်ဝဲဝံၤအလီၢ်ခံသံဝဲ, ဘၣ်တၢ်ခူၣ်လီၤအီၤလၢအပၢ်လၢပျၢၤတဖၣ်အသိးအကျါဒီး အုၣ်ကွံာ်ကျၣ်ကွံာ်ဝဲဒၣ်လီၤ.

ဧ့ၤဘြံၤ 9:27

ဒ်ပှၤကိးဂၤဒဲးဘၣ်သံဝဲတဘျီဒီးလၢခံက့ၤဘၣ်တၢ်စံၣ်ညီၣ် အီၤလၢကစၢ်ယွၤအသိး,

လံာ်စီၤၡမူၤအ့လးအခီၣ်ထံးတဘ့ၣ် 25:1

စီၤၡမူၤအ့လးသံဝဲဒီးကယဲၢ်ပှၤအံၣ်စရ့လးဖိတဖၣ်ဟဲသကိး ဒီးဟီၣ်တၢ်ယၢၤတၢ်လၢအဃိလီၤ. အန့ၣ်ဝံၤဒီးအဝဲသ့ၣ်ခူၣ်လီၤအီၤလၢအဟံၣ်လၢဝ့ၢ်ရၤမါအပူၤ န့ၣ်လီၤ.