လံာ်စကၤရယၤ 1:4 - Sgaw Karen Common Bible

⁴ လီၤဂာ်ဒီးသုမိၢ်ပၢ်ဖံဖုလၢပျၢၤတဖၣ်တဂ့ၤ, ယံာ်တ့ၢ်လံန့ၣ်ဝံ တဖၣ်ဟ့ၣ်လီၤတ့ၢ်အဝဲသ့ၣ်လၢယတၢ်ကစီၣ်, တဲဘၣ်အဝဲသ့ၣ်လၢအသုတအိၣ်မူတၢ်အၢတၢ်သီဒီးတၢ်ဒဲးဘးအတၢ် အိၣ်မူလၢၤတဂ့ၤန့ၣ်လီၤ. ဘၣ်ဆၣ်ဒီးအဝဲသ့ၣ်တဒိကနၣ်ယၤမ့ၢ်ဂ့ၤတစူၢ်ယၤမ့ၢ်ဂ့ၤန့ၣ်ဘၣ်.

လံာ်စကၤရယၤ 1:4 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 30:6

တုၤစီၤပၤဒီးအပဒိၣ်ပပှၢ်တဖၣ်ဟ့ၣ်လီၤအကလုၢ်န့ၣ်ပှၤစိာ်တၢ် ကစီၣ်တဖၣ်ဟးထီၣ်ဝဲဆူကီၢ်ယူဒၤဒီးကီၢ်အံၣ်စရ့လးဒီ တဘ့ၣ်ညါအိၣ်ဒီးတၢ်ကွဲဒ်လၢလာ်အံၤန့ၣ်လီၤ. “ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, သုပူၤဖျဲးဒီးအိၣ်မူ လီၤတဲာ်တ့ၢ်ဒံးဖဲပှၤအၤၡူၢ်ဖိဟဲမၤနၢၤထံကီၢ်န့ၣ်လီၤ. ခဲကနံၣ်အံၤဃၣ်က့ၤသုသးဆူယွၤ, စီၤအၤဘြၤဟၣ်, စီၤအံၤစဲး, ဒီးစီၤယၤကိာ်အကစၢ်ယွၤအအိၣ်န့ၣ်တက့ၢ်. ဒီးအဝဲဒၣ်ကဃၣ်က့ၤအသးဆူသုအိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:7

သုတဘၣ်လီၤဂာ်ဒီးသုမိၢ်ပၢ်ဖံဖုလၢပျၢၤတဖၣ်ဒီးသုပှၤအံၣ် စရ့လးဖိသကိးသကိးတဖၣ်လၢအသူၣ်တတီသးတရၤဘၣ်ဒီးယွၤ, ပကစၢ်ယွၤန့ၣ်ဘၣ်, ဒ်သုထံၣ်ဘၣ်တ့ၢ်လံအသိး, ယွၤစံၣ်ညီၣ်အဝဲသ့ၣ်ဆါဆါကလဲာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:21

“လဲၤဒီးသံကွၢ်တၢ်လၢယွၤ, လၢယဂီၢ်ဒီးလၢပှၤဂီၢ်မုၢ်လၢ အအိၣ်တ့ၢ်ဒံးဝဲလၢကီၢ်အံၣ်စရ့လးဒီးကီၢ်ယူဒၤအပူၤအဂီၢ် န့ၣ်တက့ၢ်. ဃုထံၣ်သ့ၣ်ညါလံာ်အံၤအတၢ်သိၣ်တၢ်သီတဖၣ် အဂ့ၢ်တက့ၢ်. ယွၤသးထီၣ်ပှၤ, မ့ၢ်လၢပမိၢ်ပၢ်ဖံဖုလၢပျၢၤတဖၣ်တစူၢ်ယွၤအကလုၢ်ဒီးတမၤ ဘၣ်တၢ်လၢလံာ်အံၤတဲဘၣ်အီၤလၢကဘၣ်မၤဝဲတဖၣ် အဃိန့ၣ်လီၤ.”

လံာ်စီၤဧ့စြၤ 9:7

စးထီၣ်လၢပမိၢ်ပၢ်ဖံဖုလၢပျၢၤအမုၢ်နံၤတဖၣ်ဒီးတုၤလီၤခဲ ကနံၣ်အံၤန့ၣ်, ပဝဲဒၣ်, နပှၤဂီၢ်မုၢ်, မၤတ့ၢ်တၢ်ဒဲးဘးဒိၣ်ဒိၣ်မုၢ်မုၢ်န့ၣ် လီၤ. မ့ၢ်လၢပတၢ်ဒဲးဘးတဖၣ်အဃိပဝဲဒၣ်, ပစီၤပၤတဖၣ်, ဒီးပပှၤလုၢ်တၢ်အခိၣ်တဖၣ်, ပဘၣ်တၢ်ဟ့ၣ်လီၤကွံာ် တ့ၢ်ပှၤဆူပှၤတခီဘီမုၢ်ဖိအစီၤပၤတဖၣ်အစုပူၤ, ပဘၣ်တၢ်မၤသံမၤဝီတ့ၢ်ပှၤ, ဂုာ်ဆူၣ်ပျီဆူၣ်ပှၤဒီးစိာ်ထီၣ် ကွံာ်ပှၤဒ်ပှၤဘၣ်တၢ်စၢဃာ်တဖၣ်အသိးန့ၣ်လီၤ. ပဘၣ်တၢ်မၤမဲာ်ဆှးပှၤလၢာ်လၢာ်ဆ့ဆ့ဒ်ပမ့ၢ်ဒံးပဝဲခဲအံၤအသိး န့ၣ်လီၤ.

လံာ်စီၤနဃ့မယၤ 9:16

ဘၣ်ဆၣ်ပမိၢ်ပၢ်ဖံဖုလၢပျၢၤတဖၣ်ပာ်ထီၣ်ထီအသးဒီးအ သးကိၤဝဲ, ဒီးဂ့ၢ်လိာ်တ့ၢ်လၢကစူၢ်နတၢ်မၤလိာ်တဖၣ်န့ၣ်လီၤ.

လံာ်စီၤနဃ့မယၤ 9:26

ဘၣ်ဆၣ်နပှၤဂီၢ်မုၢ်ထီဒါနၤဒီးတစူၢ်နၤဘၣ်. အဝဲသ့ၣ်ဃၣ်ဒူချၢကွံာ်အသးလၢနတၢ်သိၣ်တၢ်သီလၢနဟ့ၣ်လီၤပှၤ ယူဒၤဖိန့ၣ်လီၤ. အဝဲသ့ၣ်မၤသံကွံာ်ဝံတဖၣ်လၢအဟ့ၣ်ပလီၢ်အဝဲသ့ၣ်ဒ်သိးကဃၣ်က့ၤ အသးဆူနအိၣ်န့ၣ်လီၤ. အဝဲသ့ၣ်မၤတရီတပါနၤတဘျီဝံၤတဘျီန့ၣ်လီၤ.

လံာ်စီၤနဃ့မယၤ 9:30

လၢတၢ်သူၣ်စူၤသးစူၤအပူၤနဟ့ၣ်ပလီၢ်အဝဲသ့ၣ် တနံၣ်ဝံၤတနံၣ်န့ၣ်လီၤ. နထိၣ်ဂဲၤထီၣ်နဝံတဖၣ်အသးလၢကစံးကတိၤတၢ်, ဘၣ်ဆၣ်နပှၤဂီၢ်မုၢ်တဖၣ်အနၢ်တအၢဝဲဒၣ်န့ၣ်လီၤ. လၢတၢ်န့ၣ်အဃိနပျဲအဝဲသ့ၣ်ဘၣ်တၢ်မၤနၢၤကွံာ်အီၤလၢပှၤကလုာ် အဂၤတဖၣ်န့ၣ်လီၤ.

စံးထီၣ်ပတြၢၤ 78:8

အဝဲသ့ၣ်တမ့ၢ်ကလီၤဂာ်ဒီးအပၢ်သ့ၣ်တဖၣ် လၢအပူထီၣ်တၢ်ဒီးအတၢ်ဒိကနၣ်တအိၣ်, ပှၤတစိၤလၢအတၢ်နာ်ယွၤတဂၢၢ်တကျၢၤ, ဒီးတအိၣ်လၢၤလၢတၢ်သးတီဒီးယွၤန့ၣ်ဘၣ်လီၤ.

လံာ်ယၡါယၤ 31:6

ယွၤစံးဝဲဒၣ်, “အံၣ်စရ့လးအပှၤဂီၢ်မုၢ်သ့ၣ်ဧၢ, သုမၤတ့ၢ်တၢ်ဒဲးဘးထီဒါယၤဒီးသုထီဒါယၤလီၤ. ဘၣ်ဆၣ်အခဲအံၤ, ဟဲက့ၤဆူယအိၣ်တက့ၢ်.

လံာ်ယံးရမံယၤ 18:11

ခဲကနံၣ်အံၤ, တဲဘၣ်ကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်လၢ, ယရဲၣ်ကျဲၤတၢ်ထီဒါအဝဲသ့ၣ်ဒီးယအိၣ်ကတဲာ်ကတီၤယသးလၢ ယကစံၣ်ညီၣ်အဝဲသ့ၣ်န့ၣ်တက့ၢ်. တဲဘၣ်အဝဲသ့ၣ်လၢကဆိကတီၢ် အိၣ်မူလၢတၢ်ဒဲးဘးအပူၤ, ကလဲလိာ်အကျဲတဖၣ်ဒီးတၢ်သ့ၣ် တဖၣ်လၢအမၤဝဲန့ၣ်တက့ၢ်.

လံာ်ယံးရမံယၤ 23:22

အဝဲသ့ၣ်မ့ၢ်သ့ၣ်ညါတ့ၢ်ယတၢ်ဆိကမိၣ်ခူသူၣ်တဖၣ်ဒီး, အဝဲသ့ၣ်ကသ့စံးဘၣ်တဲဘၣ်ယတၢ်ကစီၣ်ဆူယပှၤဂီၢ်မုၢ်ဒီး ကသ့မၢအဝဲသ့ၣ်ညိကွံာ်တၢ်အိၣ်မူအအၢအသီလၢအဝဲသ့ၣ် အိၣ်မူဝဲဒီးတၢ်အၢတၢ်သီတဖၣ်လၢအဝဲသ့ၣ်မၤဝဲန့ၣ်လီၤ.

လံာ်ယံးရမံယၤ 25:8

သတးဒီး မ့ၢ်လၢသုတဒိကနၣ်အီၤဘၣ်အဃိ, ယွၤသ့တၢ်လၢာ်စံးဝဲ,

လံာ်ယံးရမံယၤ 26:5

ဒီးခီဖျိသုတၢ်ဒိကနၣ် တၢ်ကတိၤတဖၣ်လၢ ယခ့ယပှၤဝံ တဖၣ်လၢ ယဆှၢလီၤတ့ၢ်ဆူ သုအိၣ်တထံၣ်ဃီ, စံးဝဲန့ၣ်လီၤ. သုတစူၢ်တၢ်လၢ အဝဲသ့ၣ်စံးတ့ၢ်ဝဲန့ၣ် နီတစုဘၣ်.

လံာ်ယံးရမံယၤ 3:12

အဝဲတဲဘၣ်တ့ၢ်ယၤလၢယကလဲၤဒီးစံးဘၣ်ကီၢ်အံၣ်စရ့လး, “ကီၢ်အံၣ်စရ့လးလၢအသးတတီဧၢ, ဟဲက့ၤကဒါက့ၤဆူ ယအိၣ်တက့ၢ်. ယသူၣ်ကညီၤသးကညီၤတၢ်သ့ဒီးယတသး ဒိၣ်ထီၣ်ယဲဘၣ်. ယတသးဒိၣ်နၤလီၤထူလီၤယိာ်ဘၣ်.

လံာ်ယံးရမံယၤ 3:14

ပှၤဂီၢ်မုၢ်လၢအသးတတီသ့ၣ်ဧၢ, ဟဲက့ၤကဒါက့ၤတက့ၢ်. သုဘၣ်ဃးဒီးယၤလီၤ. ယကဟံးန့ၢ်သုတဂၤစုာ်စုာ်လၢဝ့ၢ်တဝ့ၢ် ဘၣ်တဝ့ၢ်, ခံဂၤစုာ်စုာ်လၢဒူၣ်ထၢတဒူၣ်ဘၣ်တဒူၣ်, ဒီးယကဟဲစိာ်က့ၤသုဆူကစၢၢ်စံယိၣ်လီၤ.

လံာ်ယံးရမံယၤ 35:15

ယဆှၢလီၤန့ၢ်သုလၢယခ့ယပှၤဝံတဖၣ် တပယူာ်ဃီ, ဒီးအဝဲသ့ၣ်တဲဘၣ်တ့ၢ်သုလၢ သုကညိကွံာ်သုကျဲ အအၢအသီတဖၣ်, ဒီးကမၤတၢ်လၢ အဘၣ်န့ၣ်လီၤ. အဝဲသ့ၣ်ဟ့ၣ်ပလီၢ်တ့ၢ်သုလၢ သုတဘၣ်ဘူၣ်ထီၣ် ဘါထီၣ်ဒီး မၤကစၢ်အဂၤတဖၣ် အတၢ်မၤဘၣ်, ဒ်သိးသုကအိၣ်ဆိးဘၣ်ဒံးလၢကီၢ်ပူၤ, ကီၢ်လၢယဟ့ၣ်လီၤတ့ၢ် သုဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ. ဘၣ်ဆၣ်ဒီး သုတဒိကနၣ် ယၤဘၣ်ဒီးတကနၣ်ဃုာ်တၢ်လၢ ယစံးန့ၣ်ဘၣ်.

လံာ်ယံးရမံယၤ 4:1

ယွၤစံးဝဲဒၣ်, “ကီၢ်အံၣ်စရ့လးအပှၤဂီၢ်မုၢ်ဧၢ, သုမ့ၢ်ဟဲက့ၤကဒါက့ၤဒီး, ဟဲက့ၤကဒါက့ၤဆူယအိၣ်တက့ၢ်. သုမ့ၢ်သးတီဒီး ယၤဒီးသုးကွံာ်တၢ်ဂီၤတၢ်ဖီၣ်တဖၣ်လၢယသးဟ့အီၤဒီး,

လံာ်ယံးရမံယၤ 44:16

“ပဂ့ၢ်လိာ်လၢ ပကဒိကနၣ်တၢ်လၢ နစံးဘၣ်တဲဘၣ် တ့ၢ်ပှၤလၢ ယွၤအမံၤအပူၤန့ၣ်လီၤ.

လံာ်ယဃ့းစက့လး 14:6

ဒီးခဲကနံၣ်အံၤ, တဲဘၣ်ပှၤအံၣ်စရ့လးဖိတဖၣ်လၢတၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်တက့ၢ်. ဃၣ်ကဒါက့ၤသုသးဒီးပာ်တ့ၢ်ကွံာ်သုတၢ်ဂီၤတၢ်ဖီၣ်တဖၣ်လၢ အလီၤသးဘၣ်အၢန့ၣ်တက့ၢ်.

လံာ်ယဃ့းစက့လး 20:18

အခိၣ်တလိာ်ယဟ့ၣ်ပလီၢ်ပှၤသးစၢ်တဖၣ်လၢအဝဲသ့ၣ်အကျါလီၤ. တိၢ်န့ၢ်ဟံးဃာ်တၢ်သိၣ်တၢ်သီတဖၣ်လၢသုမိၢ်ပၢ်ဖံဖုလၢပျၢၤ တဖၣ်ဒုးအိၣ်ထီၣ်အီၤန့ၣ်တဂ့ၤ. ပိာ်ထွဲအဝဲသ့ၣ်အလုၢ်အလၢ်တဖၣ်မ့ၢ်ဂ့ၤ, မၤဘၣ်အၢလီၤသုသးလၢအဝဲသ့ၣ်အတၢ်ဂီၤတၢ်ဖီၣ်မ့ၢ်ဂ့ၤန့ၣ်တဂ့ၤ.

လံာ်ယဃ့းစက့လး 33:11

တဲဘၣ်အဝဲသ့ၣ်လၢဒ်ယၤ, ယွၤပၢဘၣ်တၢ်ခဲလၢာ်ကစၢ်မ့ၢ်ကစၢ်ယွၤ လၢအမူဝဲတဂၤအသိးန့ၣ်, ယစံးယဲ, ယတမုာ်လၤသးခုလၢ တၢ်ထံၣ်ဘၣ်ပှၤတၢ်ဒဲးဘးဖိတဂၤသံန့ၣ်ဘၣ်. ယအဲၣ်ဒိးထံၣ်ဒါခီလၢအဝဲသ့ၣ်ဆိကတီၢ်မၤတၢ်ဒဲးဘးဒီးမူဝဲန့ၣ်လီၤ. ကီၢ်အံၣ်စရ့လးဧၢ, ဆိကတီၢ်ကွံာ်တၢ်အၢတၢ်သီလၢနမၤအီၤန့ၣ် တက့ၢ်. ဘၣ်မနုၤအဃိနအဲၣ်ဒိးသံန့ၣ်လဲၣ်.

လံာ်ယဃ့းစက့လး 33:4

ပှၤတဂၤဂၤမ့ၢ်နၢ်ဟူတၢ်သီၣ်န့ၣ်, ဘၣ်ဆၣ်မ့ၢ်တပာ်သူၣ်ပာ်သး ဝဲလၢအဂ့ၢ်ဒီးဒုၣ်ဒါဟဲဒီးမၤသံအီၤန့ၣ်, အန့ၣ်တစု, အဝဲအတၢ်သံ န့ၣ်မ့ၢ်ဒၣ်အတၢ်ကမၣ်ဒၣ်ဝဲန့ၣ်လီၤ.

လံာ်ဒၤနံးယ့လး 9:6

ပတဒိကနၣ်တ့ၢ်ဘၣ်နခ့နပှၤဝံသ့ၣ်တဖၣ်လၢအကတိၤတ့ၢ်တၢ်လၢ နမံၤအပူၤဆူပစီၤပၤတဖၣ်, ပပှၤပၢတၢ်တဖၣ်, ပမိၢ်ပၢ်ဖံဖုလၢပျၢၤတဖၣ်ဒီး ပပှၤဒီကလုာ်ညါန့ၣ်ဘၣ်.

လံာ်ဟိၤၡ့ 14:1

ဟဲက့ၤကဒါက့ၤဆူယွၤ, သုကစၢ်ယွၤအအိၣ်တက့ၢ်, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ. သုတၢ်ဒဲးဘးမၤဘၣ်တိၢ်သုခီၣ်ဒီးဒုးလီၤဃံၤသုလီၤ.

လံာ်ဧၤမိၣ် 5:24

မ့မ့ၢ်, ပျဲတၢ်တီတၢ်လိၤယွၤလီၤဒ်ထံကျိဖိအသိးဒီးတၢ်မ့ၢ် တၢ်တီဒ်ထံမိၢ်ပှၢ်လၢအလီၤသံးတသ့ဘၣ်အသိးတက့ၢ်.

လံာ်မံကၤ 2:6

ပှၤဂီၢ်မုၢ်ကတိၤကလီကလီတၢ်ဒီးယၤဒီးစံး, “စံၣ်တဲၤတဲလီၤတၢ်လၢပှၤတဂ့ၤ. စံၣ်တဲၤတဲလီၤကယဲၢ်တၢ်ဂ့ၢ်တဖၣ်န့ၣ်တဂ့ၤ. ကစၢ်ယွၤတမၤမဲာ်ဆှးဘၣ်ပှၤဘၣ်.

လံာ်စကၤရယၤ 1:3

ဘၣ်ဆၣ်ဒီးခဲအံၤယစံးဘၣ်သု, ဟဲက့ၤကဒါက့ၤဆူယအိၣ်တက့ၢ်. ဒီးယကဟဲက့ၤကဒါက့ၤဆူသုအိၣ်လီၤ.

လံာ်စကၤရယၤ 7:7

အအံၤမ့ၢ်တၢ်လၢယွၤစံးဝဲခီဖျိဝံလၢညါတဖၣ် ဖဲဝ့ၢ်ယရူၤၡလ့ၣ်ဘီၣ်ထီၣ်ညီထီၣ်ဒီးပှဲၤတ့ၢ်ဝဲဒီးပှၤဂီၢ်မုၢ်, ဒီးဖဲပှၤဂီၢ်မုၢ်အိၣ်ဆိးဝဲအါဂၤ, တမ့ၢ်ထဲလၢဝ့ၢ်တဖၣ်လၢအအိၣ်ဝးတရံးဝ့ၢ်ယရူၤၡလ့ၣ်အပူၤဧိၤ ဘၣ်, မ့မ့ၢ်အိၣ်ဆိးစ့ၢ်ကီးလၢကလံၤထံးလီၢ်ကဝီၤဒီးလၢမုၢ်နုာ် တၢ်လူၢ်ခီၣ်ထံးတဖၣ်အခါလီၤ.

မၤတၢ် 26:20

ယစံၣ်တဲၤတဲလီၤတၢ်အဆိကတၢၢ်လၢဝ့ၢ်ဒၤမ့ၤစ့းအပူၤဒီး လၢဝ့ၢ်ယရူၤၡလ့ၣ်အပူၤ, အန့ၣ်ဝံၤအလီၢ်ခံလၢကီၢ်ယူဒၤဒီဘ့ၣ်ညါဒီးလၢပှၤကလုာ်ဂၤ တဖၣ်အသိးအကျါ, ဒီးသဆၣ်ထီၣ်အဝဲသ့ၣ်အခံဒ်သိးအကပီၢ်ယၢ်လီၤက့ၤအသးလၢ အတၢ်ဒဲးဘးတဖၣ်, ဒီးဃၣ်လိၤက့ၤအသးဆူကစၢ်ယွၤအအိၣ်ဒီးမၤတၢ်သ့ၣ်တဖၣ် လၢအကအုၣ်အသးလၢအဝဲသ့ၣ်ပီၢ်ယၢ်လီၤတ့ၢ်လံအသး အဂ့ၢ်န့ၣ်လီၤ.

မၤတၢ် 3:19

ပီၢ်ယၢ်လီၤဒီးဃၣ်လိၤက့ၤသုသးဆူကစၢ်ယွၤအအိၣ်, ဒ်သိးအဝဲကပျၢ်ကွံာ်သုတၢ်ဒဲးဘးအဂီၢ်န့ၣ်တက့ၢ်. သုမ့ၢ်မၤဒ်န့ၣ်ဒီး,

၁ ပ့းတရူး 1:18

အဂ့ၢ်ဒ်အံၤ, သုသ့ၣ်ညါတၢ်လၢအပှ့ၤက့ၤသုဒ်သိးသုကထူၣ် ဖျဲးထီၣ်လၢတၢ်အိၣ်မူလၢအတကဲဘျုးလၢသုန့ၢ်သါလၢမိၢ် ပၢ်ဖံဖုလၢပျၢၤတဖၣ်အအိၣ်န့ၣ်လီၤ. တၢ်အံၤတမ့ၢ်တၢ်တမံၤလၢတၢ်မၤဟးဂီၤအီၤသ့ဒ်စ့ဒီးထူ အသိးန့ၣ်ဘၣ်.