လံာ်စကၤရယၤ 1:21 - Sgaw Karen Common Bible

²¹ ယသံကွၢ်အီၤ, “ပှၤတဖၣ်အံၤဟဲမၤတၢ်မနုၤလဲၣ်.” အဝဲစံးဆၢယၤ, “အဝဲသ့ၣ်ဟဲဒ်သိးကမၤပျံၤမၤဖုးဒီးမၤလီၤဃံၤကွံာ်ပှၤ ကလုာ်ဂၤတဖၣ်လၢအဆီၣ်လီၤသဘှံးကွံာ်ကီၢ်ယူဒၤ ဒီးမၤလီၤပြံလီၤပြါအပှၤဂီၢ်မုၢ်လၢာ်လၢာ်ဆ့ဆ့န့ၣ်လီၤ.”

လံာ်စကၤရယၤ 1:21 Iomraidhean Croise

စံးထီၣ်ပတြၢၤ 75:10

အဝဲကဘိးကၢ်ကွံာ်ပှၤတတီတလိၤအစိကမီၤလီၤ. မ့မ့ၢ်ပှၤတီပှၤလိၤအစိအကမီၤန့ၣ် ကမၤအါထီၣ်ဝဲဒၣ်န့ၣ် လီၤ.

စံးထီၣ်ပတြၢၤ 83:2

ကွၢ်ကွၢ်, နဒုၣ်နဒါတဖၣ်အိၣ်လၢ တၢ်တၢထီၣ်တၢလီၤအပူၤ, ဒီးပှၤလၢအသးဟ့နၤတဖၣ်ပူထီၣ်လီထီၣ်တၢ်လီၤ.

လံာ်သးသယုၢ်တၢ် 2:17

လၢခံကတၢၢ်န့ၣ်, ယွၤမၤဝံၤတၢ်ဒ်အကတိၤပျံၤကတိၤဖုးဆိပာ်ဝဲ လၢအကမၤတၢ်န့ၣ်လီၤ. အဝဲမၤဟးဂီၤတ့ၢ်ပှၤဒ်အဟ့ၣ်ပလီၢ်တ့ၢ်ပှၤလၢပျၢၤလံၤလံၤအသိး ဒီးတသးကညီၤဘၣ်တၢ်ဘၣ်. ဟ့ၣ်လီၤတၢ်မၤနၢၤလၢပဒုၣ်ပဒါတဖၣ်, ဟ့ၣ်လီၤအီၤလၢတၢ်သးခု လၢပတၢ်လီၤပှီၢ်အဖီခိၣ်န့ၣ်လီၤ.

လံာ်ဒၤနံးယ့လး 12:7

မူခိၣ်ကလူးန့ၣ်ယူာ်ထီၣ်အစုခံခီလိာ်ဆူမူခိၣ်ဒီးမၤတၢ်အၢၣ်လီၤ အီလီၤလၢကစၢ်ယွၤလၢအမူဝဲလီၤထူလီၤယိာ်တဂၤအမံၤန့ၣ်လီၤ. ယနၢ်ဟူအဝဲဒၣ်စံး, “တၢ်န့ၣ်ကမ့ၢ်သၢနံၣ်ဃုလါန့ၣ်လီၤ. ဖဲတၢ်မၤအၢမၤနးကစၢ်ယွၤအပှၤဂီၢ်မုၢ်ဝံၤဝဲန့ၣ်, တၢ်ခဲလၢာ် အံၤကလၢထီၣ်ပှဲၤထီၣ်ဝဲဒၣ်န့ၣ်လီၤ.”

လံာ်စကၤရယၤ 1:19

ယသံကွၢ်ကလူးတဂၤလၢအကတိၤတ့ၢ်လံတၢ်ဒီးယၤ, “တၢ်အနၢၤတဖၣ်အံၤအခီပညီမ့ၢ်ဒ်လဲၣ်.” အဝဲဒၣ်စံးဆၢယၤ, “အဝဲသ့ၣ်တဖၣ်အံၤပာ်ဖျါထီၣ်ဟီၣ်ခိၣ်တၢ်စိတၢ်ကမီၤတဖၣ်လၢ အမၤလီၤပြံလီၤပြါတ့ၢ်ကီၢ်ယူဒၤ, ကီၢ်အံၣ်စရ့လးဒီးဝ့ၢ်ယရူၤရှလ့ၣ်အပှၤဂီၢ်မုၢ်န့ၣ်လီၤ.”