လံာ်စကၤရယၤ 1:2 - Sgaw Karen Common Bible

² ယွၤသ့တၢ်လၢာ်စံးဘၣ်ဝံစကၤရယၤလၢကတဲဘၣ်ပှၤဂီၢ်မုၢ်ဒ်အံၤ, “ယၤ, ယွၤအံၤ, ယသးဒိၣ်ထီၣ်ဘၣ်သုမိၢ်ပၢ်ဖံဖုလၢပျၢၤတဖၣ်ဒိၣ်မး,

လံာ်စကၤရယၤ 1:2 Iomraidhean Croise

လံာ်စီၤပၤခံဘ့ၣ်တဘ့ၣ် 22:19

ဒီးနပီၢ်ယၢ်လီၤက့ၤနသး, ဒီးနဆီၣ်လီၤနသးလၢယမဲာ်ညါ, နဖှီနကူနသိးတဖၣ်နဟီၣ်တၢ်ယၢၤတၢ်ဖဲနနၢ်ဟူဘၣ်ယမၤပျံၤမၤ ဖုးတၢ်လၢယကစံၣ်ညီၣ်ဝ့ၢ်ယရူၤၡလ့ၣ်ဒီးအပှၤဂီၢ်မုၢ်ဒ်လဲၣ်န့ၣ် လီၤ. ယကဒုးကဲထီၣ်အီၤလၢတၢ်ထံၣ်လီၤပျံၤလီၤဖုးအလီၢ်တတီၤ, တၢ်လီၢ်တတီၤလၢပှၤဂီၢ်မုၢ်ကသူအမံၤဒ်တၢ်ဆိၣ်အၢန့ၣ်လီၤ. ဘၣ်ဆၣ်ယနၢ်ဟူတ့ၢ်နတၢ်ထုကဖၣ်,

လံာ်စီၤပၤခံဘ့ၣ်တဘ့ၣ် 23:26

ဘၣ်ဆၣ်ယွၤအတၢ်သးဒိၣ်ကဲၤထီၣ်ဒိၣ်ထီၣ်လၢအဘၣ်တၢ်ထိၣ်ဂဲၤထီၣ် အီၤထီဒါကီၢ်ယူဒၤခီဖျိတၢ်လၢစီၤပၤမနၤၡ့ၤမၤတ့ၢ်ဝဲန့ၣ်, တုၤခဲကနံၣ်အံၤဒၣ်လဲာ်တလီၤပံာ်ကွံာ်ဝဲဒံးဘၣ်.

လံာ်စီၤဧ့စြၤ 9:13

ဖဲတၢ်ခဲလၢာ်မၤတ့ၢ်အသးဒီးပှၤဒ်တၢ်စံၣ်ညီၣ်လၢပတၢ်ဒဲးဘးတဖၣ် ဒီးတၢ်ကမၣ်တဖၣ်အဃိဝံၤဒၣ်လဲာ်, ပသ့ၣ်ညါလၢနၤ, ပကစၢ်ယွၤစံၣ်ညီၣ်တ့ၢ်ပှၤစှၤန့ၢ်ဒံးပကြၢးဘၣ် တၢ်စံၣ်ညီၣ်တက့ၢ်ဒီးပျဲဒံးပှၤလၢပကအိၣ်မူဝဲလီၤ.

စံးထီၣ်ပတြၢၤ 60:1

ကစၢ်ယွၤဧၢ, နညိကွံာ်တ့ၢ်လံပှၤလံ. နမၤလီၤမုၢ်လီၤဖးလံပှၤလံ. နသးထီၣ်တ့ၢ်လံ. ဘၣ်ဆၣ်ခဲအံၤ ဃၣ်က့ၤနသးဆူပအိၣ်တက့ၢ်.

လံာ်ယံးရမံယၤ 32:23

ဘၣ်ဆၣ်, ဖဲအဝဲသ့ၣ်ဟဲနုာ်လီၤဆူ ထံကီၢ်အံၤဒီး မၤန့ၢ်အီၤဝံၤန့ၣ်တစူၢ်နတၢ်မၤလိာ်တဖၣ်မ့ၢ်ဂ့ၤ, တအိၣ်မူဒ် နသိၣ်က့ၤသီက့ၤအီၤ အသိးမ့ၢ်ဂ့ၤဘၣ်. တၢ်လၢနဟ့ၣ် လီၤနကလုၢ်လၢ ကမၤဝဲန့ၣ်, အဝဲသ့ၣ်တမၤဝဲနီတမံၤဘၣ်. လၢတၢ်န့ၣ်အဃိ, နဒုးလီၤဘၣ်တၢ်ဟးဂီၤခဲလၢာ်အံၤလၢ အဝဲသ့ၣ်အလိၤန့ၣ်လီၤ.

လံာ်ယံးရမံယၤ 44:6

သတးဒီး, ယလူလီၤဂၢ်လီၤတ့ၢ် ယတၢ်သးဒိၣ်ဒီးသးကဲၤထီၣ်လၢ ကီၢ်ယူဒၤအဝ့ၢ်တဖၣ်အဖီခိၣ်ဒီးလၢဝ့ၢ်ယရူၤရှလ့ၣ်အကျဲမုၢ် ကျဲဘိတဖၣ် အဖီခိၣ်ဒီးယဒွဲၣ်အူထီၣ်ကွံာ် အဝဲသ့ၣ်လၢ မ့ၣ်အူန့ၣ်လီၤ. အဝဲသ့ၣ်အိၣ်လီၤပှီၢ်တ့ၢ်ဝဲလၢ တၢ်ဟးဂူာ်ဟးဂီၤ အပူၤဒီး ကဲထီၣ်တၢ်ထံၣ်ဘၣ်အလီၢ်တပူၤလၢ အလီၤ ပျံၤလီၤဖုးဒ် အအိၣ်ဝဲခဲအံၤအသိးန့ၣ်လီၤ.

လံာ်သးသယုၢ်တၢ် 5:7

ပမိၢ်ပပၢ်လၢပျၢၤတဖၣ်မၤတ့ၢ်တၢ်ဒဲးဘးဘၣ်ဆၣ်ခဲအံၤအဝဲသ့ၣ် သံလၢာ်လံ. ဒီးပတူၢ်ဘၣ်တၢ်လၢအဝဲသ့ၣ်အတၢ်ဒဲးဘးတဖၣ်အဃိလီၤ.

လံာ်ယဃ့းစက့လး 22:31

လၢတၢ်န့ၣ်အဃိယကလူလီၤဂာ်လီၤယတၢ်သးထီၣ်လၢအဝဲသ့ၣ် တဖၣ်အဖီခိၣ်ဒီးဒ်မ့ၣ်အူအသိးယကမၤဟးဂီၤကွံာ်အဝဲသ့ၣ် လၢတၢ်လၢအဝဲသ့ၣ်တဖၣ်မၤတ့ၢ်ဝဲအဃိန့ၣ်လီၤ.” ယွၤပၢဘၣ်တၢ်ခဲလၢာ်အကစၢ်ကတိၤလံတၢ်လံ.

လံာ်ယဃ့းစက့လး 8:18

အဝဲသ့ၣ်ကကလၢၢ်ဘၣ်ယတၢ်သးကဲၤထီၣ်အသဟီၣ်ခဲလၢာ်န့ၣ်လီၤ. ယတပျၢ်ဖျဲးအဝဲသ့ၣ်မ့ၢ်ဂ့ၤ, ဒီးဒုးနဲၣ်အဝဲသ့ၣ်လၢတၢ်သး ကညီၤမ့ၢ်ဂ့ၤန့ၣ်ဘၣ်. အဝဲသ့ၣ်ကကိးထီၣ်တၢ်ထုကဖၣ်တဖၣ်ဆူယအိၣ်, သီၣ်ဒိၣ်တသ့ဖဲအသ့, ဘၣ်ဆၣ်ယတဒိကနၣ်အဝဲသ့ၣ်ဘၣ်.”

လံာ်စကၤရယၤ 1:15

ဒီးယသးထီၣ်ဘၣ်ပှၤကလုာ်တဖၣ်လၢအမုာ်လၤသးခု ဘၣ်လၢတၢ်အိၣ်ဘှ့ၣ်အိၣ်ဘှီၣ်ဒီးတၢ်ဃူတၢ်ဖိးအပူၤဒိၣ်မး လီၤ. အဂ့ၢ်ဒ်အံၤ, ဖဲယဟံးဃာ်ဒံးယတၢ်သးဒိၣ်ထီၣ်ထီဒါယပှၤဂီၢ်မုၢ် အခါ, ပှၤကလုာ်တဖၣ်ဒုးတူၢ်ဘၣ်ခီၣ်ဘၣ်အၢထီၣ်ယပှၤဂီၢ်မုၢ်အတၢ်လီၤ.

လံာ်စကၤရယၤ 7:12

ဒီးမၤကိၤအသးတဖၣ်, ကိၤဝဲဒ်လၢၢ်အသိးန့ၣ်လီၤ. မ့ၢ်လၢအဝဲသ့ၣ်တဒိကနၣ်တၢ်သိၣ်လိလၢယဟ့ၣ် လီၤခီဖျိဝံလၢပျၢၤတဖၣ်အဃိဒီးယသးထီၣ်ဒိၣ်မးလီၤ.

လံာ်စကၤရယၤ 8:14

“ပျံၤတၢ်တဂ့ၤ.” ယွၤစံးဝဲဒၣ်, “ဖဲသုမိၢ်ပၢ်ဖံဖုလၢပျၢၤတဖၣ်မၤသးဒိၣ်ထီၣ်ယၤန့ၣ်, ယကူၣ်ကျဲၤတ့ၢ်တၢ်တတၢးတနါလၢအဝဲသ့ၣ်အဂီၢ်, ဒီးယတလဲလိာ်ယသးဘၣ်ဒီး, မၤထွဲယတၢ်ကူၣ်ကျဲၤတဖၣ်န့ၣ်လီၤ.

မၤတၢ် 7:52

ဝံလၢသုမိၢ်ပၢ်ဖံဖုလၢပျၢၤတဖၣ်တမၤအၢမၤနးအီၤဘၣ်န့ၣ်, မ့ၢ်အအိၣ်တဂၤဂၤဧါ. အဝဲသ့ၣ်မၤသံတ့ၢ်ကစၢ်ယွၤအပှၤစိာ်တၢ်ကစီၣ်တဖၣ်လၢအကတိၤ ဆိပာ်စၢၤဘၣ်ဃးကစၢ်ယွၤအခ့အပှၤလၢအတီအလိၤတဂၤ အတၢ်ဟဲအဂ့ၢ်, ဒီးခဲကနံၣ်အံၤသုဝဲသ့ၣ်သုဆါလီၤကွံာ်ဒီးမၤသံကွံာ် အဝဲဒၣ်န့ၣ်လီၤ.