လံာ်စကၤရယၤ 1:19 - Sgaw Karen Common Bible

¹⁹ ယသံကွၢ်ကလူးတဂၤလၢအကတိၤတ့ၢ်လံတၢ်ဒီးယၤ, “တၢ်အနၢၤတဖၣ်အံၤအခီပညီမ့ၢ်ဒ်လဲၣ်.” အဝဲဒၣ်စံးဆၢယၤ, “အဝဲသ့ၣ်တဖၣ်အံၤပာ်ဖျါထီၣ်ဟီၣ်ခိၣ်တၢ်စိတၢ်ကမီၤတဖၣ်လၢ အမၤလီၤပြံလီၤပြါတ့ၢ်ကီၢ်ယူဒၤ, ကီၢ်အံၣ်စရ့လးဒီးဝ့ၢ်ယရူၤရှလ့ၣ်အပှၤဂီၢ်မုၢ်န့ၣ်လီၤ.”

လံာ်စကၤရယၤ 1:19 Iomraidhean Croise

လံာ်စီၤပၤအခီၣ်ထံးတဘ့ၣ် 22:11

ဝံအကျါတဂၤလၢအမ့ၢ်စီၤကနၤနါအဖိခွါစီၤစံးဒကံယၤပိာ်တၢ် အနၢၤတဖၣ်လၢထးဒီးစံးဘၣ်စီၤအၤဃာ်, “တၢ်အံၤမ့ၢ်တၢ်လၢယွၤစံးဝဲ, လၢတၢ်သ့ၣ်တဖၣ်အံၤန့ၣ်, နကဒုးပှၤစူၤရံဖိတဖၣ်ဒီးမၤနၢၤမၤဃၣ်ကွံာ်အဝဲသ့ၣ်လၢာ်လၢာ် ဆ့ဆ့န့ၣ်လီၤ.”

လံာ်စီၤဧ့စြၤ 4:1

ယူဒၤဒီးဘံၣ်ယၤမံၣ်အပှၤဂီၢ်မုၢ်အဒုၣ်အဒါတဖၣ်နၢ်ဟူဝဲလၢပှၤ လၢအဟဲက့ၤကဒါက့ၤလၢတၢ်စိာ်မၢကဲကုၢ်တဖၣ်သူၣ်ထီၣ်ကဒါက့ၤ ယွၤ, ပှၤအံၣ်စရ့လးဖိအကစၢ်ယွၤအတၢ်လုၢ်ဟံၣ်န့ၣ်လီၤ.

လံာ်စီၤဧ့စြၤ 4:4

တုၤနုၤတစုပှၤဂီၢ်မုၢ်လၢအအိၣ်တ့ၢ်လံလၢထံကီၢ်ပူၤတဖၣ်ကျဲး စၢးမၤသးဟးဂီၤဒီးမၤပျံၤမၤဖုးပှၤယူဒၤဖိတဖၣ်ဒီးမၤ တံာ်တာ်အဝဲသ့ၣ်လၢကဘှီထီၣ်တၢ်လုၢ်ဟံၣ်အဂီၢ်န့ၣ်လီၤ.

လံာ်စီၤဧ့စြၤ 4:7

မၤကဒီးလၢကီၢ်ပၤရၣ်အစီၤပၤဖးဒိၣ်စီၤအၢ်တၤၡါၡတၤအစိၤ န့ၣ်, စီၤဘံးၡလၣ်, စီၤမံးသြၤဒး, စီၤတၤဘ့လးဒီးပှၤမၤသဃဲၤတၢ် ဒီးအဝဲသ့ၣ်တဖၣ်ကွဲးလံာ်ပရၢတဘ့ၣ်ဆူစီၤပၤဖးဒိၣ်အအိၣ်န့ၣ် လီၤ. လံာ်ပရၢအံၤဘၣ်တၢ်ကွဲးအီၤလၢပှၤအရၣ်ဖိအကျိာ်ဒီးကဘၣ်တၢ်တဲ ကျိာ်ထံက့ၤအီၤဖဲတၢ်ဖးအီၤန့ၣ်လီၤ.

လံာ်စီၤဧ့စြၤ 5:3

တကတီၢ်ဃီဃၣ်ဃၣ်န့ၣ်, ပဒိၣ်ဖးဒိၣ်စီၤတးနဲလၢကီၢ်ဖရၤသးအမုၢ် နုာ်, စီၤၡသၢ်ဘိစနဲၤ, ဒီးပဒိၣ်ပပှၢ်သကိးသကိးတဖၣ်ဟဲဆူ ဝ့ၢ်ယရူၤရှလ့ၣ်ဒီးသံကွၢ်ဝဲဆူၣ်ဆူၣ်, “မတၤဟ့ၣ်လီၤသုတၢ် ကလုၢ်လၢသုကသူၣ်ထီၣ်တၢ်လုၢ်ဟံၣ်ဒီးမၤပှဲၤထီၣ်အီၤန့ၣ်လဲၣ်.”

စံးထီၣ်ပတြၢၤ 75:4

ယစံးဘၣ်ပှၤအၢပှၤသီတဖၣ်လၢ အသုတပာ်ကဖိအသးလၢၤတဂ့ၤ

စံးထီၣ်ပတြၢၤ 75:5

ယစံးဘၣ်အဝဲသ့ၣ်လၢ ကဆိကတီၢ် တၢ်ပာ်ထီၣ်ထီသးန့ၣ်လီၤ.

လံာ်ယံးရမံယၤ 48:25

ကီၢ်မိၤအးအစိဒိၣ် ကမီၤထီဘၣ်တၢ်ဆီၣ်သနံး အီၤလံ. အစိကမီၤဘၣ်တၢ်မၤဟးဂီၤကွံာ်အီၤလံ. ယၤ, ယွၤအံၤ, ကတိၤလံတၢ်လံ.”

လံာ်ဒၤနံးယ့လး 12:7

မူခိၣ်ကလူးန့ၣ်ယူာ်ထီၣ်အစုခံခီလိာ်ဆူမူခိၣ်ဒီးမၤတၢ်အၢၣ်လီၤ အီလီၤလၢကစၢ်ယွၤလၢအမူဝဲလီၤထူလီၤယိာ်တဂၤအမံၤန့ၣ်လီၤ. ယနၢ်ဟူအဝဲဒၣ်စံး, “တၢ်န့ၣ်ကမ့ၢ်သၢနံၣ်ဃုလါန့ၣ်လီၤ. ဖဲတၢ်မၤအၢမၤနးကစၢ်ယွၤအပှၤဂီၢ်မုၢ်ဝံၤဝဲန့ၣ်, တၢ်ခဲလၢာ် အံၤကလၢထီၣ်ပှဲၤထီၣ်ဝဲဒၣ်န့ၣ်လီၤ.”

လံာ်ဒၤနံးယ့လး 7:16

ယလဲၤဃီၤဆူပှၤဆၢထၢၣ်ဖဲအလီၢ်န့ၣ်တဖၣ်အကျါတဂၤ အအိၣ်ဒီးယသံကွၢ်အီၤတၢ်မ့ၢ်တၢ်တီဘၣ်ဃးဒီးတၢ်ခဲလၢာ် အံၤန့ၣ်လီၤ. မၤသးဒ်န့ၣ်ဒီး, အဝဲတဲဘၣ်ယၤလၢတၢ်ဂ့ၢ်တဖၣ် န့ၣ်အခီပညီန့ၣ်လီၤ.

လံာ်ဧၤမိၣ် 6:13

သုပတြၢၤလီၤသုသးလၢသုမၤနၢၤဝ့ၢ်လိဒတၢ်အခီပညီ “တၢ်ကလီကလီ,” ဒီးသုတၢ်ကတိၤဒိၣ်လီၤသုကိာ်ဒီးစံး, “ပဟံးန့ၢ်နၢၤတဖၣ်လၢပဂီၢ်လၢပဂံၢ်ပဘါဒၣ်ပဝဲလီၤ.”

လံာ်ဃဘးကူာ် 3:14

နပျၢ်ဆဲးဖျိကွံာ်သုးခိၣ်ကျၢၢ်လၢအသုးမုၢ်အကျါ, ဖဲအဟဲဒ်ကလံၤမုၢ်လၢအကမၤလီၤပြံလီၤပြါပှၤ, ဒီးကွၢ်စူၣ်ဃီၤတၢ်ဒ်ပှၤလၢအကူၣ်ထီၣ်ခူသူၣ်တၢ်မၤနၢၤမၤပ့ၤ ပှၤဖှီၣ်ဖိယာ်ဖိအခါန့ၣ်လီၤ.

လံာ်စကၤရယၤ 1:18

လၢတၢ်ထံၣ်လၢညါခီအဂၤတမံၤအပူၤန့ၣ်, ယထံၣ်ကျီၢ်ဖါအနၢၤလွံၢ်ဘိလီၤ.

လံာ်စကၤရယၤ 1:21

ယသံကွၢ်အီၤ, “ပှၤတဖၣ်အံၤဟဲမၤတၢ်မနုၤလဲၣ်.” အဝဲစံးဆၢယၤ, “အဝဲသ့ၣ်ဟဲဒ်သိးကမၤပျံၤမၤဖုးဒီးမၤလီၤဃံၤကွံာ်ပှၤ ကလုာ်ဂၤတဖၣ်လၢအဆီၣ်လီၤသဘှံးကွံာ်ကီၢ်ယူဒၤ ဒီးမၤလီၤပြံလီၤပြါအပှၤဂီၢ်မုၢ်လၢာ်လၢာ်ဆ့ဆ့န့ၣ်လီၤ.”

လံာ်စကၤရယၤ 1:9

ယသံကွၢ်အီၤ, “တၢ်ဒိၣ်ဧၢ, ကသ့ၣ်တဖၣ်အံၤအခီပညီ မ့ၢ်တၢ်မနုၤလဲၣ်.” အဝဲစံးဆၢဝဲ, “ယကဒုးနဲၣ်နၤအဝဲသ့ၣ်အခီပညီမ့ၢ်တၢ်မနုၤလဲၣ်န့ၣ်လီၤ.

လံာ်စကၤရယၤ 2:2

ယသံကွၢ်အီၤ, “နကလဲၤဆူလဲၣ်.” အဝဲစံးဆၢဝဲ, “ယကလဲၤထိၣ်ဝ့ၢ်ယရူၤၡလ့ၣ် လၢယကသ့ၣ်ညါဝ့ၢ်အံၤထီဆံးအါဒီး လဲၢ်ဆံးဒိၣ်လဲၣ်အဂီၢ်န့ၣ်လီၤ.”

လံာ်စကၤရယၤ 8:14

“ပျံၤတၢ်တဂ့ၤ.” ယွၤစံးဝဲဒၣ်, “ဖဲသုမိၢ်ပၢ်ဖံဖုလၢပျၢၤတဖၣ်မၤသးဒိၣ်ထီၣ်ယၤန့ၣ်, ယကူၣ်ကျဲၤတ့ၢ်တၢ်တတၢးတနါလၢအဝဲသ့ၣ်အဂီၢ်, ဒီးယတလဲလိာ်ယသးဘၣ်ဒီး, မၤထွဲယတၢ်ကူၣ်ကျဲၤတဖၣ်န့ၣ်လီၤ.