လံာ်စကၤရယၤ 1:17 - Sgaw Karen Common Bible

¹⁷ ကလူးန့ၣ်တဲဘၣ်စ့ၢ်ကီးယၤလၢယကတဲဖျါထီၣ်တၢ်ဒ်အံၤ, “သ့တၢ်လၢာ်ယွၤစံးဝဲလၢ, အဝ့ၢ်တဖၣ်ကဘီၣ်ထီၣ်ညီထီၣ်ကဒီးတဘျီ, ဒီးအဝဲကမၤစၢၤကဒီးဝ့ၢ်ယရူၤရှလ့ၣ်တဘျီဒီးတဲဖျါလၢဝ့ၢ်ယရူၤရှလ့ၣ် မ့ၢ်အဝ့ၢ်န့ၣ်လီၤ.”

လံာ်စကၤရယၤ 1:17 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 6:6

ဘၣ်ဆၣ်ဒီး, ခဲကနံၣ်အံၤယဃုထၢလံဝ့ၢ်ယရူၤၡလ့ၣ်ဒ်တၢ်လီၢ်လၢ ယကဘၣ်တၢ်ဘူၣ်ထီၣ်ဘါထီၣ်ယၤအဂီၢ်, ဒီးနဲဒၣ်, စီၤဒၤဝံးဒ်ပှၤလၢကပၢယပှၤဂီၢ်မုၢ်န့ၣ်လီၤ.”

လံာ်စီၤနဃ့မယၤ 11:20

ကီၢ်အံၣ်စရ့လးအပှၤဂီၢ်မုၢ်အဂၤဒီး, ပှၤလုၢ်တၢ်အခိၣ်ဒီးပှၤ လ့ၤဝံဖိလၢအအိၣ်လီၤတဲာ်တဖၣ်န့ၣ်အိၣ်ဝဲဆိးဝဲဖဲအဝဲသ့ၣ် အတၢ်စုလီၢ်ခီၣ်ခိၣ်အိၣ်ဝဲလၢကီၢ်ယူဒၤအဝ့ၢ်အဂၤတဖၣ်အပူၤန့ၣ် လီၤ.

လံာ်စီၤနဃ့မယၤ 11:3

လၢဝ့ၢ်အဂၤတဖၣ်အပူၤန့ၣ်ကီၢ်အံၣ်စရ့လးအပှၤဂီၢ်မုၢ်, ပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, ပှၤမၤတၢ်လၢတၢ်လုၢ် ဟံၣ်တဖၣ်, ဒီးပှၤလီၤစၢၤလီၤသွဲၣ်လၢစီၤၡလိၤမိၤအခ့အပှၤတဖၣ်အိၣ်ဝဲ ဆိးဝဲဖဲဝ့ၢ်တဖၣ်လၢအဝဲသ့ၣ်အတၢ်စုလီၢ်ခီၣ်ခိၣ်ဒၣ်ဝဲအိၣ်, အပူၤန့ၣ်လီၤ. အအံၤမ့ၢ်လီၢ်ကဝီၤလၢကီၢ်ယူဒၤပူၤအထံ ဖိကီၢ်ဖိခိၣ်နၢ်တဖၣ်လၢအအိၣ်ဝဲဆိးဝဲလၢဝ့ၢ်ယရူၤရှလ့ၣ်အပူၤ အမံၤအသၣ်န့ၣ်လီၤ.

စံးထီၣ်ပတြၢၤ 69:35

အဂ့ၢ်ဒ်အံၤ, ယွၤကအုၣ်က့ၤခီၣ်က့ၤစံယိၣ်, ဒီးကသူၣ်ထီၣ်က့ၤယူဒၤအဝ့ၢ်တဖၣ် ဒီးအခ့အပှၤသ့ၣ်တဖၣ်ကအိၣ်ကဆိးဖဲန့ၣ်ဒီး ကန့ၢ်ဘၣ်ကီၢ်န့ၣ်လီၤ.

လံာ်ယၡါယၤ 14:1

ယွၤကသးကညီၤကဒီးအပှၤဂီၢ်မုၢ်အံၣ်စရ့လးတဘျီဒီးဃု ထၢအီၤဒ်အတၢ်ဒၣ်ဝဲအသိးလီၤ. ကပျဲကဒီးအဝဲသ့ၣ်အိၣ်က့ၤလၢအ ထံအကီၢ်ဒၣ်ဝဲတဘျီ, ဒီးပှၤတခီဘီမုၢ်ဖိတ ဖၣ်ကဟဲအိၣ်ဆိးသကိးဒီးအဝဲသ့ၣ်ဖဲန့ၣ်, န့ၣ်လီၤ.

လံာ်ယၡါယၤ 44:26

ဘၣ်ဆၣ်, ဖဲယခ့ယပှၤကတိၤဆိပာ်တၢ်, ဒီးဖဲယဆှၢလီၤပှၤစိာ်တၢ်ကစီၣ်တဂၤလၢကလီၣ်ဖျါထီၣ်ယတၢ်ကူၣ် ကျဲၤတဖၣ်န့ၣ်, ယဒုးလၢထီၣ်ပှဲၤထီၣ်တၢ်ကူၣ်ကျဲၤဒီးတၢ်ကတိၤဆိပာ်တဖၣ်အံၤ န့ၣ်လီၤ. ယစံးဘၣ်တဲဘၣ်ဝ့ၢ်ယရူၤၡလ့ၣ်လၢပှၤဂီၢ်မုၢ်ကအိၣ်က့ၤကဒီးဖဲ န့ၣ်, ဒီးကီၢ်ယူဒၤအဝ့ၢ်တဖၣ်လၢကဘၣ်တၢ်သူၣ်ထီၣ်ဘှီထီၣ်က့ၤအီၤ လီၤ. ဝ့ၢ်တဖၣ်န့ၣ်ကဟဲဖျါထီၣ်လၢတၢ်ဟးဂူာ်ဟးဂီၤတဖၣ်အပူၤလီၤ.

လံာ်ယၡါယၤ 49:13

မူခိၣ်မူကပိာ်လိၤဧၢ, သးဝံၣ်ထီၣ်တက့ၢ်. ကိးပသူထီၣ်လၢတၢ်သးခုအဂ့ၢ်တက့ၢ်. မ်ကစၢၢ်တဖၣ်သီၣ်ပုာ်ထီၣ်လၢတၢ်သးဝံၣ်တက့ၢ်. ယွၤကမၤမုာ်မၤခုၣ်အပှၤဂီၢ်မုၢ်အသးလီၤ. အဝဲကအိၣ်ဒီးတၢ်သးကညီၤဘၣ်အပှၤဂီၢ်မုၢ်လၢအဘၣ်တူၢ်ဘၣ်တၢ် တဖၣ်န့ၣ်လီၤ.

လံာ်ယၡါယၤ 51:12

ယွၤစံးဝဲ, “ယမ့ၢ်ပှၤတဂၤလၢအဟ့ၣ်ဆူၣ်ထီၣ်သုဂံၢ်သုဘါလီၤ. ဘၣ်မနုၤအဃိသုဘၣ်ပျံၤဘၣ်ဖုးပှၤကညီလၢ အသံသ့အံၤ, လၢအအိၣ်ဂၢၢ်ဆိးကျၢၤသ့ယံာ်ထဲသိးဒၣ် နီၣ်ဧိၤမံၤဧိၤအံၤန့ၣ်လဲၣ်.

လံာ်ယၡါယၤ 51:3

ယကဒုးနဲၣ်ယတၢ်သးကညီၤဆူဝ့ၢ်ယရူၤၡလ့ၣ်ဒီး, ဆူပှၤခဲလၢာ်လၢအအိၣ်လၢအတၢ်ဟးဂီၤတဖၣ်အပူၤလီၤ. အလီၢ်အကျဲမ့ၢ်မဲးမုၢ်ခိၣ်ဒၣ်လဲာ်, ယကဒုးကဲထီၣ်အီၤလၢ တၤသၣ်လီၢ်တလီၢ် လၢအလီၤဂာ်ဒီးတၤသၣ်လီၢ်လၢယသူၣ်လီၤတ့ၢ်အီၤလၢဧ့ၤဒ့ၣ်န့ၣ်လီၤ. တၢ်သူၣ်ခုသးခုဒီးတၢ်သူၣ်ဖှံသးညီ, တၢ်စံးထီၣ်ပတြၢၤဒီးတၢ်စံးဘျုးစံးဖှိၣ်ယၤ အတၢ်သးဝံၣ်တဖၣ်ကအိၣ်ဖဲန့ၣ်လီၤ.

လံာ်ယၡါယၤ 52:9

ကိးသတြီထီၣ်လၢတၢ်သးခု အတၢ်ကိးထီၣ်တဖၣ်တက့ၢ်, သုဝဲဝ့ၢ်ယရူၤၡလ့ၣ်အတၢ်ဟးဂီၤတဖၣ်ဧၢ. ယွၤကမၤပူၤဖျဲးအဝ့ၢ်ဒၣ်ဝဲဒီးမၤမုာ်မၤခုၣ်အပှၤဂီၢ်မုၢ်လီၤ.

လံာ်ယၡါယၤ 54:8

ယဃၣ်ကွံာ်ယသးလၢတၢ်သးဒိၣ်အပူၤတစိၢ်ဖိနာ်က့, ယကဒုးနဲၣ်နၤယတၢ်အဲၣ်လီၤထူလီၤယိာ်န့ၣ်လီၤ.” ယွၤလၢအအုၣ်က့ၤခီၣ်က့ၤသုစံးဝဲဒ်န့ၣ်လီၤ.

လံာ်ယၡါယၤ 66:13

ယကမၤမုာ်သုလၢဝ့ၢ်ယရူၤၡလ့ၣ်အပူၤ, ဒ်မိၢ်တဂၤမၤမုာ်အဖိအသိးလီၤ.

လံာ်ယံးရမံယၤ 31:13

အန့ၣ်ဒီး, မုၣ်လိၤဘိတဖၣ် ကဂဲၤကလံာ်ဝဲဒီးသးဖှံသးညီဝဲ, ဒီးပှၤပိာ်ခွါတဖၣ်, သးစၢ်ဂ့ၤသးပှၢ်ဂ့ၤ, ကသူၣ်ခုသးခုဝဲလီၤ. ယကမၤမုာ်မၤခုၣ်အဝဲသ့ၣ်, ဒီးဘိးဃၣ်အဝဲသ့ၣ် တၢ်ဟီၣ်တၢ်ယၢၤဆူ တၢ်သူၣ်ခုသးခု, အဝဲသ့ၣ်အတၢ်သူၣ်အုၣ်သးအုးဆူ တၢ်သူၣ်ဖှံသးညီန့ၣ်လီၤ.

လံာ်ယံးရမံယၤ 33:13

လၢဝ့ၢ်လၢ အအိၣ်လၢတၢ်လူၢ်တၢ်တြီၤတဖၣ်အပူၤ, လၢတၢ်လီၢ်တဖၣ်လၢ တၢ်လူၢ်အခီၣ်ထံးဒီး လၢကီၢ် ယူဒၤကလံၤထံးအပူၤ, လၢဘံၣ်ယၤမံၣ်အဒူၣ်အလီၢ် ကဝီၤပူၤ, လၢဝ့ၢ်ယရူၤၡလ့ၣ်အခိၣ်အဃၢၤဒူသဝီတဖၣ်အပူၤ, ဒီးလၢကီၢ်ယူဒၤအဝ့ၢ်တဖၣ် အပူၤန့ၣ်, ပှၤကွၢ်သိတဖၣ် ကဂံၢ်ကဒီး အသိတဖၣ်အသီတဘျီလီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 33:9

ဝ့ၢ်ယရူၤၡလ့ၣ်ကမ့ၢ်တၢ်သးခု, တၢ်လၤကပီၤ, ဒီးတၢ်ပာ်ကဖၢလၢ သးအဂံၢ်ထံးတမံၤလၢ ယဂီၢ်န့ၣ်လီၤ. ဒီးပှၤကိးကလုာ်ဒဲး လၢဟီၣ်ခိၣ်ချၢအံၤ ကပျံၤတၢ်ဒီး ကကနိးကစုာ်ဝဲ ဖဲအဝဲသ့ၣ် နၢ်ဟူတၢ်ဘၣ်ဃးတၢ်အဂ့ၤတဖၣ်လၢ ယမၤလၢ ဝ့ၢ်ယရူၤၡလ့ၣ်အပှၤဂီၢ်မုၢ် အဂီၢ်, ဒီးဘၣ်ဃးတၢ်ဘီၣ် တၢ်ညီလၢ ယဟဲစိာ်န့ၢ် ဝ့ၢ်အံၤ, အဂ့ၢ်န့ၣ်လီၤ.”

လံာ်ယဃ့းစက့လး 36:33

ယွၤပၢဘၣ်တၢ်ခဲလၢာ်ကစၢ်စံးဝဲ, “ဖဲယမၤကဆှီထီၣ်နၤလၢ ကယဲၢ်နတၢ်ဒဲးဘးတဖၣ်န့ၣ်, ယကဒုးအိၣ်ဆိးကဒီးက့ၤနၤလၢ နဝ့ၢ်တဖၣ်အပူၤဒီးပျဲနဘှီထီၣ်ကဒါက့ၤအတၢ်ဟးဂီၤတဖၣ်န့ၣ်လီၤ.

လံာ်ဧၤမိၣ် 9:14

ယကဆှၢကဒါက့ၤယပှၤဂီၢ်မုၢ်ဆူအကီၢ်ဒၣ်ဝဲလီၤ. အဝဲသ့ၣ်ကသူၣ်ထီၣ်ကဘှီထီၣ်က့ၤအဝ့ၢ်တဖၣ်လၢအဟးဂီၤဒီးအိၣ်ဝဲ လၢအပူၤ, ကသူၣ်လီၤစပံးလီၢ်သ့ၣ်တဖၣ်ဒီးအီစပံးထံ, ကသူၣ်လီၤတၢ်လၢတၤသၣ်လီၢ်တဖၣ်ဒီးအီၣ်တၢ်လၢအသူၣ်လီၤဝဲန့ၣ်လီၤ.

လံာ်ဧိၤဘါဒယၤ 1:20

ပှၤအံၣ်စရ့လးဖိလၢကလံၤစိးလၢအဘၣ်တၢ်စိာ်မၢကဲကုၢ်အီၤတဖၣ် အသုးမုၢ်ကဟဲက့ၤဒီးကမၤန့ၢ်က့ၤကီၢ်ဖံၤနံက့ၤတုၤလၢဝ့ၢ်စၤရဖးသးလီၤ. ပှၤယရူၤၡလ့ၣ်ဖိလၢအဘၣ်တၢ်စိာ်မၢကဲကုၢ်အီၤဆူဝ့ၢ်စဖၤရးတဖၣ် ကမၤန့ၢ်က့ၤဝ့ၢ်တဖၣ်လၢကီၢ်ယူဒၤကလံၤထံးတခီလီၤ.

လံာ်စကၤရယၤ 1:14

ဒီးကလူးန့ၣ်တဲဘၣ်ယၤလၢယကတဲဖျါထီၣ် တၢ်လၢသ့တၢ်လၢာ်ယွၤစံးတ့ၢ်ဒ်အံၤ, “ယအိၣ်ဒီးတၢ်အဲၣ်ဒီးတၢ်သးအိၣ်လၢအဒိၣ်ဝဲယိာ်ဝဲတမံၤလၢ ဝ့ၢ်ယရူၤရှလ့ၣ်, ယဝ့ၢ်စီဆှံအဂီၢ်,

လံာ်စကၤရယၤ 1:18

လၢတၢ်ထံၣ်လၢညါခီအဂၤတမံၤအပူၤန့ၣ်, ယထံၣ်ကျီၢ်ဖါအနၢၤလွံၢ်ဘိလီၤ.

လံာ်စကၤရယၤ 2:12

ကီၢ်ယူဒၤကမ့ၢ်ကဒီးယွၤအတၢ်လီၢ်လီၤဆီလၢအကီၢ်စီဆှံအပူၤ, ဒီးဝ့ၢ်ယရူၤၡလ့ၣ်ကမ့ၢ်ဝ့ၢ်လၢအဝဲအဲၣ်ဝဲအဒိၣ်ကတၢၢ်လီၤ.

လံာ်စကၤရယၤ 2:4

ကလူးအခီၣ်ထံးတဂၤတဲဘၣ်အဂၤတဂၤ, “ဃ့ၢ်ဒီးလဲၤတဲဘၣ်ပှၤသးစၢ်လၢအအိၣ်ဒီးနီၣ်ထိၣ်ပျံၤန့ၣ် လၢပှၤဂီၢ်မုၢ်ဒီးဆၣ်ဖိကီၢ်ဖိကအိၣ်ဝဲဒၣ်လၢဝ့ၢ်ယရူၤၡလ့ၣ် အပူၤဂီၢ်မုၢ်ဂီၢ်ပၤတုၤဒၣ်လဲာ်ဝ့ၢ်န့ၣ်ကဒိၣ်ကဲာ်ဆိးလၢ ကအိၣ်ဒီးအခိၣ်ဒူတဖၣ်လီၤ.

လံာ်စကၤရယၤ 3:2

ယွၤအကလူးစံးဘၣ်မုၣ်ကီၤလံၢ်, “မုၣ်ကီၤလံၢ်ဧၢ, မ်ယွၤသိၣ်ဃီၣ်နၤတက့ၢ်. မ်ယွၤလၢအအဲၣ်ဝ့ၢ်ယရူၤၡလ့ၣ်သိၣ်ဃီၣ်နၤတက့ၢ်. ပှၤတဂၤအံၤမ့ၢ်သ့ၣ်မုၣ်ခံတဘိလၢအဘၣ်တၢ်ထုးထီၣ်ကွံာ်အီၤလၢ မ့ၣ်အူပူၤလီၤ.”

အ့းဖ့းစူး 1:4

တချုးဒံးဒၣ်လဲာ်လၢဟီၣ်ခိၣ်ဘၣ်တၢ်တ့လီၤအီၤန့ၣ်ကစၢ်ယွၤ ဃုထၢဆိပာ်စၢၤပှၤခီဖျိတၢ်အိၣ်မူလၢခရံာ်အပူၤဒ်သိး ပကစီဆှံဒီးပတၢ်ကမၣ်အသုတအိၣ်လၢအမဲာ်ညါတဂ့ၤ အဂီၢ်န့ၣ်လီၤ.