လံာ်စကၤရယၤ 1:15 - Sgaw Karen Common Bible

¹⁵ ဒီးယသးထီၣ်ဘၣ်ပှၤကလုာ်တဖၣ်လၢအမုာ်လၤသးခု ဘၣ်လၢတၢ်အိၣ်ဘှ့ၣ်အိၣ်ဘှီၣ်ဒီးတၢ်ဃူတၢ်ဖိးအပူၤဒိၣ်မး လီၤ. အဂ့ၢ်ဒ်အံၤ, ဖဲယဟံးဃာ်ဒံးယတၢ်သးဒိၣ်ထီၣ်ထီဒါယပှၤဂီၢ်မုၢ် အခါ, ပှၤကလုာ်တဖၣ်ဒုးတူၢ်ဘၣ်ခီၣ်ဘၣ်အၢထီၣ်ယပှၤဂီၢ်မုၢ်အတၢ်လီၤ.

လံာ်စကၤရယၤ 1:15 Iomraidhean Croise

လံာ်စီၤယိၤဘး 30:13

အဝဲသ့ၣ်မၤတံာ်တာ်ယတၢ်ထူၣ်ဖျဲးထီၣ်အကျဲစၢၤဒ်သိးကမၤဟးဂီၤ ယၤလီၤ. ဒီးပှၤလၢအကတြီအဝဲသ့ၣ်တအိၣ်နီတဂၤဘၣ်.

စံးထီၣ်ပတြၢၤ 123:4

ပသးပှဲၤဆၢၣ်ကလာ်ဒီး ပှၤလၢအဘၣ်မုာ်ဘၣ်ခုၣ်တဖၣ် အတၢ်နံၤဘၣ်ဖၣ်လဲ ဒီးပှၤလၢအပာ်ထီၣ်ထီအသးတဖၣ် အတၢ်မၤတရီတပါန့ၣ်လီၤ.

စံးထီၣ်ပတြၢၤ 137:7

ယွၤဧၢ, သ့ၣ်နီၣ်ထီၣ်က့ၤတၢ်လၢပှၤအဒိၣ်ဖိတဖၣ် မၤတ့ၢ်အီၤဖဲ ဝ့ၢ်ယရူၤရှလ့ၣ်ဘၣ် တၢ်မၤနၢၤအီၤအနံၤန့ၣ်တက့ၢ်. သ့ၣ်နီၣ်ထီၣ်အဝဲသ့ၣ်စံးဝဲခဲအံၤခဲအံၤ မၤဟးဂီၤအီၤတုၤလၢ အခီၣ်ထံး” န့ၣ်တက့ၢ်.

စံးထီၣ်ပတြၢၤ 69:26

အဂ့ၢ်ဒ်အံၤ, အဝဲသ့ၣ်မၤအၢမၤသီပှၤလၢ နသိၣ်ဃီၣ်တ့ၢ်အီၤတဖၣ်, အဝဲသ့ၣ်စံးကတိၤပှၤလၢနမၤဆါတ့ၢ်အီၤ အတၢ်နးတၢ်ဖှီၣ်အဂ့ၢ်လီၤ.

လံာ်ယၡါယၤ 54:8

ယဃၣ်ကွံာ်ယသးလၢတၢ်သးဒိၣ်အပူၤတစိၢ်ဖိနာ်က့, ယကဒုးနဲၣ်နၤယတၢ်အဲၣ်လီၤထူလီၤယိာ်န့ၣ်လီၤ.” ယွၤလၢအအုၣ်က့ၤခီၣ်က့ၤသုစံးဝဲဒ်န့ၣ်လီၤ.

လံာ်ယံးရမံယၤ 30:16

ဘၣ်ဆၣ်ဒီး ခဲအံၤ, ပှၤလၢအအ့ၣ်အီၣ် သုခဲလၢာ် ကဘၣ်တၢ်အ့ၣ်အီၣ်ကွံာ်အီၤ, ဒီးသုဒုၣ်သုဒါခဲလၢာ်, ကဘၣ်တၢ်စိာ်ကွံာ်အီၤ ဒ်ပှၤဘၣ်တၢ်စိာ်မၢကဲကုၢ်အီၤတဖၣ် အသိးန့ၣ်လီၤ. ပှၤလၢ အမၤနးမၤဖှီၣ်သုခဲလၢာ် ကဘၣ် တၢ်မၤနးမၤဖှီၣ်အီၤ, ဒီးပှၤလၢ အဂုာ်ဆူၣ်ပျီဆူၣ်သုတၢ်ခဲလၢာ် ကဘၣ်တၢ်ဂုာ်ဆူၣ်ပျီဆူၣ်အီၤ န့ၣ်လီၤ.

လံာ်ယံးရမံယၤ 50:33

ယွၤသ့တၢ်လၢာ်စံးဝဲဒၣ်, “ကီၢ်အံၣ်စရ့လးဒီးကီၢ်ယူဒၤ အပှၤဂီၢ်မုၢ်ဘၣ်တၢ်မၤအၢမၤနးအီၤလီၤ. ပှၤခဲလၢာ် လၢအဖီၣ်န့ၢ်အဝဲသ့ၣ်န့ၣ်, ပၢၤဃာ်အဝဲသ့ၣ်ဘူးဘူးတံၢ်တံၢ် ဒီး တပျၢ်ဖျဲးအဝဲသ့ၣ်န့ၣ်ဘၣ်.

လံာ်ယံးရမံယၤ 51:24

ယွၤစံးဝဲဒၣ်, “သုကထံၣ်ဘၣ်ယမၤဆၢက့ၤ ကီၢ်ဘၤဘူၤလိၣ်ဒီး အပှၤဂီၢ်မုၢ်လၢ တၢ်အၢတၢ်သီ ခဲလၢာ်လၢအဝဲသ့ၣ် မၤဘၣ်တ့ၢ် ဝ့ၢ်ယရူၤၡလ့ၣ်အဃိန့ၣ်လီၤ.

လံာ်ယဃ့းစက့လး 26:2

အဒ်မ်ဝဲစံးဝဲဒၣ်, “ပှၤကညီလၢအသံသ့ဧၢ, အအံၤမ့ၢ်တၢ်လၢပှၤဂီၢ်မုၢ်လၢဝ့ၢ်ထါယၢၣ်အပူၤကိး ပသူထီၣ်တၢ်သူၣ်ဖှံသးညီအပူၤအဂ့ၢ်န့ၣ်လီၤ. အဝဲသ့ၣ်ကိးသတြီထီၣ်ဝဲ, ဝ့ၢ်ယရူၤၡလ့ၣ်ဟးဂီၤလီၤပြံလီၤပြါ ကွံာ်လံ. အပနံၣ်တၢ်ကၤတၢ်အတၢ်မၤအစိကမီၤန့ၣ်ဟးဂီၤကွံာ်လံ. အဝဲတမ့ၢ်လၢၤပှၤပြၢလိာ်အသးဒီးပှၤနီတစုလၢၤဘၣ်.

လံာ်ဧၤမိၣ် 6:1

ပှၤအိၣ်မံသူၣ်မံသးလၢကစၢၢ်စံယိၣ်အပူၤ, ဒီးပှၤလၢအပာ်တၢ်အိၣ်သဒၢအလီၢ်လၢကီၢ်ၡၤမရံ, သုဝဲကီၢ်အံၣ်စ ရ့လးအပှၤကလုာ်ဖးဒိၣ်အခိၣ်အနၢ်တဖၣ်လၢပှၤ ဂီၢ်မုၢ်လဲၤဆူအအိၣ်လၢတၢ်မၤစၢၤအဂီၢ်သ့ၣ်ဧၢ, သုဘၣ်အဖှီၣ်လီၤ.

လံာ်ဃဘးကူာ် 3:12

နလဲၤထီၣ်ကြူၤကြူၤခီဂာ်ဟီၣ်ခိၣ်လၢတၢ်သးဒိၣ်အပူၤ ဒီးလၢတၢ်သးကဲၤထီၣ်အပူၤန့ၣ် နယီၢ်တံၢ်လီၤပှၤကလုာ်တဖၣ်လီၤ.

လံာ်စကၤရယၤ 1:11

အဝဲသ့ၣ်ဒုးသ့ၣ်ညါက့ၤကလူးဒီးစံးဝဲ, “ပလဲၤဝ့ၤဝီၤလံလၢဟီၣ်ခိၣ်ချၢလံ, ဒီးပထံၣ်လၢဟီၣ်ခိၣ်ဒီဘ့ၣ်ညါအိၣ်ဃူအိၣ်ဖိးဒီးအိၣ်မုာ်အိၣ်ခုၣ်ဝဲလီၤ.”

လံာ်စကၤရယၤ 1:2

ယွၤသ့တၢ်လၢာ်စံးဘၣ်ဝံစကၤရယၤလၢကတဲဘၣ်ပှၤဂီၢ်မုၢ်ဒ်အံၤ, “ယၤ, ယွၤအံၤ, ယသးဒိၣ်ထီၣ်ဘၣ်သုမိၢ်ပၢ်ဖံဖုလၢပျၢၤတဖၣ်ဒိၣ်မး,

လံာ်စကၤရယၤ 14:12

ယွၤကဒုးလီၤဘၣ်တၢ်ဆါလီၤပျံၤလီၤဖုးတမံၤဆူပှၤကလုာ်ခဲ လၢာ်လၢအဟဲဒုးတၢ်ဒီးဝ့ၢ်ယရူၤၡလ့ၣ်လီၤ. ဖဲအအိၣ်မူဒံးအဖၢမုၢ်ဒၣ်လဲာ်, အဝဲသ့ၣ်အဖံးအညၣ်ကအုၣ်သံကျၣ်သံ, ဒီးအမဲာ်ချံတဖၣ်ဒီးအပျ့ၤတဖၣ်ကအုၣ်ကကျၣ်ကွံာ်ဝဲဒၣ် န့ၣ်လီၤ.

လံာ်စကၤရယၤ 6:8

အန့ၣ်ဒီးကလူးကိးထီၣ်ဆူယအိၣ်, “ကသ့ၣ်တဖၣ်လၢအလဲၤဆူကလံၤစိးတကပၤဆူကီၢ်ဘၤဘူၤလိၣ်န့ၣ် မၤဂၢၢ်က့ၤယွၤအတၢ်သးထီၣ်လံ.”