လံာ်စကၤရယၤ 1:1 - Sgaw Karen Common Bible

¹ ဖဲကီၢ်ပၤရၣ်အစီၤပၤဖးဒိၣ်, စီၤဒၤရယါဝ့ၣ်ပၢတၢ်ခံနံၣ်တနံၣ်လါဃိးလါတလါအဆၢကတီၢ် န့ၣ်, ယွၤဟ့ၣ်လီၤတၢ်ကစီၣ်အံၤဆူဝံစကၤရယၤလၢအမ့ၢ် စီၤဘရ့ကယၤအဖိခွါ, ဒီးစီၤဧံးဒိၤအလံၤခွါအအိၣ်န့ၣ်လီၤ.

လံာ်စကၤရယၤ 1:1 Iomraidhean Croise

လံာ်စီၤဧ့စြၤ 4:24

တၢ်ဖံးတၢ်မၤလၢတၢ်လုၢ်ဟံၣ်အဂီၢ်ဘၣ်တၢ်ဆိကတီၢ်ကွံာ်အီၤဒီး ဘၣ်တၢ်ပာ်ဒၣ်အီၤဒ်န့ၣ်တုၤလီၤလၢကီၢ်ပၤရၣ်အစီၤပၤဖးဒိၣ်စီၤ ဒၤရယါဝ့ၣ်ကဲစီၤပၤခံနံၣ်တနံၣ်န့ၣ်လီၤ.

လံာ်စီၤဧ့စြၤ 5:1

ဒီးလၢအကတီၢ်အဝဲန့ၣ်, ဝံခံဂၤလၢအမ့ၢ်ဝံဃးကဲဒီးစီၤဧံး ဒိၤအဖိခွါဝံစကၤရယၤတဖၣ်, စးထီၣ်ကတိၤတၢ်လၢပှၤအံၣ်စရ့လးဖိအကစၢ်ယွၤအမံၤအပူၤဆူပှၤ ယူဒၤဖိတဖၣ်လၢအအိၣ်ဆိးလၢကီၢ်ယူဒၤဒီးဝ့ၢ်ယရူၤရှလ့ၣ်အပူၤ န့ၣ်လီၤ.

လံာ်စီၤနဃ့မယၤ 12:16

စီၤစကၤရယၤလၢစီၤဧံးဒိၤအဒူၣ်ထၢအကျါ, စီၤမၡူလၣ်လၢစီၤကံးနသိၣ်အဒူၣ်ထၢအကျါ,

လံာ်စီၤနဃ့မယၤ 12:4

စီၤဧံးဒိၤ, စီၤကံးနသိၤ, စီၤအဘံယၤ,

လံာ်ဃးကဲ 1:1

ဖဲစီၤဒၤရယါဝ့ၣ်ကဲကီၢ်ပၤရၣ်အစီၤပၤဖးဒိၣ်ခံနံၣ်တနံၣ်အပူၤအတ့ၤ, လၢလါဃုလါတလါထီၣ်တသီအနံၤန့ၣ်, ယွၤကတိၤတ့ၢ်တၢ်ခီဖျိဝံဃးကဲလီၤ. တၢ်ကစီၣ်န့ၣ်, မ့ၢ်လၢကီၢ်ယူဒၤအပဒိၣ်ဖးဒိၣ်စီၤၡၤလတံၤအ့လး အဖိခွါစီၤစရူၤဘၤဘ့လး, ဒီးလၢပှၤလုၢ်တၢ်အခိၣ်အဒိၣ်ကတၢၢ်, စီၤယိၤစါဒးအဖိခွါစီၤယိၤရူအဂီၢ်န့ၣ်လီၤ.

လံာ်ဃးကဲ 1:15

ဖဲစီၤဒၤရယါဝ့ၣ်ကဲစီၤပၤဖးဒိၣ်ခံနံၣ် တနံၣ်, လါဃုလါတလါထီၣ်ခံဆံလွံၢ်သီအနံၤန့ၣ်လီၤ.

လံာ်ဃးကဲ 1:3

ယွၤဟ့ၣ်လီၤကဒီးတၢ်ကစီၣ်အံၤဆူပှၤဂီၢ်မုၢ်ခီဖျိဝံဃးကဲန့ၣ်လီၤ.

လံာ်ဃးကဲ 2:10

ဖဲစီၤဒၤရယါဝ့ၣ်ကဲစီၤပၤဖးဒိၣ်ခံနံၣ်တနံၣ်, လါခွံလါတလါထီၣ်ခံဆံလွံၢ်သီအနံၤန့ၣ်, ယွၤသ့တၢ်လၢာ်ကစၢ်ကတိၤတ့ၢ်ကဒီးတၢ်ဆူဝံဃးကဲလီၤ.

လံာ်ဃးကဲ 2:20

လၢလါထီၣ်ခံဆံလွံၢ်သီအနံၤ, တနံၤဃီန့ၣ်, ယွၤဟ့ၣ်တ့ၢ်စီၤဃးကဲလၢတၢ်ကစီၣ်ခံမံၤတမံၤ,

လံာ်စကၤရယၤ 1:7

ဖဲစီၤပၤဖးဒိၣ်ဒၤရယါဝ့ၣ်ပၢတၢ်ခံနံၣ်တနံၣ်, လါတဆံ တလါလၢအမ့ၢ်လါၡဘး, လါထီၣ်ခံဆံလွံၢ်နံၤတနံၤန့ၣ်, ယွၤဟ့ၣ်လီၤယၤတၢ်ကစီၣ်တမံၤလၢတၢ်ထံၣ်လၢညါခီ တမံၤအပူၤလၢမုၢ်နၤန့ၣ်လီၤ.

လံာ်စကၤရယၤ 6:9

ယွၤဟ့ၣ်လီၤယၤလၢတၢ်ကစီၣ်အံၤလီၤ. အဝဲစံးဝဲ, “ဟံးန့ၢ်တၢ်ဟ့ၣ်ကနၢၤတဖၣ်လၢအဘၣ်တၢ်ဟ့ၣ်အီၤလၢပှၤဘၣ်တၢ်စိာ် မၢကဲကုၢ်တဖၣ်လၢအမ့ၢ်ဝဲ, စီၤဃ့လဒဲၤ, ဒီးစီၤတိၤဘံယၤ, ဒီးစီၤယဒၤယၤ, ဒီးလဲၤတဘျီဃီဆူစီၤစဖါနယၤအဖိခွါစီၤယိၤၡံယၤအဟံၣ်န့ၣ်တက့ၢ်. ပှၤတဖၣ်အံၤခဲလၢာ်ဟဲက့ၤကဒါက့ၤတ့ၢ်လၢတၢ် လဲၤကဲကုၢ်လၢကီၢ်ဘၤဘူၤလိၣ်အပူၤန့ၣ်လီၤ.

လံာ်စကၤရယၤ 7:1

လၢစီၤပၤဖးဒိၣ်ဒၤရယါဝ့ၣ်ပၢတၢ်လွံၢ်နံၣ်တနံၣ်, လါခွံလါတလါ, လါကံစလ့ၤထီၣ်လွံၢ်နံၤတနံၤန့ၣ်, ကစၢ်ယွၤဟ့ၣ်လီၤယၤတၢ်ကစီၣ်တမံၤလီၤ.

လံာ်မးသဲ 23:35

လၢတၢ်န့ၣ်အဃိ, တၢ်စံၣ်ညီၣ်ဃၣ်ဘၣ်ဃးဒီးတၢ်မၤသံပှၤလၢအတၢ်ကမၣ်တအိၣ်ဘၣ်, စးထီၣ်လၢတၢ်မၤသံကွံာ်စီၤဟ့းဘ့းလးလၢအတၢ်ကမၣ်တအိၣ်ဘၣ်, တုၤလီၤလၢတၢ်မၤသံကွံာ်စီၤဘရ့ကယၤအဖိခွါစီၤစကၤရယၤလၢ သုမၤသံကွံာ်အီၤလၢတၢ်လီၢ်စီဆှံဒီးတၢ်လုၢ်လီၢ်အဘၢၣ်စၢၤန့ၣ်, ကလီၤတီလၢသုလိၤလီၤ.

လံာ်လူၤကၣ် 11:51

လၢတၢ်မၤသံစီၤဟ့းဘ့းလးတုၤလီၤလၢတၢ်မၤသံစီၤစကၤ ရယၤလၢအဘၣ်တၢ်မၤသံအီၤလၢတၢ်လုၢ်လီၢ်ဒီးတၢ်လီၢ်စီဆှံ အဘၢၣ်စၢၤန့ၣ်လီၤ. မ့ၢ်လီၤ. ယစံးဘၣ်တဲဘၣ်သု, ပှၤတစိၤအံၤကဘၣ်တၢ်စံၣ်ညီၣ်အီၤလၢအဝဲသ့ၣ်တဖၣ်ခဲလၢာ်အဃိလီၤ.