တံတူး 3:9 - Sgaw Karen Common Bible

⁹ ဘၣ်ဆၣ်ဒီးပဒ့ၣ်ဟးဆှဲးတၢ်ဂ့ၢ်လိာ်ဘှီလိာ်ကလီကလီ, တၢ်ယၢၤထီၣ်ဖးထီတၢ်ဟဲလီၤစၢၤတဖၣ်, တၢ်အ့ၣ်လိာ် ဆိးက့လိာ်သးဒီးတၢ်ထီဒုၣ်ထီဒါလိာ်သးလၢတၢ်သိၣ် တၢ်သီအဃိတဖၣ်န့ၣ်တက့ၢ်. တၢ်သ့ၣ်တဖၣ်အံၤအဘျုးဒီးအလုၢ်အပှ့ၤတအိၣ်ဘၣ်.

တံတူး 3:9 Iomraidhean Croise

လံာ်စီၤယိၤဘး 15:3

ပှၤကူၣ်ဘၣ်ကူၣ်သ့တကတိၤတၢ်, မ့တမ့ၢ်တဒီဒၣ်လီၤက့ၤအသး ဒီးတၢ်ကတိၤတဖၣ်လၢအခီပညီတအိၣ်ဒ်သိးနၤနီတဂၤဘၣ်.

1 ကရံၣ်သူး 13:2

ယမ့ၢ်အိၣ်ဒီးဝံဧိၤမီၣ်ဧိၤအစိကမီၤ, ယမ့ၢ်အိၣ်ဒီးတၢ်သ့ၣ်ညါ နၢ်ပၢၢ်ခဲလၢာ်ဒီးသ့ၣ်ညါတၢ်ခူသူၣ်ခဲလၢာ်, ယမ့ၢ်အိၣ်ဒီးတၢ်စူၢ်တၢ်နာ်ခဲလၢာ်လၢယကသုးကစၢၢ် ကလိသ့သနာ်က့, ယတၢ်အဲၣ်တၢ်ကွံမ့ၢ်တအိၣ်နီတစဲးဒီး, ယတမ့ၢ်တၢ်နီတမံၤဘၣ်.

1 ကရံၣ်သူး 8:1

ခဲကနံၣ်အံၤ, ဘၣ်ထွဲဒီးတၢ်ဂ့ၢ်လၢသုကွဲးဖျါသုဝဲဘၣ်ဃးတၢ်အီၣ် တၢ်အီလၢအဘၣ်တၢ်လုၢ်ထီၣ်ပာ်ထီၣ်အီၤဆူတၢ်ဂီၤတၢ်ဖီၣ်တဖၣ် အအိၣ်န့ၣ်, သပှၢ်ကတၢၢ်, မ့ၢ်ဝဲတီဝဲကစီဒီလီၤ. ဒ်အဝဲသ့ၣ်စံးဝဲအသိးန့ၣ်, “ပဝဲကိးဂၤဒဲးပအိၣ်ဒီးတၢ်သ့ၣ်ညါနၢ်ပၢၢ်လီၤ.” ဘၣ်ဆၣ်ဒီး, တၢ်သ့ၣ်ညါဒ်န့ၣ်အသိး, မၤကဖိထီၣ်ပှၤကညီလၢတၢ်ပာ် ကဖၢလၢသးလီၤ. မ့မ့ၢ်တၢ်အဲၣ်တၢ်ကွံန့ၣ်, မၤထီၣ်မၤထီတၢ်လီၤ.

၁ တံၤမသ့း 4:7

ဘၣ်ဆၣ်ဒီး, ပဒ့ၣ်ဟးဆှဲးတၢ်တသ့ၣ်ညါထူတသ့ၣ်ညါယွၤအတၢ်စံၣ် ဃဲၤတဲဃဲၤလၢပျၢၤလၢအဘျုးအဖှိၣ်တအိၣ်ဘၣ်တဖၣ်န့ၣ် တက့ၢ်. သိၣ်လီၤဒၣ်နသးလၢတၢ်အိၣ်မူယူးယီၣ်ယွၤအဂီၢ် န့ၣ်တက့ၢ်.

၂ တံၤမသ့း 2:14

ဒုးသ့ၣ်နီၣ်ထီၣ်က့ၤအဝဲသ့ၣ်လၢတၢ်အံၤ, ဒီးဟ့ၣ်ပလီၢ်အဝဲသ့ၣ်သပှၢ်ပှၢ်လၢကစၢ်ယွၤအမဲာ်ညါဒ်သိး အသုတဂ့ၢ်လိာ်ဘှီလိာ်အသးလၢတၢ်ကတိၤတဖၣ်အဃိတဂ့ၤ. တၢ်ဒ်သိးအံၤတမၤဂ့ၤတၢ်အမဲာ်ညါမၤဟးဂီၤပှၤလၢအဒိကနၣ် တၢ်တဖၣ်လီၤ.

၂ တံၤမသ့း 2:16

ပဒ့ၣ်ဟးဆှဲးတၢ်ကတိၤတရီတပါတၢ်စီဆှံဒီးတၢ်ဂ့ၢ်လိာ်ဘှီ လိာ်ကလီကလီတဖၣ်, လၢအဆှၢပှၤဆူတၢ်တယူးတယီၣ်ယွၤအါထီၣ်အါထီၣ်န့ၣ်တက့ၢ်.

၂ တံၤမသ့း 2:23

မ့မ့ၢ်, တၢ်ဂ့ၢ်လိာ်ဘှီလိာ်ကလီကလီလၢအခီပညီတအိၣ်ဘၣ် တဖၣ်န့ၣ်ဟးဆှဲးအီၤတက့ၢ်. နသ့ၣ်ညါလၢတၢ်သ့ၣ်တဖၣ်အံၤအကတၢၢ်မ့ၢ်တၢ်အ့ၣ်လိာ်ဆိး က့လိာ်အသးန့ၣ်လီၤ.

တံတူး 1:14

ဒီးအသုတဟံးဃာ်လၢၤပှၤယူဒၤဖိအတၢ်စံၣ်ဃဲၤတဲဃဲၤလၢပျၢၤတဖၣ်, ဒီးပှၤကညီအတၢ်မၤလိာ်တဖၣ်လၢအဟဲလၢပှၤလၢအဃၣ်ကွံာ် အသးလၢတၢ်ဒိကနၣ်တၢ်မ့ၢ်တၢ်တီတဖၣ်အအိၣ်တဂ့ၤအဂီၢ်န့ၣ်လီၤ.

ယၤကိာ် 4:1

တၢ်ဒုးလိာ်ယၤလိာ်သး, ဒီးတၢ်အ့ၣ်လိာ်ဆိးက့လိာ်သးတဖၣ်, လၢသုကျါန့ၣ်ဟဲလၢလဲၣ်ခီလဲၣ်. ဟဲအသးလၢသုတၢ်အဲၣ်ဒိးဟီၣ်ခိၣ်အတၢ်မုာ်လၤသးဖှံလၢ အဂဲၤလိာ်ဒုးတၢ်လၢသုပူၤတထံၣ်ဃီအဃိန့ၣ်လီၤ.