တံတူး 3:8 - Sgaw Karen Common Bible

⁸ တၢ်အံၤမ့ၢ်တၢ်ကတိၤအမ့ၢ်အတီလီၤ. ယသးအိၣ်လၢနကတိာ်သူၣ်ပာ်သးလီၤဆီဒၣ်တၢ်လၢတၢ်ဂ့ၢ် တဖၣ်အံၤ, ဒ်သိးဒီးပှၤလၢအစူၢ်က့ၤနာ်က့ၤကစၢ်ယွၤတဖၣ် ကပာ်သူၣ်ပာ်သးဘၣ်ဃးတၢ်ဟ့ၣ်လီၤအသးလၢတၢ်မၤဂ့ၤ တဖၣ်, လၢအဂ့ၤဒီးကဲဘျုးလၢပှၤကိးဂၤဒဲးအဂီၢ်န့ၣ်လီၤ.

တံတူး 3:8 Iomraidhean Croise

စံးထီၣ်ပတြၢၤ 78:22

အဂ့ၢ်ဒ်အံၤ, အဝဲသ့ၣ်တအိၣ်ဒီးတၢ်နာ်လၢယွၤအပူၤနီတစဲးဘၣ်, ဒီးတနာ်ယွၤအတၢ်အုၣ်က့ၤခီၣ်က့ၤ အစိအကမီၤန့ၣ်ဘၣ်.

တၢ်ကတိၤဒိ. 21:28

ပှၤလီတၢ်တဂၤအတၢ်အုၣ်အသးန့ၣ်တဘၣ်တၢ်နာ်အီၤဘၣ်. ဘၣ်ဆၣ်ပှၤတဂၤလၢအဆိကမိၣ်ထံတၢ်ဂ့ၤတဖၣ်အတၢ်ကတိၤန့ၣ်, ဘၣ်တၢ်တူၢ်လိာ်အီၤလီၤ.

လံာ်မးသဲ 20:4

အဝဲစံးဘၣ်အဝဲသ့ၣ်, ‘လဲၤစ့ၢ်ကီးသုဝဲဆူစပံးလီၢ်ဒီးမၤတၢ်ဖဲန့ၣ်တက့ၢ်. ဒီးတၢ်အဘူးအလဲဖဲအကြၢးအဘၣ်န့ၣ်, ယကဟ့ၣ်သုလီၤ.’ တုၤနုၤတစုအဝဲသ့ၣ်လဲၤဝဲလီၤ.

လံာ်ယိၤဟၣ် 12:44

ယ့ၣ်ၡူးကတိၤတၢ်လၢအကလုၢ်ဖးဒိၣ်ဒီးစံးဝဲ “ပှၤတဂၤလၢ်လၢ်လၢအစူၢ်က့ၤနာ်က့ၤယၤန့ၣ်, တမ့ၢ်အစူၢ်က့ၤနာ်က့ၤထဲယၤတဂၤဧိၤဘၣ်. မ့ၢ်အစူၢ်က့ၤနာ်က့ၤစ့ၢ်ကီးပှၤလၢအမၢလီၤယၤန့ၣ်လီၤ.

လံာ်ယိၤဟၣ် 5:24

ယစံးဘၣ်တဲဘၣ်သုတၢ်မ့ၢ်တၢ်တီ, ပှၤလၢအနၢ်ဟူယတၢ်စံးတၢ် ကတိၤတဖၣ်ဒီးစူၢ်က့ၤနာ်က့ၤပှၤလၢအမၢလီၤယၤန့ၣ်, အိၣ်ဒီးတၢ်မူအထူအယိာ်လံန့ၣ်လီၤ. အဝဲသ့ၣ်တဘၣ်တၢ်စံၣ်ညီၣ် အီၤဘၣ်. အဂ့ၢ်မ့ၢ်လၢအခီဂာ်တ့ၢ်လံတၢ်သံ ဒီးနုာ်လီၤဆူတၢ်မူအပူၤလံအဃိန့ၣ်လီၤ.

မၤတၢ် 12:15

အဝဲသ့ၣ်စံးဘၣ်အီၤ, “မ့ၢ်နပျုၢ်ဧါ.” ဘၣ်ဆၣ်အဝဲစံးသပှၢ်ပှၢ်လၢအမ့ၢ်ဝဲတီဝဲလီၤ. လၢတၢ်န့ၣ်အဃိအဝဲသ့ၣ်စံးဆၢဝဲ, “ကမ့ၢ်ဒၣ်အဝဲအကလူးလီၤ.”

ရိမ့ၤ 4:5

မ့မ့ၢ်ပှၤတဂၤလၢအသန့ၤအသးလၢအတၢ်စူၢ်တၢ်နာ်, ဒီးတမ့ၢ်ဘၣ်အတၢ်ဖံးတၢ်မၤဘၣ်, လၢအနာ်ကစၢ်ယွၤလၢ အပျၢ်ကွံာ်ပှၤဂၤအတၢ်ကမၣ်န့ၣ်, အတၢ်နာ်ဝဲအံၤကစၢ်ယွၤ ပာ်သူၣ်ပာ်သးလၢအဂ့ၢ်ဒ်သိးအကပာ်တီပာ်လိၤအီၤ အဂီၢ်န့ၣ်လီၤ.

၂ ကရံၣ်သူး 4:13

တၢ်ကွဲးအသးစံးဝဲ, “ယကတိၤတၢ်မ့ၢ်လၢယနာ်တၢ် အဃိန့ၣ်လီၤ.” လၢတၢ်နာ်အသးတမံၤဃီအပူၤန့ၣ်, ပဝဲစ့ၢ်ကီးပကတိၤတၢ်အဂ့ၢ်မ့ၢ်လၢပနာ်တၢ်အဃိလီၤ.

အ့းဖ့းစူး 4:28

ပှၤလၢအဟုၣ်တ့ၢ်တၢ်တဖၣ်ကဘၣ်ဆိကတီၢ်အတၢ်ဟုၣ် တၢ်, ဒီးစးထီၣ်ဖံးအီၣ်မၤအီၣ်တၢ်ဒ်သိးအကလုၢ်အီၣ်အသး သမူလၢတၢ်တီတၢ်လိၤအပူၤ, ဒီးဒ်သိးအဟ့ၣ်မၤစၢၤပှၤဖှီၣ်ဖိယာ်ဖိကသ့ဝဲအဂီၢ်န့ၣ်လီၤ.

၁ တံၤမသ့း 1:15

အအံၤမ့ၢ်တၢ်ကတိၤအမ့ၢ်အတီလၢပှၤဂ့ၤတူၢ်လိာ်ဒီးနာ် အီၤလၢာ်လၢာ်ဆ့ဆ့, လၢယ့ၣ်ၡူးခရံာ်ဟဲလီၤဆူဟီၣ်ခိၣ်ချၢဒ်သိးအကအုၣ်က့ၤ ခီၣ်က့ၤပှၤတၢ်ဒဲးဘးဖိတဖၣ်လၢယမ့ၢ်အဒိၣ်ကတၢၢ်တဂၤ န့ၣ်လီၤ.

၁ တံၤမသ့း 2:8

လၢတၢ်အိၣ်ဖှိၣ်အတၢ်ဘူၣ်ထီၣ်ဘါထီၣ်အလီၢ်ကိးပူၤ ဒဲးန့ၣ်, ယသးအိၣ်လၢပိာ်ခွါတဖၣ်ကဃ့ဘါထုကဖၣ်, ပိာ်ခွါလၢအပာ်စီဆှံအသးလၢကစၢ်ယွၤအဂီၢ်ဒီးသ့ယူာ်ထီၣ် အစုလၢတၢ်ထုကဖၣ်အပူၤတအိၣ်ဘၣ်ဒီးတၢ်သူၣ်ဒိၣ်သးဖျိး တၢ်ဂ့ၢ်လိာ်ဘှီလိာ်, တဖၣ်န့ၣ်လီၤ.

၁ တံၤမသ့း 5:10

ဒီးအမံၤကဘၣ်ဂ့ၤလၢအတၢ်မၤဂ့ၤတဖၣ်အဃိ, လၢအမ့ၢ်တ့ၢ်လံပိာ်မုၣ်တဂၤလၢအအံးကွၢ်ဒုးဒိၣ်ထီၣ်ဖိလံၤ ဂ့ၤဂ့ၤဘၣ်ဘၣ်, တူၢ်လိာ်သမှံၤသပျီၤတဖၣ်လၢအဟံၣ်ပူၤဃီပူၤ, သ့စီပှၤစီဆှံတဖၣ်အခီၣ်, မၤစၢၤပှၤဘၣ်ကီဘၣ်ခဲတဖၣ်, ဒီးဟ့ၣ်လီၤအသးလၢတၢ်မၤဂ့ၤတၢ်အပူၤန့ၣ်လီၤ.

၂ တံၤမသ့း 1:12

ဒီးလၢတၢ်န့ၣ်အဃိယတူၢ်ဘၣ်တၢ်သ့ၣ်တဖၣ်အံၤလီၤ. ဘၣ်ဆၣ်ဒီးယမဲာ်တဆှးဘၣ်. အဂ့ၢ်ဒ်အံၤ, ယသ့ၣ်ညါ ပှၤလၢယစူၢ်က့ၤနာ်က့ၤအီၤ, ဒီးယနာ်လၢတၢ်လၢတၢ်ဟ့ၣ်လီၤအးလီၤလၢယစုပူၤန့ၣ်, အဝဲကပၢၤဃာ်ကီၤဃာ်ဝဲတုၤမုၢ်နံၤခံကတၢၢ်န့ၣ်လီၤ.

တံတူး 1:9

အဝဲကဘၣ်ဟံးဃာ်ဂၢၢ်ကျၢၤတၢ်ကစီၣ်လၢတၢ်နာ်န့ၢ်အီၤသ့ဒီးဃူ ဃီၣ်လီၤပလိာ်ဒီးတၢ်သိၣ်လိသီလိအမ့ၢ်အတီန့ၣ်လီၤ. လၢကျဲဒ်အံၤန့ၣ်, အဝဲဟ့ၣ်ဂံၢ်ဟ့ၣ်ဘါပှၤဂၤတဖၣ်လၢတၢ်သိၣ်လိသီလိအမ့ၢ် အတီသ့ဝဲ, ဒီးဒုးနဲၣ်ပှၤလၢအထီဒါတၢ်တဖၣ် အတၢ်ကမၣ် သ့စ့ၢ်ကီးန့ၣ်လီၤ.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

တံတူး 2:7

လၢတၢ်ခဲလၢာ်အပူၤန့ၣ်, နကစၢ်ဒၣ်နဲနကဘၣ်ကဲထီၣ် တၢ်ဒိတၢ်တဲာ်လၢတၢ်သကဲာ်ဂ့ၤပဝးဝါအဂီၢ်န့ၣ်လီၤ. အိၣ်ဒီးတၢ်သူၣ်တီသးလိၤဒီးပာ်နသးသညူးသပှၢ် လၢနတၢ်သိၣ်လိသီလိအပူၤန့ၣ်တက့ၢ်.

တံတူး 3:1

ဒုးသ့ၣ်နီၣ်ထီၣ်က့ၤအဝဲသ့ၣ်လၢအကဆီၣ်လီၤအသးလၢ ပှၤပၢတၢ်ဒီးပဒိၣ်ပပှၢ်တဖၣ်အဖီလာ်ဒီးကစူၢ်အကလုၢ်, ဒီးကအိၣ်ကတဲာ်ကတီၤအသးလၢကမၤဂ့ၤတၢ်လၢကျဲကိးဘိဒဲး အဂီၢ်န့ၣ်တက့ၢ်.

တံတူး 3:14

ပပှၤတဖၣ်ကဘၣ်မၤလိသူအဆၢကတီၢ်လၢတၢ်မၤဂ့ၤတၢ်အဂီၢ်, ဒ်သိးဒီးကဟ့ၣ်မၤစၢၤဘၣ်တၢ်လၢအလိၣ်နီၢ်နီၢ်တဖၣ် အဂီၢ်လီၤ. အဝဲသ့ၣ်တကြၢးအိၣ်မူတၢ်အိၣ်မူလၢအဘျုး တအိၣ်န့ၣ်ဘၣ်.

ဖံၤလ့မိၣ် 1:11

လၢအပူၤကွံာ်န့ၣ်အဝဲတကဲဘျုးလၢနဂီၢ်ဘၣ်. ဘၣ်ဆၣ်ဒီးအခဲအံၤအဝဲကဲဘျုးနီၢ်နီၢ်လၢနဂီၢ်ဒီးလၢ ယဂီၢ်လီၤ.

ဧ့ၤဘြံၤ 10:24

မ်ပကွၢ်တၢ်လၢတဂၤဒီးတဂၤအဂီၢ်ဒီးထိၣ်ဂဲၤလိာ်ပသးဒ်သိး ပကအိၣ်ဒီးတၢ်အဲၣ်တၢ်ကွံဒီးတၢ်မၤဂ့ၤတၢ်န့ၣ်တက့ၢ်.

၁ ပ့းတရူး 1:21

ခီဖျိအီၤန့ၣ်သုစူၢ်က့ၤနာ်က့ၤကစၢ်ယွၤ, လၢအဒုးဂဲၤဆၢထၢၣ်က့ၤအီၤလၢတၢ်သံအပူၤဒီးဟ့ၣ် အီၤတၢ်လၤကပီၤန့ၣ်လီၤ. သတးဒီးသုတၢ်စူၢ်တၢ်နာ် ဒီးတၢ်မုၢ်လၢ်န့ၣ်, အိၣ်စဲထီဃာ်အသးဒီးကစၢ်ယွၤန့ၣ်လီၤ.