တံတူး 3:12 - Sgaw Karen Common Bible

¹² တုၤယမၢလီၤစီၤအၢ်တ့းမါမ့တမ့ၢ်စီၤတူဃံၤကူးဆူနအိၣ်န့ၣ်, ဂုာ်ကျဲးစၢးဟဲဆိဆိတသ့ဖဲအသ့ဆူယအိၣ်ဖဲဝ့ၢ်နံၤကပီလံး, မ့ၢ်လၢယပာ်လီၤယသးလၢယကအိၣ်ဖဲန့ၣ်လၢ တၢ်ဂိၢ်ခါဒီ ကတီၢ်ညါအဃိလီၤ.

တံတူး 3:12 Iomraidhean Croise

မၤတၢ် 20:4

ပှၤဘ့းရံၤဖိစီၤပူရူးအဖိခွါစီၤစိပၤတြူး, ပှၤသ့းစၤလနံဖိစီၤအရံစတၢ်ဃူးဒီးစီၤစ့းကူၣ်ဒူး, ပှၤဒ့ၢ်ဘ့ၤဖိ စီၤကါယူး, ဒီးစီၤတံၤမသ့း, ဒီးပှၤအၤစံဖိစီၤတူဃံၤကူးဒီးစီၤ တြီးဖံၤမူးတဖၣ်လဲၤဃုာ်ဒီးအီၤလီၤ.

1 ကရံၣ်သူး 16:6

ဘၣ်သ့ၣ်သ့ၣ်ယကအိၣ်ယဲဒီးသုတစိၢ်တလီၢ်, ဘၣ်တဘၣ်ကမ့ၢ်ဝဲတၢ်ဂိၢ်ခါဒီကတီၢ်, ဒီးအန့ၣ်အလီၢ်ခံ, သုမၤစၢၤယၤကသ့ဝဲလၢယကလဲၤကဒီးတၢ်ဆူညါ, ဆူတၢ်လီၢ်ဖဲယကလဲၤကဒီးယဲတပူၤလၢ်လၢ်န့ၣ်လီၤ.

အ့းဖ့းစူး 6:21

ပဒီပုၢ်ဝဲၢ်လၢတၢ်အဲၣ်အီၤစီၤတူဃံၤကူးလၢအမ့ၢ် တၢ်ခ့တၢ်ပှၤလၢအကလုၢ်တီလၢကစၢ်ယွၤအတၢ်မၤအပူၤတဂၤ, ကတဲဘၣ်သုလၢယဂ့ၢ်ယကျိၤခဲလၢာ်, ဒ်သိးသုကသ့ၣ်ညါတၢ်လၢအမၤအသးဒီးယၤန့ၣ်လီၤ.

ကလီးစဲ 4:7

ယဒီပုၢ်ဝဲၢ်လၢတၢ်အဲၣ်အီၤစီၤတူဃံၤကူးလၢအမ့ၢ်ပှၤမၤတၢ်ဖိလၢ အကလုၢ်တီဒီးမ့ၢ်ပှၤမၤသကိးတၢ်လၢကစၢ်အတၢ်မၤအပူၤတဂၤ ကတဲဘၣ်သုလၢယဂ့ၢ်ယကျိၤခဲလၢာ်လီၤ.

၂ တံၤမသ့း 4:12

ယမၢလီၤစီၤတူဃံၤကူးဆူဝ့ၢ်အ့းဖ့းစူးလီၤ. နမ့ၢ်ဟဲဒီး, ဟဲစိာ်ယဆ့ကၤဖးဒိၣ်လၢ ယပာ်တီၢ်ဖဲဝ့ၢ်တြိၤအါလၢစီၤကၢ်ပူးအအိၣ်န့ၣ်တက့ၢ်. ဟဲစိာ်ဃုာ်လံာ်အထူတဖၣ်, လီၤဆီဒၣ်တၢ်လံာ်တၢ်ဖံးတဖၣ် န့ၣ်တက့ၢ်.

၂ တံၤမသ့း 4:21

ဂုာ်ကျဲးစၢးဒ်သိးနကဟဲတချုးလၢတၢ်ဂိၢ်ခါအကတီၢ်တုၤဒံးဘၣ် န့ၣ်တက့ၢ်. စီၤအူၤဘူလူး, စီၤပူဒံၣ်, စီၤလံနူးဒီးနီၢ်ကျီၢ်ဒံဆှၢ ဃီၤအတၢ်ဆၢဂ့ၤဆၢဝါတဖၣ်, ဒီးဒ်န့ၣ်အသိးဒီပုၢ်ဝဲၢ်ခရံာ်ဖိအဂၤတဖၣ်စ့ၢ်ကီးဆှၢဃုာ် အတၢ်ဆၢဂ့ၤဆၢဝါတဖၣ်န့ၣ်လီၤ.

၂ တံၤမသ့း 4:9

ဂုာ်ကျဲးစၢးဟဲဆူယအိၣ်ချ့ချ့တက့ၢ်. စီၤဒ့မၤအဲၣ်တၢ်လၢအဘၣ်ဃးဒီးဟီၣ်ခိၣ်အံၤသတးဒီးဟးသဒၣ် ကွံာ်ယၤ ဒီးလဲၤဆူဝ့ၢ်သ့းစၤလနံလံ. စီၤကြံစကံၣ်လဲၤဆူကီၢ်ကလၤတံ ဒီးစီၤတံတူးဆူကီၢ်ဒၤလမါတံၤန့ၣ်လီၤ.