တံတူး 3:11 - Sgaw Karen Common Bible

¹¹ အဂ့ၢ်မ့ၢ်လၢနသ့ၣ်ညါလၢပှၤဒ်န့ၣ်တဂၤန့ၣ်ဟးသဒၣ်ကျဲ မ့ၢ်ကျဲတီလံ, ဒီးအတၢ်ဒဲးဘးတဖၣ်န့ၣ်အုၣ်အသးလၢ အဝဲမၤကမၣ်တၢ်န့ၣ်လီၤ.

တံတူး 3:11 Iomraidhean Croise

လံာ်လူၤကၣ် 19:22

အဝဲဒၣ်စံးဘၣ်အီၤ, ‘ကုၢ်လၢအအၢတဂၤဧၢ, ယကသူက့ၤနတၢ်ကတိၤဒၣ်နဲလၢယကစံၣ်ညီၣ်နၤအဂီၢ်လီၤ. နသ့ၣ်ညါနဲလၢယမ့ၢ်ပှၤအကီတဂၤ, ယဟံးန့ၢ်တၢ်လၢအတမ့ၢ်ယတၢ်, ဒီးယကူးတၢ်လၢယတဖှံယဲန့ၣ်ဘၣ်လီၤ.

လံာ်လူၤကၣ် 7:30

မ့မ့ၢ်, ပှၤဖၤရံၤၡဲဒီးသရၣ်သိၣ်လိတၢ်သိၣ်တၢ်သီတဖၣ်တကနၣ်ဃုာ် ကစၢ်ယွၤအတၢ်တိာ်ပာ်လၢအဝဲသ့ၣ်အနီၢ်ကစၢ်ဒၣ်ဝဲအဂီၢ်ဘၣ်. ဒီးတတူၢ်လိာ်စီၤယိၤဟၣ်အတၢ်ဘျၢအီၤလၢထံဘၣ်လီၤ.

လံာ်ယိၤဟၣ် 3:18

ပှၤလၢအစူၢ်က့ၤနာ်က့ၤအီၤန့ၣ်ယွၤတစံၣ်ညီၣ်အီၤဘၣ်. မ့မ့ၢ်ပှၤလၢအတစူၢ်တနာ်အီၤန့ၣ်ယွၤစံၣ်ညီၣ်တ့ၢ်လံ အီၤမ့ၢ်လၢအဝဲတစူၢ်တနာ်ဘၣ်ယွၤအဖိခွါထဲတဂၤဧိၤ အဃိလီၤ.

မၤတၢ် 13:46

ဘၣ်ဆၣ်ဒီးစီၤပီလူးဒီးစီၤဘၢ်နါဘၤကတိၤထီၣ်တၢ်ဒူဒိၣ်န့ၢ်ဒံး အလီၢ်တက့ၢ်ဒီးစံး, “အလီၢ်အိၣ်လၢပဘၣ်စံးကတိၤဆိကစၢ်ယွၤအကလုၢ်ကထါလၢသုလီၤ. ဘၣ်ဆၣ်မ့ၢ်လၢသုတစူၢ်တနာ်အီၤဘၣ်ဒီးသုစံၣ်ညီၣ်လီၤဒၣ်သုသး ဒ်ပှၤလၢအတကြၢးတဘၣ်လၢအကဒိးန့ၢ်တၢ်မူအထူအယိာ်အဃိ, ပကပာ်တ့ၢ်သုဒီးလဲၤဆူပှၤကလုာ်အဂၤတဖၣ်အအိၣ်လီၤ.

မၤတၢ် 15:24

ပနၢ်ဟူဘၣ်လၢပှၤလၢပသိးပကျါတနီၤလဲၤမၤတံာ်တာ်ဒီး မၤဟးဂီၤသုသးခီဖျိအတၢ်စံးတၢ်ကတိၤန့ၣ်လီၤ. ဘၣ်ဆၣ်ဒီး, အဝဲသ့ၣ်တမ့ၢ်ပှၤလၢပမၢလီၤအီၤဒ်သိးအကလဲၤ မၤတၢ်ဒ်န့ၣ်ဘၣ်.

မၤတၢ် 23:25

အန့ၣ်ဝံၤအလီၢ်ခံ, ပှၤသုးဖိတကထိအခိၣ်ကွဲးလံာ်ပရၢတဘ့ၣ်ဒ်လၢလာ် အသိးလီၤ.

ရိမ့ၤ 3:19

ခဲအံၤပသ့ၣ်ညါလၢတၢ်မၤလိာ်ခဲလၢာ်လၢတၢ်သိၣ်တၢ်သီအပူၤန့ၣ်, ဘၣ်ထွဲဒီးပှၤလၢအအိၣ်လၢတၢ်သိၣ်တၢ်သီအဖီလာ်, ဒ်သိးပှၤဟီၣ်ခိၣ်ဖိအသုတကတိၤပူၤဖျဲးအသးနီတဂၤတဂ့ၤဒီး ဟီၣ်ခိၣ်ဒီဘ့ၣ်ကဒိးဘၣ်ကစၢ်ယွၤအတၢ်စံၣ်ညီၣ်အဂီၢ်န့ၣ်လီၤ.

၂ တံၤမသ့း 2:14

ဒုးသ့ၣ်နီၣ်ထီၣ်က့ၤအဝဲသ့ၣ်လၢတၢ်အံၤ, ဒီးဟ့ၣ်ပလီၢ်အဝဲသ့ၣ်သပှၢ်ပှၢ်လၢကစၢ်ယွၤအမဲာ်ညါဒ်သိး အသုတဂ့ၢ်လိာ်ဘှီလိာ်အသးလၢတၢ်ကတိၤတဖၣ်အဃိတဂ့ၤ. တၢ်ဒ်သိးအံၤတမၤဂ့ၤတၢ်အမဲာ်ညါမၤဟးဂီၤပှၤလၢအဒိကနၣ် တၢ်တဖၣ်လီၤ.

တံတူး 1:11

အလီၢ်အိၣ်လၢပကဘၣ်ဆိကတီၢ်အဝဲသ့ၣ်အတၢ်ကတိၤ, မ့ၢ်လၢအမၤကဒံကဒါဒူၣ်ဖိထၢဖိတဖၣ်ဒီဒူၣ်ဒီထၢခီဖျိတၢ် သိၣ်လိတၢ်လၢအတကြၢးသိၣ်လိဝဲတဖၣ်, ဒီးခဲလၢာ်မ့ၢ်ဒၣ်လၢတၢ်တိာ်လၢအလီၤမဲာ်ဆှးလၢအမ့ၢ် တၢ်မၤန့ၢ်စ့အဂီၢ်န့ၣ်လီၤ.

တံတူး 1:14

ဒီးအသုတဟံးဃာ်လၢၤပှၤယူဒၤဖိအတၢ်စံၣ်ဃဲၤတဲဃဲၤလၢပျၢၤတဖၣ်, ဒီးပှၤကညီအတၢ်မၤလိာ်တဖၣ်လၢအဟဲလၢပှၤလၢအဃၣ်ကွံာ် အသးလၢတၢ်ဒိကနၣ်တၢ်မ့ၢ်တၢ်တီတဖၣ်အအိၣ်တဂ့ၤအဂီၢ်န့ၣ်လီၤ.

ဧ့ၤဘြံၤ 10:26

အဂ့ၢ်ဒ်အံၤ, ပတူၢ်လိာ်ဒိးန့ၢ်တၢ်မ့ၢ်တၢ်တီဝံၤအလီၢ်ခံ, ပမ့ၢ်မၤတၢ်ဒဲးဘးလၢတၢ်လူၤဘၣ်ပသးအပူၤန့ၣ်, တၢ်လုၢ်လၢပတၢ်ဒဲးဘးအဂီၢ်တအိၣ်လၢၤဘၣ်.