တံတူး 2:6 - Sgaw Karen Common Bible

⁶ ဒ်န့ၣ်အသိးသဆၣ်ထီၣ်ပှၤပိာ်ခွါသးစၢ်တဖၣ်အခံလၢ အကပၢၤသူၣ်ပၢၤသးအဂီၢ်န့ၣ်တက့ၢ်.

တံတူး 2:6 Iomraidhean Croise

လံာ်စီၤယိၤဘး 29:8

ပှၤသးစၢ်တဖၣ်တုၤအထံၣ်ယၤတဘျီဃီန့ၣ်ဟ့ၣ်ယၤတၢ်လီၢ်, ဒီးပှၤသးပှၢ်သ့ၣ်တဖၣ်ဂဲၤထၢၣ်ပာ်ဖျါထီၣ်အတၢ်ယူးယီၣ်ပာ် ကဲယၤန့ၣ်လီၤ.

စံးထီၣ်ပတြၢၤ 148:12

ပှၤဖိၣ်သၣ်ခွါတဖၣ်ဒီးပှၤမုၣ်ကနီၤတဖၣ်, ပှၤသးပှၢ်တဖၣ်ဒီးပှၤဖိသၣ်တဖၣ်စ့ၢ်ကီး,

လံာ်ပှၤစံၣ်တဲၤတဲလီၤတၢ် 11:9

ပှၤသးစၢ်သ့ၣ်ဧၢ, မုာ်လၤလၢနတၢ်မ့ၢ်ပှၤသးစၢ်အဃိတက့ၢ်. ဖဲနသးစၢ်ဒံးအခါအံၤန့ၣ်, သူၣ်ဖှံသးညီတက့ၢ်. မၤတၢ်လၢနအဲၣ်ဒိးမၤဒီးလူၤထွဲနသးအတၢ်ဆၢန့ၢ်ဘၣ်တက့ၢ်. ဘၣ်ဆၣ်သ့ၣ်နီၣ်ထီၣ်က့ၤလၢကစၢ်ယွၤကစံၣ်ညီၣ်နၤလၢတၢ်လၢနမၤ အီၤတမံၤဂ့ၤတမံၤဂ့ၤအဃိတက့ၢ်.

လံာ်ပှၤစံၣ်တဲၤတဲလီၤတၢ် 12:1

တချုးဒံးဘၣ်လၢမုၢ်နံၤတဖၣ်ဒီးနံၣ်တဖၣ်လၢအမၤသးအုးတၢ်ဟဲ ဒီးဖဲနကစံး, “ယအိၣ်မူတမုာ်တလၤဘၣ်ယၤဘၣ်” န့ၣ်, သ့ၣ်နီၣ်ထီၣ်က့ၤနတၢ်ဘၣ်တ့အကစၢ်ဖဲနသးစၢ်ဒံးအကတီၢ် အံၤန့ၣ်တက့ၢ်.

လံာ်ယိၤအ့လး 2:28

တၢ်န့ၣ်ဝံၤအလီၢ်ခံဒီးယကလူလီၤယသးစီ ဆှံလၢပှၤကိးဂၤဒဲးအလိၤ, သုဖိခွါတဖၣ်ဒီးသုဖိမုၣ်တဖၣ်ကတဲဖျါယတၢ်ကစီၣ်, သုပှၤပိာ်ခွါသးပှၢ်တဖၣ်ကမံမီၢ်တၢ်, ဒီးသုပှၤပိာ်ခွါသးစၢ်တဖၣ်ကထံၣ်တၢ်လၢညါခီလီၤ.

၁ သ့းစၤလနံ 5:6

လၢတၢ်န့ၣ်အဃိ, ပတကြၢးမံပဝဲ, ဒ်ပှၤအဂၤတဖၣ်မၤဝဲ အသိးန့ၣ်ဘၣ်. ပကြၢးအိၣ်ဆိးသီဒီးတမူၤတဘှီးဘၣ်န့ၣ်လီၤ.

၁ တံၤမသ့း 5:1

တဘၣ်ဒူပှၤလၢအသးပှၢ်န့ၢ်နၤအလိၤတဂ့ၤ. မ့မ့ၢ်ဃ့ကညးအီၤဒ် နကဃ့ကညးနပၢ်အသိးန့ၣ်တက့ၢ်. ပာ်ပှၤလၢအသးစၢ်န့ၢ်နၤဒ်နဒီပုၢ်ဝဲၢ်တဖၣ်အသိး,

၁ ပ့းတရူး 5:5

လၢကျဲဒ်န့ၣ်အသိး, သုဝဲလၢအသးစၢ်တဖၣ်သုကဘၣ်ဆီၣ်လီၤသုသးလၢပှၤ သးပှၢ်သ့ၣ်တဖၣ်အဖီလာ်န့ၣ်လီၤ. ဒီးသုဝဲသ့ၣ်ခဲလၢာ်သုကဘၣ်ကူထီၣ်သိးထီၣ်တၢ်ဆီၣ်လီၤသး အဆ့ကၤလၢသုကမၤစၢၤလိာ်သုသးတဂၤဒီးတဂၤအဂီၢ် န့ၣ်လီၤ. အဂ့ၢ်ဒ်အံၤ, တၢ်ကွဲးအသးစံးဝဲ, “ကစၢ်ယွၤထီဒါ ပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသး တဖၣ်န့ၣ်လီၤ” (ကူၣ်သ့ ၃:၃၄),

၁ ယိၤဟၣ် 2:13

ပၢ်သ့ၣ်ဧၢ, ယကွဲးန့ၢ်သုတၢ်အံၤမ့ၢ်လၢသုသ့ၣ်ညါတ့ၢ်ပှၤလၢ အအိၣ်တ့ၢ်လံလၢတၢ်အခီၣ်ထံးလံၤလံၤတဂၤအဃိလီၤ. ပှၤသးစၢ်သ့ၣ်ဧၢ, ယကွဲးန့ၢ်သုတၢ်အံၤမ့ၢ်လၢ သုမၤနၢၤကွံာ်တၢ်အၢတၢ်သီတဂၤန့ၣ်အဃိလီၤ.