တံတူး 2:5 - Sgaw Karen Common Bible

⁵ ကပၢၤသူၣ်ပၢၤသးဒီးကကဆှီဝဲ, ဒီးကမ့ၢ်မါလၢအကွၢ်ဟံၣ်ကွၢ်ဃီဂ့ၤဂ့ၤလၢအစူၢ်အဝၤ အကလုၢ်တဖၣ်, ဒ်သိးပှၤသုတကတိၤအၢတၢ်သးခုကစီၣ်လၢ အဟဲလၢကစၢ်ယွၤအအိၣ်တဂ့ၤအဂီၢ်န့ၣ်လီၤ.

တံတူး 2:5 Iomraidhean Croise

လံာ်တၢ်ကဲထီၣ်အခီၣ်ထံး 18:9

ဒီးအဝဲသ့ၣ်သံကွၢ်အီၤ, “နမါနီၢ်စၤရါအိၣ်ဖဲလဲၣ်.” ဒီးစီၤအၤဘြၤဟၣ်စံးဆၢ, “အိၣ်ဝဲလၢဒဲပူၤလီၤ.”

လံာ်တၢ်ကဲထီၣ်အခီၣ်ထံး 3:16

ဒီးအဝဲစံးဘၣ်ပိာ်မုၣ်, “ယကမၤအါထီၣ်နတၢ်ကိၢ်တၢ်ဂီၤလၢနတၢ် ဒံၣ်ထီၣ်ဒၢထီၣ်အပူၤဒီးနတၢ်ဆိးကဲးလၢတၢ်ဆံးစၢ်ထီၣ်နဖိ အပူၤန့ၣ်လီၤ. တၢ်အံၤဒၣ်လဲာ်န့ၣ်နသးကအိၣ်ဒံးနဝၤဒီးအဝဲဒၣ်ကပၢနၤလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 12:14

ဘၣ်ဆၣ်ဒီးမ့ၢ်လၢနဒုးကဲထီၣ်ယွၤလၢတၢ်ဒုၣ်ဒွဲၣ်စံးအၢ, ခီဖျိတၢ်မၤတၢ်ဒဲးဘးအံၤအဃိဒီး, နဖိကသံဝဲလီၤ.”

စံးထီၣ်ပတြၢၤ 74:10

ကစၢ်ယွၤဧၢ, ပဒုၣ်ပဒါသ့ၣ်တဖၣ် ကနံၤဘၣ်ဖၣ်လဲနၤဆံးယံာ်လဲၣ်. မ့ၢ်အဝဲသ့ၣ်ကကတိၤတရီတပါနမံၤထီဘိဧါ.

တၢ်ကတိၤဒိ. 7:11

အဝဲမ့ၢ်ပိာ်မုၣ်တဂၤလၢအမဲာ်ကဲၤဒီးတၢ်မဲာ်ဆှးတအိၣ်ဘၣ်, ထီဘိလဲၤဝ့ၤဝီၤတၢ်လၢကျဲမုၢ်တဖၣ်အဖီခိၣ်,

မၤတၢ် 9:36

ဖဲဝ့ၢ်ယၤဖိၤန့ၣ်အပျဲၢ်အဘီၣ်မုၣ်အိၣ်ဝဲတဂၤ, တၢ်ကိးအမံၤလၢနီၢ်တဘံၤသါန့ၣ်လီၤ. (အမံၤလၢကြံးခ်ကျိာ်တခီမ့ၢ်နီၢ်ဒီၢ်ကါ, အခီပညီ, တၤဟိတဒု) အဝဲဒၣ်ဟ့ၣ်လီၤအသးလၢာ်ဆၢလၢာ်ကတီၢ်လၢတၢ်မၤဂ့ၤ ပှၤဂၤဒီးတၢ်မၤစၢၤပှၤဖှီၣ်ဖိယာ်ဖိတဖၣ်အဂီၢ်န့ၣ်လီၤ.

မၤတၢ် 9:39

အန့ၣ်သတးဒီး, စီၤပ့းတရူးကတဲာ်ကတီၤထီၣ်အသးဒီးလဲၤ သကိးဝဲဒီးအဝဲသ့ၣ်လီၤ. တုၤအလဲၤတုၤဝဲဒီး, အဝဲသ့ၣ်ကိးထီၣ်အီၤဆူဒၢးအိၣ်လၢဟံၣ်ထးခီတဆီန့ၣ်လီၤ. ကယဲၢ်ပှၤမုၣ်ကမဲအိၣ်ဖဲန့ၣ်တဖၣ်ဆၢထၢၣ်ဝးတရံးစီၤပ့းတရူး, အိၣ်ဒီးမဲာ်ထံမဲာ်နိ, ဒီးဒုးနဲၣ်အီၤလၢဆ့ကၤဖီလာ်ဒီးဆ့ကၤဖီခိၣ် တဖၣ်လၢနီၢ်ဒီၢ်ကါဆးန့ၢ်အဝဲသ့ၣ်ဖဲအအိၣ်မူဒံးလၢ အဝဲသ့ၣ်အသိးအကျါအကတီၢ်န့ၣ်လီၤ.

ရိမ့ၤ 14:16

တဘၣ်ပျဲတၢ်လၢနဆိကမိၣ်လၢအမ့ၢ်တၢ်ဂ့ၤကဲထီၣ် တၢ်အၢလၢပှၤဂၤအဂီၢ်တဂ့ၤ.

ရိမ့ၤ 2:24

တၢ်ကွဲးအသးစီဆှံစံးဝဲဒၣ်, လၢသုဝဲပှၤယူဒၤဖိတဖၣ်အဃိ, ပှၤကလုာ်ဂၤတဖၣ်ကတိၤတရီတပါကစၢ်ယွၤအမံၤန့ၣ်လီၤ.”

1 ကရံၣ်သူး 11:3

ဘၣ်ဆၣ်ဒီးယအဲၣ်ဒိးသုကနၢ်ပၢၢ်လၢခရံာ်မ့ၢ်ပှၤပိာ်ခွါကိး ဂၤဒဲးအခိၣ်, ဝၤမ့ၢ်မါအခိၣ်, ဒီးကစၢ်ယွၤမ့ၢ်ခရံာ်အခိၣ်န့ၣ်လီၤ.

1 ကရံၣ်သူး 14:34

ပှၤပိာ်မုၣ်တဖၣ်ကဘၣ်အိၣ်ဘှ့ၣ်လၢတၢ်အိၣ်ဖှိၣ်တဖၣ် အပူၤလီၤ. တၢ်တပျဲအဝဲသ့ၣ်စံးကတိၤတၢ်ဘၣ်. ဒ်ယူဒၤအတၢ်သိၣ်တၢ်သီစံးဝဲအသိးန့ၣ်အဝဲသ့ၣ် ကဘၣ်အိၣ်လၢတၢ်ပၢတၢ်ဆှၢအဖီလာ်လီၤ.

အ့းဖ့းစူး 5:33

ဘၣ်ဆၣ်, မ့ၢ်စ့ၢ်ကီးတၢ်လၢအဘၣ်ဃးဒီးသုလီၤ. ဝၤကိးဂၤဒဲးမ်အအဲၣ်အမါဒ်အနီၢ်ကစၢ်ဒၣ်ဝဲအသိး တက့ၢ်. ဒီးမါကိးဂၤဒဲးန့ၣ်, မ်ကယူးယီၣ်ပာ်ကဲအဝၤတက့ၢ်.

ကလီးစဲ 3:18

မါသ့ၣ်ဧၢ, ဒိးပၢသုသးလၢသုဝၤတက့ၢ်. အဂ့ၢ်ဒ်အံၤ, တၢ်န့ၣ်မ့ၢ်တၢ်လၢသုကြၢးမၤဝဲဒ်ပှၤခရံာ်ဖိတဖၣ်အသိး န့ၣ်လီၤ.

၁ တံၤမသ့း 5:10

ဒီးအမံၤကဘၣ်ဂ့ၤလၢအတၢ်မၤဂ့ၤတဖၣ်အဃိ, လၢအမ့ၢ်တ့ၢ်လံပိာ်မုၣ်တဂၤလၢအအံးကွၢ်ဒုးဒိၣ်ထီၣ်ဖိလံၤ ဂ့ၤဂ့ၤဘၣ်ဘၣ်, တူၢ်လိာ်သမှံၤသပျီၤတဖၣ်လၢအဟံၣ်ပူၤဃီပူၤ, သ့စီပှၤစီဆှံတဖၣ်အခီၣ်, မၤစၢၤပှၤဘၣ်ကီဘၣ်ခဲတဖၣ်, ဒီးဟ့ၣ်လီၤအသးလၢတၢ်မၤဂ့ၤတၢ်အပူၤန့ၣ်လီၤ.

၁ တံၤမသ့း 6:1

ပှၤလၢအမ့ၢ်ကုၢ်တဖၣ်န့ၣ်ကဘၣ်ပာ်ကဲအကစၢ်တဖၣ်, ဒ်ပှၤလၢအကြၢးဒီးတၢ်လီၤယူးယီၣ်ပာ်ကဲလၢာ်လၢာ်ဆ့ဆ့ အသိး, ဒ်သိးကစၢ်ယွၤအမံၤဒီးပတၢ်သိၣ်လိသီလိအံၤပှၤသု တဒုၣ်ဒွဲၣ်စံးအၢအီၤနီတဂၤတဂ့ၤအဂီၢ်န့ၣ်လီၤ.

တံတူး 2:4

ဒ်သိးပိာ်မုၣ်လၢအသးစၢ်တဖၣ်ကအဲၣ်ဖိအဲၣ်ဝၤ,