တံတူး 2:15 - Sgaw Karen Common Bible

¹⁵ သိၣ်လိတၢ်တဖၣ်အံၤဒီးသူနတၢ်စိကမီၤလၢလၢပှဲၤပှဲၤဖဲ နဟ့ၣ်ဂံၢ်ဟ့ၣ်ဘါဒီးသိၣ်ဃီၣ်တၢ်အဆၢကတီၢ်န့ၣ်တက့ၢ်. တဘၣ်ပျဲအဝဲသ့ၣ်ကွၢ်တလီၤနၤနီတဂၤတဂ့ၤ.

တံတူး 2:15 Iomraidhean Croise

လံာ်မးသဲ 7:29

အဝဲတလီၤဂာ်ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်ဘၣ်. မ့မ့ၢ်အဝဲသိၣ်လီၤသီလီၤတၢ်အိၣ်ဒီးအစိအကမီၤလီၤ.

လံာ်မၢ်ကူး 1:22

ဒီးတုၤပှၤဂီၢ်မုၢ်တဖၣ်နၢ်ဟူအတၢ်သိၣ်လီၤသီလီၤဒီး, တၢ်လီၤကမၢကမၣ်ဘၣ်အဝဲသ့ၣ်လီၤ. အဂ့ၢ်ဒ်အံၤအဝဲဒၣ်သိၣ်လီၤသီလီၤတၢ်ဒ်ပှၤလၢအအိၣ်ဒီးတၢ်စိ တၢ်ကမီၤနီၢ်နီၢ်တဂၤအသိးဒီးတမ့ၢ်ဒ်ပှၤသ့တၢ်ဘူၣ်တၢ်ဘါ အတၢ်သိၣ်တၢ်သီတဖၣ်အသိးဘၣ်.

လံာ်မၢ်ကူး 1:27

ပှၤလၢအထံၣ်ဘၣ်တၢ်မၤအသးတဖၣ်အံၤကမၢကမၣ်ဝဲဒိၣ်မးတုၤဒၣ် လဲာ်သံကွၢ်လိာ်အသးဒီးစံးဝဲ, “တၢ်အံၤမ့ၢ်တၢ်ဒ်လဲၣ်. တၢ်သိၣ်လီၤသီလီၤအံၤမ့ၢ်တၢ်အသီလီၤ. ပှၤတဂၤအံၤအိၣ်ဒီးအစိကမီၤလၢကဒူတၢ်နါတဖၣ်အလိၤတုၤဒၣ် လဲာ်အဝဲသ့ၣ်ဒိကနၣ်အီၤလီၤ.”

လံာ်လူၤကၣ် 4:36

ပှၤဂီၢ်မုၢ်တဖၣ်ကမၢကမၣ်ဝဲကိးဒံကိးဂၤဒဲးဒီးစံးလိာ်အသးတဂၤဒီးတဂၤ, “တၢ်စံးတၢ်ကတိၤတဖၣ်အံၤမ့ၢ်တၢ်ကတိၤဒ်လဲၣ်တကလုာ်လဲၣ်. ပှၤတဂၤအံၤခါလီၤအကလုၢ်အိၣ်ဒီးအသူးအသ့ၣ်ဒီးအစိအကမီၤလၢ တၢ်နါအအၢအသီတဖၣ်အဖီခိၣ်, ဒီးအဝဲသ့ၣ်ဟးထီၣ်ကွံာ်ဝဲလီၤမးလဲၣ်.”

1 ကရံၣ်သူး 16:11

ပှၤတကြၢးကွၢ်တလီၤအီၤနီတဂၤဘၣ်. မ့မ့ၢ်သုကဘၣ်မၤစၢၤ အီၤဒ်သိးအဝဲဒၣ်ကလဲၤဘၣ်ကဒီးတၢ်လၢတၢ်မုာ်တၢ်ပၢၤအပူၤ, ဒ်သိးအဝဲဒၣ်ကဟဲက့ၤဆူယအိၣ်န့ၣ်လီၤ. အဂ့ၢ်ဒ်အံၤ, ယကွၢ်လၢ်အဝဲဒၣ်အကျဲ, လၢအကဟဲက့ၤဝဲဒီးဒီပုၢ်ဝဲၢ်တဖၣ်လီၤ.

၁ တံၤမသ့း 5:20

ပှၤလၢအမၤတၢ်ဒဲးဘးခဲလၢာ်န့ၣ်, သိၣ်ဃီၣ်အီၤလၢကမျၢၢ်အမဲာ်ညါ, ဒ်သိးပှၤဂၤတဖၣ်ကအိၣ်ဒီးတၢ်ပျံၤတၢ်ဖုးအဂီၢ်န့ၣ် တက့ၢ်.

၂ တံၤမသ့း 4:2

လၢနကစံၣ်တဲၤတဲလီၤတၢ်သးခုကစီၣ်ဒီးဂုာ်လိာ်တဲဖျါထီၣ်အီၤ (တၢ်ဆၢကတီၢ်ဘၣ်မ့ၢ်ဂ့ၤ, တဘၣ်မ့ၢ်ဂ့ၤ) ဒီးဒုးနာ်ပှၤ, သိၣ်ဃီၣ်ဒီးဟ့ၣ်ဂံၢ်ဟ့ၣ်ဘါပှၤ, အိၣ်ဒီးတၢ်သးစူၤဖဲနသိၣ်လိတၢ်အခါန့ၣ်လီၤ.

တံတူး 1:13

လၢတၢ်ဂ့ၢ်အံၤအဃိ, နကဘၣ်သိၣ်ဃီၣ်အဝဲသ့ၣ်ဆါဆါဒ်သိးအဝဲသ့ၣ်ကအိၣ်ဒီးတၢ်စူၢ်တၢ် နာ်လၢအမ့ၢ်ဝဲတီဝဲ,

၁ ပ့းတရူး 4:11

ပှၤတဂၤဂ့ၤတဂၤဂ့ၤလၢအစံၣ်တဲၤတဲလီၤတၢ်န့ၣ်, ကဘၣ်စံၣ်တဲၤတဲလီၤကစၢ်ယွၤအတၢ်ကစီၣ်တဖၣ်, ဒီးပှၤတဂၤဂ့ၤတဂၤဂ့ၤလၢအမၤတၢ်ခ့တၢ်ပှၤအတၢ်မၤန့ၣ်, ကဘၣ်မၤဝဲလၢတၢ်ဂံၢ်တၢ်ဘါလၢကစၢ်ယွၤဟ့ၣ်လီၤအီၤ အပူၤ, ဒ်သိးလၢတၢ်ခဲလၢာ်အပူၤယွၤကဘၣ်တၢ်စံးထီၣ်ပတြၢၤ အီၤခီဖျိယ့ၣ်ၡူးခရံာ်န့ၣ်လီၤ. တၢ်လၤကပီၤဒီးတၢ်စိတၢ်ကမီၤ န့ၣ်, မ့ၢ်အဝဲဒၣ်အတၢ်အစိၤစိၤအဃၣ်ဃၣ်လီၤ. အၤမ့ၣ်.