တံတူး 2:10 - Sgaw Karen Common Bible

¹⁰ ဒီးတဘၣ်ဟုၣ်အတၢ်ဘၣ်. မ့မ့ၢ်တခီ, အဝဲသ့ၣ်ကဘၣ်ဒုးနဲၣ်ဝဲလၢမ့ၢ်ပှၤအဂ့ၤအဝါဒီး အကလုၢ်တီဒီးအကစၢ်ထီဘိဒ်သိးလၢအတၢ်မၤခဲလၢာ် အပူၤန့ၣ်, ပှၤကစံးထီၣ်ပတြၢၤတၢ်သိၣ်လိသီလိဘၣ်ထွဲဒီး ကစၢ်ယွၤ, ပတၢ်အုၣ်က့ၤခီၣ်က့ၤကစၢ်အဂီၢ်န့ၣ်လီၤ.

တံတူး 2:10 Iomraidhean Croise

စံးထီၣ်ပတြၢၤ 101:6

ပှၤလၢအသူၣ်တီသးရၤဒီး ကစၢ်ယွၤန့ၣ်, ယကဘၣ်သူၣ်ဘၣ်သးအီၤဒီး ဒုးအိၣ်အီၤလၢ ယနူၢ်ပူၤစီၤပူၤလီၤ. ပှၤတဖၣ်လၢ အအိၣ်တၢ်သးတီအလၢအပှဲၤန့ၣ် ကမၤဘၣ်ယတၢ်လီၤ.

လံာ်ယၡါယၤ 12:2

ကစၢ်ယွၤမ့ၢ်ပှၤအုၣ်က့ၤခီၣ်က့ၤယၤလီၤ. ယကနာ်အီၤဒီးတပျံၤဘၣ်တၢ်ဘၣ်. ယွၤဟ့ၣ်ယၤတၢ်စိတၢ်ကမီၤဒီးတၢ်ဂံၢ်တၢ်ဘါ ဒီးအဝဲမ့ၢ်ပှၤအုၣ်က့ၤခီၣ်က့ၤယၤလီၤ.

လံာ်မးသဲ 24:45

မ့မ့ၢ်ဒ်န့ၣ်ဒီး, တၢ်အခ့အပှၤလၢအသးတီဝဲဒီးကူၣ်ဘၣ်ကူၣ်သ့, လၢအကစၢ်ဟ့ၣ်မူဟ့ၣ်ဒါအီၤလၢအဟံၣ်ဖိဃီဖိခဲလၢာ်အဖီခိၣ်, ဒ်သိးကဟ့ၣ်အီၣ်ဟ့ၣ်အီအဝဲသ့ၣ်ဘၣ်ဆၢဘၣ်ကတီၢ်န့ၣ်, မ့ၢ်မတၤတဂၤလဲၣ်.

လံာ်မးသဲ 5:16

ဒ်မ့ၣ်အူလၢမ့ၣ်အူဒၢအလီၢ်အဖီခိၣ်အသိးန့ၣ်, ဟ့ၣ်ထီၣ်သုတၢ်ကပီၤလၢပှၤကိးဂၤဒဲးအမဲာ်ညါဒ်သိးအဝဲသ့ၣ် ကထံၣ်ဘၣ်သုတၢ်မၤအဂ့ၤတဖၣ်, ဒီးကစံးထီၣ်ပတြၢၤသုပၢ်အိၣ်လၢမူခိၣ်န့ၣ်တက့ၢ်.

လံာ်လူၤကၣ် 1:47

ယသူၣ်ခုသးခုယဲလၢကစၢ်ယွၤ, ယတၢ်အုၣ်က့ၤခီၣ်က့ၤကစၢ်တဂၤအဃိလီၤ.

လံာ်လူၤကၣ် 1:80

ဖိသၣ်ဒိၣ်ထီၣ်လၢနီၢ်ခိဒီးနီၢ်သးလီၤ. အဝဲဒၣ်အိၣ်ဝဲဆိးဝဲလၢပှၢ်မုၢ်ကနၢတုၤလီၤမုၢ်တနံၤ ဖဲအဝဲမၤဖျါထီၣ်အသးလၢကမျၢၢ်အမဲာ်ညါ, လၢအံၣ်စရ့လးအပှၤဂီၢ်မုၢ်န့ၣ်လီၤ.

လံာ်လူၤကၣ် 16:10

ပှၤတဂၤလၢ်လၢ်လၢအတီဝဲလၢတၢ်ဂ့ၢ်အဆံးဖိတဖၣ်အပူၤန့ၣ်, ကတီစ့ၢ်ကီးဝဲလၢတၢ်ဂ့ၢ်အဒိၣ်တဖၣ်အပူၤလီၤ. ပှၤတဂၤလၢ်လၢ်လၢ အတတီလၢတၢ်ဂ့ၢ်အဆံးဖိတဖၣ်အပူၤန့ၣ်ကတတီစ့ၢ်ကီးဝဲလၢတၢ်ဂ့ၢ် အဒိၣ်တဖၣ်အပူၤလီၤ.

လံာ်ယိၤဟၣ် 12:6

စီၤယူဒၤအံၣ်စကၤရံၤအိာ်ကတိၤတၢ်အံၤတမ့ၢ်လၢအဝဲအသးအိၣ် ပှၤဖှီၣ်ဖိယာ်ဖိအဃိဘၣ်. မ့ၢ်လၢအဝဲမ့ၢ်တၢ်ဘျၣ်တဂၤအဃိလီၤ. အဂ့ၢ်ဒ်လဲၣ်န့ၣ်, အဝဲစိာ်စ့ထၢၣ်ဒီးဟုၣ်န့ၢ်စ့လၢစ့ထၢၣ်ပူၤန့ၣ်လီၤ.

1 ကရံၣ်သူး 4:2

တၢ်လၢအလီၢ်အိၣ်ဝဲတမံၤဘၣ်ဃးဒီးတၢ်ခ့တၢ်ပှၤဒ်န့ၣ်အသိး တဂၤန့ၣ်, မ့ၢ်အဝဲအသးကဘၣ်တီဒီးအကစၢ်န့ၣ်လီၤ.

အ့းဖ့းစူး 4:1

ယၤ, ပှၤလၢအလီၤဘၣ်ဃိာ်ပူၤလၢအမၤကစၢ်အတၢ်မၤအဃိ တဂၤအံၤ, ယသဆၣ်ထီၣ်သုခံဒ်သိးသုကအိၣ်မူထီၣ်ဘးတၢ်အိၣ်မူ အတီၤလၢကစၢ်ယွၤပာ်လီၤဝဲဖဲအကိးထီၣ်သုအကတီၢ်အဂီၢ် န့ၣ်လီၤ.

ဖံလံးပံၤ 1:27

အခဲအံၤ, တၢ်လၢအကါဒိၣ်န့ၣ်မ့ၢ်ဝဲသုတၢ်အိၣ်မူအကျဲကြၢးမ့ၢ်ဝဲဒ် ခရံာ်အတၢ်သးခုကစီၣ်လိၣ်ဘၣ်ဝဲအသိး, ဒ်သိးယလဲၤထံၣ်လိာ် သုသ့မ့ၢ်ဂ့ၤ, တသ့မ့ၢ်ဂ့ၤ, ယကနၢ်ဟူဘၣ်ယဲလၢသုဆၢထၢၣ်ဂၢၢ်ကျၢၤအိၣ်ဒီးတၢ်တိာ်ပာ် တမံၤဃီဒီးလၢတၢ်အဲၣ်ဒိးတမံၤဃီအပူၤ, သုဒုးသကိးတၢ်လၢတၢ်စူၢ်တၢ်နာ်ဘၣ်ဃးဒီးတၢ်သးခုကစီၣ် အဂီၢ်န့ၣ်လီၤ.

ဖံလံးပံၤ 4:8

တၢ်ကတိၤလၢခံကတၢၢ်န့ၣ်, ယဒီပုၢ်ဒီဝဲၢ်သ့ၣ်ဧၢ, မၤပှဲၤသုတၢ်ဆိကမိၣ်ဒီးတၢ်သ့ၣ်တဖၣ်လၢအဂ့ၤ, ဒီးကြၢးဒီးတၢ်စံးထီၣ်ပတြၢၤ, ဒ်ပစံးတၢ်အသိး, တၢ်လၢ အမ့ၢ်အတီ, တၢ်လၢအအိၣ်ဒီးအလၤအကပီၤ, တၢ်လၢအဘၣ်, တၢ်လၢအစီဆှံ, တၢ်လၢအလီၤအဲၣ်လီၤကွံ, တၢ်ဟူထီၣ်သါလီၤလၢအဂ့ၤတဖၣ်န့ၣ်တက့ၢ်.

၁ တံၤမသ့း 1:1

လၢစီၤပီလူး, ယ့ၣ်ၡူးခရံာ်အပှၤတၢ်မၢဖိတဂၤဒ်ကစၢ်ယွၤ ပတၢ်အုၣ်က့ၤခီၣ်က့ၤကစၢ်ဒီးယ့ၣ်ၡူးခရံာ်ပတၢ်မုၢ်လၢ်အတၢ် ဟ့ၣ်လီၤအကလုၢ်အသိး,

၁ တံၤမသ့း 5:17

ပှၤသူၣ်က့သးပှၢ်လၢအမၤတၢ်ဂ့ၤဂ့ၤဒ်ခိၣ်နၢ်အသိးတဖၣ်န့ၣ်, တၢ်ကြၢးကွၢ်ဆိကမိၣ်တၢ်လၢအဝဲသ့ၣ်အဂီၢ်ဒီးဟ့ၣ်အီၤဘူးလဲခံစး, လီၤဆီဒၣ်တၢ်ပှၤတဖၣ်လၢအမၤတၢ်ဆူၣ်ဆူၣ်လၢတၢ်စံၣ် တဲၤတဲလီၤဒီးတၢ်သိၣ်လိသီလိတၢ်အပူၤန့ၣ်လီၤ.

၁ တံၤမသ့း 6:1

ပှၤလၢအမ့ၢ်ကုၢ်တဖၣ်န့ၣ်ကဘၣ်ပာ်ကဲအကစၢ်တဖၣ်, ဒ်ပှၤလၢအကြၢးဒီးတၢ်လီၤယူးယီၣ်ပာ်ကဲလၢာ်လၢာ်ဆ့ဆ့ အသိး, ဒ်သိးကစၢ်ယွၤအမံၤဒီးပတၢ်သိၣ်လိသီလိအံၤပှၤသု တဒုၣ်ဒွဲၣ်စံးအၢအီၤနီတဂၤတဂ့ၤအဂီၢ်န့ၣ်လီၤ.

၁ တံၤမသ့း 6:3

ပှၤတဂၤဂ့ၤတဂၤဂ့ၤလၢအသိၣ်လိသီလိတၢ်စူၢ်တၢ်နာ်လီၤ ဆီလၢအတလီၤပလိာ်ဒီးပကစၢ်ယ့ၣ်ၡူးခရံာ်အတၢ်ကတိၤ အမ့ၢ်အတီတဖၣ်, ဒီးတလီၤပလိာ်ဒီးပတၢ်ဘူၣ်တၢ်ဘါ အတၢ်သိၣ်လိသီလိန့ၣ်,

တံတူး 1:3

ဒီးတုၤတၢ်ဆၢကတီၢ်ဘၣ်ဒီးအဝဲလီၣ်ဖျါထီၣ်အီၤလၢအတၢ်ကစီၣ် အပူၤလီၤ. တၢ်အံၤဘၣ်တၢ်ဟ့ၣ်လီၤယၤ, ဒီးယတဲဖျါထီၣ်အီၤဒ်ကစၢ်ယွၤလၢအအုၣ်က့ၤခီၣ်က့ၤပှၤ အတၢ်ဟ့ၣ်လီၤခါလီၤအကလုၢ်အသိးန့ၣ်လီၤ.

တံတူး 3:4

ဘၣ်ဆၣ်ဒီးတုၤကစၢ်ယွၤလၢအအုၣ်က့ၤခီၣ်က့ၤပှၤအတၢ်သး ကညီၤဒီးအတၢ်အဲၣ်တၢ်ကွံဘၣ်တၢ်လီၣ်ဖျါထီၣ်အီၤဒီး,

၁ ပ့းတရူး 2:12

သုတၢ်အိၣ်မူသကဲာ်ပဝးလၢပှၤကလုာ်ဂၤတဖၣ်အကျါကြၢးဂ့ၤ ဝဲတုၤဒၣ်လဲာ်ဖဲအဝဲသ့ၣ်စံးအၢသုဒ်ပှၤမၤအၢမၤသီတၢ်တဖၣ် အသိးအခါန့ၣ်, အဝဲသ့ၣ်ကဘၣ်ထံၣ်သ့ၣ်ညါဝဲသုတၢ်မၤအဂ့ၤ တဖၣ်သတးဒီးကစံးထီၣ်ပတြၢၤယွၤလၢအတၢ်ဟဲအမုၢ်တနံၤ န့ၣ်လီၤ.

၁ ပ့းတရူး 3:16

ဘၣ်ဆၣ်ဒီး, မၤအီၤလၢတၢ်ကပုာ်လုးဒီးတၢ်ပာ်ကဲအပူၤ တက့ၢ်. ပၢၤဃာ်သုသးလၢအသ့ၣ်ညါဒၣ်တၢ်အဂ့ၤတက့ၢ်. ဒ်သိးပှၤမ့ၢ်ကတိၤတရီတပါသုဒၣ်လဲာ်, ပှၤလၢအကတိၤအၢသုသကဲာ်ပဝးအဂ့ၤဒ်ပှၤပိာ်ခရံာ်အခံ တဖၣ်အသိးအံၤ, ကမဲာ်ဆှးဝဲလၢအတၢ်ကတိၤတဖၣ်အဃိ န့ၣ်တက့ၢ်.

၂ ယိၤဟၣ် 1:9

ပှၤတဂၤဂ့ၤတဂၤဂ့ၤလၢအတအိၣ်ဆိးဘၣ်လၢခရံာ်အတၢ် သိၣ်လိသီလိအပူၤ, ဒီးလဲၤခါပတာ်ကွံာ်အီၤန့ၣ်, ကစၢ်ယွၤတအိၣ်ဒီးအီၤဘၣ်. မတၤတဂၤဂ့ၤတဂၤဂ့ၤလၢအအိၣ်ဆိးဒီးအတၢ်သိၣ်လိသီလိန့ၣ်, ပၢ်ဒီးဖိခံဂၤလၢာ်အိၣ်ဒီးအီၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:14

စီၤအဃံၤမ့လ့းစံးဆၢဝဲဒၣ်, “စီၤဒၤဝံးမ့ၢ်သုးခိၣ်သုး နၢ်တဂၤလၢအသူၣ်တီသးလိၤဒီးနၤလၢနဒိးန့ၢ်ဘၣ်အီၤန့ၣ်လီၤ. အဝဲမ့ၢ်နမာ်ဒၣ်နဲဒီးပှၤပၢၤနသးသမူတဖၣ်အခိၣ်, ဒီးဘၣ်တၢ်ပာ်ကဲအီၤဒိၣ်မးလၢပှၤကိးဂၤလၢအအိၣ်လၢစီၤပၤအနူၢ်ပူၤစီၤပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:23

ယွၤဟ့ၣ်ဘျုးပှၤတဖၣ်လၢအသူၣ်တီအသးလိၤဒီးတီဝဲလိၤဝဲတဖၣ် န့ၣ်လီၤ. တနံၤအံၤန့ၣ်အဝဲပာ်နၤလၢယတၢ်စိကမီၤအဖီ လာ်လီၤ. ဘၣ်ဆၣ်ဒီးယတမၤဆါဘၣ်နၤ, ပှၤလၢယွၤဒုးကဲထီၣ်အီၤ လၢစီၤပၤတဂၤန့ၣ်ဘၣ်.