တံတူး 1:8 - Sgaw Karen Common Bible

⁸ အဝဲကဘၣ်အဲၣ်တူၢ်တံၢ်တူၢ်သမှံၤ, ဒီးအဲၣ်တၢ်လၢအဂ့ၤအဝါ န့ၣ်လီၤ. အဝဲကဘၣ်ပၢၤအသး, တီလိၤ, စီဆှံ, ဒီးကီၤသူၣ်ကီၤသး န့ၣ်လီၤ.

တံတူး 1:8 Iomraidhean Croise

လံာ်စီၤပၤအခီၣ်ထံးတဘ့ၣ် 5:1

ဝ့ၢ်ထါယၢၣ်ကီၢ်အစီၤပၤဃူရၣ်, ထီဘိမ့ၢ်တ့ၢ်စီၤဒၤဝံးအတံၤသကိးတဂၤန့ၣ်လီၤ. ဒီးဖဲအဝဲနၢ်ဟူဘၣ်ဝဲလၢစီၤၡလိၤမိၤကဲထီၣ်စီၤပၤလၢစီၤ ဒၤဝံးအလီၢ်န့ၣ်, အဝဲဆှၢလီၤအထံကီၢ်မီၣ်သီတဖၣ်ဆူစီၤၡလိၤမိၤအအိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 5:7

ဖဲအဝဲဒိးန့ၢ်ဘၣ်စီၤၡလိၤမိၤအတၢ်ကစီၣ်န့ၣ်စီၤဃူရၣ်ဘၣ် သူၣ်ဘၣ်သးဒိၣ်ဒိၣ်ကလဲာ်ဒီးစံးဝဲ, “စံးထီၣ်ပတြၢၤယွၤတနံၤအံၤလၢအဟ့ၣ်စီၤဒၤဝံးလၢအဖိခွါ လၢအကူၣ်သ့ဒ်သိးအံၤတဂၤလၢအကဲထီၣ်ပှၤဂီၢ်မုၢ်ဖးဒိၣ်တဖု အစီၤပၤလၢအဝဲအလီၢ်အဃိန့ၣ်တက့ၢ်.”

စံးထီၣ်ပတြၢၤ 16:3

ယွၤအပှၤဂီၢ်မုၢ်လၢအသးတီသ့ၣ်တဖၣ်န့ၣ် ဂ့ၤဆံးဒိၣ်လဲၣ်. ယတၢ်သးခုအဒိၣ်ကတၢၢ်န့ၣ် မ့ၢ်ဝဲယကအိၣ်ဘၣ်ဒီးအဝဲသ့ၣ်န့ၣ်လီၤ.

လံာ်ဧၤမိၣ် 5:15

သးဟ့တၢ်အၢဒီးအဲၣ်တၢ်ဂ့ၤ, ဒီးဒုးအိၣ်ဂၢၢ်ဆိးကျၢၤတၢ်စံၣ် ညီၣ်တီလၢကွီၢ်ဘျီၣ်တဖၣ်အပူၤတက့ၢ်. ဘၣ်တဘၣ်ယွၤတၢ်သုးမုၢ်ဂီၢ်မုၢ်အကစၢ်ကသးကညီၤအပှၤဂီၢ်မုၢ် တဖၣ်လၢအအိၣ်မူတ့ၢ်ဒံးအပူၤန့ၣ်လီၤ.

လံာ်လူၤကၣ် 2:25

ဖဲဆၢကတီၢ်အဝဲန့ၣ်, ပှၤအိၣ်ဝဲဒၣ်တဂၤလၢအမံၤမ့ၢ်စီၤစူၤမ့းအိၣ်, လၢအအိၣ်ဆိးဝဲဒၣ်ဖဲဝ့ၢ်ယရူၤရှလ့ၣ်န့ၣ်လီၤ. အဝဲဒၣ်မ့ၢ်ပှၤဂ့ၤပှၤဝါ, ပှၤပျံၤကစၢ်ယွၤအဲၣ်ကစၢ်ယွၤတဂၤ, ဒီးအိၣ်ခိးကွၢ်လၢ်အံၣ်စရ့လးကဘၣ်တၢ်အုၣ်က့ၤခီၣ်က့ၤအီၤလီၤ. သးစီဆှံအိၣ်ဒီးအီၤ,

မၤတၢ် 24:25

ဘၣ်ဆၣ်ဒီးဖဲစီၤပီလူးကတိၤကဒီးတၢ်ဘၣ်ဃးတၢ်ဂ့ၤတၢ်ဝါ, တၢ်ပၢၤသူၣ်ပၢၤသးဒီးမုၢ်စံၣ်ညီၣ်နံၤလၢအကဟဲအဂ့ၢ်န့ၣ်, စီၤဖ့လံးပျံၤတၢ်ဒီးစံးဝဲ, “နက့ၤသ့လံ. ယတၢ်ဆၢကတီၢ်မ့ၢ်အိၣ်န့ၣ်, ယကကိးဒံးနၤလီၤ.”

၁ သ့းစၤလနံ 2:10

သုဝဲဒီးကစၢ်ယွၤစ့ၢ်ကီးမ့ၢ်ပှၤအုၣ်အသးလၢပဂီၢ်လၢပတၢ် မၤဘၣ်သုဝဲပှၤစူၢ်က့ၤနာ်က့ၤခရံာ်တဖၣ်, မ့ၢ်တၢ်လၢအကဆှီ, တီဝဲလိၤဝဲ, ဒီးပူၤဖျဲးဒီးတၢ်ကမူၤကမၣ်န့ၣ်လီၤ.

၁ တံၤမသ့း 3:2

တၢ်အိၣ်ဖှိၣ်အခိၣ်အနၢ်တဂၤကဘၣ်မ့ၢ်ပှၤလၢအတၢ်ကမၣ် တအိၣ်ဘၣ်, ကဘၣ်အိၣ်ဒီးအမါထဲတဂၤဧိၤ, ပာ်အသးသညူးသပှၢ်, ပၢၤအသး, ဒီးအိၣ်မူကဒုလီၤတံၢ်န့ၣ်လီၤ. အဝဲကဘၣ်တူၢ်တံၢ်တူၢ်သမှံၤလၢအဟံၣ်ပူၤ, ဒီးကဘၣ်သ့သိၣ်လိသီလိတၢ်န့ၣ်လီၤ.

၁ တံၤမသ့း 4:12

တဘၣ်ပျဲပှၤနီတဂၤကွၢ်တလီၤနၤမ့ၢ်လၢနမ့ၢ်ပှၤသးစၢ်အဃိ တဂ့ၤ. မ့မ့ၢ်ကဲထီၣ်တၢ်ဒိဂ့ၤတဲာ်ဘၣ်လၢပှၤစူၢ်က့ၤနာ်က့ၤတၢ် တဖၣ်အဂီၢ်လၢနတၢ်ကတိၤ, လၢနတၢ်မၤ, လၢနတၢ်အဲၣ်တၢ်ကွံ, လၢတၢ်စူၢ်တၢ်နာ်, ဒီးတၢ်စီတၢ်ဆှံအပူၤန့ၣ်တက့ၢ်.

၁ တံၤမသ့း 6:11

မ့မ့ၢ်နဲဒၣ်, ကစၢ်ယွၤအပှၤကညီဧၢ, ပဒ့ၣ်ဟးဆှဲးတၢ်သ့ၣ်တဖၣ်အံၤခဲလၢာ်တက့ၢ်. ဂုာ်ကျဲးစၢးဒ်သိးနကအိၣ်ဒီးတၢ်တီတၢ်လိၤ, တၢ်အဲၣ်ထူအဲၣ်ယွၤ, တၢ်စူၢ်တၢ်နာ်, တၢ်အဲၣ်တၢ်ကွံ, တၢ်သ့တူၢ်တၢ်, ဒီးတၢ်သူၣ်ကပုာ်သးကပုာ်သ့ၣ်တဖၣ်န့ၣ်တက့ၢ်.

၂ တံၤမသ့း 2:22

ဟးဆှဲးပှၤသးစၢ်အတၢ်သူၣ်လီသးကွံတဖၣ်ဒီးဂဲၤပျုၢ် လၢတၢ်တီတၢ်လိၤ, တၢ်စူၢ်တၢ်နာ်, တၢ်အဲၣ်တၢ်ကွံ, ဒီးတၢ်ဃူတၢ်ဖိးအဂီၢ်, ဃုာ်ဒီးပှၤသ့ၣ်တဖၣ်လၢ အကိးထီၣ်ကစၢ်လၢတၢ်မၤစၢၤအဂီၢ်လၢတၢ်သးကဆှီ အပူၤန့ၣ်တက့ၢ်.

၂ တံၤမသ့း 3:3

အဝဲသ့ၣ်ကကဲထီၣ်ပှၤလၢအတအိၣ်ဒီးတၢ်သူၣ်ဂ့ၤသးဝါ ဘၣ်, တသးကညီၤတၢ်ဘၣ်, ကတိၤအၢကတိၤသီပှၤဂၤ, တပၢၤအသးဘၣ်ဒီးမၤဆူၣ်မၤကိၤအသး, ဒီးသးဟ့တၢ် အဂ့ၤလီၤ.

တံတူး 2:7

လၢတၢ်ခဲလၢာ်အပူၤန့ၣ်, နကစၢ်ဒၣ်နဲနကဘၣ်ကဲထီၣ် တၢ်ဒိတၢ်တဲာ်လၢတၢ်သကဲာ်ဂ့ၤပဝးဝါအဂီၢ်န့ၣ်လီၤ. အိၣ်ဒီးတၢ်သူၣ်တီသးလိၤဒီးပာ်နသးသညူးသပှၢ် လၢနတၢ်သိၣ်လိသီလိအပူၤန့ၣ်တက့ၢ်.

၁ ယိၤဟၣ် 3:14

ပသ့ၣ်ညါလၢပခီဂာ်လၢတၢ်သံဆူတၢ်မူ, မ့ၢ်လၢပအဲၣ်ပဒီပုၢ်ဝဲၢ် အဃိလီၤ. မတၤတဂၤဂ့ၤတဂၤဂ့ၤလၢအတအဲၣ်ဘၣ်အဒီ ပုၢ်ဝဲၢ်န့ၣ်, အိၣ်ဒံးဒၣ်လၢတၢ်သံအပူၤန့ၣ်လီၤ.

၁ ယိၤဟၣ် 5:1

ပှၤတဂၤဂ့ၤတဂၤဂ့ၤလၢအနာ်ဝဲလၢယ့ၣ်ၡူးမ့ၢ်ခရံာ်န့ၣ်, မ့ၢ်ကစၢ်ယွၤအဖိတဂၤလီၤ. ဒီးပှၤတဂၤဂ့ၤတဂၤဂ့ၤလၢ အအဲၣ်ပၢ်တဂၤန့ၣ်, အဲၣ်ကစၢ်ပၢ်အံၤအဖိစ့ၢ်ကီးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:1

စီၤစီလူးဒီးစီၤဒၤဝံးမၤဝံၤအတၢ်ကတိၤသကိးန့ၣ်လီၤ. တၢ်န့ၣ်အလီၢ်ခံစီၤစီလူးအဖိခွါစီၤယိၤနသၣ်ဘၣ်သူၣ်ဘၣ်သး လၢစီၤဒၤဝံးဒိၣ်မးဒီးအဲၣ်ဘၣ်အီၤဒ်အအဲၣ်လီၤအသးဒၣ်ဝဲ အသိးန့ၣ်လီၤ.