တံတူး 1:6 - Sgaw Karen Common Bible

⁶ တၢ်အိၣ်ဖှိၣ်သးပှၢ်ကဘၣ်မ့ၢ်ပှၤလၢအတၢ်ကမၣ်တအိၣ် ဘၣ်, အမါကဘၣ်အိၣ်ဒၣ်ထဲတဂၤဧိၤ, ဒီးအဖိတဖၣ်ကဘၣ်မ့ၢ်ပှၤစူၢ်က့ၤနာ်က့ၤတၢ်ဒီးအမံၤ တဘၣ်ဟူထီၣ်သါလီၤလၢအမ့ၢ်ပှၤအအၢအသီ, မ့တမ့ၢ်တဒိကနူၤဒိကနၣ်တၢ်န့ၣ်ဘၣ်.

တံတူး 1:6 Iomraidhean Croise

လံာ်တၢ်ကဲထီၣ်အခီၣ်ထံး 18:19

ယဃုထၢတ့ၢ်လံအီၤလၢကမၤလိာ်အဖိခွါတဖၣ်ဒီးအစၢၤအသွဲၣ်တဖၣ် လၢအကစူၢ်ယၤ, ဒီးကမၤတၢ်အဘၣ်ဒီးတၢ်အတီန့ၣ်လီၤ. အဝဲသ့ၣ်မ့ၢ်မၤဝဲဒီးယကမၤကယဲၢ်တၢ်ခဲလၢာ်လၢအဂီၢ်ဒ်ယအၢၣ်လီၤ တ့ၢ်အသိးန့ၣ်လီၤ.”

တၢ်ကတိၤဒိ. 28:7

ပှၤသးစၢ်တဂၤလၢအဒိကနၣ်တၢ်သိၣ်တၢ်သီန့ၣ်မ့ၢ်ပှၤအိၣ်ဒီးတၢ် သူၣ်ဆးသးဆးလီၤ. မ့မ့ၢ်ပှၤတဂၤလၢအဒီတံၤဒီသကိးဒီးပှၤတဂိာ်တသီၣ်ဘၣ်တဖၣ်န့ၣ် မ့ၢ်တၢ်မဲာ်ဆှးလၢအပၢ်အဂီၢ်လီၤ.

လံာ်ယဃ့းစက့လး 44:22

ပှၤလုၢ်တၢ်အခိၣ်တဂၤဂ့ၤတဂၤဂ့ၤတဘၣ်ဒိးတ့ဒိးဖျီအသးဒီး ပိာ်မုၣ်လၢအလီၤဖးဒီးအဝၤဘၣ်. အဝဲကဘၣ်ဒိးတ့ဒိးဖျီဒၣ်အ သးထဲဒၣ်ဒီးပှၤအံၣ်စရ့လးဖိအပှၤမုၣ်ကနီၤမ့တမ့ၢ်ပှၤလုၢ်တၢ် အခိၣ်တဂၤဂၤအမုၣ်ကမဲမ့ၢ်ဂ့ၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 21:14

ဒီးတဘၣ်မ့ၢ်မုၣ်ကမဲမ့ၢ်ဂ့ၤ, ပိာ်မုၣ်လၢအလီၤဖှၣ်ဒီးအဝၤမ့ၢ်ဂ့ၤ, ပိာ်မုၣ်လၢအဟးဂီၤမ့ၢ်ဂ့ၤ, ပှၤဃဲသဲမုၣ်မ့ၢ်ဂ့ၤန့ၣ်ဘၣ်. ကဘၣ်ဒိးတ့ဒိးဖျီအသးဒီးမုၣ်ကနီၤဆှံဆှံလၢအဒူၣ်ဒၣ်ဝဲအကျါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 21:7

ပှၤလုၢ်တၢ်အခိၣ်တဂၤန့ၣ်တဘၣ်ဒိးတ့ဒိးဖျီအသးဒီးပိာ်မုၣ်တ ဂၤလၢအကဲတ့ၢ်ဃဲသဲမုၣ်မ့ၢ်ဂ့ၤ, ပိာ်မုၣ်လၢအတမ့ၢ်မုၣ်ကနီၤဆှံဆှံဘၣ်မ့ၢ်ဂ့ၤ, ပိာ်မုၣ်လၢအလီၤဖးဒီးအဝၤမ့ၢ်ဂ့ၤန့ၣ်ဘၣ်. အဂ့ၢ်ဒ်အံၤအဝဲမ့ၢ်ပှၤစီဆှံန့ၣ်လီၤ.

လံာ်မၤလကံ 2:15

မ့ၢ်ကစၢ်ယွၤတဒုးကဲထီၣ်ဘၣ်သုဒီးသုမါလၢနီၢ်တဂၤ ဃီဒီးသးတဖျၢၣ်ဃီန့ၣ်ဘၣ်ဧါ. အဝဲအတၢ်ကွၢ်စိလၢတၢ်အံၤန့ၣ်မ့ၢ်မနုၤလဲၣ်. တၢ်န့ၣ်မ့ၢ်ဒၣ်ဒ်သိးသုကအိၣ်ဒီး သုဖိတဖၣ်လၢအမ့ၢ်ကစၢ်ယွၤအပှၤဂီၢ်မုၢ်အမ့ၢ်အတီန့ၣ်လီၤ. လၢတၢ်န့ၣ်အဃိ, ပလီၢ်သုသးဒ်သိးသုသုတမၤဟးဂီၤသုတၢ် အၢၣ်လီၤဒီးသုမါနီတဂၤတဂ့ၤန့ၣ်တက့ၢ်.

လံာ်လူၤကၣ် 1:5

ဖဲဆၢကတီၢ်လၢစီၤဟ့ၤရိာ်ကဲကီၢ်ယူဒၤအစီၤပၤန့ၣ်, ပှၤလုၢ်တၢ်အခိၣ်လၢအမံၤမ့ၢ်စီၤစဃၤရံအိၣ်ဝဲဒၣ်တဂၤ ဒီးအဝဲဒၣ်ဘၣ်ထွဲလၢစီၤအဘံယၤတစိၣ်ပှၤလုၢ်တၢ်အခိၣ် အကရူၢ်လီၤ. အဝဲဒၣ်အမါအမံၤမ့ၢ်နီၢ်အ့းလံၤစါဘ့း ဒီးဘၣ်ထွဲစ့ၢ်ကီးလၢပှၤလုၢ်တၢ်အဒိၣ်အဒူၣ်ဖိထၢဖိန့ၣ်လီၤ.

အ့းဖ့းစူး 5:18

တဘၣ်အီမူၤသုသးလၢစပံးထံတဂ့ၤ. တၢ်န့ၣ်မ့ၢ်ဒၣ်တၢ်လၢအကမၤဟးဂီၤသုလီၤ. မ့မ့ၢ်အိၣ်လၢပှဲၤဒီးယွၤအသးန့ၣ်တက့ၢ်.

၁ သ့းစၤလနံ 5:14

ပဒီပုၢ်ဝဲၢ်သ့ၣ်ဧၢ, ပမၢန့ၢ်ဆီၣ်ခံသုလၢသုကဟ့ၣ်ပလီၢ်ပဒီ ပှၤကၢၣ်ပှၤကျူတဖၣ်, သုကဟ့ၣ်ဆူၣ်ထီၣ်ပှၤအိၣ်ဒီးတၢ်သူၣ်ပျံၤသးဖုးတဖၣ်အဂံၢ်အဘါ, သုကမၤစၢၤပှၤဂံၢ်စၢ်ဘါစၢ်, ဒီးသုကသူၣ်စူၤသးစူၤလၢပှၤကိးဂၤဒဲးအဖီခိၣ်န့ၣ်လီၤ.

၁ တံၤမသ့း 1:9

ပကဘၣ်သ့ၣ်နီၣ်ထီၣ်က့ၤလၢတၢ်သိၣ်တၢ်သီတဖၣ်ဘၣ်တၢ် ဒုးအိၣ်ထီၣ်အီၤတမ့ၢ်လၢပှၤအဂ့ၤအဝါတဖၣ်အဂီၢ်ဘၣ်. မ့မ့ၢ်တခီ, မ့ၢ်လၢပှၤမၤကမၣ်တၢ်သိၣ်တၢ်သီတဖၣ်, ပှၤအၢပှၤသီတဖၣ်, ပှၤတယူးတယီၣ်ယွၤဒီးမၤတၢ်ဒဲးဘးတဖၣ်, ပှၤလၢအတၢ် အဲၣ်ထူအဲၣ်ယွၤမ့ၢ်ဂ့ၤ, တၢ်အိၣ်မူလၢသူၣ်လၢသးမ့ၢ်ဂ့ၤ တအိၣ်ဘၣ်တဖၣ်, ပှၤလၢအမၤသံအပၢ်မ့တမ့ၢ်အမိၢ် တဖၣ်, ပှၤလၢအမၤသံပှၤကညီတဖၣ်,

၁ တံၤမသ့း 3:12

ပှၤမၤစၢၤတၢ်အိၣ်ဖှိၣ်တဂၤန့ၣ်ကဘၣ်အိၣ်ဒီးအမါထဲတဂၤဧိၤ, ဒီးကဘၣ်သ့ပၢဆှၢအဖိအလံၤဒီးအဒူၣ်ဖိထၢဖိဂ့ၤဂ့ၤဘၣ်ဘၣ် န့ၣ်လီၤ.

တံတူး 1:10

အဂ့ၢ်ဒ်အံၤ, ပှၤအိၣ်ဝဲအါဂၤလၢအထီဒါတၢ်ဒီးကတိၤတၢ်လၢ အခီပညီတအိၣ်ဒီးလီန့ၢ်ပှၤဂၤတဖၣ်န့ၣ်လီၤ. ပှၤတဖၣ်အံၤပထံၣ်အီၤလီၤဆီဒၣ်တၢ်လၢပှၤယူဒၤဖိလၢ အကဲထီၣ်ပှၤခရံာ်ဖိတဖၣ်အကျါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:11

ဒီးစီၤအ့လကါနၤက့ၤကဒါက့ၤဆူအဟံၣ်လၢဝ့ၢ်ရၤမါလီၤ. မ့မ့ၢ်စီၤၡမူၤအ့လးအိၣ်တ့ၢ်ဝဲလၢဝ့ၢ်ၡံလိၤဒီးမၤယွၤ အတၢ်မၤလၢစီၤဧ့လံၤအဖီလာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:22

ခဲအံၤစီၤဧ့လံၤအသးပှၢ်လံ. အဝဲနၢ်ဟူဘၣ်တၢ်ဂ့ၢ်ကိးမံၤဒဲး ဘၣ်ဃးအဖိခွါတဖၣ်မၤပှၤအံၣ်စရ့လးဖိတဖၣ်ဒီးအဝဲသ့ၣ်မံ ဃုာ်ဂဲၤဃုာ်ဒၣ်လဲာ်ဒီးပှၤပိာ်မုၣ်တဖၣ်လၢအမၤတၢ်လၢ တၢ်ဘူၣ်ထီၣ်ဘါထီၣ်ယွၤအဒဲအကျဲစၢၤန့ၣ်လီၤ.