တံတူး 1:5 - Sgaw Karen Common Bible

⁵ ယပာ်လီၤတဲာ်နၤဖဲကီးကြ့တ့ၤဒ်သိးနကသုးကျဲၤမၤဝံၤမၤဘၣ် က့ၤတၢ်လၢအလိၣ်ဒံးတဖၣ်, ဒီးဃုထၢထီၣ်တၢ်အိၣ်ဖှိၣ်သးပှၢ်တဖၣ်လၢဝ့ၢ်ကိးဖျၢၣ်ဒဲး အပူၤလီၤ. သ့ၣ်နီၣ်ထီၣ်တၢ်လၢယမၤလိာ်နၤတဖၣ်န့ၣ်တက့ၢ်.

တံတူး 1:5 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 6:32

အဝဲသ့ၣ်ဟံးန့ၢ်မူဒါလၢယွၤအိၣ်ဝဲဆိးဝဲအဒဲပူၤတဂၤလၢ အကတီၢ်ဒၣ်ဝဲဒ်တၢ်ပာ်လီၤအီၤ, ဖဲတၢ်ဆၢကတီၢ်လၢစီၤပၤၡလိၤမိၤတချုးသူၣ်ထီၣ်ဒံးတၢ်လုၢ် ဟံၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 12:9

ဘၣ်ဆၣ်မ့ၢ်လၢပှၤဆိကမိၣ်တၢ်အဒိၣ်အယိာ်တဂၤအံၤကူၣ်တၢ် သ့အဃိ, အဝဲသိၣ်လိဒံးဒၣ်ပှၤဂီၢ်မုၢ်လၢတၢ်လၢအဝဲသ့ၣ်ညါတ့ၢ် ဝဲန့ၣ်လီၤ. အဝဲမၤလိတၢ်ကတိၤဒိတဖၣ်ဒီးမၤကွၢ်အတၢ်မ့ၢ်တၢ်တီ, တီတီလိၤလိၤလီၤ.

လံာ်ယၡါယၤ 44:7

တၢ်လၢယမၤတ့ၢ်န့ၣ်, ပှၤအဂၤတဂၤဂၤမၤဝဲဘၣ်ကသ့ဧါ. စးထီၣ်လၢတၢ်အခီၣ်ထံးတုၤလၢတၢ်အကတၢၢ်, တၢ်လၢအကမၤအသးခဲလၢာ်န့ၣ်, မ့ၢ်မတၤကတိၤဆိပာ်ကသ့တဂၤဂၤ လဲၣ်.

လံာ်တၢ်ဘူၣ်ထီၣ်ဘါထီၣ် 14:42

ဒီးလၢၢ်လၢအဘၣ်တၢ်သုးကွံာ်အီၤတဖၣ်အလီၢ်န့ၣ်ကဘၣ်တၢ်မၤပှဲၤ က့ၤအီၤလၢလၢၢ်အဂၤတဖၣ်ဒီးတၢ်အဒူၣ်တဖၣ်န့ၣ်ကဘၣ်တၢ်လံာ်က့ၤ အီၤလၢကပံာ်အသိန့ၣ်လီၤ.

မၤတၢ် 11:30

အဝဲသ့ၣ်မၤဝဲတၢ်အံၤ, ဒီးဆှၢလီၤအကျိၣ်အစ့တဖၣ်န့ၣ်ဆူတၢ်အိၣ်ဖှိၣ်အပှၤသူၣ်က့သး ပှၢ်တဖၣ်အအိၣ်ခီဖျိစီၤဘၢ်နါဘၤဒီးစီၤစီလူးန့ၣ်လီၤ.

မၤတၢ် 14:23

လၢတၢ်အိၣ်ဖှိၣ်တဖုဘၣ်တဖုအပူၤန့ၣ်, အဝဲသ့ၣ်ဃုထၢထီၣ်သူၣ်က့သးပှၢ်တဖၣ်, ဒီးလၢတၢ်ထုကဖၣ်ဒီးတၢ်ဒုၣ်တၢ်အီၣ်အပူၤ, အဝဲသ့ၣ်ဟ့ၣ်လီၤအးလီၤပှၤတဖၣ်န့ၣ်ဆူကစၢ်လၢအဝဲသ့ၣ်သူၣ်လီၤ အတၢ်စူၢ်တၢ်နာ်လၢအပူၤတဂၤအစုပူၤန့ၣ်လီၤ.

မၤတၢ် 2:11

ပှၤယူဒၤဖိဒီးပှၤကလုာ်ဂၤလၢအနုာ်လီၤဆူပှၤယူဒၤဖိအတၢ် ဘူၣ်တၢ်ဘါအပူၤ, ဒီးပဝဲဒၣ်တနီၤပမ့ၢ်ပှၤကြ့တ့ၤဖိဒီးပှၤဧ့ရ့းဖိတဖၣ်လီၤ. ဘၣ်ဆၣ်ဒီးပဝဲဒၣ်ကိးဂၤဒဲးပနၢ်ဟူဘၣ်အဝဲသ့ၣ်စံးကတိၤ တၢ်လၢပကျိာ်ဒၣ်ပဝဲ, ဘၣ်ဃးတၢ်မၤအဒိၣ်အမုၢ်တဖၣ်လၢ ကစၢ်ယွၤမၤတ့ၢ်လံဝဲန့ၣ်လီၤ.”

မၤတၢ် 27:12

ကဘီသန့ဖဲန့ၣ်တမ့ၢ်တၢ်လီၢ်အကြၢးအဘၣ်လၢအဝဲသ့ၣ် ကအိၣ်ဝဲဖဲတၢ်ဂိၢ်ခါအကတီၢ်ဘၣ်. လၢတၢ်န့ၣ်အဃိ, ပှၤအါဒၣ်တက့ၢ်ဘၣ်အသးလၢအကဟးထီၣ် ဖဲန့ၣ်, ဒီးကဂုာ်ကျဲးစၢးလဲၤတုၤဝဲဖဲဝ့ၢ်ဖံၤနံက့ၤဒီးမ့ၢ်သ့ ကအိၣ်ဝဲဖဲန့ၣ်လၢတၢ်ဂိၢ်ခါအကတီၢ်လီၤ. ဝ့ၢ်ဖံၤနံက့ၤမ့ၢ်ကီးကြ့တ့ၤကဘီသန့တခါလၢအကွၢ်ဃီၤ တၢ်ဆူမုၢ်နုာ်အကလံၤထံးဒီးမုၢ်နုာ်အကလံၤစိးန့ၣ်လီၤ.

မၤတၢ် 27:13

ကလံၤလၢကလံၤထံးတခီစးထီၣ်အူတၢ်ကဖီကဖီ, ဒီးပှၤသ့ၣ်တဖၣ်န့ၣ်ဆိကမိၣ်ဝဲလၢလဲၤတၢ်ဒ်အကူၣ်ကျဲၤပာ်ဝဲ အသိးကသ့အဃိ, အဝဲသ့ၣ်ထုးထီၣ်က့ၤနီၣ်သက့ၤ, ဒီးဂုာ်ကျဲးစၢးဒုးလဲၤကဘီဘူးဘူးတံၢ်တံၢ်ဒီးကီးကြ့တ့ၤ အကၢၢ်နံၤတသ့ဖဲအသ့န့ၣ်လီၤ.

မၤတၢ် 27:21

ဖဲပှၤတအီၣ်တၢ်အီတၢ်ယံာ်ထီၣ်ဝဲန့ၣ်, စီၤပီလူးဂဲၤဆၢထၢၣ်လၢအဝဲသ့ၣ်အမဲာ်ညါဒီးစံးဝဲ, “တံၤသကိးသ့ၣ်ဧၢ, သုကြၢးဒိကနၣ်တ့ၢ်ယကလုၢ် ဒီးသုတကြၢးဟးထီၣ်လၢကီးကြ့တ့ၤဘၣ်. သုမ့ၢ်ကနၣ်တ့ၢ် ယကလုၢ်န့ၣ်, ပကပူၤဖျဲးဒီးတၢ်ဟးဂူာ်ဟးဂီၤ, ဒီးတၢ်လီၤမူၤလီၤမၢ်တဖၣ်အံၤခဲလၢာ်လီၤ.

မၤတၢ် 27:7

ပလဲၤတၢ်ကယီကယီလၢအါနံၤအါသီအတီၢ်ပူၤဒီးလၢခံက့ၤ န့ၣ်ပလဲၤတုၤပဝဲကီကီခဲခဲလၢတၢ်လီၢ်တတီၤလၢအဘူး ဒီးဝ့ၢ်ကနံဒူးန့ၣ်လီၤ. မ့ၢ်လၢကလံၤတပျဲပလဲၤဆူညါလၢကျဲအဝဲန့ၣ်တကပၤလၢၤဘၣ် အဃိ, ပလဲၤခီဂာ်လၢကီးကြ့တ့ၤအကပၤလၢအပူၤဖျဲးဒီး ကလံၤအဆူၣ်, ဒီးလဲၤတရူာ်ဘၣ်စၤလမိၣ်အနိာ်ထိးန့ၣ်လီၤ.

1 ကရံၣ်သူး 11:34

ဒီးပှၤတဂၤဂၤတၢ်မ့ၢ်သၣ်ဝံၤအသးန့ၣ်, ကြၢးအီၣ်တၢ်လၢဟံၣ်, ဒ်သိးသုတဘၣ်ကစၢ်ယွၤအတၢ်စံၣ်ညီၣ်ဖဲသုအိၣ်ဖှိၣ်သကိး အဆၢကတီၢ်တဂ့ၤအဂီၢ်လီၤ. မ့မ့ၢ်တၢ်ဂ့ၢ်တၢ်ကျိၤအဂၤတဖၣ်န့ၣ်, ယကကွၢ်သုးကျဲၤကတိၤပျီက့ၤယဲလၢအဂ့ၢ်ဖဲယဟဲအဆၢ ကတီၢ်လီၤ.

1 ကရံၣ်သူး 14:40

တၢ်ကိးမံၤဒဲးကြၢးဘၣ်တၢ်မၤအီၤလၢအလီၢ်အကျဲဒီးလၢအဂ့ၢ် အဝီန့ၣ်လီၤ.

1 ကရံၣ်သူး 4:17

လၢတၢ်တမံၤအံၤအဂီၢ်န့ၣ်, ယဆှၢလီၤယဲစီၤတံၤမသ့းဆူသုအိၣ်, အဝဲဒၣ်မ့ၢ်ယဖိသးဘိဒၣ်ယဲလၢခရံာ်အပူၤ, လၢအသးတီဝဲတဂၤ လီၤ. အဝဲဒၣ်ကဒုးသ့ၣ်နီၣ်ထီၣ်သုတၢ်ဘျၢတဖၣ်လၢယပိာ်ထွဲယဲ လၢတၢ်အိၣ်မူအသီဘၣ်ဃးတၢ်ပာ်ဖှိၣ်ထီၣ်ဃုာ်သးတဖျၢၣ်ဃီလၢ ယ့ၣ်ၡူးခရံာ်အပူၤ, ဒီးလၢယသိၣ်လီၤသီလီၤယဲလၢအဂ့ၢ်လၢတၢ်အိၣ်ဖှိၣ်ကိးဖုဒဲး အပူၤ, သကုၤဆးဒးလီၤ.

ကလီးစဲ 2:5

အဂ့ၢ်ဒ်အံၤယမ့ၢ်တအိၣ်ဒီးသုလၢနီၢ်ခိနီၢ်ခီသနာ်က့, ယအိၣ်ဒီးသုလၢသူၣ်လၢသးဒီးယသးခုလၢယထံၣ်ဘၣ် သုဟံးဃာ်လိာ်သုသးဒီးဆၢထၢၣ်သကိးလၢတၢ်စူၢ် တၢ်နာ်အဂၢၢ်အကျၢၤလၢခရံာ်အပူၤအဃိန့ၣ်လီၤ.

၁ တံၤမသ့း 1:3

ယအဲၣ်ဒိးလၢနကအိၣ်လၢဝ့ၢ်အ့းဖ့းစူးအပူၤ, ဒ်ယမၢန့ၢ်ဆီၣ်ခံနၤဖဲယလဲၤဆူကီၢ်မၤက့းဒနံအခါအသိးန့ၣ် လီၤ. ပှၤအိၣ်ဖဲန့ၣ်တနီၤ သိၣ်လီၤသီလီၤတၢ်စူၢ်ကမၣ်နာ်ကမၣ် တဖၣ်, သတးဒီးနကဘၣ်ဟ့ၣ်လီၤနကလုၢ်လၢ အဝဲသ့ၣ်ကဆိကတီၢ်ကွံာ်ဝဲအဂီၢ်လီၤ.

၂ တံၤမသ့း 2:2

ဟံးန့ၢ်တၢ်သိၣ်လိတဖၣ်လၢနနၢ်ဟူယတဲဖျါထီၣ်လၢပှၤအုၣ် အသးအါဂၤအမဲာ်ညါ, ဒီးဟ့ၣ်လီၤအးလီၤတၢ်တဖၣ်အံၤဆူပှၤလၢပနာ်န့ၢ်အီၤသ့ တဖၣ်အစုပူၤဒ်သိးအဝဲသ့ၣ်စ့ၢ်ကီးသိၣ်လိပှၤအဂၤကသ့ အဂီၢ်န့ၣ်တက့ၢ်.

တံတူး 1:12

ပှၤကြ့တ့ၤဖိလၢအမ့ၢ်အဝဲသ့ၣ်အဝံဒၣ်ဝဲအကျါတဂၤစံးဝဲ, “ပှၤကြ့တ့ၤဖိတဖၣ်ထီဘိမ့ၢ်ပှၤလီတၢ်ဝ့ၤတၢ်, ဆၣ်ဖိကီၢ်ဖိလၢအအၢအသီတဖၣ်, ဒီးပှၤအကၢၣ်ကျူလၢအအီၣ်လုၣ်ကိတၢ်တဖၣ်န့ၣ်လီၤ.”