တံတူး 1:14 - Sgaw Karen Common Bible

¹⁴ ဒီးအသုတဟံးဃာ်လၢၤပှၤယူဒၤဖိအတၢ်စံၣ်ဃဲၤတဲဃဲၤလၢပျၢၤတဖၣ်, ဒီးပှၤကညီအတၢ်မၤလိာ်တဖၣ်လၢအဟဲလၢပှၤလၢအဃၣ်ကွံာ် အသးလၢတၢ်ဒိကနၣ်တၢ်မ့ၢ်တၢ်တီတဖၣ်အအိၣ်တဂ့ၤအဂီၢ်န့ၣ်လီၤ.

တံတူး 1:14 Iomraidhean Croise

လံာ်ယၡါယၤ 29:13

ဒီးယွၤစံးဝဲဒၣ်, “မ့ၢ်ပှၤဂီၢ်မုၢ်အံၤသုးဘူးအသးဆူ ယအိၣ်လၢအထးခိၣ်ဒီးမၤလၤကပီၤယၤလၢအပျူၤ ဘၣ်ဆၣ်ဒီးပာ်အသးယံၤဒီးယၤလီၤ. အတၢ် ဘူၣ်တၢ်ဘါန့ၣ်မ့ၢ်ဒၣ်ပှၤကညီအတၢ်သိၣ်တၢ်ဘျၢ တဖၣ်ဒီးတၢ်ဟဲလီၤစၢၤတဖၣ်ဧိၤ, လၢအဝဲသ့ၣ်တိၢ်ရူးဝဲန့ၣ်လီၤ.

လံာ်မးသဲ 15:9

အဝဲသ့ၣ်အတၢ်ဘူၣ်ထီၣ်ဘါထီၣ်ယၤန့ၣ် အဘျုးတအိၣ်ဘၣ်. အဂ့ၢ်ဒ်အံၤ, အဝဲသ့ၣ်သိၣ်လီၤသီလီၤတၢ်သိၣ်တၢ်သီလၢ ပှၤကညီဒုးအိၣ်ထီၣ်တဖၣ်, ဒ်အမ့ၢ်ယတၢ်မၤလိာ်တဖၣ်အသိးအဃိလီၤ’ ” (ၡါ. ၂၉:၁၃).

လံာ်မၢ်ကူး 7:7

အတၢ်ဘူၣ်ထီၣ်ဘါထီၣ်ယၤကဲတၢ်ကလီကလီ မ့ၢ်လၢအဝဲသ့ၣ်သိၣ်လိပှၤကညီအတၢ်သိၣ်တၢ်သီတဖၣ် ဒ်ကစၢ်ယွၤအတၢ်သိၣ်တၢ်သီအသိးအဃိန့ၣ်လီၤ.’

ကလၤတံ 4:9

မ့မ့ၢ်ခဲကနံၣ်အံၤ မ့ၢ်လၢသုသ့ၣ်ညါကစၢ်ယွၤလံ, မ့တမ့ၢ်, ယကြၢးစံး, ကစၢ်ယွၤသ့ၣ်ညါသုလံန့ၣ်, ဘၣ်မနုၤအဃိသုသးအိၣ်ဃၣ်ကဒါက့ၤသုသးဆူသး တဖၣ်လၢအဂံၢ်စၢ်ဘါစၢ်ဒီးဖှီၣ်ဝဲယာ်ဝဲအအိၣ်ဒီးသး အိၣ်ကဲက့ၤကဒီးကုၢ်လၢအဖီလာ်န့ၣ်လဲၣ်.

ကလီးစဲ 2:22

တၢ်တဖၣ်အံၤဘၣ်ဃးဒၣ်ဒီးတၢ်လၢအဘၣ်တၢ်သူအီၤဝံၤအလီၢ် ခံအဘျုးတအိၣ်လၢၤဘၣ်တဖၣ်ဒီးမ့ၢ်ဒၣ်တၢ်သိၣ်တၢ်သီလၢ အဘၣ်တၢ်ဒုးကဲထီၣ်အီၤလၢပှၤကညီန့ၣ်လီၤ.

၂ တံၤမသ့း 4:4

အဝဲသ့ၣ်ကဃၣ်ကွံာ်အသးလၢတၢ်ဒိကနၣ်တၢ်မ့ၢ်တၢ်တီဒီးအသးကစၢၢ် ဆၢလၢပူတဖၣ်လၢပှၤကညီဒုးကဲထီၣ်အီၤန့ၣ်လီၤ.

တံတူး 3:11

အဂ့ၢ်မ့ၢ်လၢနသ့ၣ်ညါလၢပှၤဒ်န့ၣ်တဂၤန့ၣ်ဟးသဒၣ်ကျဲ မ့ၢ်ကျဲတီလံ, ဒီးအတၢ်ဒဲးဘးတဖၣ်န့ၣ်အုၣ်အသးလၢ အဝဲမၤကမၣ်တၢ်န့ၣ်လီၤ.

ဧ့ၤဘြံၤ 12:25

ပလီၢ်သုသးဒ်သိးသုသုတဂ့ၢ်လိာ်ဘှီလိာ်ဘၣ်ပှၤလၢအကတိၤ တၢ်တဂၤန့ၣ်တဂ့ၤ. အဂ့ၢ်ဒ်အံၤ, ပှၤလၢအဂ့ၢ်လိာ်ဘှီလိာ်ပှၤလၢအဟ့ၣ်ထီၣ်ကစၢ်ယွၤ အတၢ်ကစီၣ်လၢဟီၣ်ခိၣ်ချၢတဂၤအံၤ, ဃ့ၢ်ပူၤကွံာ်အသးတန့ၢ်ဘၣ်. မ့မ့ၢ်ဒ်န့ၣ်ဒီး, ပှၤလၢအဂ့ၢ်လိာ်ပှၤလၢအကတိၤတၢ်လၢမူခိၣ် တဂၤန့ၣ်, ဃ့ၢ်ပူၤဖျဲးအသးတသ့ဘၣ်ဒိၣ်ဒၣ်တၢ်တက့ၢ်လီၤ.

၂ ပ့းတရူး 2:22

တၢ်လၢအမၤတ့ၢ်အသးဒီးအဝဲသ့ၣ်န့ၣ်, ဒုးနဲၣ်ဝဲလၢတၢ်ကတိၤဒိတဖၣ်မ့ၢ်ဝဲတီဝဲလီၤ. “ထွံၣ်အီၣ်ကဒါက့ၤတၢ်လၢအဘှီးလီၤဝဲ” ဒီး “ထိးလၢအဘၣ်တၢ်သ့စီအီၤ, က့ၤကဒါက့ၤဆူတၢ်ကလိာ်လၢကပံာ်ကျါ” န့ၣ်လီၤ.