တံတူး 1:12 - Sgaw Karen Common Bible

¹² ပှၤကြ့တ့ၤဖိလၢအမ့ၢ်အဝဲသ့ၣ်အဝံဒၣ်ဝဲအကျါတဂၤစံးဝဲ, “ပှၤကြ့တ့ၤဖိတဖၣ်ထီဘိမ့ၢ်ပှၤလီတၢ်ဝ့ၤတၢ်, ဆၣ်ဖိကီၢ်ဖိလၢအအၢအသီတဖၣ်, ဒီးပှၤအကၢၣ်ကျူလၢအအီၣ်လုၣ်ကိတၢ်တဖၣ်န့ၣ်လီၤ.”

တံတူး 1:12 Iomraidhean Croise

မၤတၢ် 17:28

ဒ်ပှၤတဂၤစံးတ့ၢ်ဝဲအသိး, ‘လၢအဝဲဒၣ်အပူၤပမူ, ပဟူးပဂဲၤ, ဒီးပမ့ၢ်တၢ်လီၤ.’ ဒ်သုပှၤကွဲးထါတနီၤစံးတ့ၢ်ဝဲအသိး, ‘ပဝဲစ့ၢ်ကီးပမ့ၢ်အဝဲဒၣ်အဖိတဖၣ်လီၤ.’

မၤတၢ် 2:11

ပှၤယူဒၤဖိဒီးပှၤကလုာ်ဂၤလၢအနုာ်လီၤဆူပှၤယူဒၤဖိအတၢ် ဘူၣ်တၢ်ဘါအပူၤ, ဒီးပဝဲဒၣ်တနီၤပမ့ၢ်ပှၤကြ့တ့ၤဖိဒီးပှၤဧ့ရ့းဖိတဖၣ်လီၤ. ဘၣ်ဆၣ်ဒီးပဝဲဒၣ်ကိးဂၤဒဲးပနၢ်ဟူဘၣ်အဝဲသ့ၣ်စံးကတိၤ တၢ်လၢပကျိာ်ဒၣ်ပဝဲ, ဘၣ်ဃးတၢ်မၤအဒိၣ်အမုၢ်တဖၣ်လၢ ကစၢ်ယွၤမၤတ့ၢ်လံဝဲန့ၣ်လီၤ.”

မၤတၢ် 27:12

ကဘီသန့ဖဲန့ၣ်တမ့ၢ်တၢ်လီၢ်အကြၢးအဘၣ်လၢအဝဲသ့ၣ် ကအိၣ်ဝဲဖဲတၢ်ဂိၢ်ခါအကတီၢ်ဘၣ်. လၢတၢ်န့ၣ်အဃိ, ပှၤအါဒၣ်တက့ၢ်ဘၣ်အသးလၢအကဟးထီၣ် ဖဲန့ၣ်, ဒီးကဂုာ်ကျဲးစၢးလဲၤတုၤဝဲဖဲဝ့ၢ်ဖံၤနံက့ၤဒီးမ့ၢ်သ့ ကအိၣ်ဝဲဖဲန့ၣ်လၢတၢ်ဂိၢ်ခါအကတီၢ်လီၤ. ဝ့ၢ်ဖံၤနံက့ၤမ့ၢ်ကီးကြ့တ့ၤကဘီသန့တခါလၢအကွၢ်ဃီၤ တၢ်ဆူမုၢ်နုာ်အကလံၤထံးဒီးမုၢ်နုာ်အကလံၤစိးန့ၣ်လီၤ.

မၤတၢ် 27:13

ကလံၤလၢကလံၤထံးတခီစးထီၣ်အူတၢ်ကဖီကဖီ, ဒီးပှၤသ့ၣ်တဖၣ်န့ၣ်ဆိကမိၣ်ဝဲလၢလဲၤတၢ်ဒ်အကူၣ်ကျဲၤပာ်ဝဲ အသိးကသ့အဃိ, အဝဲသ့ၣ်ထုးထီၣ်က့ၤနီၣ်သက့ၤ, ဒီးဂုာ်ကျဲးစၢးဒုးလဲၤကဘီဘူးဘူးတံၢ်တံၢ်ဒီးကီးကြ့တ့ၤ အကၢၢ်နံၤတသ့ဖဲအသ့န့ၣ်လီၤ.

မၤတၢ် 27:7

ပလဲၤတၢ်ကယီကယီလၢအါနံၤအါသီအတီၢ်ပူၤဒီးလၢခံက့ၤ န့ၣ်ပလဲၤတုၤပဝဲကီကီခဲခဲလၢတၢ်လီၢ်တတီၤလၢအဘူး ဒီးဝ့ၢ်ကနံဒူးန့ၣ်လီၤ. မ့ၢ်လၢကလံၤတပျဲပလဲၤဆူညါလၢကျဲအဝဲန့ၣ်တကပၤလၢၤဘၣ် အဃိ, ပလဲၤခီဂာ်လၢကီးကြ့တ့ၤအကပၤလၢအပူၤဖျဲးဒီး ကလံၤအဆူၣ်, ဒီးလဲၤတရူာ်ဘၣ်စၤလမိၣ်အနိာ်ထိးန့ၣ်လီၤ.

ရိမ့ၤ 16:18

အဂ့ၢ်ဒ်လဲၣ်န့ၣ်, ပှၤလၢအမၤတၢ်ဒ်အံၤတဖၣ်တမၤပကစၢ် ခရံာ်အတၢ်မၤဘၣ်, မ့မ့ၢ်မၤတၢ်လၢအဟၢဖၢဒၣ်ဝဲအဂီၢ်န့ၣ်လီၤ. ခီဖျိလၢအတၢ်ကတိၤအမုာ်အဆၢတဖၣ်ဒီးအတၢ်ကတိၤအူ သဖှိထီၣ်တၢ်န့ၣ်, အဝဲသ့ၣ်လီန့ၢ်ပှၤလၢအသးဂ့ၤအသးညီ တဖၣ်န့ၣ်လီၤ.

ဖံလံးပံၤ 3:19

အဝဲသ့ၣ်အကျဲကကတၢၢ်လၢလရာ်အပူၤလီၤ. အဂ့ၢ်ဒ်အံၤ, အကစၢ်ယွၤမ့ၢ်အနီၢ်ခိအတၢ်သူၣ်လီသးကွံန့ၣ်လီၤ. အဝဲသ့ၣ်ပာ်ကဖၢလၢအသးလၢတၢ်လၢအကြၢးမဲာ်ဆှးဝဲ, ဒီးအဝဲသ့ၣ်ဆိကမိၣ်တၢ်ထဲလၢတၢ်လၢအဘၣ်ဃးဒီးဟီၣ်ခိၣ် အံၤန့ၣ်လီၤ.

၁ တံၤမသ့း 4:2

တၢ်သိၣ်လိသီလိတဖၣ်အံၤကဘၣ်တၢ်ရၤလီၤအီၤလၢ ပှၤလီတၢ်ဝ့ၤတၢ်, ပှၤပာ်မၤအသးတဖၣ်လၢအသးလၢအသ့ၣ်ညါဒၣ်တၢ်ဘၣ် တၢ်မၤသံကွံာ်အီၤဒ်ထးလူအီၣ်သံကွံာ်အီၤအသိးန့ၣ်လီၤ.

တံတူး 1:5

ယပာ်လီၤတဲာ်နၤဖဲကီးကြ့တ့ၤဒ်သိးနကသုးကျဲၤမၤဝံၤမၤဘၣ် က့ၤတၢ်လၢအလိၣ်ဒံးတဖၣ်, ဒီးဃုထၢထီၣ်တၢ်အိၣ်ဖှိၣ်သးပှၢ်တဖၣ်လၢဝ့ၢ်ကိးဖျၢၣ်ဒဲး အပူၤလီၤ. သ့ၣ်နီၣ်ထီၣ်တၢ်လၢယမၤလိာ်နၤတဖၣ်န့ၣ်တက့ၢ်.

၂ ပ့းတရူး 2:12

မ့မ့ၢ်ပှၤသ့ၣ်တဖၣ်အံၤမၤတၢ်လၢတၢ်တဆိကမိၣ်ဆိကမး အပူၤဒ်ဆၣ်ဖိကီၢ်ဖိအရၢၢ်တဖၣ်လၢအဘၣ်တၢ်ဖှံလီၤအီၤလၢ တၢ်ကဖီၣ်န့ၢ်ဒီးမၤသံအီၤအဂီၢ်အသိးန့ၣ်လီၤ. အဝဲသ့ၣ်ကတိၤဒုၣ်ဒွဲၣ်စံးအၢတၢ်လၢအတနၢ်ပၢၢ်ဝဲတဖၣ်န့ၣ်လီၤ. အဝဲသ့ၣ်ကဘၣ်တၢ်မၤဟးဂီၤအီၤဒ်ဆၣ်ဖိကီၢ်ဖိအရၢၢ်တဖၣ် အသိး,

၂ ပ့းတရူး 2:15

အဝဲသ့ၣ်လဲၤသဒၣ်ကွံာ်ကျဲလၢအဘၣ်ဒီးဟးဖျိးကျဲလံလီၤ. အဝဲသ့ၣ်ပိာ်ထွဲကျဲလၢစီၤဘဧိၢ်အဖိခွါစီၤဘံးလၣ်ပိာ်တ့ၢ်ဝဲလၢ အမ့ၢ်တၢ်သးကွံစ့လၢအကမၤန့ၢ်ဝဲခီဖျိတၢ်မၤတၢ်လၢအတဘၣ်,