တံတူး 1:11 - Sgaw Karen Common Bible

¹¹ အလီၢ်အိၣ်လၢပကဘၣ်ဆိကတီၢ်အဝဲသ့ၣ်အတၢ်ကတိၤ, မ့ၢ်လၢအမၤကဒံကဒါဒူၣ်ဖိထၢဖိတဖၣ်ဒီဒူၣ်ဒီထၢခီဖျိတၢ် သိၣ်လိတၢ်လၢအတကြၢးသိၣ်လိဝဲတဖၣ်, ဒီးခဲလၢာ်မ့ၢ်ဒၣ်လၢတၢ်တိာ်လၢအလီၤမဲာ်ဆှးလၢအမ့ၢ် တၢ်မၤန့ၢ်စ့အဂီၢ်န့ၣ်လီၤ.

တံတူး 1:11 Iomraidhean Croise

စံးထီၣ်ပတြၢၤ 107:42

ပှၤအတီအလိၤထံၣ်တၢ်အံၤဒီးသးခုဝဲ, မ့မ့ၢ်ပှၤအၢပှၤသီခဲလၢာ်ကျၢၢ်တံၢ်အထးခိၣ်လီၤ.

စံးထီၣ်ပတြၢၤ 63:11

ဘၣ်ဆၣ်စီၤပၤန့ၣ် ကသးခုလၢကစၢ်ယွၤအပူၤလီၤ. ကယဲၢ်ပှၤလၢအဆိၣ်တၢ်ဒီးအီၤလၢကစၢ်ယွၤအမံၤန့ၣ် ကစံးထီၣ်ပတြၢၤယွၤလီၤ. မ့မ့ၢ်ပှၤလၢအကတိၤတၢ်ကဘျံးကဘျၣ် အထးခိၣ်ကဘၣ်တၢ်ဆွံတံာ်အီၤလီၤ.

လံာ်ယံးရမံယၤ 8:10

လၢတၢ်န့ၣ်အဃိ, ယကဟ့ၣ်လီၤကွံာ်အဝဲသ့ၣ်အစံာ်ဧိၤပှဲၤဧိၤ တဖၣ်ဆူအကစၢ်အသီတဖၣ်အစုပူၤဒီးအဝဲသ့ၣ်အမါတဖၣ်ဆူ ပှၤပိာ်ခွါအဂၤတဖၣ်အအိၣ်န့ၣ်လီၤ. ပှၤကိးဂၤဒဲး, ဒိၣ်မ့ၢ်ဂ့ၤဆံးမ့ၢ်ဂ့ၤ, ကျဲးစၢးမၤန့ၢ်စ့လၢတၢ်တတီတလိၤအပူၤလီၤ. ဝံတဖၣ်ဒီးပှၤလုၢ်တၢ်အခိၣ်တဖၣ်ဒၣ်လဲာ်လီအီၣ်ပှၤဂီၢ်မုၢ်န့ၣ်လီၤ.

လံာ်ယဃ့းစက့လး 13:19

သုမၤဟးဂီၤယလၤကပီၤလၢယပှၤဂီၢ်မုၢ်အမဲာ်ညါဒ်သိးဒီးသု ကမၤန့ၢ်ဘုမုယီၤစှၤစှီၤဒီးကိၣ်စှၤလိၣ်အဂီၢ်န့ၣ်လီၤ. သုမၤသံ ပှၤဂီၢ်မုၢ်လၢအတကြၢးဘၣ်သံဒီးသုပာ်မူပှၤဂီၢ်မုၢ်လၢအတကြၢး မူဘၣ်ဝဲန့ၣ်လီၤ. ဒီးသုတဲယပှၤဂီၢ်မုၢ်လၢတၢ်လီတၢ်ဝ့ၤတဖၣ်ဒီးအဝဲသ့ၣ်နာ်သု န့ၣ်လီၤ.”

လံာ်ယဃ့းစက့လး 16:63

ယကပျၢ်တၢ်ကမၣ်တၢ်တဖၣ်လၢနမၤတ့ၢ်အီၤခဲလၢာ်, ဘၣ်ဆၣ်ဒီးနကသ့ၣ်နီၣ်တၢ်တဖၣ်န့ၣ်, ဒီးနကမဲာ်ဆှးကဲၣ်ဆိးလၢနကအဲးထီၣ်နထးခိၣ်အဂီၢ်န့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်မံကၤ 3:11

ဝ့ၢ်အပဒိၣ်တဖၣ်န့ၣ်ပၢတၢ်လၢခိၣ်ဖးလာ်ဆှိးတဖၣ်အဂီၢ်, ပှၤလုၢ်တၢ်အခိၣ်တဖၣ်ကတိၤကျိးထံတၢ်သိၣ်တၢ်သီလၢတၢ်အဘူး အလဲအဂီၢ်ဒီးဝံတဖၣ်ဖးတၢ်လၢစ့အဂီၢ်, ဒီးစံးသကိးခဲလၢာ်လၢယွၤအိၣ်ဒီးအဝဲသ့ၣ်လီၤ. ဒီးစံးဝဲဒၣ်, “တၢ်အၢတဘၣ်ဘၣ်ပှၤနီတမံၤဘၣ်. ယွၤအိၣ်ဒီးပှၤလီၤ”.

လံာ်မံကၤ 3:5

ယပှၤဂီၢ်မုၢ်ဘၣ်တၢ်လီန့ၢ်အီၤလၢဝံတဖၣ်လၢအအၢၣ်လီၤတၢ်ဃူတၢ် ဖိးဆူပှၤတဖၣ်လၢအဟ့ၣ်အီၤစ့, ဘၣ်ဆၣ်ဒီးပှၤလၢအတဟ့ၣ်တဖၣ်န့ၣ်မၤပျံၤမၤဖုးဝဲလၢတၢ်ဒုးတၢ်ယၤလီၤ. ယွၤစံးဘၣ်ဝံသ့ၣ်တဖၣ်အံၤ,

လံာ်မးသဲ 23:13

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ, ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုကးတံာ်ဃာ်မူခိၣ်အဘီအမုၢ်အတြဲၤဒ်သိးပှၤဂၤ အသုတလဲၤနုာ်ဘၣ်တဂ့ၤအဂီၢ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်ဒီး, သုတပျဲနုာ်စ့ၢ်ကီးပှၤလၢအကျဲးစၢးလဲၤနုာ်ဝဲတဖၣ်ဘၣ်.

လံာ်လူၤကၣ် 20:40

အဂ့ၢ်မ့ၢ်လၢ, အဝဲသ့ၣ်သံကွၢ်အီၤတၢ်ဆူညါတဘူၣ်လၢၤဘၣ်အဃိလီၤ.

လံာ်ယိၤဟၣ် 10:12

ပှၤဒိးလဲအသးလၢအတမ့ၢ်ပှၤကွၢ်သိတဂၤဒီးသိတမ့ၢ်အတၢ် ဘၣ်န့ၣ်, တုၤအထံၣ်ထွံၣ်မံၤဟဲဒီးအဝဲပာ်တ့ၢ်ကွံာ်သိဒီးဃ့ၢ် ကွံာ်ဝဲသတးဒီး, ထွံၣ်မံၤဂုာ်အ့ၣ်သိဒီးမၤလီၤပြံပြါကွံာ်သိ တဖၣ်န့ၣ်လီၤ.

ရိမ့ၤ 3:19

ခဲအံၤပသ့ၣ်ညါလၢတၢ်မၤလိာ်ခဲလၢာ်လၢတၢ်သိၣ်တၢ်သီအပူၤန့ၣ်, ဘၣ်ထွဲဒီးပှၤလၢအအိၣ်လၢတၢ်သိၣ်တၢ်သီအဖီလာ်, ဒ်သိးပှၤဟီၣ်ခိၣ်ဖိအသုတကတိၤပူၤဖျဲးအသးနီတဂၤတဂ့ၤဒီး ဟီၣ်ခိၣ်ဒီဘ့ၣ်ကဒိးဘၣ်ကစၢ်ယွၤအတၢ်စံၣ်ညီၣ်အဂီၢ်န့ၣ်လီၤ.

၂ ကရံၣ်သူး 11:10

ဒ်ခရံာ်အတၢ်မ့ၢ်တၢ်တီလၢအအိၣ်လၢယပူၤအသိးန့ၣ်, ယအၢၣ်လီၤအီလီၤယဲလၢယတၢ်ကတိၤတၢ်ကဖၢလၢတမံၤ အံၤတဘၣ်တၢ်မၤဘှ့ၣ်မၤဘှီၣ်အီၤလၢကီၢ်အဃါယၤဒီဘ့ၣ် အပူၤလၢတၢ်လီၢ်နီတတီၤဘၣ်.

၁ တံၤမသ့း 5:13

အဝဲသ့ၣ်မၤန့ၢ်ပှၤကၢၣ်ပှၤကျူအလုၢ်အလၢ်, ဒီးဟးဝ့ၤဝီၤဝဲ တဟံၣ်စဲတဟံၣ်, ဒီးအၢန့ၢ်အန့ၣ်, အဝဲသ့ၣ်သီၣ်ဝံသဲကလၤလၢပှၤအဂ့ၢ်ဒီးနုာ်လီၤမၤသဘံၣ်ဘုၣ် အသးလၢပှၤဂၤအတၢ်ဂ့ၢ်အပူၤ, ဒီးကတိၤတၢ်လၢအတဂ့ၤ ကတိၤဝဲတဖၣ်န့ၣ်လီၤ.

၁ တံၤမသ့း 5:4

ဘၣ်ဆၣ်မုၣ်ကမဲတဂၤမ့ၢ်အိၣ်ဒီးအဖိ, မ့တမ့ၢ်အလံၤတဖၣ်န့ၣ်ဒီး, အဝဲသ့ၣ်ကဘၣ်မၤလိဆိတၢ်မၤလၢပှဲၤအတၢ်ဘူၣ်တၢ်ဘါအမူ အဒါတဖၣ်လၢအဒူၣ်ဖိထၢဖိဒၣ်ဝဲအဂီၢ်, ဒီးလၢကျဲဒ်အံၤန့ၣ်မၤဘျုးက့ၤမိၢ်ပၢ်ဖံဖုတဖၣ်, အဂ့ၢ်မ့ၢ်လၢတၢ်အံၤမ့ၢ်တၢ်ဘၣ်ကစၢ်ယွၤအသးအဃိန့ၣ်လီၤ.

၁ တံၤမသ့း 6:5

ဒီးတၢ်ဂ့ၢ်လိာ်ဘှီလိာ်တထံၣ်ဃီလၢပှၤလၢအတဆိကမိၣ်ဆိ ကမးတၢ်ဒီးလၢအတအိၣ်လၢၤဒီးတၢ်မ့ၢ်တၢ်တီတဖၣ်အသိး အကျါန့ၣ်လီၤ. အဝဲသ့ၣ်ဆိကမိၣ်ဝဲလၢတၢ်ဘူၣ်တၢ်ဘါမ့ၢ်ကျဲ တဘိလၢပှၤကထူးထီၣ်တီၤထီၣ်အဂီၢ်န့ၣ်လီၤ.

၂ တံၤမသ့း 2:18

အဝဲသ့ၣ်ဟးသဒၣ်ကွံာ်တၢ်မ့ၢ်တၢ်တီအကျဲဒီးမၤကဒံကဒါကွံာ် ပှၤတနီၤအတၢ်စူၢ်တၢ်နာ်, ခီဖျိအစံးဝဲလၢတၢ်ဂဲၤဆၢထၢၣ်သမူထီၣ်က့ၤန့ၣ်မၤတ့ၢ်လံ အသးအဃိန့ၣ်လီၤ.

၂ တံၤမသ့း 3:6

အဝဲသ့ၣ်တနီၤလဲၤနုာ်ဆူပှၤအဟံၣ်ပူၤဒီးကွဲန့ၢ်လွဲန့ၢ်ပိာ် မုၣ်ဂံၢ်စၢ်ဘါစၢ်တဖၣ်လၢအအိၣ်ဒီးတၢ်ဒဲးဘးအတၢ်ဝံ တၢ်ယိးဒီးပိာ်ထွဲတၢ်သူၣ်လီသးကွံအကလုာ်ကလုာ် အခံန့ၣ်လီၤ.

တံတူး 1:7

မ့ၢ်လၢတၢ်အိၣ်ဖှိၣ်အခိၣ်အနၢ်တဂၤအံၤအမူအဒါအိၣ်လၢ ကစၢ်ယွၤတၢ်မၤအဂီၢ်အဃိ, အတၢ်ကမၣ်တကြၢးအိၣ်ဘၣ်. အဝဲတဘၣ်ပာ်ဒိၣ်ပာ်ထီအသး, မ့တမ့ၢ်သးထီၣ်ချ့, မ့တမ့ၢ်အီမူၤအီဘှီးအသး, မ့တမ့ၢ်မၤတၢ်လၢတၢ်စုဆူၣ်ခီၣ် တကးအပူၤ, မ့တမ့ၢ်သးကွံစ့န့ၣ်ဘၣ်.

တံတူး 1:9

အဝဲကဘၣ်ဟံးဃာ်ဂၢၢ်ကျၢၤတၢ်ကစီၣ်လၢတၢ်နာ်န့ၢ်အီၤသ့ဒီးဃူ ဃီၣ်လီၤပလိာ်ဒီးတၢ်သိၣ်လိသီလိအမ့ၢ်အတီန့ၣ်လီၤ. လၢကျဲဒ်အံၤန့ၣ်, အဝဲဟ့ၣ်ဂံၢ်ဟ့ၣ်ဘါပှၤဂၤတဖၣ်လၢတၢ်သိၣ်လိသီလိအမ့ၢ် အတီသ့ဝဲ, ဒီးဒုးနဲၣ်ပှၤလၢအထီဒါတၢ်တဖၣ် အတၢ်ကမၣ် သ့စ့ၢ်ကီးန့ၣ်လီၤ.

တံတူး 3:10

ပှၤတဂၤလၢအဒုးအိၣ်ထီၣ်တၢ်လီၤဖးတဖၣ်န့ၣ်, ဟ့ၣ်ပလီၢ်အီၤတဘျီခံဘျီဝံၤအလီၢ်ခံတဘၣ်ကနၣ်ဃုာ်လၢၤ အီၤတဂ့ၤ.