တံတူး 1:10 - Sgaw Karen Common Bible

¹⁰ အဂ့ၢ်ဒ်အံၤ, ပှၤအိၣ်ဝဲအါဂၤလၢအထီဒါတၢ်ဒီးကတိၤတၢ်လၢ အခီပညီတအိၣ်ဒီးလီန့ၢ်ပှၤဂၤတဖၣ်န့ၣ်လီၤ. ပှၤတဖၣ်အံၤပထံၣ်အီၤလီၤဆီဒၣ်တၢ်လၢပှၤယူဒၤဖိလၢ အကဲထီၣ်ပှၤခရံာ်ဖိတဖၣ်အကျါန့ၣ်လီၤ.

တံတူး 1:10 Iomraidhean Croise

လံာ်မးသဲ 23:14

(ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုဃုသုဘျုးလၢပှၤမုၣ်ကမဲတဖၣ်အဖီခိၣ်, တုၤလၢသုဂုာ်န့ၢ်ဆူၣ်အဝဲသ့ၣ်အဟံၣ်အဃီ, ဒီးသုပာ်မၤသုသးဒ်ပှၤဂ့ၤပှၤဝါအသိး, ခီဖျိတၢ်ဃ့ဘါထုကဖၣ်ဖးထီတၢ်န့ၣ်လီၤ. လၢတၢ်အံၤအဃိ, သုကဘၣ်တၢ်စံၣ်ညီၣ်ဃၣ်သုနးဒၣ်တၢ်တက့ၢ်လီၤ.)

မၤတၢ် 11:2

သတးဒီးဖဲစီၤပ့းတရူးလဲၤထီၣ်ဆူယရူၤၡလ့ၣ်န့ၣ်, အပျဲၢ်အဘီၣ်လၢအဟံးဃာ်ဒံးတၢ်စူၢ်တၢ်နာ်ဘၣ်ဃး တၢ်ကူးတရံးတဖၣ်ကတိၤပာ်တၢ်ကမၣ်လၢအလိၤ

မၤတၢ် 15:1

အန့ၣ်ဝံၤအလီၢ်ခံ, ပှၤတနီၤဟဲလၢကီၢ်ယူဒၤဆူဝ့ၢ်အၣ်တံၤအီာ်ဒီး သိၣ်လီၤသီလီၤပှၤစူၢ်က့ၤနာ်က့ၤတၢ်တဖၣ်ဒီးစံး, “သုမ့ၢ်တဒိးတၢ်ကူးတရံးဒ်စီၤမိၤၡ့အတၢ်သိၣ်တၢ်သီ အိၣ်ဝဲအသိးဘၣ်န့ၣ်, သုဒိးန့ၢ်တၢ်အုၣ်က့ၤခီၣ်က့ၤတသ့ဘၣ်.”

မၤတၢ် 15:24

ပနၢ်ဟူဘၣ်လၢပှၤလၢပသိးပကျါတနီၤလဲၤမၤတံာ်တာ်ဒီး မၤဟးဂီၤသုသးခီဖျိအတၢ်စံးတၢ်ကတိၤန့ၣ်လီၤ. ဘၣ်ဆၣ်ဒီး, အဝဲသ့ၣ်တမ့ၢ်ပှၤလၢပမၢလီၤအီၤဒ်သိးအကလဲၤ မၤတၢ်ဒ်န့ၣ်ဘၣ်.

မၤတၢ် 20:29

ယသ့ၣ်ညါယဲဒၣ်လၢယဟးထီၣ်ဝံၤအလီၢ်ခံန့ၣ်, ထွံၣ်မံၤအဒူတဖၣ်ကဟဲနုာ်လီၤဆူသုကျါ, ဒီးတပျဲပူၤသိတဖၣ် န့ၣ်ဘၣ်.

ကလၤတံ 2:4

သနာ်က့ပှၤတနီၤအဲၣ်ဒိးဝဲလၢအဝဲဒၣ်ကမၤဝဲန့ၣ်လီၤ. ပှၤသ့ၣ်တဖၣ်အံၤပာ်မၤအသးဒ်အမ့ၢ်ပှၤစူၢ်က့ၤနာ်က့ၤတၢ် သကိးသကိးဒီးပှၤဒီးနုာ်လီၤဆူပကျါဒ်ပှၤကွၢ်ဟုၣ်ကွၢ်စုာ် တၢ်တဖၣ်အသိး, ဒ်သိးအကဃုသ့ၣ်ညါတၢ်သဘျ့လၢ အအိၣ်ဒီးပှၤခီဖျိပတၢ်မ့ၢ်တၢ်တမံၤဃီဒီးယ့ၣ်ၡူးခရံာ် န့ၣ်လီၤ. အဝဲသ့ၣ်အသးအိၣ်လၢပကကဲထီၣ်တၢ်အကုၢ် အပှၤလီၤ.

ကလၤတံ 3:1

ပှၤဟးဂီၤပှၤကလၤတံဖိသ့ၣ်ဧၢ, မ့ၢ်မတၤမၤကဒါသုမဲာ်တဂၤ လဲၣ်. သုဘၣ်တၢ်ပာ်ဖျါထီၣ်န့ၢ်သုဖျါဖျါဘၣ်ဃးဒီးယ့ၣ်ၡူးခရံာ် အတၢ်သံလၢထူၣ်စုညါအလိၤလီၤ.

အ့းဖ့းစူး 4:14

တုၤနုၤတစုပတမ့ၢ်လၢၤပှၤဖိသၣ်လၢအဘၣ်တၢ်ဆှၢကဒံ ဆှၢကဒါဒီးထုးဝ့ၤထုးဝီၤအီၤလၢပှၤလီန့ၢ်တၢ်ဖိအတၢ်သိၣ်လိ သီလိအကလံၤလၢအဆှၢကမၣ်ပှၤခီဖျိတၢ်လီတၢ်ဝ့ၤအတၢ် ကူၣ်သ့န့ၣ်လၢၤဘၣ်.

၁ တံၤမသ့း 1:4

စံးဘၣ်တဲဘၣ်အဝဲသ့ၣ်လၢအသုတမၤလၢာ်အဆၢကတီၢ် လၢတၢ်စံၣ်ဃဲၤတဲဃဲၤလၢပျၢၤတဖၣ်ဒီးတၢ်ယၢၤထီၣ်ဖးထီ တၢ်ဟဲလီၤစၢၤတဖၣ်န့ၣ်တဂ့ၤ. တၢ်သ့ၣ်တဖၣ်အံၤဒုးအိၣ်ထီၣ်ဒၣ်တၢ်ဂ့ၢ်လိာ်ဘှီလိာ်တဖၣ်ဒီး တမၤထီၣ်မၤထီကစၢ်ယွၤအတၢ်ကူၣ်ထီၣ်ဖးလီၤလၢ တၢ်သ့ၣ်ညါအီၤသ့ဒၣ်ထဲလၢတၢ်စူၢ်တၢ်နာ်န့ၣ်ဘၣ်.

၁ တံၤမသ့း 1:6

ပှၤတနီၤဃၣ်ကွံာ်အသးလၢတၢ်သ့ၣ်တဖၣ်အံၤဒီးလဲၤကမၣ် ဆူတၢ်ကတိၤသကိးတၢ်လၢအခီပညီတအိၣ်တဖၣ်အပူၤ န့ၣ်လီၤ.

၁ တံၤမသ့း 1:9

ပကဘၣ်သ့ၣ်နီၣ်ထီၣ်က့ၤလၢတၢ်သိၣ်တၢ်သီတဖၣ်ဘၣ်တၢ် ဒုးအိၣ်ထီၣ်အီၤတမ့ၢ်လၢပှၤအဂ့ၤအဝါတဖၣ်အဂီၢ်ဘၣ်. မ့မ့ၢ်တခီ, မ့ၢ်လၢပှၤမၤကမၣ်တၢ်သိၣ်တၢ်သီတဖၣ်, ပှၤအၢပှၤသီတဖၣ်, ပှၤတယူးတယီၣ်ယွၤဒီးမၤတၢ်ဒဲးဘးတဖၣ်, ပှၤလၢအတၢ် အဲၣ်ထူအဲၣ်ယွၤမ့ၢ်ဂ့ၤ, တၢ်အိၣ်မူလၢသူၣ်လၢသးမ့ၢ်ဂ့ၤ တအိၣ်ဘၣ်တဖၣ်, ပှၤလၢအမၤသံအပၢ်မ့တမ့ၢ်အမိၢ် တဖၣ်, ပှၤလၢအမၤသံပှၤကညီတဖၣ်,

၂ တံၤမသ့း 3:13

မ့မ့ၢ်ပှၤအၢပှၤသီဒီးပှၤလီတၢ်ဝ့ၤတၢ်တဖၣ်န့ၣ်ကလဲၤတၢ် ဒံးယံာ်ဒံးအၢထီၣ်, ကလီပှၤဂၤတဖၣ်ဒီးကဘၣ်တၢ်လီ န့ၢ်အီၤစ့ၢ်ကီးန့ၣ်လီၤ.

၂ တံၤမသ့း 4:4

အဝဲသ့ၣ်ကဃၣ်ကွံာ်အသးလၢတၢ်ဒိကနၣ်တၢ်မ့ၢ်တၢ်တီဒီးအသးကစၢၢ် ဆၢလၢပူတဖၣ်လၢပှၤကညီဒုးကဲထီၣ်အီၤန့ၣ်လီၤ.

တံတူး 1:6

တၢ်အိၣ်ဖှိၣ်သးပှၢ်ကဘၣ်မ့ၢ်ပှၤလၢအတၢ်ကမၣ်တအိၣ် ဘၣ်, အမါကဘၣ်အိၣ်ဒၣ်ထဲတဂၤဧိၤ, ဒီးအဖိတဖၣ်ကဘၣ်မ့ၢ်ပှၤစူၢ်က့ၤနာ်က့ၤတၢ်ဒီးအမံၤ တဘၣ်ဟူထီၣ်သါလီၤလၢအမ့ၢ်ပှၤအအၢအသီ, မ့တမ့ၢ်တဒိကနူၤဒိကနၣ်တၢ်န့ၣ်ဘၣ်.

ယၤကိာ် 1:26

ပှၤတဂၤဂၤဆိကမိၣ်လီၤအသးလၢအမ့ၢ်ပှၤအဲၣ်ထူအဲၣ်ယွၤ န့ၣ်ဧါ. အဝဲမ့ၢ်တပၢၤအပျ့ၤဘၣ်ဒီးအတၢ်ဘူၣ်တၢ်ဘါမ့ၢ်တၢ်လၢ အလုၢ်အပှ့ၤတအိၣ်ဘၣ်ဒီးအဝဲဒၣ်လီလီၤအသးလီၤ.

၁ ယိၤဟၣ် 2:18

ယဖိယလံၤသ့ၣ်ဧၢ, တၢ်အကတၢၢ်ဘူးထီၣ်လံ. သုဘၣ်တၢ်စံးဘၣ်တဲဘၣ်တ့ၢ်သုလၢခရံာ်အဒုၣ်အဒါ ကဟဲဝဲ, ဒီးခဲအံၤခရံာ်အဒုၣ်အဒါအါဂၤဟဲပၢၢ်ထီၣ်တ့ၢ်လံဝဲ အဃိသတးဒီး, ပသ့ၣ်ညါလၢတၢ်အကတၢၢ်ဘူးထီၣ်လံ န့ၣ်လီၤ.

၁ ယိၤဟၣ် 2:4

ပှၤတဂၤဂၤမ့ၢ်စံးလၢယသ့ၣ်ညါအီၤ, ဒီးမ့ၢ်တစူၢ်ဘၣ် အတၢ်မၤလိာ်တဖၣ်ဘၣ်ဒီး, ပှၤဒ်န့ၣ်အသိးတဂၤန့ၣ် မ့ၢ်ပှၤလၢအလီတၢ်ဒီးတၢ်မ့ၢ်တၢ်တီတအိၣ်လၢအပူၤဘၣ်.

၁ ယိၤဟၣ် 4:1

ယတံၤသကိးသးဘိသ့ၣ်ဧၢ, ပှၤလၢအစံးလီၤအသးလၢအအိၣ်ဒီးယွၤအသးခဲလၢာ်န့ၣ်, နာ်အီၤတဂ့ၤ. မ့မ့ၢ်, မၤကွၢ်အီၤဒ်သိးသုကထံၣ်သ့ၣ်ညါသးလၢအအိၣ်ဒီးအဝဲသ့ၣ်, မ့ၢ်အဟဲလၢကစၢ်ယွၤအအိၣ်ကစီဒီဧါအဂီၢ်န့ၣ်တက့ၢ်. အဂ့ၢ်ဒ်လဲၣ်န့ၣ်, ဝံအဘျၣ်အါဂၤအိၣ်ထီၣ်ဝဲလၢဟီၣ်ခိၣ်ချၢလံ.

လံာ်လီၣ်ဖျါ 2:14

ဘၣ်ဆၣ်ဒီးတၢ်ဂ့ၢ်အိၣ်ဝဲစှၤမံၤလၢယကပာ်တၢ်ကမၣ်လၢ နလိၤအဂီၢ်လီၤ. ပှၤအိၣ်ဝဲလၢသုသိးသုကျါတနီၤ, လၢအပိာ်ထွဲစီၤဘံးလၣ်အတၢ်သိၣ်လိ, စီၤဘံးလၣ်လၢအသိၣ်လိစီၤဘၤလးဒ်သိးအကဆှၢ အံၣ်စရ့လးအပှၤဂီၢ်မုၢ်တဖၣ်ဆူတၢ်ဒဲးဘး, ခီဖျိအသဆၣ်ထီၣ်အဝဲသ့ၣ်အခံဒ်သိးအကအီၣ် တၢ်အီၣ်လၢအဘၣ်တၢ်လုၢ်ထီၣ်အီၤဆူတၢ်ဂီၤတၢ်ဖီၣ်, ဒီးအကမၤကမၣ်မုၣ်ကမၣ်ခွါအဂီၢ်န့ၣ်လီၤ.

လံာ်လီၣ်ဖျါ 2:6

ဘၣ်ဆၣ်ဒီး, အအံၤမ့ၢ်တၢ်ဂ့ၤတမံၤလၢအအိၣ်ဒီးနၤလီၤ. နသးဟ့နဲပှၤနံၤကလါဖိတဖၣ်အတၢ်မၤထဲသိးသိးယသး ဟ့ယဲစ့ၢ်ကီးန့ၣ်လီၤ.