လံာ်တၢ်သးဝံၣ်တဖၣ်အတၢ်သးဝံၣ် 8:9 - Sgaw Karen Common Bible

⁹ အဝဲမ့မ့ၢ်တၢ်ဒူၣ်တခါဒီး, ပကဘှီထီၣ်န့ၢ်အီၤတၢးခၢၣ်သနၢၣ်စ့တဖျၢၣ်န့ၣ်လီၤ. ဘၣ်ဆၣ်အဝဲမ့မ့ၢ်ကျဲစၢၤတပူၤဒီး, ပကဒီဒၣ်အိၣ်ပှိၤအီၤလၢသ့ၣ်ဆှိးအ့ရ့းအသ့ၣ်ဘၣ်တဖၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 8:9 Iomraidhean Croise

လံာ်စီၤပၤအခီၣ်ထံးတဘ့ၣ် 6:15

တၢ်ဒူၣ်တဖၣ်အအိပူၤဘၣ်တၢ်ကးဘၢအီၤလၢသ့ၣ်ဆှိအ့ရ့းအသ့ၣ်ဘၣ် တဖၣ်စးထီၣ်လၢအဒါတုၤလၢအခိၣ်ဒုးလာ်, ဒီးတၢ်ဒါန့ၣ်ဘၣ်တၢ်ဒါလီၤအီၤလၢသ့ၣ်ဆှိန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:11

ဘၣ်ဆၣ်ဒီးပကပိာ်န့ၢ်နၤဖဲထူတပျံၤ ဒီးတၢ်ကယၢကယဲတဖၣ်လၢတၢ်မၤအီၤလၢစ့န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 2:9

ပှၤလၢယအဲၣ်အီၤတဂၤလီၤဂာ်ဒ်တၤဟိစဘံတဒု, လီၤဂာ်ဒ်တၤဃီၤဖါသးစၢ်တဒုအသိးန့ၣ်လီၤ. အဝဲဆၢထၢၣ်ဝဲလၢတၢ်ဒူၣ်အကပၤ, ကွၢ်နုာ်တၢ်ခီဖျိပဲတြီဖိတဖၣ်, ဒီးကွၢ်တကျ့တၢ်ခီဖျိပဲတြီကဘျံးဖိတဖၣ်န့ၣ်လီၤ.

လံာ်ယၡါယၤ 58:12

သုပှၤဂီၢ်မုၢ်ကသူၣ်ထီၣ်ဘှီထီၣ်ကဒါက့ၤတၢ်လၢအအိၣ်ယံာ် တ့ၢ်လံလၢတၢ်ဟးဂီၤအပူၤတဖၣ်, သူၣ်ထီၣ်ဘှီထီၣ်ကဒါက့ၤ တၢ်လၢတၢ်အခီၣ်ထံးလီၢ်လံၤတဖၣ်အဖီခိၣ်န့ၣ်လီၤ. သုကဘၣ်တၢ်သ့ၣ်ညါသုဒ်, ပှၤဂီၢ်မုၢ်တဖုလၢအသူၣ်ထီၣ်ဘှီ ထီၣ်ကဒါက့ၤတၢ်အခိၣ်ဒူတဖၣ်ဒီးမၤထီၣ်ကဒါက့ၤဟံၣ်ဃီ လၢအဟးဂီၤတဖၣ်, အသိးန့ၣ်လီၤ.”

လံာ်ယၡါယၤ 60:17

ယကဟဲစိာ်န့ၢ်နၤထူလၢတိၢ်ဘီအလီၢ်, စ့ဒီးတိၢ်ဘီလၢထးဒီးသ့ၣ်အလီၢ်, ဒီးထးလၢလၢၢ်အလီၢ်န့ၣ်လီၤ. ပှၤလၢအပၢနၤတဖၣ်တမၤအၢမၤနးနၤနီတစုလၢၤဘၣ်, ယကမၢအဝဲသ့ၣ်ပၢတၢ်လၢတၢ်စံၣ်ညီၣ်တီဒီး တၢ်ဃူတၢ်ဖိးအပူၤလီၤ.

လံာ်ယၡါယၤ 61:4

အဝဲသ့ၣ်ကသူၣ်ထီၣ်ဘှီထီၣ်ကဒါက့ၤဝ့ၢ်တဖၣ်လၢအအိၣ်ယံာ် တ့ၢ်လံလၢတၢ်ဟးဂီၤအပူၤန့ၣ်လီၤ.

လံာ်မးသဲ 16:18

ဒီးယဲဒၣ်အံၤယစံးလၢနမ့ၢ်ပ့းတရူး, လၢၢ်တဖျၢၣ်, ဒီးလၢလၢၢ်အံၤအဖီခိၣ်န့ၣ်, ယကသူၣ်ထီၣ်ယတၢ်အိၣ်ဖှိၣ်, ဒီးတၢ်သံအစိကမီၤဒၣ်လဲာ်မၤနၢၤအီၤတန့ၢ်ဘၣ်လီၤ.

မၤတၢ် 14:27

ဖဲအဝဲသ့ၣ်က့ၤတုၤဖဲဝ့ၢ်အၣ်တံၤအီာ်န့ၣ်, ကိးဖှိၣ်ပှၤတၢ်အိၣ်ဖှိၣ်ဖိတဖၣ်တပူၤဃီဒီးစံးဘၣ်တဲဘၣ် အဝဲသ့ၣ်တၢ်ခဲလၢာ်ဘၣ်ဃးကစၢ်ယွၤအတၢ်မၤဃုာ်တၢ်ဒီးအီၤ, ဒီးဘၣ်ဃးအဝဲအိးဟိထီၣ်ကျဲလၢပှၤကလုာ်ဂၤတဖၣ်ကစူၢ် ကနာ်တၢ်အဂီၢ်ဒ်လဲၣ်န့ၣ်လီၤ.

မၤတၢ် 15:16

‘လၢခံန့ၣ်ယကဟဲက့ၤ, ဒီးဒုးအိၣ်ထီၣ်က့ၤစီၤဒၤဝံးအဘီအမုၢ်လီၤ. ယကသူၣ်ထီၣ်က့ၤအတၢ်ဟးဂူာ်ဟးဂီၤတဖၣ်, ဒီးမၤဂၢၢ်ကျၢၤက့ၤကဒီးအီၤလီၤ.

လံာ်သိၣ်လီၤသီလီၤတၢ် 22:8

ဖဲသုဘှီထီၣ်ဟံၣ်အသီတဖျၢၣ်န့ၣ်, မၤလီၤတံၢ်လၢသု ကဒူၣ်ဝးတရံးဟံၣ်ခိၣ်ဒုးအထိးနါဒီးထးဘိတက့ၢ်. အန့ၣ်ဒီး, ပှၤတဂၤဂၤမ့ၢ်လီၤတဲာ်ဒီးသံန့ၣ်, သုမူသုဒါတအိၣ်ဘၣ်လီၤ.