လံာ်တၢ်သးဝံၣ်တဖၣ်အတၢ်သးဝံၣ် 8:2 - Sgaw Karen Common Bible

² ယကဆှၢနၤဆူယမိၢ်အဟံၣ်ပူၤ, တၢ်လီၢ်ဖဲနကသိၣ်လိယၤလၢတၢ်အဲၣ်န့ၣ်လီၤ. ယကဟ့ၣ်နၤထံခၣ်လၢအဃါဃုာ်ဒီးတၢ်နၢမူအစီ, ယသလဲသၣ်အစပံးထံလၢနကအိအီၤအဂီၢ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 8:2 Iomraidhean Croise

တၢ်ကတိၤဒိ. 9:2

မၤသံတ့ၢ်ဆၣ်ဖိကီၢ်ဖိတဒုလၢမူးတမူးအဂီၢ်, မၤဃါဃုာ်တၢ်နၢမူလၢစပံးထံအပူၤဒီးကတဲာ်ကတီၤအစီၢ်နီၤ ခိၣ်လံ.

လံာ်တၢ်သးဝံၣ်တဖၣ်အတၢ်သးဝံၣ် 3:4

တုၤယလဲၤပူၤကွံာ်အဝဲသ့ၣ်တဘျီဃီန့ၣ်, ယထံၣ်န့ၢ်က့ၤပှၤလၢ ယအဲၣ်အီၤတဂၤလီၤ. ယဟံးဃာ်အီၤကျၢၤကျၢၤ, တုၤလီၤလၢယက့ၤကိးအီၤဆူယမိၢ်အဟံၣ်ပူၤ, ဒီးဒၢးလၢယအိၣ်ဖျဲၣ်ထီၣ်အပူၤန့ၣ်, ယတပျၢ်အီၤလၢၤဘၣ်.

လံာ်တၢ်သးဝံၣ်တဖၣ်အတၢ်သးဝံၣ် 4:10

နတၢ်အဲၣ်န့ၣ်ဒုးသးခုယၤ, ယတၢ်အဲၣ်ဒီးယတလးမူးပိာ်မုၣ်ဧၢ. နတၢ်အဲၣ်န့ၣ်ဂ့ၤန့ၢ်စပံးထံ, နထံနၢမူတဖၣ်နၢမူဒိၣ်န့ၢ်ဒံးတၢ်နၢမူအဂၤတဖၣ်တက့ၢ်န့ၣ် လီၤ.

လံာ်တၢ်သးဝံၣ်တဖၣ်အတၢ်သးဝံၣ် 7:12

ပကဂဲၤဆၢထၢၣ်ဂီၤဂီၤဒီးကွၢ်စပံးမုၢ်တဖၣ်, ဒီးထံၣ်မ့ၢ်အဒိၣ်ထီၣ်လံဧါ, မ့ၢ်အဝဲသ့ၣ်ဘိၣ်ထီၣ်ဖးထီၣ်လံဧါ, ဒီးသ့ၣ်သလဲသၣ်ဖျိထီၣ်လံဧါန့ၣ်တက့ၢ်. ဖဲန့ၣ်ယကဟ့ၣ်နၤယတၢ်အဲၣ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 7:9

ဒီးနကိာ်ပူၤလီၤဂာ်ဒ်စပံးထံအဂ့ၤကတၢၢ်အသိးန့ၣ်လီၤ. မ်စပံးထံယွၤလီၤန့ၢ်ယတၢ်အဲၣ်, ယွၤလီၤလၢအနိးဖံးဒီးအမဲအလိၤန့ၣ်တက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 8:1

ယဆၢမုၢ်လၢ်လၢနကမ့ၢ်ယဒီပုၢ်ဝဲၢ်ခွါ, လၢယမိၢ်ဒုးအီတ့ၢ်အီၤအနုၢ်န့ၣ်လီၤ. တုၤနုၤတစု, ယမ့ၢ်ဘၣ်သဂၢၢ်နၤလၢကျဲခိၣ်ဒီး, ယနၢမူနၤကသ့, ဒီးတမ့ၢ်ပှၤကတဲယၤနီတဂၤဘၣ်.

လံာ်ယိၤဟၣ် 5:39

သုဃုကွၢ်ထံတၢ်ကွဲးအသးစီဆှံတဖၣ်, မ့ၢ်လၢသုဆိကမိၣ် လၢသုကန့ၢ်ဘၣ်တၢ်မူအထူအယိာ်လၢအပူၤအဃိလီၤ. ဒီးတၢ်ကွဲးအသးစီဆှံတဖၣ်အံၤအုၣ်အသးလၢယဂ့ၢ်လီၤ.

ကလၤတံ 4:26

မ့မ့ၢ်ယရူၤၡလ့ၣ်လၢအဘၣ်ဃးဒီးမူခိၣ်တဝ့ၢ်န့ၣ်အိၣ်သဘျ့ဝဲ ဒီးအဝဲမ့ၢ်ပမိၢ်န့ၣ်လီၤ.

၂ တံၤမသ့း 3:15

ဒီးလၢနမ့ၢ်ဖိသၣ်လံၤလံၤန့ၣ်, နသ့ၣ်ညါတ့ၢ်တၢ်ကွဲးအသးစီဆှံ တဖၣ်လၢအဟ့ၣ်နၤတၢ်ကူၣ်တၢ်ဆးလၢအဆှၢနၤဆူတၢ်အုၣ်က့ၤ ခီၣ်က့ၤခီဖျိတၢ်စူၢ်က့ၤနာ်က့ၤယ့ၣ်ၡူးခရံာ်န့ၣ်လီၤ.

၂ ပ့းတရူး 1:19

လၢတၢ်န့ၣ်အဃိ, တၢ်ကစီၣ်လၢဝံတဖၣ်တဲဖျါထီၣ်ဝဲဒၣ်န့ၣ်, လီၤတံၢ်လၢပဂီၢ်ဒိၣ်န့ၢ်အလီၢ်တက့ၢ်လီၤ. သုဂ့ၤပာ်သူၣ်ပာ်သး လၢတၢ်ကစီၣ်အံၤလၢအလီၤဂာ်ဒီးမ့ၣ်အူဒၢကပီၤထီၣ်လၢတၢ် ခံးကျါတုၤလီၤလၢမုၢ်ဆ့ၣ်ထီၣ်ဒီးဆၣ်တူၢ်ဂီၤအတၢ်ကပီၤ ကပီၤထီၣ်လၢသုသးကံၢ်ပူၤတစုန့ၣ်လီၤ.

လံာ်လီၣ်ဖျါ 19:10

ယထိၣ်လီၤပှီၤယသးလၢအဝဲဒၣ်အမဲာ်ညါဒ်သိးယကဘူၣ် ထီၣ်ဘါထီၣ်အီၤ, ဘၣ်ဆၣ်ဒီးအဝဲဒၣ်စံးဘၣ်ယၤ, “တဘၣ်မၤတဂ့ၤ, ယမ့ၢ်တၢ်ခ့တၢ်ပှၤသကိးတၢ်ခ့တၢ်ပှၤ ဒီးနၤ, ဒီးနဒီပုၢ်ဝဲၢ်တဖၣ်, ကယဲၢ်ပှၤသ့ၣ်တဖၣ်လၢအဟံးဃာ်တၢ်မ့ၢ်တၢ်တီလၢ ယ့ၣ်ၡူးလီၣ်ဖျါဝဲန့ၣ်လီၤ. ဘူၣ်ထီၣ်ဘါထီၣ်ကစၢ်ယွၤတက့ၢ်.” အဂ့ၢ်ဒ်အံၤတၢ်မ့ၢ်တၢ်တီလၢယ့ၣ်ၡူးလီၣ်ဖျါထီၣ်ဝဲန့ၣ် မ့ၢ်တၢ်လၢအထိၣ်ဟူးထိၣ်ဂဲၤဝံတဖၣ်န့ၣ်လီၤ.