လံာ်တၢ်သးဝံၣ်တဖၣ်အတၢ်သးဝံၣ် 8:11 - Sgaw Karen Common Bible

¹¹ စီၤပၤၡလိၤမိၤအိၣ်ဒီးအစပံးလီၢ်တလီၢ်, ဖဲတၢ်လီၢ်တတီၤလၢအဘၣ်တၢ်ကိးအီၤလၢ ဘဧၤလဟမိၣ်လီၤ. အဝဲဒိးလဲလီၤဝဲဆူပှၤထူစံာ်ဖိတဖၣ်အအိၣ်, ဒီးပှၤတဂၤစုာ်စုာ်န့ၣ်ဟ့ၣ်အီၤစ့အဘ့ၣ်တကထိန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 8:11 Iomraidhean Croise

လံာ်တၢ်ကဲထီၣ်အခီၣ်ထံး 20:16

အဝဲစံးဘၣ်နီၢ်စၤရါ, “ယဟ့ၣ်နဒီပုၢ်ဝဲၢ်ခွါလၢစ့ညၣ်အဘ့ၣ် တကထိဒ်အမ့ၢ်တၢ်အုၣ်သးလၢပှၤလၢအိၣ်ဒီးနၤသ့ၣ်တဖၣ်အကျါလၢ နမ့ၢ်ပှၤလၢအတၢ်ကမၣ်တအိၣ်ဘၣ်န့ၣ်လီၤ. ပှၤကိးဂၤဒဲးကသ့ၣ်ညါလၢနတမၤကမၣ်တၢ်နီတမံၤဘၣ်န့ၣ်လီၤ.”

လံာ်ပှၤစံၣ်တဲၤတဲလီၤတၢ် 2:4

ယမၤကဲထီၣ်လိၣ်ထီၣ်တၢ်ဖးဒိၣ်တဖၣ်လီၤ. ယသူၣ်ထီၣ်ဘှီထီၣ်တ့ၢ်ဟံၣ်တဖၣ်ဒီးသူၣ်လီၤဖျးလီၤစပံးလီၢ် တဖၣ်လၢယဂီၢ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:6

လၢယဖံးယညၣ်သူအဃိဒီးကွၢ်တလီၤယၤတဂ့ၤ. အဂ့ၢ်ဒ်အံၤ, မုၢ်ကိၢ်သွၣ်ဘၣ်ယၤလီၤ. ယဒီပုၢ်ဝဲၢ်ခွါတဖၣ်သူၣ်ဒိၣ်သးဖျိးယၤ, ဒီးမၢယမၤတၢ်လၢစပံးအလီၢ်လီၤ. တၢ်ဆၢကတီၢ်တအိၣ်နီတစဲးလၢယကကွၢ်လီၤယသးအဂီၢ်ဘၣ်.

လံာ်တၢ်သးဝံၣ်တဖၣ်အတၢ်သးဝံၣ် 2:3

ဒ်သ့ၣ်ဖီသၣ်တထူၣ်အိၣ်လၢသ့ၣ်အဂၤတဖၣ်အကျါလၢပှၢ်ပူၤအသိးန့ၣ်, ပှၤလၢယအဲၣ်အီၤတဂၤဘၣ်တၢ်ပာ်သတြီၤအီၤဒီးပိာ်ခွါအဂၤတဖၣ် လီၤ. ယဆ့ၣ်နီၤလၢအကဒုအဖီလာ်ပှဲၤဒီးတၢ်သးခု, ဒီးအသၣ်တဖၣ်န့ၣ်ယအီၣ်ဝံၣ်ဒိၣ်မးလီၤ.

လံာ်တၢ်သးဝံၣ်တဖၣ်အတၢ်သးဝံၣ် 7:12

ပကဂဲၤဆၢထၢၣ်ဂီၤဂီၤဒီးကွၢ်စပံးမုၢ်တဖၣ်, ဒီးထံၣ်မ့ၢ်အဒိၣ်ထီၣ်လံဧါ, မ့ၢ်အဝဲသ့ၣ်ဘိၣ်ထီၣ်ဖးထီၣ်လံဧါ, ဒီးသ့ၣ်သလဲသၣ်ဖျိထီၣ်လံဧါန့ၣ်တက့ၢ်. ဖဲန့ၣ်ယကဟ့ၣ်နၤယတၢ်အဲၣ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 8:12

စီၤပၤၡလိၤမိၤဒိးန့ၢ်ဘၣ်အစ့အဘ့ၣ်တကထိ, ဒီးပှၤထူစံာ်ဖိတဖၣ်မၤန့ၢ်ဝဲခံကယၤစုာ်စုာ်ဒ် အတၢ်နီၤဟ့ၣ်အသိးလီၤ. မ့မ့ၢ်ယဲယအိၣ်ဒီးယကစၢ်ဒၣ်ယဲအစပံးလီၢ် တလီၢ်န့ၣ်လီၤ.

လံာ်ယၡါယၤ 7:23

ဖဲတၢ်ဆၢကတီၢ်န့ၣ်တုၤဃီၤဝဲဒီး, စပံးလီၢ်အဂ့ၤတဖၣ်, လၢတလီၢ်တလီၢ်အိၣ်ဒီးစပံးမုၢ်လၢအကထိစုာ်စုာ်, ဒီးတလီၢ်တလီၢ်လၢအကၢကီၣ်စ့တကထိစုာ်စုာ်န့ၣ်, ကဘၣ်တၢ်ခဲဘၢအီၤလၢတၤဆှုၣ်တပှီာ်တဖၣ်ဒီးတၤဆှုၣ်တၤမဲတဖၣ်လီၤ.

လံာ်မၢ်ကူး 12:1

အန့ၣ်တစု, ယ့ၣ်ၡူးစံးကတိၤကဒီးတၢ်ဒီးပှၤတဖၣ်န့ၣ်လၢတၢ် ကတိၤဒိတဖၣ်လီၤ. တဘျီပှၤအိၣ်ဝဲတဂၤလၢအသူၣ်စပံးမုၢ်တဖၣ်လၢစပံးလီၢ်တလီၢ် အပူၤ, ကရၢဃာ်အစပံးလီၢ်ဝးတရံး, ခူၣ်လီၤဆၢၣ်ဝဲတၢ်ပူၤတပူၤလၢကဆီလီၤနီၣ်စံၢ်စပံးသၣ်အကျိး အဂီၢ်, ဝံၤဘှီထီၣ်ဝဲတၢ်လီၢ်ကစီၤထီၣ်ဖးထီတခါလီၤ. အန့ၣ်ဝံၤ, ဒိးလဲလီၤဝဲအစပံးလီၢ်လၢပှၤဒိးလဲအီၣ်တၢ်တဖၣ်အစုပူၤ ဒီးလဲၤဝဲဆူတခီထံတခီကီၢ်န့ၣ်လီၤ.