လံာ်တၢ်သးဝံၣ်တဖၣ်အတၢ်သးဝံၣ် 7:4 - Sgaw Karen Common Bible

⁴ နကိာ်လီၤဂာ်ဒ်ကဆီမဲအတၢးထီခၢၣ်သနၢၣ်တဖျၢၣ် အသိး, နမဲာ်ချံတဖၣ်လီၤဂာ်ဒ်နိၣ်တဖၣ်လၢကီၢ်ဃ့ၡဘိၣ် အဝ့ၢ်ပူၤ, အိၣ်ဘူးဒီးဝ့ၢ်ဖးဒိၣ်န့ၣ်အတြဲၤလီၤ. နနါစ့ၤလီၤအဲၣ်လီၤကွံဒ်လဘၤနိၣ်အတၢးထီခၢၣ်သနၢၣ် လၢအဆၢထၢၣ်ဒီသဒၢဝ့ၢ်ဒၤမ့းစ့းအသိးန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 7:4 Iomraidhean Croise

လံာ်တၢ်ကဲထီၣ်အခီၣ်ထံး 15:2

ဘၣ်ဆၣ်စီၤအၤဘြၣ်စံးဆၢဝဲဒၣ်, “ယွၤပၢဘၣ်တၢ်ခဲလၢာ်ကစၢ်ဧၢ, နတၢ်ဟ့ၣ်ဘျုးကမၤဂ့ၤယၤမနုၤတမံၤလဲၣ်. အဂ့ၢ်ဒ်အံၤ, ယဖိတအိၣ်နီတဂၤဘၣ်. ပှၤလၢကန့ၢ်သါတၢ်ဘၣ်ဃးဒီး ယၤန့ၣ်မ့ၢ်ဒၣ်ပှၤဝ့ၢ်ဒၤမ့ၤစ့းဖိစီၤအလံၤဧ့စ့ၢ်တဂၤဧိၤ န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:6

အန့ၣ်ဝံၤဒီး, အဝဲဆီလီၤသုးမုၢ်အသူၣ်ဒဲလီၢ်တဖၣ်လၢအဝဲသ့ၣ် အလီၢ်ကဝီၤပူၤဒီးအဝဲသ့ၣ်ကဲထီၣ်ပှၤတဖၣ်လၢအဝဲ ပၢဘၣ်အီၤဒီးဘၣ်ဟ့ၣ်အီၤလၢတၢ်အခိအသွဲတဖၣ်န့ၣ်လီၤ. ယွၤဒုးမၤနၢၤစီၤဒၤဝံးအတၢ်လၢတၢ်လီၢ်ကိးပူၤဒဲးန့ၣ်လီၤ.

လံာ်စီၤပၤအခီၣ်ထံးတဘ့ၣ် 10:18

အဝဲမၤစ့ၢ်ကီးလီၢ်ပစိာ်ဖးဒိၣ်တဖျၢၣ်န့ၣ်လီၤ. လီၢ်ပစိာ်အံၤဘၣ်တၢ်မၤအီၤလၢကဆီမဲဒီးတၢ်ပီၤအီၤလၢထူစီန့ၣ်လီၤ.

လံာ်စီၤပၤအခီၣ်ထံးတဘ့ၣ် 10:22

အဝဲအိၣ်ဒီးကဘီတကရူၢ်လၢအလဲၤတၢ်လၢပီၣ်လဲၣ်ပူၤ, လဲၤဃုာ်တၢ်ဒီးစီၤဃံရၣ်အကဘီတကရူၢ်န့ၣ်လီၤ. သၢနံၣ်တဘျီန့ၣ်အဝဲအကဘီကရူၢ်ကဟဲက့ၤကဒါက့ၤ, ကဟဲက့ၤစိာ်ဝဲထူ, စ့, ကဆီမဲ, ကယူၤဖၣ်တဖၣ်ဒီးတၤအုးတဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 22:39

ကယဲၢ်တၢ်အဂုၤအဂၤတမံၤလၢ်လၢ်လၢစီၤပၤအၤဃာ်မၤတ့ၢ်ဝဲ, ဃုာ်ဒီးတၢ်ကွဲးနီၣ်ဘၣ်ထွဲဒီးအဝဲအနီလၢအဘၣ်တၢ်ကယၢကယဲ အီၤလၢကဆီမဲဒီးကယဲၢ်ဝ့ၢ်တဖၣ်လၢအဝဲသူၣ်ထီၣ်တ့ၢ်ဝဲ အဂ့ၢ်န့ၣ်, ဘၣ်တၢ်ကွဲးနီၣ်ကွဲးဃါအီၤလၢကီၢ်အံၣ်စရ့လးအစီၤ ပၤတဖၣ်အလံာ်တၢ်စံၣ်စိၤတဲစိၤအပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 7:2

နီလၢအအိၣ်လၢလဘၤနိၣ်အပှၢ်လၢ်ကျါအံၤ, အထီအိၣ်ဝဲ အပျၢ်တကယၤ, အဒီၣ်ဃီၤအိၣ်ဝဲအပျၢ်ယဲၢ်ဆံ, ဒီးအကစီၤထီၣ်အိၣ်ဝဲအပျၢ်သၢဆံန့ၣ်လီၤ. နီအံၤအိၣ်ဒီးအထူၣ်, သ့ၣ်ဆှိအ့ရ့းတဖၣ်လၢအရဲၣ်လီၤအသးသၢ ဂ့ၢ်ဒီးတဂ့ၢ်န့ၣ်အိၣ်ဝဲတဆံယဲၢ်ထူၣ်လီၤ. လၢထူၣ်တဖၣ်အဖီခိၣ်န့ၣ်တၢ်ပာ်ထီၣ်ကျိၤတဖၣ်လၢသ့ၣ်ဆှိအ့ရ့းန့ၣ်လီၤ.

လံာ်စီၤပၤအခီၣ်ထံးတဘ့ၣ် 9:19

ဝ့ၢ်တဖၣ်ဖဲအဝဲအတၢ်လိၣ်ဘၣ်တဖၣ်ဘၣ်တၢ်ပဒၢးဃာ်အီၤ, ဝ့ၢ်တဖၣ်လၢအဝဲအကသ့ၣ်တဖၣ်ဒီးအလ့ၣ်ကဟၣ်တဖၣ်ဘၣ်တၢ်ပာ်အီၤန့ၣ် လီၤ. ဒ်န့ၣ်အသိးသူစ့ၢ်ကီးတၢ်မၢဆူၣ်မၢနၢၤအတၢ်မၤလၢကယဲၢ်တၢ်လၢ အဝဲအဲၣ်ဒိးသူၣ်ထီၣ်ဝဲလၢဝ့ၢ်ယရူၤၡလ့ၣ်အပူၤမ့ၢ်ဂ့ၤ, လၢလဘၤနိၣ်အပူၤမ့ၢ်ဂ့ၤဒီးလၢတၢ်လီၢ်တပူၤလၢ်လၢ်လၢအဝဲအဘီ အမုၢ်အပူၤမ့ၢ်ဂ့ၤ, အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 8:6

ဝ့ၢ်ဘဧၤလး, ကယဲၢ်ဝ့ၢ်ခဲလၢာ်လၢ, အဝဲပဒၢးဃာ်တၢ်လၢပှၤသူအီၤ အလီၢ်အိၣ်တဖၣ်, ဝ့ၢ်တဖၣ်လၢအဝဲအကသ့ၣ်တဖၣ်ဒီးအလ့ၣ်ကဟၣ်တဖၣ်ဘၣ်တၢ်ပာ်လီၤအီၤ န့ၣ်လီၤ. အဝဲမၤဝံၤကယဲၢ်တၢ်ကူၣ်ကျဲၤခဲလၢာ်လၢတၢ်သူၣ်ထီၣ်လၢဝ့ၢ်ယရူၤ ၡလ့ၣ်အပူၤအဂီၢ်, လၢကီၢ်လဘၤနိၣ်အပူၤအဂီၢ်ဒီးလၢကယဲၢ်တၢ်လီၢ်ကဝီၤလၢအဝဲပၢ ဘၣ်ဝဲခဲလၢာ်အပူၤအဂီၢ်န့ၣ်လီၤ.

စံးထီၣ်ပတြၢၤ 144:12

မ်ပဖိခွါတဖၣ်လၢအသးစၢ်အကတီၢ်န့ၣ်, ကလီၤဂာ်ဒီးသ့ၣ်ဖိတဖၣ်လၢ အဒိၣ်ထီၣ်ပှဲၤဂံၢ်ပှဲၤဘါန့ၣ်တက့ၢ်. မ်ပဖိမုၣ်တဖၣ်ကမၤအသးဒ် လၢၢ်နၢၣ်စိးပျၤအသး လၢပှၤမၤဃံမၤလၤနူၢ်ဧိၤစီၤဧိၤအသိးန့ၣ်တက့ၢ်,

စံးထီၣ်ပတြၢၤ 45:8

နကူနသိးတဖၣ်နၢမူဝဲဒီးမူရၣ်, အကၠီၣ်ဒီးကဒါနါန့ၣ်လီၤ. သီတူၢ်တနၢ်တဖၣ်မၤသးခုနၤလၢ နီကဆီမဲအပူၤန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:10

နခိၣ်သူလၢအလီၤစဲၤလၢနဘိးပၤအလိၤတဖၣ်န့ၣ်မၤဃံမၤလၤထီၣ် နဘိးပၤ, ဒီးလၢအလီၤစဲၤလၢနကိာ်ကျၤခံတဖၣ်န့ၣ်လီၤဂာ်ဒီးဖဲအဝီတဖၣ် လၢတၢ်မၤအီၤလၢလၢၢ်လုၢ်ဒိၣ်ပှ့ၤဒိၣ်တဖၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 4:1

နဃံလၤဆံးဒိၣ်လဲၣ်, ယတၢ်အဲၣ်သးဘိဧၢ. နမဲာ်ချံတဖၣ်ကပီၤထီၣ်ဝဲဒီးတၢ်အဲၣ်, လၢနနီၣ်ကျၢၢ်ဘၢမဲာ်အဖီလာ်မးလဲၣ်. နခိၣ်သူဒံဝ့ၤဒံဝီၤမၤအသးဒ်မဲာ်တဲးလဲးလၢအဟဲဃ့ၢ်စံၣ် လီၤလၢကီၢ်ကံးလဧးအတၢ်လူၢ်တဖၣ်အလိၤအသိးန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 4:4

နကိာ်န့ၣ်ဖျၢၣ်ဒီးဘျ့ဝဲအိၣ်ဒီးဖဲတပျံၤလီၤဂာ်ဒ်စီၤဒၤ ဝံးအတၢးထီခၢၣ်သနၢၣ်အသိး, လၢကတီၤအဘ့ၣ်တကထိဘျးလီၤအသးဝးတရံးအီၤန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 4:5

နနုၢ်ခံတိၣ်မၤအသးဒ်တၤဟိစဘံသဃံာ်ခံဒုလၢအအီၣ်အဆၣ်လၢဖီ ဒ့ၣ်ညါတဖၣ်အကျါအသိးန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 6:5

ဃၣ်ကွံာ်နမဲာ်ချံတဖၣ်လၢယအိၣ်တက့ၢ်, မ့ၢ်လၢအဝဲသ့ၣ်ဖီၣ်ဃးယၤဒ်ပှၤဘၣ်တၢ်စၢဃာ်အသိးအဃိလီၤ. နခိၣ်သူဒံဝ့ၤဝီၤမၤအသးဒ်မဲာ်တဲးလဲးတဖု လၢအဟဲဃ့ၢ်စံၣ်လီၤလၢကီၢ်ကံးလဧးအတၢ်လူၢ်တဖၣ်အလိၤအသိးန့ၣ် လီၤ.

လံာ်ယၡါယၤ 54:4

ပျံၤတၢ်တဂ့ၤ. နတဘၣ်တၢ်မၤမဲာ်ဆှးကဒီးနၤလၢၤဘၣ်. နလၤကပီၤတဘၣ်တၢ်မၤဆံးလီၤစှၤလီၤအီၤလၢၤဘၣ်. နတၢ်သးတတီဒ်မါသးစၢ်တဂၤအသိး ဒီးနတၢ်အိၣ်သယုၢ်သညိဒ်မုၣ်က မဲတဂၤအသိးန့ၣ်နကသးပ့ၤနီၣ်ကွံာ်အီၤလီၤ.

ဧ့ၤဘြံၤ 5:14

ဘၣ်ဆၣ်ဒီးတၢ်အသံးအကာ်မ့ၢ်လၢပှၤဒိၣ်တုာ်ခိၣ်ပှဲၤ အဂီၢ်, ပှၤလၢအအိၣ်ကတဲာ်ကတီၤတ့ၢ်လံအသးခီဖျိ အပဲာ်ဖးနီၤဖးညီနုၢ်တၢ်ဂ့ၤဒီးတၢ်အၢအဆၢန့ၣ်လီၤ.