လံာ်တၢ်သးဝံၣ်တဖၣ်အတၢ်သးဝံၣ် 6:8 - Sgaw Karen Common Bible

⁸ မ်စီၤပၤအိၣ်ဒီးအနီၢ်ပၤမုၣ်အဂၤဃုဆံ, အသံၣ်မါဃိးဆံ, ဒီးမုၣ်လိၤဘိလၢပဂံၢ်တသ့ဘၣ်န့ၣ်တက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 6:8 Iomraidhean Croise

လံာ်စီၤပၤအခီၣ်ထံးတဘ့ၣ် 11:1

စီၤၡလိၤမိၤအဲၣ်တ့ၢ်ပှၤတခီဘီမုၢ်ဖိပိာ်မုၣ်အါဂၤန့ၣ်လီၤ. အဝဲဟံးန့ၢ်ကီၢ်အဲၤကူပတူးအစီၤပၤဖိမုၣ်တကးဒံးဘၣ်, အဝဲဒိးတ့ဒိးဖျီတ့ၢ်အသးဒီးပှၤဃ့ၤသးမုၣ်တဖၣ်, ဒီးပှၤပိာ်မုၣ်တဖၣ်လၢကီၢ်မိၤအး, ကီၢ်ဧၣ်မိၣ်, ကီၢ်အဒိၣ်ဒီးကီၢ်စံဒိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 11:3

စီၤၡလိၤမိၤဒိးတ့ဒိးဖျီတ့ၢ်အသးဒီးစီၤပၤအဖိမုၣ်တဖၣ် အဂၤနွံကယၤဒီးအိၣ်စ့ၢ်ကီးဒီးအသံၣ်မါအဂၤသၢကယၤန့ၣ်လီၤ. အဝဲသ့ၣ်ဒုးဃၣ်ယံၤကွံာ်အီၤလၢကစၢ်ယွၤအအိၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 11:21

စီၤရဃၤဘၣ်အိၣ်ဒီးအမါခဲလၢာ်တဆံဃိးဂၤ, ဒီးအသံၣ်မါဃုဆံဂၤန့ၣ်လီၤ. အဖိခွါအိၣ်ဝဲခံဆံဃိးဂၤ ဒီးအဖိမုၣ်အိၣ်ဝဲအဂၤဃုဆံန့ၣ်လီၤ. လၢအမါဒီးအသံၣ်မါတဖၣ်ခဲလၢာ်အကျါန့ၣ်အဲၣ်အမါနီၢ်မၤကၤ အဒိၣ်ကတၢၢ်လီၤ.

စံးထီၣ်ပတြၢၤ 45:14

အဝဲဘၣ်တၢ်လဲၤကိးအီၤဆူ စီၤပၤအအိၣ်, ကူသိးဝဲဒီး အဆ့ကၤအိၣ်ဒီး အလွဲၢ်ဃံလၤတဖၣ် ဒီးမုၣ်လိၣ်ဘိလၢအထီၣ်ဆှၢအီၤသ့ၣ်တဖၣ် ပိာ်ထီၣ်အခံန့ၣ်လီၤ. ဒီးအဝဲသ့ၣ်စ့ၢ်ကီးဘၣ်တၢ်လဲၤကိးအီၤဆူစီၤပၤ အအိၣ်န့ၣ်လီၤ.

စံးထီၣ်ပတြၢၤ 45:9

လၢပိာ်မုၣ်တဖၣ်လၢ အအိၣ်လၢနနီပူၤအကျါန့ၣ် စီၤပၤအဖိမုၣ်တဖၣ်အိၣ်ဝဲ ဒီးနီၢ်ပၤမုၣ်ဆၢထၢၣ်လၢနလီၢ်ပစိာ်စုထွဲတကပၤ, သိးဝဲတၢ်ကယၢကယဲတဖၣ်လၢ တၢ်မၤအီၤဒီး ထူအဂ့ၤကတၢၢ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:3

သိလၢနဖှူအီၤန့ၣ်နၢမူဝဲ, ဒီးနမံၤမၤအသးဒ်သိနၢမူလၢအလူလီၤ အသးအသိးန့ၣ်လီၤ. မၤသးဒ်န့ၣ်ဒီး, ပှၤပိာ်မုၣ်တအဲၣ်နၤအိၣ်တကဲနီတဂၤဘၣ်.

လံာ်လီၣ်ဖျါ 7:9

တၢ်မၤအသးဒ်အံၤဝံၤအလီၢ်ခံန့ၣ်, ယကွၢ်တၢ်, ဒီးပှၤဂီၢ်မုၢ်ဖးဒိၣ်တဖုအိၣ်ဝဲဒၣ်လီၤ. ပှၤဂံၢ်အနီၣ်ဂံၢ် တသ့ဘၣ်နီတဂၤဘၣ်. အဝဲသ့ၣ်ဟဲလၢကလုာ်ကိး ကလုာ်ဒဲး, ဒူၣ်ဖိထၢဖိကိးဒူၣ်ဒဲး, ထံကီၢ်ကိးဘ့ၣ်ဒဲး, ဒီးပှၤကတိၤကျိာ်ကိးကျိာ်ဒဲးအကျါန့ၣ်လီၤ. ဒီးအဝဲသ့ၣ်အိၣ်ဆၢထၢၣ်လၢလီၢ်ပစိာ်ဒီးသိဖိအမဲာ်ညါ, ကူသိးဆ့ကၤအဝါဒီးဟံးဃာ်လိၣ်ဒၢအဒ့တဖၣ်လၢ အစုပူၤန့ၣ်လီၤ.