လံာ်တၢ်သးဝံၣ်တဖၣ်အတၢ်သးဝံၣ် 5:6 - Sgaw Karen Common Bible

⁶ ယအိးထီၣ်ပဲတြီလၢယတၢ်အဲၣ်အဂီၢ်, ဘၣ်ဆၣ်အဝဲဟးထီၣ်ကွံာ်လံ. ယအဲၣ်ဒိးနၢ်ဟူအကလုၢ်ဆံးဒိၣ်လဲၣ်. ယဃုအီၤဘၣ်ဆၣ်ယတထံၣ်န့ၢ်အီၤဘၣ်. ယကိးအီၤဘၣ်ဆၣ်, ယတနၢ်ဟူတၢ်စံးဆၢဘၣ်.

လံာ်တၢ်သးဝံၣ်တဖၣ်အတၢ်သးဝံၣ် 5:6 Iomraidhean Croise

လံာ်တၢ်ကဲထီၣ်အခီၣ်ထံး 42:28

အဝဲကိးထီၣ်အဒီပုၢ်ဝဲၢ်ခွါတဖၣ်ဒီးစံးဝဲ, “ယစ့ဘၣ်တၢ်ဟ့ၣ်ကဒါက့ၤယၤလံ. အိၣ်ဖဲအံၤလၢယထၢၣ်ပူၤ လီၤ.” အဝဲသ့ၣ်အသးလီၤဘှါဒီးလၢတၢ်ပျံၤတၢ်ဖုးအဝဲသ့ၣ်သံကွၢ်လိာ် အသးတဂၤဒီးတဂၤ, “ကစၢ်ယွၤမၤပှၤဒ်လဲၣ်.”

လံာ်စီၤၡမူၤအ့လးခံဘ့ၣ်တဘ့ၣ် 16:10

စီၤပၤစံးဘၣ်စီၤအဘံၡဲၤဒီးအဒီပုၢ်ဝဲၢ်ခွါစီၤယိၤအာ်, “တၢ်အံၤတဘၣ်ဃးဒီးသုနီတမံၤဘၣ်. အဝဲမ့ၢ်ဆိၣ်အၢယၤလၢ ယွၤတဲဘၣ်အီၤအဃိဒီး, ဘၣ်မနုၤအဝဲမၤတၢ်အံၤလဲၣ်န့ၣ်, မတၤအိၣ်ဒီးတၢ်ခွဲးတၢ်ယာ်လၢ ကသံကွၢ်ဝဲလဲၣ်.”

စံးထီၣ်ပတြၢၤ 28:1

ယွၤယလၢၢ်ဧၢ, ယကိးထီၣ်နၤလီၤ. ဒိကနၣ်ယတၢ်ကိးထီၣ်န့ၣ်တက့ၢ်. နမ့ၢ်တစံးဆၢယၤဘၣ်ဒီး, ယကလီၤဂာ်ဒီးပှၤလၢအလဲၤလီၤဆူ တၢ်သံကီၢ်ပူၤန့ၣ်လီၤ.

စံးထီၣ်ပတြၢၤ 30:7

ယွၤဧၢ, နဘျုးနဖှိၣ်ဒုးအိၣ်ဂၢၢ်ဆိးကျၢၤယၤ ဒ်ကစၢၢ်လၢအတဟူးတဝးဘၣ်အသိးန့ၣ်လီၤ. ဘၣ်ဆၣ်ဖဲနပာ်သဒၢနမဲာ်လၢယၤ ဒီးတၢ်သူၣ်ပျံၤသးဖုးလီၤဘၣ်ယၤလီၤ.

စံးထီၣ်ပတြၢၤ 69:3

တၢ်ဘှံးယသးလၢယကိးထီၣ်အဃိ, ဒီးယကိာ်ယူၢ်ဃ့ထီဝဲလီၤ. ယမဲာ်ယုာ်ဝဲလၢယကွၢ်လၢ်ယကစၢ်ကဟဲ ဒီးမၤစၢၤယၤအဂီၢ်အဃိန့ၣ်လီၤ.

စံးထီၣ်ပတြၢၤ 77:3

တုၤယဆိကမိၣ်ထီၣ်ကစၢ်ယွၤန့ၣ်ဒီး, ယဟီၣ်ယယၢၤယဲ, ဒီးယသးလီၤဘှါယဲလီၤ. စ့လၤ

စံးထီၣ်ပတြၢၤ 80:4

ယွၤသ့တၢ်လၢာ်အကစၢ်ယွၤဧၢ, မ့ၢ်နကသးထီၣ်နပှၤဂီၢ်မုၢ် အတၢ်ထုကဖၣ်န့ၣ်ဆံးယံာ်လဲၣ်.

တၢ်ကတိၤဒိ. 1:28

တုၤနုၤတစုသုကကိးထီၣ်တၢ်ကူၣ်သ့, ဘၣ်ဆၣ်ဒီးယတစံးဆၢတၢ်ဘၣ်. သုကဃုယၤလၢတၢ်လီၢ်ကိးပူၤဒဲး, ဘၣ်ဆၣ်ဒီးသုတထံၣ်ဘၣ်ယၤဘၣ်.

လံာ်တၢ်သးဝံၣ်တဖၣ်အတၢ်သးဝံၣ် 5:2

ဖဲယမံအခါဒၣ်လဲာ်, ယသးအိၣ်လၢခိလီၤ. ယမံမီၢ်လၢယတၢ်အဲၣ်ဒိတကျိာ်ပဲတြီန့ၣ်လီၤ. ယတၢ်အဲၣ်, ယပှၤသးဘိ, ယထိၣ်လွံၢ်ဧၢ, ပျဲယဟဲနုာ်တက့ၢ်. ယခိၣ်ဘၣ်စီၣ်ဒီးပစီၤထံ, ဒီးယခိၣ်သူဘၣ်စီၣ်ဒီးဘှ့ၣ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:4

ယတၢ်အဲၣ်ဂိာ်နုာ်အစုလၢကအိးထီၣ်, ပဲတြီအဂီၢ်, ဒီးယသးခုသးကနိးလၢအဝဲအိၣ်ဘူးဒီးယၤအဃိလီၤ.

လံာ်တၢ်သးဝံၣ်တဖၣ်အတၢ်သးဝံၣ် 6:1

ပှၤအဃံလၤကတၢၢ်လၢပိာ်မုၣ်တဖၣ်အကျါတဂၤဧၢ, ပှၤလၢနအဲၣ်အီၤတဂၤလဲၤဖဲလဲၣ်. တဲပှၤလၢအဝဲလဲၤကျဲဖဲလဲၣ်တဘိလဲၣ်, ဒ်သိးပကဃုထံၣ်စၢၤနၤကသ့အဂီၢ်တက့ၢ်.

လံာ်ယၡါယၤ 12:1

မုၢ်တနံၤကဟဲဝဲဖဲပှၤကသးဝံၣ်ထီၣ်, “ယွၤဧၢ, ယစံးထီၣ်ပတြၢၤနၤလီၤ. နသးဒိၣ်တ့ၢ်ယၤ, ဘၣ်ဆၣ်ခဲအံၤနမၤမုာ်ယသးဒီးနတသးဒိၣ်လၢၤယၤလၢၤဘၣ်.

လံာ်ယၡါယၤ 50:2

ဘၣ်မနုၤယပှၤဂီၢ်မုၢ်တဟူးတဂဲၤဖဲယလဲၤတ့ၢ်ဆူ အဝဲသ့ၣ်အအိၣ်လၢယကအုၣ်က့ၤခီၣ်က့ၤအီၤ အခါန့ၣ်လဲၣ်. ဘၣ်မနုၤအဝဲသ့ၣ်တကိးဆၢဖဲယကိးထီၣ်အီၤန့ၣ်လဲၣ်. မ့ၢ်ယဂံၢ်စၢ်ဘါစၢ်ကဲာ်ဆိးလၢယကအုၣ်က့ၤခီၣ်က့ၤအီၤအဂီၢ်န့ၣ်ဧါ. ယမၤဃ့ထီကွံာ်ပီၣ်လဲၣ်လၢယကလုၢ်တဘီဒၣ်လဲာ်သ့ဝဲဒီးယဘိး ကဒါကွံာ်ထံကျိတဖၣ်ဆူမဲးမုၢ်ခိၣ်, ဒ်သိးညၣ်လၢထံကျိပူၤတဖၣ်ကသံဝဲလၢထံတအိၣ်ဘၣ်အဃိလီၤ.

လံာ်ယၡါယၤ 57:16

ယဟ့ၣ်တ့ၢ်ယပှၤဂီၢ်မုၢ်လၢတၢ်မူ, ဒီးယတပာ်တၢ်ကမၣ် လၢအဝဲသ့ၣ်အလိၤဒီးသူၣ်ဒိၣ်သးဖျိးအဝဲသ့ၣ်လီၤစိၤလီၤ ထီလၢၤဘၣ်.

လံာ်ယၡါယၤ 58:2

အဝဲသ့ၣ်ဘူၣ်ထီၣ်ဘါထီၣ်ယၤကိးနံၤဒဲး, စံးလီၤအသးလၢ အသးဆူၣ်လၢကသ့ၣ်ညါဘၣ်ယကျဲတဖၣ်ဒီးစူၢ်ယတၢ်သိၣ် တၢ်သီတဖၣ်အဂီၢ်လီၤ. အဝဲသ့ၣ်စံးဝဲလၢအအဲၣ်ဒိးယက ဟ့ၣ်အဝဲသ့ၣ်ထဲဒၣ်တၢ်သိၣ်တၢ်သီတဖၣ်ဒီးကသူၣ်မံသးမုာ် လၢအဘူၣ်ထီၣ်ဘါထီၣ်ဘၣ်ယၤန့ၣ်လီၤ.”

လံာ်ယၡါယၤ 8:17

ယွၤပာ်ခူသူၣ်ကွံာ်အသးလၢအပှၤဂီၢ်မုၢ်လီၤ. ဘၣ်ဆၣ်ဒီးယနာ်အီၤဒီးပာ်ယတၢ်မုၢ်လၢ်လၢအဝဲအပူၤလီၤ.

လံာ်သးသယုၢ်တၢ် 3:8

ယကိးပသူထီၣ်ဖးဒိၣ်လၢတၢ်မၤစၢၤအဂီၢ်ဘၣ်ဆၣ်ဒီးကစၢ်ယွၤဂ့ၢ် လိာ်လၢကဒိကနၣ်ယၤအဂီၢ်န့ၣ်လီၤ.

လံာ်ဟိၤၡ့ 5:15

ယကဟးသဒၣ်ကွံာ်ယပှၤဂီၢ်မုၢ်တုၤဒၣ်လၢအဝဲသ့ၣ်တူၢ်ဘၣ် တၢ်နးတၢ်ဖှီၣ်ကလၢဝဲလၢအတၢ်ဒဲးဘးတဖၣ်အဂီၢ်ဒီးဟဲ ဃုက့ၤယၤတစုန့ၣ်လီၤ. ဘၣ်သ့ၣ်သ့ၣ်လၢအဝဲသ့ၣ် အတၢ်နးတၢ်ဖှီၣ်အပူၤန့ၣ်, အဝဲသ့ၣ်ကဂုာ်ကျဲးစၢးဃုထံၣ်ယၤန့ၣ်လီၤ.

လံာ်ဟိၤၡ့ 5:6

အဝဲသ့ၣ်စိာ်ထီၣ်အသိဒီးအဂီၤဘုၣ်ဂီၤဖံးတဖၣ်ဒ်သိးကလုၢ်တၢ် ဆူယွၤဒ်တၢ်လုၢ်တၢ်ပာ်တဖၣ်အသိး, ဘၣ်ဆၣ်တမၤဂ့ၤအဝဲသ့ၣ်နီ တမံၤဘၣ်. အဝဲသ့ၣ်ဃုယွၤတဘၣ်ဘၣ်. အဂ့ၢ်ဒ်အံၤ, ယွၤလဲၤသဒၣ်ကွံာ်အဝဲသ့ၣ်တဖၣ်လံ.

လံာ်စကၤရယၤ 7:13

မ့ၢ်လၢအဝဲသ့ၣ်တဒိကနၣ်တၢ်ဖဲယကတိၤတၢ်အခါဘၣ်အဃိ, ဖဲအဝဲသ့ၣ်ဘါထုကဖၣ်န့ၣ်, ယတစံးဆၢဘၣ်အဝဲသ့ၣ်အတၢ်ထု ကဖၣ်ဘၣ်.

လံာ်မးသဲ 26:75

တုၤနုၤတစု, စီၤပ့းတရူးသ့ၣ်နီၣ်ထီၣ်တၢ်လၢယ့ၣ်ၡူးစံးဘၣ် တ့ၢ်အီၤ, “တချုးလၢဆီဖါကီၢ်အိၣ်အိထီၣ်န့ၣ်, နကသမၢဒီးစံးလၢနတသ့ၣ်ညါယၤဘၣ်သၢဘျီလီၤ.” ဒီးအဝဲဟးထီၣ်ကွံာ်ဝဲဖဲန့ၣ် ဒီးဟီၣ်ဝဲလၢာ်သးလီၤ.

လံာ်မၢ်ကူး 14:72

တကီၢ်ခါဖဲန့ၣ်ဆီဖါကီၢ်အိၣ်အိထီၣ်ခံဘျီတဘျီ, ဒီးစီၤပ့းတရူးသ့ၣ်နီၣ်ထီၣ်က့ၤဝဲလၢယ့ၣ်ၡူးစံးဘၣ်တ့ၢ် အီၤ, “တချုးဆီဖါကီၢ်အိၣ်အိဒံးဘၣ်ခံဘျီန့ၣ်, နကသမၢယၤသၢဘျီန့ၣ်လီၤ.” ဒီးအသးဘၣ်ဒိဘၣ်ထံးဒီးဟီၣ်ဝဲလၢာ်သးလီၤ.

လံာ်လီၣ်ဖျါ 3:19

ပှၤလၢယအဲၣ်န့ၣ်, ယသိၣ်ဃီၣ်သီဃီၣ်, ဒီးစံၣ်ညီၣ်အီၤကိးဂၤဒဲးလီၤ. လၢတၢ်န့ၣ်အဃိ, ပာ်နသးသပှၢ်ပှၢ်, ဒီးဃၣ်ကွံာ်လၢနတၢ်ဒဲးတူာ်ဒဲးဘးတဖၣ်န့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 28:6

မၤသးဒ်န့ၣ်ဒီး, အဝဲသံကွၢ်ယွၤလၢကဘၣ်မၤတၢ်မနုၤလဲၣ်န့ၣ်လီၤ. ဘၣ်ဆၣ်ဒီးလၢတၢ်မံမီၢ်မ့ၢ်ဂ့ၤ, လၢအူရံၣ်ဒီးတူမံၢ်မ့ၢ်ဂ့ၤ, ခီဖျိဝံတဖၣ်မ့ၢ်ဂ့ၤန့ၣ်, ယွၤတစံးဆၢအီၤနီတမံၤဘၣ်.