လံာ်တၢ်သးဝံၣ်တဖၣ်အတၢ်သးဝံၣ် 5:4 - Sgaw Karen Common Bible

⁴ ယတၢ်အဲၣ်ဂိာ်နုာ်အစုလၢကအိးထီၣ်, ပဲတြီအဂီၢ်, ဒီးယသးခုသးကနိးလၢအဝဲအိၣ်ဘူးဒီးယၤအဃိလီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:4 Iomraidhean Croise

လံာ်တၢ်ကဲထီၣ်အခီၣ်ထံး 43:30

တုၤနုၤတစုစီၤယိၤသးဟးထီၣ်သတူၢ်ကလာ်, မ့ၢ်လၢအသးလီၤသကံးဒိၣ်မးလၢအဒီပုၢ်ဝဲၢ်ခွါအဃိန့ၣ်လီၤ. အဝဲထၢၣ်အသးတန့ၢ်လၢၤဘၣ်အဃိ, လဲၤနုာ်ဆူအဒၢးပူၤဒီးဟီၣ်ဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 7:11

ဒီးတုၤစီၤနိအၤအသးအိၣ်အနံၣ်ဃုကယၤ, လါခံလါတလါ, ထီၣ်တဆံနွံသီအနံၤန့ၣ်ထံမိၢ်ပှၢ်ဖးလဲၢ်လၢဟီၣ်ခိၣ်လာ်အထံ ထီၣ်ပၢၢ်အလီၢ်တဖၣ်ပိၢ်ဖးထီၣ်ဝဲဒီးကယဲၢ်ထံလုၣ်ဘၢတၢ်အတြဲၤ တဖၣ်လၢမူခိၣ်အိးထီၣ်အသး,

လံာ်စီၤပၤအခီၣ်ထံးတဘ့ၣ် 3:26

မိၢ်နီၢ်နီၢ်တဂၤလၢအသးပူၤပှဲၤဒီးတၢ်အဲၣ်ဘၣ်အဖိခွါအံၤစံး ဘၣ်စီၤပၤ, “တၢ်ဒိၣ်ကစၢ်စီၤပၤဧၢ, ဝံသးစူၤတဘၣ်မၤသံ ဖိသၣ်အံၤတဂ့ၤ. ဟ့ၣ်လီၤပိာ်မုၣ်န့ၣ်တက့ၢ်.” ဘၣ်ဆၣ်ပိာ်မုၣ်အဂၤတဂၤစံးဝဲ, “ဟ့ၣ်ပဝဲနီတဂၤတဂ့ၤ. ဖှဲးသ့ၣ်ဖးဒီၣ်တဲာ်ဆၣ်ခီအီၤခံခီန့ၣ်တက့ၢ်.”

စံးထီၣ်ပတြၢၤ 110:3

မုၢ်တနံၤလၢနဒုးနဒုၣ်နဒါတဖၣ်န့ၣ်, နပှၤဂီၢ်မုၢ်ကဟ့ၣ်လီၤအသးလၢ တၢ်သးအိၣ်အပူၤလီၤ. ဒ်မုၢ်ဂီၤအပစီၤထံအသိး နပှၤသးစၢ်တဖၣ်ကဟဲဆူနအိၣ်လၢ ကစၢၢ်စီဆှံတဖၣ်အလိၤလီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:4

ကိးဃုာ်ယၤတက့ၢ်, ဒီးပကဃ့ၢ်ပိာ်လိာ်ပခံလီၤ. မ်နကဲထီၣ်ယစီၤပၤ, ဒီးကိးနုာ်ယၤဆူနဒၢးပူၤတက့ၢ်. ပကမုာ်လၤသးခုဒီးမၤလၢာ်ပဆၢကတီၢ်လၢတၢ်အဲၣ်ယိာ်အပူၤ အါန့ၢ်ဒံးလၢစပံးထံအပူၤတက့ၢ်လီၤ. ပှၤပိာ်မုၣ်ခဲလၢာ်အဲၣ်နၤန့ၣ်တလီၤကမၢကမၣ်ဘၣ်.

လံာ်ယံးရမံယၤ 31:20

ကီၢ်အံၣ်စရ့လးဧၢ, နမ့ၢ်ယဖိခွါသးဘိ, ဖိလၢ ယအဲၣ်ဘၣ်အီၤအဂ့ၤကတၢၢ်လီၤ. တဘျီလၢ်လၢ်ဖဲ ယယၢၤထီၣ်ဘၣ်နမံၤန့ၣ်, ယဆိကမိၣ်ထီၣ်နၤလၢ တၢ်အဲၣ်အပူၤလီၤ. ယသးစဲဘူးဒီးနၤလီၤ. ယကအိၣ်ဒီး တၢ်သူၣ်ကညီၤသးကညီၤလီၤ.

မၤတၢ် 16:14

ပိာ်မုၣ်လၢအဒိကနၣ်ပတၢ်စံးတၢ်ကတိၤအကျါတဂၤမ့ၢ်ဝဲနီၢ် လူၤဒံဘၣ်ဃးဒီးဝ့ၢ်သူၤအတံရၤ, လၢအဆါတၢ်ကံးယာ်လုးတကုာ်လုၢ်ဒိၣ်ပှ့ၤဒိၣ်တဖၣ်န့ၣ်လီၤ. အဝဲဒၣ်မ့ၢ်ပှၤလၢအဘူၣ်ထူဘါယွၤ, ဒီးကစၢ်ယွၤအိးထီၣ်အသးဒ်သိးအကတူၢ်လိာ်တၢ်လၢစီၤ ပီလူးစံးကတိၤဝဲန့ၣ်လီၤ.

၂ ကရံၣ်သူး 8:16

ပစံးဘျုးကစၢ်ယွၤအဒိၣ်အအါလၢအဟ့ၣ်စီၤတံတူးတၢ်သး ဆူၣ်ဒ်ပှၤအသိး, လၢအကမၤစၢၤသုအဃိန့ၣ်လီၤ.

ဖံလံးပံၤ 2:13

အဂ့ၢ်ဒ်အံၤ, ကစၢ်ယွၤမၤတၢ်လၢသုပူၤထီဘိဒ်သိးသုကသးအိၣ် ဒီးဒိကနၣ်မၤထွဲအတၢ်တိာ်ပာ်ကသ့အဂီၢ်န့ၣ်လီၤ.