လံာ်တၢ်သးဝံၣ်တဖၣ်အတၢ်သးဝံၣ် 5:16 - Sgaw Karen Common Bible

¹⁶ အထးခိၣ်ဆၢဝဲလၢတၢ်ကနၢမူအီၤအဂီၢ်, တၢ်လၢအဘၣ်ဃးဒီးအီၤကိးမံၤဒဲးရဲၢ်န့ၢ်ယၤလီၤ. ပှၤလၢယအဲၣ်အီၤလီၤဂာ်ဒ်န့ၣ်အသိးလီၤ, ဝ့ၢ်ယရူၤၡလ့ၣ်အဖိမုၣ်သ့ၣ်ဧၢ.

လံာ်တၢ်သးဝံၣ်တဖၣ်အတၢ်သးဝံၣ် 5:16 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:23

စီၤစီလူးဒီးစီၤယိနၤသၣ်မ့ၢ်ပှၤလီၤလးဒီးပှၤလီၤအဲၣ် လီၤကွံတဖၣ်လီၤ. မူသကိးဒ်သိးသိးသံသကိးဝဲဒ်သိးသိးန့ၣ်လီၤ. မ့ၢ်ပှၤချ့န့ၢ်ဒံးလံာ်ကြီကြာ်တဖၣ်ဒီးအဂံၢ်အဘါဆူၣ် န့ၢ်ဒံးခ့ယုၢ်တဖၣ်တက့ၢ်န့ၣ်လီၤ.

စံးထီၣ်ပတြၢၤ 119:103

လၢယလ့ၣ်ကွၢ်တၢ်န့ၣ် နကလုၢ်နကထါဆၢဆံးဒိၣ်လဲၣ်. ဆၢန့ၢ်ကနဲစီလၢယကိာ်ပူၤန့ၣ်တက့ၢ်လီၤ.

စံးထီၣ်ပတြၢၤ 148:13

မ်အဝဲသ့ၣ်ခဲလၢာ်စံးထီၣ်ပတြၢၤယွၤအမံၤတက့ၢ်. အဂ့ၢ်ဒ်အံၤ, အဝဲအမံၤဒိၣ်န့ၢ်ဒံးကယဲၢ်မံၤအဂၤခဲလၢာ်န့ၣ်လီၤ. အလၤကပီၤအိၣ်ထီၣ်ထီဝဲလၢ ဟီၣ်ခိၣ်ဒီးမူခိၣ်အဖီခိၣ်န့ၣ်လီၤ.

စံးထီၣ်ပတြၢၤ 19:10

ပဆၢဒိးန့ၢ်ဘၣ်အီၤအလီၢ်အိၣ်ဒိၣ်န့ၢ်ထူ, ဒီးဒိၣ်န့ၢ်ထူအစီလၢအအါတက့ၢ်န့ၣ်လီၤ. မ့ၢ်အဆၢန့ၢ်ကနဲစီ, ဒီးကနဲစီလၢအလီၤစီၤလၢ ကနဲအခိၣ်ထံအလိၤတက့ၢ်န့ၣ်လီၤ.

စံးထီၣ်ပတြၢၤ 45:2

လၢပှၤပိာ်ခွါတဖၣ်အကျါနမ့ၢ်ပှၤလၢအဃံလၤကတၢၢ်, နမ့ၢ်ပှၤစံးကတိၤတၢ်သ့န့ၣ်လီၤ. ကစၢ်ယွၤဆိၣ်ဂ့ၤတ့ၢ်နၤထီဘိန့ၣ်လီၤ.

စံးထီၣ်ပတြၢၤ 89:6

အဂ့ၢ်ဒ်အံၤ, မ့ၢ်မတၤအိၣ်လၢမူခိၣ်လၢပက ထိၣ်သတြီၤအီၤဒီးယွၤန့ၣ်လဲၣ်. လၢပှၤမူခိၣ်ဖိတဖၣ်အကျါန့ၣ်, မ့ၢ်မတၤလီၤဂာ်ဒီးယွၤန့ၣ်လဲၣ်.

လံာ်တၢ်သးဝံၣ်တဖၣ်အတၢ်သးဝံၣ် 1:16

ယပှၤသးဘိဧၢ, နက့ၢ်နဂီၤတဖၣ်ဃံလၤဆံးဒိၣ်လဲၣ်, နမၤသးခုယၤဆံးဒိၣ်လဲၣ်, နီၣ်လါဟ့ကမ့ၢ်ပမံနီၤအလီၢ်,

လံာ်တၢ်သးဝံၣ်တဖၣ်အတၢ်သးဝံၣ် 1:2

နထးခိၣ်အတၢ်နၢမူတဖၣ်လုၣ်ဘၢယၤ, အဂ့ၢ်ဒ်အံၤ, နတၢ်အဲၣ်ဂ့ၤဒိၣ်န့ၢ်ဒံးစပံးထံတက့ၢ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:5

ဝ့ၢ်ယရူၤၡလ့ၣ်အဖိမုၣ်သ့ၣ်သုဧၢ, ယသူဘၣ်ဆၣ်ဒီးယဃံလၤယဲဒၣ် န့ၣ်လီၤ. ယသူဒ်ပှၤက့ဒၢ်ဖိအဒဲတဖၣ်လၢမဲးမုၢ်ခိၣ်, ဘၣ်ဆၣ်ဃံလၤယဲဒ်ယၣ်ဘျးသဒၢတဖၣ်, လၢစီၤၡလိၤမိၤအနူၢ်ပူၤအသိးန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 2:1

ယမ့ၢ်ဒၣ်ၡၤရိၣ်အဖီတၤဆှုၣ်အမံၤတဖီးလၢပှၢ်လၢ်ကျါ, ဒီးဖီဒ့ၣ်ညါတဖီးလၢကစၢၢ်အတၢ်တြီၤပူၤလီၤ.

လံာ်တၢ်သးဝံၣ်တဖၣ်အတၢ်သးဝံၣ် 2:16

ပှၤလၢယအဲၣ်အီၤတဂၤမ့ၢ်ယတၢ်ဒီးယမ့ၢ်အတၢ်လီၤ. အဝဲဒုးအီၣ်အသိမဲာ်တဲးလဲးအဖုအဂီၢ်အဆၣ်လၢဖီဒ့ၣ်ညါတဖၣ်အ ကျါ,

လံာ်တၢ်သးဝံၣ်တဖၣ်အတၢ်သးဝံၣ် 2:3

ဒ်သ့ၣ်ဖီသၣ်တထူၣ်အိၣ်လၢသ့ၣ်အဂၤတဖၣ်အကျါလၢပှၢ်ပူၤအသိးန့ၣ်, ပှၤလၢယအဲၣ်အီၤတဂၤဘၣ်တၢ်ပာ်သတြီၤအီၤဒီးပိာ်ခွါအဂၤတဖၣ် လီၤ. ယဆ့ၣ်နီၤလၢအကဒုအဖီလာ်ပှဲၤဒီးတၢ်သးခု, ဒီးအသၣ်တဖၣ်န့ၣ်ယအီၣ်ဝံၣ်ဒိၣ်မးလီၤ.

လံာ်တၢ်သးဝံၣ်တဖၣ်အတၢ်သးဝံၣ် 4:3

နနိးဖံးတဖၣ်မၤအသးဒ်သတိၢ်ပျံၤအဂီၤလုးတဘိအသိး, ဒီးဃံလၤဝဲဒိၣ်မးဖဲနကတိၤတၢ်အခါန့ၣ်လီၤ. နဘိးပၤတဖၣ်ဆဲးကပီၤထီၣ်လၢနနီၣ်ကျၢၢ်ဘၢမဲာ်အဖီလာ်, ဂီၤဝဲဒ်သ့ၣ်သလဲသၣ်လၢအသ့ၣ်ဖးတခီအသိးန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 6:3

ပှၤလၢယအဲၣ်မ့ၢ်ယတၢ်ဒီးယမ့ၢ်အတၢ် အဝဲဒုးအီၣ်အဆၣ်ဖိကီၢ်ဖိတဖၣ်အဆၣ်လၢဖီဒ့ၣ်ညါတဖၣ်အကျါန့ၣ် လီၤ.

လံာ်တၢ်သးဝံၣ်တဖၣ်အတၢ်သးဝံၣ် 7:9

ဒီးနကိာ်ပူၤလီၤဂာ်ဒ်စပံးထံအဂ့ၤကတၢၢ်အသိးန့ၣ်လီၤ. မ်စပံးထံယွၤလီၤန့ၢ်ယတၢ်အဲၣ်, ယွၤလီၤလၢအနိးဖံးဒီးအမဲအလိၤန့ၣ်တက့ၢ်.

လံာ်ယံးရမံယၤ 15:16

နကတိၤတ့ၢ်တၢ်ဒီးယၤ, ဒီးယဒိကနၣ်နတၢ်ကတိၤကိးထံၣ်ဒဲး န့ၣ်လီၤ. ယွၤ, သ့တၢ်လၢာ်ကစၢ်ယွၤဧၢ, ယဘၣ်ဃးဒီးနၤသတးဒီးနတၢ် ကတိၤတဖၣ်မၤပှဲၤယသးဒီးတၢ်သးခုဒီးတၢ်သူၣ်ဖှံသးညီန့ၣ်လီၤ.

လံာ်ယံးရမံယၤ 3:20

ဘၣ်ဆၣ်ဒီး, ဒ်မါတဂၤလၢအသးတတီဘၣ်အသိး, နတသးတီတ့ၢ်ဒီးယၤဘၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ဟိၤၡ့ 3:1

ယွၤစံးဘၣ်ယၤ, လဲၤကဒီးတက့ၢ်. ဒီးဒုးနဲၣ်နတၢ်အဲၣ်ဆူ ပိာ်မုၣ်တဂၤလၢအမၤတၢ်မၤကမၣ်မုၣ်ကမၣ်ခွါဒီးအတၢ်အဲၣ် တဂၤန့ၣ်တက့ၢ်. နဘၣ်အဲၣ်ဒံးဒၣ်အီၤဒ်ယအဲၣ်ကီၢ်အံၣ်စရ့လးအပှၤဂီၢ်မုၢ် ဖဲအဃၣ်ဃီၤအသးဆူကစၢ်အဂၤတဖၣ်ဒီးအဲၣ်ဒိးလဲၤစိာ်စပံးသၣ် အဃ့အတၢ်လုၢ်တဖၣ်ဆူတၢ်ဂီၤတၢ်ဖီၣ်တဖၣ်အအိၣ်အခါန့ၣ်လီၤ.

ကလၤတံ 2:20

လၢတၢ်န့ၣ်အဃိ, ပှၤလၢအမူဝဲခဲအံၤန့ၣ်, တမ့ၢ်လၢၤယၤဘၣ်, မ့မ့ၢ်ခရံာ်မ့ၢ်ပှၤလၢအမူဝဲလၢယပူၤလီၤ. တၢ်အိၣ်မူလၢယအိၣ်မူ ခဲကနံၣ်အံၤ, မ့ၢ်ယမူလၢတၢ်နာ်ဘၣ်ဃးဒီးကစၢ်ယွၤအဖိခွါလၢ အအဲၣ်ယၤဒီးဟ့ၣ်လီၤကွံာ်အသးသမူလၢယဂီၢ်တဂၤန့ၣ်အပူၤလီၤ.

ဖံလံးပံၤ 3:8

ဒီးတမ့ၢ်ထဲတၢ်သ့ၣ်တဖၣ်န့ၣ်ဘၣ်. ယပာ်တၢ်ခဲလၢာ်ဒ်အမ့ၢ်တၢ်လီၤမၢ်ကွံာ်လၢယဂီၢ်လၢာ်လၢာ် ဆ့ဆ့လၢတၢ်လၢအလုၢ်အပှ့ၤဒိၣ်န့ၢ်အန့ၣ်တက့ၢ်လၢအမ့ၢ် ဝဲတၢ်သ့ၣ်ညါယကစၢ်ယ့ၣ်ၡူးခရံာ်အဃိန့ၣ်လီၤ. လၢအဝဲဒၣ်အဃိယညိကွံာ်တၢ်ခဲလၢာ်, လၢယပာ်အီၤဒ်အမ့ၢ် တၢ်အိၣ်ဘျဲၣ်အိၣ်စဲၢ်တဂိာ်တသီၣ်, ဒ်သိးယကဒိးန့ၢ်ဘၣ်ခရံာ်,

ယၤကိာ် 2:23

ဒီးတၢ်ကွဲးအသးလၢအစံးဝဲ, “စီၤအၤဘြၤဟၣ်နာ်ကစၢ်ယွၤဒီးမ့ၢ်အတၢ်စူၢ်တၢ်နာ်အဃိ ဒီးကစၢ်ယွၤတူၢ်လိာ်အီၤဒ်ပှၤတီပှၤလိၤအသိး” အံၤလၢထီၣ်ပှဲၤထီၣ်ဝဲဒၣ်န့ၣ်လီၤ. ဒီးလၢတၢ်န့ၣ်အဃိ, စီၤအၤဘြၤဟၣ်ဘၣ်တၢ်ကိးအီၤလၢယွၤအတံၤသကိး န့ၣ်လီၤ.

ယၤကိာ် 4:4

ပှၤလၢအသးတတီဒီးကစၢ်ယွၤသ့ၣ်ဧၢ, မ့ၢ်သုတသ့ၣ်ညါဘၣ်လၢတၢ်ကဲဟီၣ်ခိၣ်အတံၤသကိး န့ၣ်အခီပညီမ့ၢ်တၢ်ကဲကစၢ်ယွၤအဒုၣ်အဒါန့ၣ်ဘၣ်ဧါ. ပှၤတဂၤဂ့ၤတဂၤဂ့ၤလၢသးအိၣ်ကဲဟီၣ်ခိၣ်အတံၤ သကိးန့ၣ်, ဒုးကဲထီၣ်အသးလၢကစၢ်ယွၤအဒုၣ်အဒါ တဖၣ်န့ၣ်လီၤ.