လံာ်တၢ်သးဝံၣ်တဖၣ်အတၢ်သးဝံၣ် 5:14 - Sgaw Karen Common Bible

¹⁴ အစုတဖၣ်အက့ၢ်အဂီၤဂ့ၤဒိၣ်မး ဒီးအဝဲသိးပသံးတဖၣ်လၢအအိၣ်ဒီးလၢၢ်လုၢ်ဒိၣ်ပှ့ၤဒိၣ်တဖၣ် လီၤ. အနီၢ်ခိလီၤဂာ်ဒ်ကဆီမဲအဘျ့လၢအဘၣ်တၢ်ကယၢကယဲအီၤ ဒီးတၢ်မျၢ်နံၤလါန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:14 Iomraidhean Croise

လံာ်စီၤယိၤဘး 28:16

ထူဧိၤလွဲဧိၤအဂ့ၤကတၢၢ်ဒီးတၢ်လုၢ်ဒိၣ်ပှ့ၤဒိၣ်တဖၣ်, ထိၣ်အလုၢ်အပှ့ၤထဲသိးဒီးအီၤတသ့ဘၣ်.

စံးထီၣ်ပတြၢၤ 99:4

စီၤပၤလၢအဂံၢ်ဆူၣ်ဘါဆူၣ်ဧၢ, နအဲၣ်တၢ်လၢအတီလီၤ နဒုးအိၣ်ထီၣ်တၢ်စံၣ်ညီၣ်တီလၢ ကီၢ်အံၣ်စရ့လးအပူၤ, နဟဲစိာ်တၢ်တီတၢ်လိၤဒီး တၢ်အဂ့ၤအဘၣ်လီၤ.

လံာ်တၢ်ဟးထီၣ်ကွံာ် 15:6

ယွၤဧၢ, နစုထွဲလီၤလးမးလၢတၢ်စိကမီၤအပူၤလီၤ. မၤဟးဂီၤဒုၣ်ဒါတဖၣ်တုၤအလီၤသဘှံးလီၤ.

လံာ်တၢ်ဟးထီၣ်ကွံာ် 24:10

ဒီးအဝဲသ့ၣ်ထံၣ်ပှၤအံၣ်စရ့လးဖိအကစၢ်ယွၤန့ၣ်လီၤ. လၢအခီၣ်ဖီလာ်န့ၣ်တၢ်လီၤဂာ်ဒီးတၢ်မျၢ်နံၤလါအိၣ်ဒါလီၤအသး, ဒီးလါအဲးဝဲဒ်မူကပိာ်လိၤအသိးန့ၣ်လီၤ.

လံာ်တၢ်ဟးထီၣ်ကွံာ် 28:18

ခံကျိၤတကျိၤန့ၣ်ပိာ်တၢ်မျၢ်ဂီၤတဖျၢၣ်, တၢ်မျၢ်နံၤလါတဖျၢၣ်, တၢ်မျၢ်ဆှံတဖျၢၣ်တက့ၢ်.

လံာ်တၢ်ဟးထီၣ်ကွံာ် 28:20

လွံၢ်ကျိၤတကျိၤန့ၣ်ပိာ်တၢ်မျၢ်ဟ့ဘီတဖျၢၣ်, တၢ်မျၢ်သူတဖျၢၣ်, တၢ်မျၢ်ဂီၤလုးတဖျၢၣ်တက့ၢ်. တၢ်မျၢ်ခဲလၢာ်အံၤကဘၣ်တၢ်ပိာ်ဝးတရံးအကနူၤလၢထူလီၤ.

လံာ်တၢ်ဟးထီၣ်ကွံာ် 39:13

ဒီးလွံၢ်ဂ့ၢ်တဂ့ၢ်န့ၣ်ထီထီၣ်ဝဲတၢ်မျၢ်လါဟ့တဖျၢၣ်, တၢ်မျၢ်မဟူယၤဂီၤတဖျၢၣ်ဒီးတၢ်မျၢ်နကၤသွဲးတဖျၢၣ်န့ၣ်လီၤ. ဒီးတၢ်မျၢ်တဖၣ်အံၤဘၣ်တၢ်ကွီၤအီၤလၢထူအကွီၤတဖၣ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 7:2

နဒ့မၤအသးဒ်လီခီတဖျၢၣ်, လၢစပံးထံနၢမူတဖၣ်တလီၤသံးနီတဘျီ အသိးန့ၣ်လီၤ. နဟၢဖၢမၤအသးဒ်ဘုကၠူၣ်တကဒိၣ်, လၢဖီဒ့ၣ်ညါတဖၣ်ကဝီၤဃာ်အီၤအသိးန့ၣ်လီၤ.

လံာ်ယၡါယၤ 52:13

ယွၤစံးဝဲ, “ယခ့ယပှၤကမၤန့ၢ်မၤနၢၤတၢ်လၢအတၢ်မၤအပူၤ, ဒီးအဝဲဒၣ်ကဘၣ်တၢ်မၤလၤကပီၤအီၤဒိၣ်ဒိၣ်ကလဲာ်ဒီးပာ်အီၤလၢ တၢ်စိတၢ်ကမီၤကိးမံၤဒဲးအဖီခိၣ်လီၤ.

လံာ်ယၡါယၤ 54:11

ယွၤစံးဝဲ, “အိ, ဝ့ၢ်ယရူၤၡလ့ၣ်, ဝ့ၢ်လၢဘၣ်တူၢ်တၢ်, မၤစၢၤလီၤအသးတသ့ဘၣ်, ဒီးပှၤကမၤမုာ်အသးတအိၣ်နီ တဂၤဘၣ်နဲဒၣ်ဧၢ, ယကသူၣ်ထီၣ်က့ၤနတၢ်အခီၣ်ထံးတဖၣ်လၢလၢၢ်လုၢ်ဒိၣ်ပှ့ၤဒိၣ်တဖၣ်လီၤ.

လံာ်ယၡါယၤ 9:7

အစီၤလိၣ်စီၤပၤအစိကမီၤကဒိၣ်ထီၣ်ကွ့ၢ်ကွ့ၢ် ဒီးအဘီအမုၢ်ကမုာ်ကခုၣ်ဝဲထီဘိန့ၣ်လီၤ. အဝဲကပၢတၢ်ဒ်ပှၤလၢအကထီၣ်စီၤပၤစီၤဒၤဝံးအလီၢ် တဂၤအသိး, အတၢ်စိတၢ်ကမီၤန့ၣ်ကသူၣ်ထီၣ်ဝဲလၢတၢ်တီတၢ်လိၤ ဒီးတၢ်စံၣ်ညီၣ်တီအဖီခိၣ်, စးထီၣ်ခဲအံၤတုၤတၢ်အစိၤကတၢၢ်န့ၣ်လီၤ. ယွၤ, သ့တၢ်လၢာ်ကစၢ်န့ၣ်, ပာ်လီၤအသးသပှၢ်တၢၢ်လၢကမၤတၢ်အံၤခဲ လၢာ်လီၤ.

လံာ်ယဃ့းစက့လး 1:16

လ့ၣ်ဖံဘၣ်လွံၢ်ခါလၢာ်အံၤလီၤဂာ်လိာ်အသးလီၤ. တခါစုာ်စုာ်ကပီၤထီၣ်ဝဲဒ်လၢၢ်လုၢ်ဒိၣ်ပှ့ၤဒိၣ်တဖျၢၣ်အသိး, ဒီးတခါစုာ်စုာ်လဲၤခီတူာ်လိာ်အသးလၢအဂၤတခါအပူၤ, မၤအသးဒ်လ့ၣ်ဖံဘၣ်တခါအိၣ်ဝဲလၢလ့ၣ်ဖံဘၣ်အဂၤတခါအပူၤ အသိး,

လံာ်ဒၤနံးယ့လး 10:6

အနီၢ်ခိကပီၤဒ်တၢ်မျၢ်အသိးလီၤ. အမဲာ်သၣ်ကပြုၢ်ကပြီၤ ဝဲဒ်လီဝၢ်ဒံးတခါအသိး, ဒီးအမဲာ်ချံတဖၣ်ကဲၤက ပျီၤဒ်မ့ၣ်အူအသိးလီၤ. အစုဒုၣ်တဖၣ်ဒီးအခီၣ် တဖၣ်ကပီၤဝဲဒ်တိၢ်ဘီထူးကပီၤသးအသိး, ဒီးအကလုၢ်သီၣ်ဒ်ပှၤ ဂီၢ်မုၢ်ဖးဒိၣ်သီၣ်တထြုးထီၣ်အသိးန့ၣ်လီၤ.