လံာ်တၢ်သးဝံၣ်တဖၣ်အတၢ်သးဝံၣ် 4:6 - Sgaw Karen Common Bible

⁶ ယကအိၣ်လၢမူရၣ်အတၢ်လူၢ်လၢအနၢမူဝဲအလိၤ တုၤလၢဂီၤခီအကလံၤဆှံဟဲအူထီၣ်ဝဲ, ဒီးတၢ်ခံးလီၤမၢ်ကွံာ် ဝဲန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 4:6 Iomraidhean Croise

စံးထီၣ်ပတြၢၤ 66:15

ယကလုၢ်ထီၣ် တၢ်လုၢ်မ့ၣ်အူလၢ ဆၣ်ဖိကီၢ်ဖိတဖၣ်ဆူနၤ, ဒီးတၢ်ဆိၣ်ကဲၤနၢမူဘၣ်ဃးဒီးသိဖါတဖၣ်, ယကလုၢ်ဂီၤဖံးဖါဒီးမဲာ်တဲးလဲးတဖၣ်လီၤ. စ့လၤ

လံာ်တၢ်ဟးထီၣ်ကွံာ် 20:24

မၤထီၣ်တၢ်လုၢ်လီၢ်တခါလၢဟီၣ်ခိၣ်လၢယဂီၢ်ဒီးလၢအဖီခိၣ်န့ၣ် လုၢ်ထီၣ်ပာ်ထီၣ်သုသိဒီးသုဂီၤဘုၣ်ဂီၤဖံးတဖၣ်ဒ်တၢ်လုၢ်မၤ ဃူမၤဖိးတဖၣ်လၢကဘၣ်တၢ်ဆူးကဲၤအီၤခဲလၢာ်န့ၣ်တက့ၢ်. လၢတၢ်လီၢ်ကိးပူၤဒဲးဖဲယပာ်လီၤဆီအီၤလၢသုဂီၢ်ဒ်သိးသု ကဘူၣ်ထီၣ်ဘါထီၣ်ယၤအလီၢ်န့ၣ်ယကဟဲဆူသုအိၣ်ဒီးဆိၣ်ဂ့ၤသုန့ၣ်လီၤ.

လံာ်တၢ်ဟးထီၣ်ကွံာ် 30:8

အဝဲကဘၣ်မၤဝဲဒ်န့ၣ်အသိးဖဲအဒွဲၣ်ကပီၤထီၣ်မ့ၣ်အူဒၢတဖၣ်လၢမုၢ်ဟါလီၤအကတီၢ်န့ၣ်လီၤ. တၢ်လုၢ်ထီၣ်တၢ်နၢမူအံၤကဘၣ်တၢ်မၤထွဲအီၤတဘိယူၢ်ဃီဒီးတၢ် မၤတံာ်တာ်အီၤတဘၣ်အိၣ်ဝဲနီတစုဘၣ်န့ၣ်လီၤ.

လံာ်တၢ်ဟးထီၣ်ကွံာ် 37:29

အဝဲမၤစ့ၢ်ကီးသိဖှူတၢ်စီဆှံဒီးတၢ်ဆိၣ်ကဲၤနၢမူအဆၢ, လၢအဃါဃုာ်အသးဒ်သိနၢမူအသိးန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 2:17

တုၤလီၤလၢမုၢ်ဂီၤအကလံၤဖိအူထီၣ်, ဒီးတၢ်ခံးတၢ်နၤဟါမၢ်ကွံာ်ဝဲဒၣ်န့ၣ်လီၤ. ဟဲက့ၤ, ယတၢ်အဲၣ်သးဘိဧၢ, ဒ်တၤဟိစဘံတဒုဒီးဒ်တၤဃီၤဖါသးစၢ်တဒုလၢလၢၢ်မုၢ်လ့တီ ကစၢၢ်လိၤအသိးတက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 3:6

တၢ်လၢအဟဲထီၣ်လၢပှၢ်မုၢ်ကနၢလီၤဂာ်ဒ်မ့ၣ်အူလုၣ်အထူၣ်တထူၣ်အ သိး, နၢမူဝဲဒီးမူရၣ်ဒီးလီၢ်ဘၣ်, တၢ်နၢမူလၢပှၤကၤတၢ်ဖိဆါဝဲတဖၣ်န့ၣ်, မ့ၢ်တၢ်မနုၤလဲၣ်.

လံာ်တၢ်သးဝံၣ်တဖၣ်အတၢ်သးဝံၣ် 4:14

ဖဲန့ၣ်, တၢ်နၢမူအကလုာ်ကလုာ်ဒ်, သ့ၣ်ဂီၤစုမ့ၣ်ဒီးသ့ၣ်နၢ်ဒး, သ့ၣ်နၢ်ဒးဒီးသ့ၣ်ကၢ်ကိၣ်, သ့ၣ်လီၢ်ဟ့ၣ်ဒီးသ့ၣ်ကဒါရါမ့တမ့ၢ် သ့ၣ်နၢမူအထူၣ်အဂၤတဖၣ်အိၣ်ဝဲလီၤ. မူရၣ်ဒီးအကၠီၣ်မဲထီၣ်ဝဲဒၣ်ဖဲန့ၣ်, အိၣ်ဒီးတၢ်နၢမူအဂ့ၤကတၢၢ်တဖၣ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 8:14

ယတၢ်အဲၣ်ဧၢ, ဟဲဆူယအိၣ်ဒ်တၤဟိစဘံတဒု, ဒ်တၤဟိဖါဖိတဒုအသိး, ဖဲကစၢၢ်တဖၣ်လၢသ့ၣ်နၢမူ အထူၣ်တဖၣ်မဲထီၣ်ဝဲအလိၤန့ၣ်တက့ၢ်.

လံာ်ယၡါယၤ 2:2

လၢမုၢ်နံၤလၢအကဟဲတဖၣ်အပူၤန့ၣ်, ကစၢၢ်လၢယွၤအတၢ်လုၢ်ဟံၣ်အိၣ်ဆၢထၢၣ်န့ၣ် ကမ့ၢ်ကစၢၢ်အထီကတၢၢ်လၢအကစီၤ ထီၣ်ဒိၣ်ဘၢကစၢၢ်ခဲလၢာ်န့ၣ်လီၤ. ပှၤကလုာ်တဖၣ်ကဟဲယွၤနုာ်လီၤဝဲဆူအအိၣ်,

လံာ်မၤလကံ 1:11

ပှၤဂီၢ်မုၢ်လၢမုၢ်ထီၣ်တခီပၢၢ်တုၤလၢမုၢ်နုာ်တခီမၤလၤကပီၤယၤလီၤ. ဒီးအဝဲသ့ၣ်ကဆိၣ်ကဲၤတၢ်နၢမူလၢယဂီၢ်လၢတၢ်လီၢ်ကိးပူၤဒဲးဒီး ကလုၢ်တၢ်လုၢ်ကဆှီလၢယဂီၢ်လီၤ. အဝဲသ့ၣ်ခဲလၢာ်မၤလၤကပီၤယၤလီၤ.

လံာ်မၤလကံ 4:2

မ့မ့ၢ်သုဝဲ, ပှၤလၢအစူၢ်ယၤန့ၣ်, ယတၢ်အုၣ်က့ၤခီၣ်က့ၤအစိကမီၤ ကအိၣ်ထီၣ်လၢသုဖီခိၣ်ဒ်မုၢ်အသိးဒီးကဟဲစိာ်တၢ်မၤဘျါ က့ၤဒ်မုၢ်အတၢ်ကပီၤအယဲၤတဖၣ်အသိးန့ၣ်လီၤ. ဒီးသုကထူၣ်ဖျဲးဒီးသးဖှံဒ်ဂီၤ ဖံးဖိတဖၣ်လၢအဘၣ်တၢ်ပျၢ်ကွံာ်အီၤလၢအကရၢၢ်အသိးန့ၣ်လီၤ.

လံာ်လူၤကၣ် 1:78

ပကစၢ်ယွၤမ့ၢ်ပှၤလၢ အသူၣ်ကညီၤသးကညီၤတၢ်လီၤ. အဝဲဒၣ်ကပျဲတၢ်အုၣ်က့ၤခီၣ်က့ၤအမုၢ်ဆ့ၣ်ဟဲဝါထီၣ် လၢပဖီခိၣ်ကပြုၢ်ကပြီၤ,

၂ ပ့းတရူး 1:19

လၢတၢ်န့ၣ်အဃိ, တၢ်ကစီၣ်လၢဝံတဖၣ်တဲဖျါထီၣ်ဝဲဒၣ်န့ၣ်, လီၤတံၢ်လၢပဂီၢ်ဒိၣ်န့ၢ်အလီၢ်တက့ၢ်လီၤ. သုဂ့ၤပာ်သူၣ်ပာ်သး လၢတၢ်ကစီၣ်အံၤလၢအလီၤဂာ်ဒီးမ့ၣ်အူဒၢကပီၤထီၣ်လၢတၢ် ခံးကျါတုၤလီၤလၢမုၢ်ဆ့ၣ်ထီၣ်ဒီးဆၣ်တူၢ်ဂီၤအတၢ်ကပီၤ ကပီၤထီၣ်လၢသုသးကံၢ်ပူၤတစုန့ၣ်လီၤ.

၁ ယိၤဟၣ် 2:8

ဘၣ်ဆၣ်သနာ်က့, တၢ်မၤလိာ်လၢယကွဲးန့ၢ်သုခဲအံၤမ့ၢ်တၢ် အသီ, အဂ့ၢ်ဒ်အံၤ အတၢ်မ့ၢ်တၢ်တီဘၣ်တၢ်ထံၣ်န့ၢ်အီၤလၢ ခရံာ်အပူၤဒီးလၢသုပူၤစ့ၢ်ကီးလီၤ. အဂ့ၢ်မ့ၢ်လၢ, တၢ်ခံးတၢ်နၤလဲၤပူၤကွံာ်ဝဲ ဒီးတၢ်ကပီၤနီၢ်နီၢ်ကပီၤထီၣ်ဝဲလံ န့ၣ်လီၤ.

လံာ်လီၣ်ဖျါ 22:16

“ယၤ, ယ့ၣ်ၡူး, ယဆှၢလီၤယဲယကလူးဒ်သိးအကဘိးဘၣ်သ့ၣ်ညါ သုဘၣ်ဃးတၢ်သ့ၣ်တဖၣ်အံၤလၢတၢ်အိၣ်ဖှိၣ်တဖၣ်အပူၤလီၤ. ယဟဲလီၤစၢၤယဲဒၣ်လၢစီၤဒၤဝံးအဒူၣ်အထၢ, ယမ့ၢ်ဆၣ်တူၢ်ဂီၤလၢအကပြုၢ်ကပြီၤတဖျၢၣ်န့ၣ်လီၤ.”

လံာ်လီၣ်ဖျါ 5:8

ဖဲအမၤဝဲဒ်န့ၣ်န့ၣ်, တၢ်အသးသမူအိၣ်လွံၢ်ဒုဒီးပှၤသူၣ်က့သး ပှၢ်ခံဆံလွံၢ်ဂၤထိၣ်လီၤပှီၤအသးလၢသိဖိအမဲာ်ညါလီၤ. အဝဲသ့ၣ်တဒုဘၣ်တဒု, တဂၤဘၣ်တဂၤအိၣ်ဒီးတနၢ်တဆိဒီးသလၢထူတဖၣ်လၢ အပှဲၤဒီးတၢ်နၢမူနၢဆှီ, လၢအမ့ၢ်ကစၢ်ယွၤအပှၤဂီၢ်မုၢ်အတၢ်ထုကဖၣ်တဖၣ်န့ၣ်လီၤ.